လံာ်ဒၤနံးယ့လး 7:9 - Sgaw Karen Common Bible

⁹ ဒီးဖဲယကွၢ်တၢ်အဖၢမုၢ်န့ၣ်, လီၢ်ပစိာ်တဖၣ်ဘၣ်တၢ်ကျဲၤလီၤ ပာ်လီၤအီၤန့ၣ်လီၤ. ပှၤတဂၤလၢအအိၣ်မူတ့ၢ်ဝဲဒၣ်အထူအယိာ် န့ၣ်ဆ့ၣ်နီၤဝဲလၢလီၢ်ပစိာ်တဖၣ်အကျါတဖျၢၣ်အလိၤန့ၣ်လီၤ. အဝဲအတၢ်ကူတၢ်သိးတဖၣ်ဝါဝဲဒၣ်ဒ်မူခိၣ်ဖီအသိးဒီးအခိၣ် သူလီၤဂာ်ဒ်သိဆူၣ်လၢအကဆှီမးန့ၣ်လီၤ. အဝဲအလီၢ်ပစိာ်န့ၣ်ဆီလီၤအသးလၢလ့ၣ်ဖံဘၣ်မ့ၣ်အူတဖၣ်အလိၤ, ဒီးကဲၤကပျီၤလၢမ့ၣ်အူလီၤ.

လံာ်ဒၤနံးယ့လး 7:9 Iomraidhean Croise

လံာ်စီၤပၤအခီၣ်ထံးတဘ့ၣ် 22:19

စီၤမံၤကါယၤစံးအါထီၣ်ကဒီးဝဲ, “ခဲအံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်တ့ၢ်ယွၤဆ့ၣ်နီၤဝဲလၢအလီၢ်ပစိာ်အဖီခိၣ်လၢမူခိၣ်, အိၣ်ဒီးကယဲၢ်ကလူးခဲလၢာ်ဆၢထၢၣ်လၢအကပၤလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:18

စီၤမံၤကါယၤစံးအါထီၣ်ဝဲ, “ခဲကနံၣ်အံၤဒိကနၣ်တၢ်လၢယွၤ စံးဝဲန့ၣ်တက့ၢ်. ယထံၣ်ဘၣ်ယွၤဆ့ၣ်နီၤလၢအလီၢ်ပစိာ်အဖီခိၣ်လၢမူ ခိၣ်, အိၣ်ဒီးအကလူးတဖၣ်ဆၢထၢၣ်လၢအကပၤန့ၣ်လီၤ.

စံးထီၣ်ပတြၢၤ 45:8

နကူနသိးတဖၣ်နၢမူဝဲဒီးမူရၣ်, အကၠီၣ်ဒီးကဒါနါန့ၣ်လီၤ. သီတူၢ်တနၢ်တဖၣ်မၤသးခုနၤလၢ နီကဆီမဲအပူၤန့ၣ်လီၤ.

စံးထီၣ်ပတြၢၤ 90:2

တချုးလၢကစၢၢ်ကလိအိၣ်ထီၣ်ဒံးဘၣ်, မ့တမ့ၢ်တချုးလၢနဒုးအိၣ်ထီၣ်ဟီၣ်ခိၣ်ဒံးဘၣ်န့ၣ်, နမ့ၢ်ကစၢ်ယွၤအစိၤစိၤအဃၣ်ဃၣ်ဒီး နကမ့ၢ်ဒံးနဲလီၤစိၤထီလီၤ.

စံးထီၣ်ပတြၢၤ 93:2

ယွၤဧၢ, နလီၢ်ပစိာ်အိၣ်ဂၢၢ်ဆိးကျၢၤတ့ၢ်လံလၢ အခီၣ်ထံးလံၤလံၤ ဒီးနအိၣ်တ့ၢ်လံနဲလၢပျၢၤလၢကစၢၤ လီၤထူလီၤယိာ်န့ၣ်လီၤ.

လံာ်ယၡါယၤ 6:1

လၢစီၤပၤဧူးစံယါသံဝဲအနံၣ်န့ၣ်, ယထံၣ်ဘၣ်ယွၤလီၤ. အဝဲဆ့ၣ်နီၤဝဲလၢအလီၢ်ပစိာ်အဖီခိၣ်, အိၣ်ထီၣ်ထီဝဲဒီးတၢ်ပာ် ထီၣ်ထီအီၤ, ဒီးအဆ့ကၤဖးဒိၣ်မၤပှဲၤတၢ်လုၢ်ဟံၣ်ဒီဖျၢၣ်လီၤ.

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်ယံးရမံယၤ 49:38

ယကမၤဟးဂီၤအဝဲသ့ၣ်အစီၤပၤတဖၣ်ဒီး အခိၣ်အနၢ် တဖၣ်ဒီး ယကပာ်လီၤယလီၢ်ပစိာ်ဖဲန့ၣ်လီၤ.

လံာ်ယဃ့းစက့လး 1:26

လၢတၢ်အခိၣ်ဖျၢၣ်သလၢၣ်အဖီခိၣ်န့ၣ်, တၢ်အိၣ်ဝဲတမံၤလၢ အဖျါလီၤဂာ်ဒီးလီၢ်ပစိာ်တခါလၢအဘၣ်တၢ်မၤအီၤ လၢတၢ်မျၢ်နံၤလါအဲး, ဒီးတၢ်အက့ၢ်အဂီၤတမံၤလၢအလီၤဂာ်ဒီးပှၤကညီတဂၤဆ့ၣ်နီၤဝဲ လၢလီၢ်ပစိာ်န့ၣ်အဖီခိၣ်လီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်ဒၤနံးယ့လး 7:22

အန့ၣ်ဝံၤဒီးပှၤတဂၤလၢအအိၣ်မူတ့ၢ်ဝဲဒၣ်အထူအယိာ်ဟဲထီၣ် ဝဲဒီးကတိၤသတြီထီၣ်တၢ်စံၣ်ညီၣ်ကွၢ်မဲာ်မၤဘျုးတၢ်ထီက တၢၢ်ကစၢ်ယွၤအပှၤဂီၢ်မုၢ်တဖၣ်န့ၣ်လီၤ. တၢ်ဆၢကတီၢ် ဟဲတုၤတ့ၢ်ဝဲလၢကစၢ်ယွၤအပှၤဂီၢ်မုၢ်ကဒိးန့ၢ်ဘၣ်စီၤလိၣ်စီၤ ပၤအစိကမီၤန့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်မးသဲ 17:2

ဒီးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါ, ဒီးအမဲာ်သၣ်ကပီၤဝဲဒ်မုၢ်အသိး, ဒီးအဆ့ကၤဝါဝဲဒ်တၢ်ကပီၤအသိးလီၤ.

လံာ်မးသဲ 28:3

ကလူးအံၤအမဲာ်မၤအသးဒ်လီဝၢ်ဒံးအသိး, ဒီးအကူအသိးတဖၣ်ဝါဝဲဒ်မူခိၣ်ဖီအသိးန့ၣ်လီၤ.

လံာ်မၢ်ကူး 9:3

အဝဲအတၢ်ကူတၢ်ကၤတဖၣ်ဝါထီၣ်ကပြုၢ်ကပြီၤဝဲ, အါန့ၢ်ဒံးပှၤဆှုၣ်တၢ်ဖိလၢအဆှုၣ်တၢ်ဝါကတၢၢ်လၢဟီၣ်ခိၣ် ချၢမၤဝဲသ့တက့ၢ်န့ၣ်လီၤ.

မၤတၢ် 2:30

ဒ်အဝဲမ့ၢ်တ့ၢ်ဝံတဂၤအသိး, အဝဲသ့ၣ်ညါတၢ်လၢကစၢ်ယွၤအၢၣ်လီၤတ့ၢ်အီၤလၢအကမၤဝဲလၢ အဂီၢ်န့ၣ်လီၤ. ကစၢ်ယွၤမၤတၢ်အၢၣ်လီၤအီလီၤဒီးအီၤလၢ အကဒုးကဲထီၣ်အစၢၤအသွဲၣ်တဂၤလၢစီၤပၤ, ဒ်အဝဲကဲဘၣ်ဝဲအသိးန့ၣ်လီၤ.

မၤတၢ် 2:33

အဝဲဒၣ်ဘၣ်တၢ်ပာ်ထီၣ်ထီအီၤလၢပၢ်ကစၢ်ယွၤအစုထွဲတကပၤ, ဒီးဒိးန့ၢ်သးစီဆှံလၢအအိၣ်ဒ်အအၢၣ်လီၤအီလီၤတ့ၢ်ဝဲအသိး န့ၣ်လီၤ. ဒီးတၢ်လၢသုထံၣ်ဘၣ်ဒီးနၢ်ဟူဘၣ်ခဲကနံၣ်အံၤ, မ့ၢ်ယ့ၣ်ၡူးအတၢ်ဟ့ၣ်လၢအလူလီၤဂၢ်လီၤဝဲလၢပလိၤန့ၣ်လီၤ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

၁ ယိၤဟၣ် 1:5

တၢ်ကစီၣ်လၢပနၢ်ဟူဘၣ်တ့ၢ်လံလၢအဖိခွါအအိၣ်ဒီးစံးဘၣ် တဲဘၣ်တ့ၢ်လံသုမ့ၢ်အအံၤ, ကစၢ်ယွၤမ့ၢ်တၢ်ကပီၤ ဒီးတၢ်ခံးတၢ်နၤတအိၣ်လၢအပူၤလ့ၤတက့ၤဘၣ်.

လံာ်လီၣ်ဖျါ 1:14

အဝဲဒၣ်အခိၣ်သူဝါဝဲဒ်သိဆူၣ်, မ့တမ့ၢ်ဒ်မူခိၣ်ဖီဒီးအမဲာ်ချံတဖၣ်ကဲၤကပီၤဝဲဒ်မ့ၣ်အူလၣ်အသိး,

လံာ်လီၣ်ဖျါ 19:18

ဟဲဒီးအီၣ်စီၤပၤတဖၣ်, သုးခိၣ်ဖးဒိၣ်တဖၣ်, ဒီးသုးဖိတဖၣ် အဖံးအညၣ်, ကသ့ၣ်တဖၣ်ဒီးပှၤလၢအဒိးအီၤတဖၣ်အဖံး အညၣ်, ပှၤခဲလၢာ်, ကုၢ်မ့ၢ်ဂ့ၤပှၤသဘျ့မ့ၢ်ဂ့ၤ, အဒိၣ်မ့ၢ်ဂ့ၤအဆံးမ့ၢ်ဂ့ၤအဖံးအညၣ်န့ၣ်တက့ၢ်.”

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 4:2

တဘျီဃီဖဲန့ၣ်, ယွၤအသးပၢၤဃာ်ယၤလီၤ. လၢမူခိၣ်န့ၣ်, လီၢ်ပစိာ်အိၣ်ဝဲဒၣ်တဖျၢၣ်, ဒီးပှၤတဂၤဆ့ၣ်နီၤလၢအလိၤလီၤ.