လံာ်ဒၤနံးယ့လး 7:4 - Sgaw Karen Common Bible

⁴ အခီၣ်ထံးတဒုလီၤဂာ်ဒီးခ့ယုၢ်တဒု, ဘၣ်ဆၣ်အိၣ်ဒီးအဒံးဆ့ တဖၣ်ဒ်လံာ်ကြီကြာ်တဘ့ၣ်အသိးန့ၣ်လီၤ. ဖဲယခိးကွၢ်တၢ်အဖၢမုၢ်န့ၣ်အဒံးတဖၣ်ယာ်ဖျ့ကွံာ်ခဲလၢာ် လီၤ. ဒီးဆၣ်ဖိကီၢ်ဖိအၢအၢသီသီန့ၣ်ဘၣ်တၢ်ဝံၢ်ထီၣ် အီၤဒီးဒုးဆၢထၢၣ်အီၤဒ်ပှၤကညီတဂၤအသိးန့ၣ်လီၤ. အန့ၣ်ဝံၤဒီးဘၣ်တၢ်ဟ့ၣ်လီၤအီၤလၢပှၤကညီအသးန့ၣ်လီၤ.

လံာ်ဒၤနံးယ့လး 7:4 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:23

စီၤစီလူးဒီးစီၤယိနၤသၣ်မ့ၢ်ပှၤလီၤလးဒီးပှၤလီၤအဲၣ် လီၤကွံတဖၣ်လီၤ. မူသကိးဒ်သိးသိးသံသကိးဝဲဒ်သိးသိးန့ၣ်လီၤ. မ့ၢ်ပှၤချ့န့ၢ်ဒံးလံာ်ကြီကြာ်တဖၣ်ဒီးအဂံၢ်အဘါဆူၣ် န့ၢ်ဒံးခ့ယုၢ်တဖၣ်တက့ၢ်န့ၣ်လီၤ.

လံာ်စီၤယိၤဘး 25:6

အန့ၣ်ဒီးပှၤကညီလၢအမ့ၢ်ထိးကလဲာ်ဒီးလၢၢ်ဧိၤဆှးဧိၤန့ၣ် ကမ့ၢ်ဝဲတၢ်ဒ်လဲၣ်. လၢကစၢ်ယွၤအမဲာ်ညါန့ၣ်ပှၤကညီကကၢ ကီၣ်ဝဲထဲလဲၣ်.

စံးထီၣ်ပတြၢၤ 9:20

ယွၤဧၢ, ပာ်တၢ်ပျံၤတၢ်ဖုးလၢအလိၤ, မ်ပှၤကလုာ်တဖၣ်သ့ၣ်ညါလၢ အမ့ၢ်ဒၣ်ပှၤကညီလၢအသံသ့န့ၣ်တက့ၢ်. စ့လၤ

လံာ်ယံးရမံယၤ 25:38

ယွၤလဲၤသဒၣ်ကွံာ် အပှၤဂီၢ်မုၢ်လီၤဂာ်ဒ် ခ့ယုၢ်တဒုပာ်လီၤတဲာ် ကွံာ်အလၢၢ်ကအိပူၤအသိးန့ၣ်လီၤ. တၢ်ဒုးတၢ်ယၤ အတၢ်လီၤပျံၤလီၤ ဖုးတဖၣ်ဒီး ယွၤအတၢ်သးကဲၤထီၣ်ဆူန့ၣ်, ဒုးကဲထီၣ်ထံဧိၤ ကီၢ်ဧိၤဆူ မဲးမုၢ်ခိၣ်တတီၤလံ.

လံာ်ယံးရမံယၤ 4:13

ကွၢ်တက့ၢ်. ဒုၣ်ဒါဟဲဝဲဒ်တၢ်အၢၣ်တဖၣ်အသိးန့ၣ်လီၤ. အလ့ၣ်ကဟၣ်ဒုးသုးတဖၣ်လီၤဂာ်ဒ်ကလံၤသဝံးတခါအသိး, ဒီးအကသ့ၣ်တဖၣ်ချ့န့ၢ်ဒံးလံာ်ကြီကြာ်န့ၣ်တက့ၢ်လီၤ. ပမၤက့ၤတၢ်တဘၣ်လၢၤဘၣ်. ပဘၣ်တၢ်စံၣ်ညီၣ်ဃါမနၤလီၤ.

လံာ်ယံးရမံယၤ 4:7

ဒ်ခ့ယုၢ်တဒုဟဲထီၣ်လၢအတၢ်အိၣ်ခူသူၣ်အလီၢ်အသိးန့ၣ်, ပှၤတဂၤလၢကမၤဟးဂီၤပှၤကလုာ်တဖၣ်ဟဲဟးထီၣ်လံန့ၣ်လီၤ. အဝဲဒၣ်ဟဲဝဲလၢကမၤဟးဂီၤကီၢ်ယူဒၤအဂီၢ်လီၤ. ကီၢ်ယူဒၤအဝ့ၢ်တဖၣ်ကအိၣ်လီၤတဲာ်လၢတၢ်ဟးဂူာ် ဟးဂီၤအပူၤဒီးပှၤတအိၣ်လၢအဝဲသ့ၣ်အပူၤ နီတဂၤဘၣ်န့ၣ်လီၤ.

လံာ်ယံးရမံယၤ 48:40

ယွၤအၢၣ်လီၤတ့ၢ်ဝဲလၢ ပှၤတကလုာ်ကဟဲလီၤလၢကီၢ်မိၤအး အဖီခိၣ်လီၤဂာ်ဒီး လံာ်ကြီကြာ်တဘ့ၣ်လၢအဒံးဆ့တဖၣ်သလၣ် ထီၣ်အသးဒီး ယူၤလီၤဝဲန့ၣ်လီၤ.

လံာ်ယံးရမံယၤ 49:19

ဒ်ခ့ယုၢ်တဒုဟဲဟးထီၣ်လၢ သ့ၣ်ပှၢ်လၢ အတီၣ် လၢအအိၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ် လါဟ့အပူၤအသိးန့ၣ်, ယကဟဲဒီး ဒုးဃ့ၢ်ကွံာ်ပှၤအဒိၣ်ဖိ တဖၣ်သတူၢ်ကလာ်လၢ အထံကီၢ်ဒၣ်ဝဲန့ၣ်လီၤ. အန့ၣ်ဝံၤဒီး ခိၣ်နၢ်လၢယဃုထၢအီၤန့ၣ်ကပၢပှၤကလုာ်န့ၣ်လီၤ. မ့ၢ်မတၤထိၣ်သတြီၤအသးဒီးယၤကသ့လဲၣ်. မ့ၢ်မတၤ, တၤယၤကဘူၣ်တဂၤလဲၣ်. မ့ၢ်မတၤလၢအပၢတၢ်ဒီး ထီဒါယၤကသ့တဂၤလဲၣ်.

လံာ်သးသယုၢ်တၢ် 4:19

အဝဲသ့ၣ်လူၤဖီၣ်တ့ၢ်ပှၤချ့န့ၢ်ဒံးလံာ်ကြီကြာ်တဖၣ်ယူၤသဖှိ လီၤဝဲလၢမူခိၣ်န့ၣ်လီၤ. အဝဲသ့ၣ်လူၤဃုတ့ၢ်ပခီၣ်လီၢ်လၢ တၢ်လူၢ်တဖၣ်အဒီခိၣ်, မၤန့ၢ်ပှၤသတူၢ်ကလာ် လၢပှၢ်မုၢ်ကနၢအပူၤန့ၣ်လီၤ.

လံာ်ယဃ့းစက့လး 17:3

ဒ်သိးအဝဲသ့ၣ်ကသ့ၣ်ညါဘၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ် စံးဘၣ်အဝဲသ့ၣ်န့ၣ်တက့ၢ်. လံာ်ကြီကြာ်ဖးဒိၣ်အိၣ်ဝဲတဘ့ၣ်လၢအအိၣ်ဒီးအဆူၣ်တဖၣ်လၢအဃံ လၤဒီးအဒံးဆ့ဖးဒိၣ်တဖၣ်လၢအသလၣ်ထီၣ်ဝဲန့ၣ်လီၤ. အဝဲယူၤဝဲဆူလဘၤနိၣ်အကစၢၢ်ကလိတဖၣ်ဒီးမၤကၢ်ကွံာ်သ့ၣ်ဆှိ အ့ရ့းတထူၣ်အစိးနါ,

လံာ်ယဃ့းစက့လး 28:9

ဖဲအဝဲသ့ၣ်ဟဲလၢ ကမၤသံနၤန့ၣ်မ့ၢ်နကစံးဒံး ဒၣ်လၢနမ့ၢ်ယွၤတဂၤန့ၣ်ဧါ. ဖဲနကွၢ်ဆၢၣ်မဲာ်ဘၣ်ဒီး ပှၤလၢကမၤသံနၤတဖၣ်န့ၣ်, နကမ့ၢ်ပှၤတဂၤလၢ အသံသ့ဒီးတမ့ၢ်ဘၣ် တၢ်စီတၢ်ဆှံလ့ၤတက့ၤဘၣ်န့ၣ်လီၤ.

လံာ်ဒၤနံးယ့လး 2:38

အဝဲဒုးကဲထီၣ်တ့ၢ်နၤလၢပှၤပၢတၢ်အိၣ်လၢဟီၣ်ခိၣ်ချၢခဲလၢာ်, ဒီးပှၤပၢဆၣ်ဖိကီၢ်ဖိဒီးထိၣ်ဧိၤလံာ်ဧိၤတဖၣ်လီၤ. နမ့ၢ်တၢ်ဂီၤအခိၣ်ထူန့ၣ်လီၤ.

လံာ်ဒၤနံးယ့လး 4:36

ဒီးဖဲယအိၣ်က့ၤဒီးယတၢ်သူၣ်ထံသးဆးန့ၣ်ယဘီယမုၢ်အတၢ် လၤတၢ်ကပီၤ, ယတၢ်ကဟုကညီၢ်ဒီးယလၤယကပီၤတဖၣ် ဘၣ်တၢ်ဟ့ၣ်ကဒါက့ၤယၤလီၤ. ယပှၤဟ့ၣ်ကူၣ်တၢ်တဖၣ်ဒီး ယပဒိၣ်ပပှၢ်တဖၣ်တူၢ်လိာ်မုာ်က့ၤယၤဒီးယဘၣ် တၢ်ပာ်ထီၣ်ထီက့ၤယၤလၢယဘီယမုၢ်အပူၤ, ဒီးတၢ်လၤတၢ်ကပီၤဂံၢ်အါထီၣ်အသးဒီးယၤအါန့ၢ်ဒံး လၢညါဒၣ်လဲာ်လီၤ.

လံာ်ဒၤနံးယ့လး 7:12

ဆၣ်ဖိကီၢ်ဖိအၢအၢသီသီအဂၤတဖၣ်အတၢ်စိတၢ်ကမီၤဘၣ် တၢ်ဟံးထီၣ်ကွံာ်, ဘၣ်ဆၣ်ဒီးတၢ်ပျဲအီၤလၢအကမူဒံးတုၤတၢ်ပာ် ဃးတၢ်အဆၢကတီၢ်လၢအဂီၢ်တစိၢ်တလီၢ်န့ၣ်လီၤ.

လံာ်ဒၤနံးယ့လး 7:5

ဆၣ်ဖိကီၢ်ဖိအၢအၢသီသီခံဒုတဒုန့ၣ်လီၤဂာ်ဒီးတၤသူ တဒုဆၢထၢၣ်အိၣ်သကူးလီၤအသးလၢအခီၣ်လၢခံ, ခံခီအဖီခိၣ်န့ၣ်လီၤ. အဝဲဒၣ်အ့ၣ်တံၢ်ဃးတၢ်အဂုၢ်ဃံ သၢဘ့ၣ်လၢအမဲ, ဒီးတၢ်စံးဘၣ်အီၤ, ဂဲၤထၢၣ်, အီၣ်တၢ်ဖံးတၢ်ညၣ်ထဲသိးနအီၣ်ကဲတက့ၢ်န့ၣ်လီၤ.

လံာ်မးသဲ 24:28

တၢ်လီၢ်တပူၤလၢ်လၢ်ဖဲတၢ်သံစိၣ်အိၣ်ဝဲန့ၣ်, လီတာ်ကအိၣ်ဖှိၣ်ဖဲန့ၣ်လီၤ.

လံာ်သိၣ်လီၤသီလီၤတၢ် 28:49

ယွၤကဟဲစိာ်ပှၤကလုာ်တကလုာ်လၢဟီၣ်ခိၣ်အကတၢၢ်တခီလၢကထီဒါသု, ပှၤကလုာ်တကလုာ်လၢသုတသ့ၣ်ညါဘၣ်အကျိာ်န့ၣ်လီၤ. ဒ်လံာ်ကြီကြာ်တဘ့ၣ်အသိး, အဝဲသ့ၣ်ကဟဲသဖှိဃီၤဖီၣ်စှီၤန့ၢ်သုန့ၣ်လီၤ.

လံာ်လီၣ်ဖျါ 13:2

တၢ်ဒူတၢ်ဃိၤအံၤလီၤဂာ်ဒီးခ့ဘှ့ အိၣ်ဒီးအခီၣ်လၢအလီၤဂာ်ဒီးတၤသူအခီၣ်ဒီးအကိာ်ပူၤ တပူၤလၢအလီၤဂာ်ဒီးခ့ယုၢ်အကိာ်ပူၤလီၤ. ပယိၤဟ့ၣ်တၢ်ဒူတၢ်ဃိၤန့ၣ်လၢအစိကမီၤဒၣ်ဝဲ, အလီၢ်ပစိာ်, ဒီးအတၢ်စိတၢ်ကမီၤအဒိၣ်အမုၢ်လၢကပၢတၢ်အဂီၢ်န့ၣ်လီၤ.