လံာ်ဒၤနံးယ့လး 8:13 - Sgaw Karen Common Bible

¹³ အန့ၣ်ဝံၤဒီး, ယနၢ်ဟူတ့ၢ်မူခိၣ်ကလူးတဂၤသံကွၢ်အဂၤတဂၤ, “မ့ၢ်တၢ်တဖၣ်အံၤလၢတၢ်ထံၣ်အီၤလၢညါခီအပူၤန့ၣ်ကမၤ ဒံးအသးဆူညါဆံးယံာ်လဲၣ်. မ့ၢ်တၢ်ဒဲးဘးလီၤပျံၤလီၤဖုး နးမးတမံၤဟံးန့ၢ်တၢ်လုၢ်တၢ်ပာ်ကိးနံၤဒဲးအလီၢ်အံၤကယံာ် ဒံးဆံးယံာ်လဲၣ်. မ့ၢ်မူခိၣ်အသုးမုၢ်ဒီးတၢ်လုၢ်ဟံၣ်ကဘၣ်တၢ် ယီၢ်တံၢ်အီၤဆံးယံာ်ဒံးလဲၣ်.”

လံာ်ဒၤနံးယ့လး 8:13 Iomraidhean Croise

စံးထီၣ်ပတြၢၤ 74:10

ကစၢ်ယွၤဧၢ, ပဒုၣ်ပဒါသ့ၣ်တဖၣ် ကနံၤဘၣ်ဖၣ်လဲနၤဆံးယံာ်လဲၣ်. မ့ၢ်အဝဲသ့ၣ်ကကတိၤတရီတပါနမံၤထီဘိဧါ.

စံးထီၣ်ပတြၢၤ 74:9

ပတထံၣ်ဘၣ်ပတၢ်ပနီၣ်စီဆှံတဖၣ်လၢၤဘၣ်, ဝံတအိၣ်လၢၤနီတဂၤဘၣ်, ဒီးတၢ်အံၤကယံာ်ဆံးယံာ်လဲၣ်န့ၣ် ပှၤလၢပကျါတသ့ၣ်ညါနီတဂၤဘၣ်.

စံးထီၣ်ပတြၢၤ 79:5

ယွၤဧၢ, မ့ၢ်နကသးထီၣ်ပှၤလီၤထူလီၤယိာ်ဧါ. မ့ၢ်နတၢ်သးထီၣ်ကအီၣ်တၢ်ဒ် မ့ၣ်အူအသိးဆူညါဒံးဧါ.

လံာ်ယၡါယၤ 28:18

တၢ်အၢၣ်လီၤအီလီၤလၢသုမၤဒီးတၢ်သံကဘၣ်တၢ်မၤဟးဂီၤ ကွံာ်, ဒီးသုတၢ်သးလီၤပလိာ်ဒီးပှၤသံတဖၣ်အကီၢ်ကဘၣ် တၢ်တြူာ်ကွံာ်အီၤလီၤ. ဖဲတၢ်တတၢးတနါဟဲခီဂာ်တၢ်ဒီး, သုကဘၣ်တၢ်မၤနၢၤမၤဃၣ်သုလီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယၡါယၤ 63:18

ပဝဲနပှၤဂီၢ်မုၢ်, ဘၣ်တၢ်နီၣ်ဟးထီၣ်ကွံာ်အီၤလၢပဒုၣ်ပဒါတဖၣ် တစိၢ်တလီၢ်, အဝဲသ့ၣ်ယီၢ်တံၢ်လီၤနတၢ်လီၢ်စီဆှံလီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 12:10

ပှၤတခီဘီမုၢ်ဖိအါဂၤမၤဟးဂီၤကွံာ်ယစပံးအလီၢ်လံ. အဝဲသ့ၣ်ယီၢ်တံၢ်လီၤယစံာ်ပျီတဖၣ်လံ. ဒီးအဝဲသ့ၣ်ဒုးကဲထီၣ်ယထံကီၢ်လၢအဃံလၤန့ၣ်ဆူမဲးမုၢ်ခိၣ်တတီၤလံ.

လံာ်ဒၤနံးယ့လး 11:31

အပှၤသုးဖိတနီၤကမၤဘၣ်အၢတၢ်လုၢ်ဟံၣ်ဒီးတၢ်ဘူၣ်တၢ်ဘါအလုၢ်အလၢ်လီၤ. ကဆိကတီၢ်ကွံာ်တၢ်လုၢ်တၢ်ပာ်ကိးနံၤဒဲး ဒီးပာ်ထီၣ်တၢ်လီၤပျံၤလီၤဖုးလၢအလီၤသး ဘၣ်အၢဒိၣ်ဒိၣ်ကလဲာ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်ဒၤနံးယ့လး 12:11

“စးထီၣ်လၢတၢ်လုၢ်တၢ်ပာ်ကိးနံၤဒဲးတဖၣ်ဆိကတီၢ်အသးန့ၣ်, ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ် ဘၣ်တၢ်ပာ်ထီၣ်အီၤန့ၣ်မုၢ်နံၤတဖၣ်ကပူၤကွံာ်ဝဲအနံၤတကထိ ခံကယၤခွံဆံန့ၣ်လီၤ.

လံာ်ဒၤနံးယ့လး 12:8

ယနၢ်ဟူတ့ၢ်တၢ်လၢအစံးဝဲတဖၣ်လီၤ. ဘၣ်ဆၣ်ဒီးယတနၢ် ပၢၢ်အီၤဘၣ်. ဒီးယသံကွၢ်, “တၢ်ဒိၣ်ဧၢ, တၢ်ခဲလၢာ်န့ၣ် ကကတၢၢ်ဝဲဒ်လဲၣ်.”

လံာ်ဒၤနံးယ့လး 4:10

ဖဲလၢယမံသပ့ၤဘၣ်ယသးန့ၣ်ယထံၣ်တ့ၢ်တၢ်လၢညါခီတမံၤ, ဒီးကွၢ်ကွၢ်, သ့ၣ်ဖးဒိၣ်တထံးအိၣ်ဝဲလၢဟီၣ်ခိၣ်အခၢၣ်သးန့ၣ်လီၤ.

လံာ်ဒၤနံးယ့လး 4:13

ဖဲယဆိကမိၣ်တၢ်ထံၣ်လၢညါခီတမံၤန့ၣ်အဂ့ၢ်အဖၢမုၢ်ယထံၣ်ဘၣ် ကလူးဟဲလီၤလၢမူခိၣ်တဂၤလၢအအိၣ်ဒီးတၢ်သူၣ်ပ့ၢ်သးဆှါ ဒီးတၢ်မဲာ်စီၣ်နါစီၣ်န့ၣ်လီၤ.

လံာ်ဒၤနံးယ့လး 4:23

နဲဒၣ်စီၤပၤထံၣ်ဘၣ်ကလူးဟဲလီၤလၢမူခိၣ်တဂၤလၢအအိၣ်ဒီး တၢ်သူၣ်ပ့ၢ်သးဆှါဒီးတၢ်မဲာ်စီၣ်နါစီၣ်စံးဝဲဒၣ်, ကူာ်လီၤကွံာ် သ့ၣ်တထံးန့ၣ်ဒီးမၤဟးဂီၤကွံာ်အီၤတက့ၢ်. မ့မ့ၢ်အခိၣ်ဆၢၣ်အိၣ်ဒီးအ ဂံၢ်တဖၣ်လၢဟီၣ်ခိၣ်လာ်န့ၣ်စၢဃးအီၤလၢထးသွဲဒီးတိၢ်ဘီအပျံၤဒီးပာ်တ့ၢ် အီၤလၢတပံၢ်တမါတဖၣ်အကျါလၢပျီပူၤတက့ၢ်. ပှၤတဂၤန့ၣ် ကဘၣ်စီၣ်ဒၣ်ဝဲလၢမူခိၣ်အပစီၤထံဒီးမ်အအိၣ်ဒၣ်ဝဲလၢ ဆၣ်ဖိကီၢ်ဖိတဖၣ်အသိးအကျါတုၤအယံာ်နွံနံၣ်တက့ၢ်န့ၣ်,’

လံာ်ဒၤနံးယ့လး 7:16

ယလဲၤဃီၤဆူပှၤဆၢထၢၣ်ဖဲအလီၢ်န့ၣ်တဖၣ်အကျါတဂၤ အအိၣ်ဒီးယသံကွၢ်အီၤတၢ်မ့ၢ်တၢ်တီဘၣ်ဃးဒီးတၢ်ခဲလၢာ် အံၤန့ၣ်လီၤ. မၤသးဒ်န့ၣ်ဒီး, အဝဲတဲဘၣ်ယၤလၢတၢ်ဂ့ၢ်တဖၣ် န့ၣ်အခီပညီန့ၣ်လီၤ.

လံာ်ဒၤနံးယ့လး 7:23

အအံၤမ့ၢ်တၢ်တဲဖျါကျိးထံတၢ်လၢဘၣ်တၢ်ဟ့ၣ်လီၤယၤန့ၣ်လီၤ. “ဆၣ်ဖိကီၢ်ဖိအၢအၢသီသီလွံၢ်ဒုတဒုန့ၣ်မ့ၢ်ဝဲဘီမုၢ်လွံၢ်ဘ့ၣ် တဘ့ၣ်လၢအကအိၣ်ထီၣ်လၢဟီၣ်ခိၣ်ချၢဒီးကလီၤဆီန့ၢ်ဘီမုၢ် အဂၤတဖၣ်ခဲလၢာ်န့ၣ်လီၤ. ကမၤလီၤကလဲကွံာ်ဟီၣ်ခိၣ်ဒီဘ့ၣ် ညါဒီးယီၢ်တံၢ်ကွံာ်အီၤန့ၣ်လီၤ.

လံာ်ဒၤနံးယ့လး 9:27

ပှၤပၢတၢ်တဂၤန့ၣ်ကမၤတၢ်အၢၣ်လီၤအီလီၤအဂၢၢ်အကျၢၤ ဃုာ်ဒီးအပှၤအါဂၤလၢနွံနံၣ်အတီၢ်ပူၤန့ၣ်လီၤ. ဖဲနွံနံၣ်အကတီၢ်အံၤအဖးဖီနံၣ်ပူၤကွံာ် ဒီးကဆိကတီၢ်ကွံာ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဘူၣ်တဖၣ်န့ၣ်လီၤ. ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်က လဲာ်ကဘၣ်တၢ်ပာ်ထီၣ်အီၤလၢတၢ်လုၢ်ဟံၣ်အပျိာ်အထီ ကတၢၢ်ဒီးကအိၣ်ဖဲန့ၣ်တုၤပှၤလၢအပာ်ထီၣ်အီၤဖဲန့ၣ် တဂၤန့ၣ်ဘၣ်သဂၢၢ်အမုၢ်နံၤလၢခံကတၢၢ်လၢကစၢ် ယွၤကတဲာ်ကတီၤပာ်စၢၤလၢအဂီၢ်န့ၣ်လီၤ.”

လံာ်စကၤရယၤ 1:19

ယသံကွၢ်ကလူးတဂၤလၢအကတိၤတ့ၢ်လံတၢ်ဒီးယၤ, “တၢ်အနၢၤတဖၣ်အံၤအခီပညီမ့ၢ်ဒ်လဲၣ်.” အဝဲဒၣ်စံးဆၢယၤ, “အဝဲသ့ၣ်တဖၣ်အံၤပာ်ဖျါထီၣ်ဟီၣ်ခိၣ်တၢ်စိတၢ်ကမီၤတဖၣ်လၢ အမၤလီၤပြံလီၤပြါတ့ၢ်ကီၢ်ယူဒၤ, ကီၢ်အံၣ်စရ့လးဒီးဝ့ၢ်ယရူၤရှလ့ၣ်အပှၤဂီၢ်မုၢ်န့ၣ်လီၤ.”

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.

လံာ်လူၤကၣ် 10:22

ယပၢ်ဟ့ၣ်လီၤလံယၤလၢတၢ်ကိးမံၤဒဲးလံ. ဖိခွါမ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ထဲပၢ်တဂၤဧိၤလီၤ. ဒီးပၢ်မ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ဝဲထဲဖိခွါဒီးပှၤသ့ၣ်တဖၣ်လၢဖိခွါသးအိၣ် ပာ်ဖျါထီၣ်ပၢ်လၢအီၤန့ၣ်လီၤ.”

လံာ်လူၤကၣ် 21:20

ဖဲသုထံၣ်ဝ့ၢ်ယရူၤၡလ့ၣ်ဘၣ်တၢ်ကဝီၤဃာ်အီၤလၢသုးမုၢ်သံၣ်ဘိ တဖၣ်လံန့ၣ်, သုကဘၣ်သ့ၣ်ညါလၢတယံာ်ဘၣ်ဒီးအဝဲဒၣ်ကဘၣ်တၢ်မၤဟးဂီၤ အီၤန့ၣ်လီၤ.

လံာ်လူၤကၣ် 21:24

အဝဲသ့ၣ်တနီၤကဘၣ်တၢ်မၤသံအီၤလၢနး, ဒီးပှၤအဂၤတဖၣ်ကဘၣ်တၢ်စိာ်ထီၣ်ကွံာ်အီၤဒ် ပှၤဃိာ်ဖိတဖၣ်အသိးဆူထံကီၢ်ကိးဘ့ၣ်ဒဲး, ဒီးပှၤကလုာ်ဂၤတဖၣ်ကယီၢ်တံၢ်ဝ့ၢ်ယရူၤၡလ့ၣ်တုၤလၢ အဝဲသ့ၣ်အဆၢကတီၢ်ပှဲၤထီၣ်တစုလီၤ.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

ဧ့ၤဘြံၤ 10:29

မ့မ့ၢ်ဒ်န့ၣ်ဒီးပှၤလၢအကွၢ်တလီၤကစၢ်ယွၤအဖိခွါ, ဒီးတပာ်လုၢ်ပာ်ပှ့ၤဘၣ်ကစၢ်ယွၤအတၢ်အၢၣ်လီၤအီလီၤလၢ အမ့ၢ်ယ့ၣ်ၡူးခရံာ်အသွံၣ်လၢအမၤကဆှီထီၣ်အီၤလၢအတၢ် ဒဲးဘး, ဒီးကတိၤဒုၣ်ဒွဲၣ်ယွၤအသးလၢအလၢပှဲၤဒီးတၢ်ဘျုး တၢ်ဖှိၣ်တဂၤန့ၣ်, ကြၢးဒိးဘၣ်တၢ်စံၣ်ညီၣ်ဃၣ်အီၤနးန့ၢ်အန့ၣ် တက့ၢ်ဆံးဒိၣ်လဲၣ်.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

ယူဒၤ 1:14

စီၤဃနိာ်လၢအဟဲလီၤစၢၤလိၤလိၤလၢစီၤအၤဒၣ်နွံစိၤတစိၤ တဂၤကတိၤဆိပာ်တၢ်အံၤလၢအဝဲသ့ၣ်အဂ့ၢ်ယံာ်တ့ၢ်လံ ဒီးစံးဝဲ, “ကစၢ်ကဟဲဒီးအကလူးစီဆှံလၢအကထိတဖၣ် အကထိ,

လံာ်လီၣ်ဖျါ 11:2

မ့မ့ၢ်ဂၢၤလၢအချၢတကပၤန့ၣ်, တဘၣ်ထိၣ်ကွၢ်အီၤတဂ့ၤ, အဂ့ၢ်ဒ်အံၤ, အဝဲသ့ၣ်ဘၣ်တၢ်ဟ့ၣ်လီၤတ့ၢ်အီၤဆူပှၤကလုာ်ဂၤ တဖၣ်လၢအကယီၢ်တံၢ်ဝ့ၢ်စီဆှံတဖျၢၣ်န့ၣ်လၢလွံၢ်ဆံခံလါ အတီၢ်ပူၤလီၤ.

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”

လံာ်ပှၤစံၣ်ညီၣ်ကွီၢ် 13:18

ကလူးန့ၣ်သံကွၢ်ဝဲဒၣ်, “ဘၣ်မနုၤလၢနအဲၣ်ဒိးသ့ၣ်ညါယမံၤလဲၣ်. တၢ်န့ၣ်မ့ၢ်မံၤတဖျၢၣ်လၢတၢ်လီၤလးအပူၤလီၤ.”