လံာ်ဒၤနံးယ့လး 7:3 - Sgaw Karen Common Bible

³ ဆၣ်ဖိကီၢ်ဖိအၢအၢသီသီဖးဒိၣ်လွံၢ်ဒုဟဲထီၣ်လၢပီၣ်လဲၣ်အပူၤ, ဒီးတဒုဒီးတဒုန့ၣ်လီၤဆီလိာ်အသးန့ၣ်လီၤ.

လံာ်ဒၤနံးယ့လး 7:3 Iomraidhean Croise

စံးထီၣ်ပတြၢၤ 76:4

ကစၢ်ယွၤဧၢ, နလၤကပီၤဒိၣ်ဝဲဆံးဒိၣ်လဲၣ်. ဖဲနဟဲက့ၤလၢကစၢၢ်လၢနမၤနၢၤနဒုၣ်နဒါတဖၣ်န့ၣ်, နကဟုကညီၢ်ဒိၣ်ဝဲဆံးဒိၣ်လဲၣ်.

လံာ်ဒၤနံးယ့လး 7:17

ဒီးစံးဝဲဒၣ်, “ဆၣ်ဖိကီၢ်ဖိအၢအၢသီသီလွံၢ်ဒုအံၤန့ၣ် မ့ၢ်ဘီမုၢ်လွံၢ်ဘ့ၣ်လၢကအိၣ်ထီၣ်လၢဟီၣ်ခိၣ်ချၢန့ၣ်လီၤ.

လံာ်လီၣ်ဖျါ 13:1

တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.