လံာ်ဒၤနံးယ့လး 7:25 - Sgaw Karen Common Bible

²⁵ အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်ဒၤနံးယ့လး 7:25 Iomraidhean Croise

လံာ်ယၡါယၤ 37:23

ပှၤလၢနဒုၣ်ဒွဲၣ်ပယွဲဒီးနနံၤဘၣ်ဖၣ်လဲအီၤန့ၣ်နဆိကမိၣ်အမ့ၢ် မတၤလဲၣ်. နတယူးယီၣ်ပာ်ကဲတ့ၢ်ယၤ, အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ဒၤနံးယ့လး 11:28

ဒီးကီၢ်စူၤရံအစီၤပၤကက့ၤကဒါက့ၤဆူအကီၢ်ဒၣ်ဝဲအပူၤဃုာ်ဒီး တၢ်လၢအဂုာ်န့ၢ်ဝဲတဖၣ်လီၤ. အဝဲပာ်လီၤအသးလၢကမၤ ဟးဂီၤကစၢ်ယွၤအပှၤဂီၢ်မုၢ်အတၢ်ဘူၣ်တၢ်ဘါလီၤ. ဒီးကမၤဝဲဒ်အသးအိၣ်မၤဝဲအသိးဒီးကက့ၤကဒါက့ၤဆူ အကီၢ်ဒၣ်ဝဲန့ၣ်လီၤ.

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်ဒၤနံးယ့လး 3:26

မၤသးဒ်န့ၣ်ဒီးစီၤပၤနဘူၤကးန့စၢ်လဲၤဘူးထီၣ်ဆူမ့ၣ်အူကဲၤကဖး အဖၣ်ကပူၤအတြဲၤဒီးကိးစိဃီၤဝဲ, “စီၤၡၤဒရး, စီၤမ့ၤၡး, စီၤဧဘ့ၤဒနကိၤ, တၢ်ထီကတၢၢ်ကစၢ်ယွၤအခ့အပှၤသ့ၣ်ဧၢ, ဟဲက့ၤထီၣ်တက့ၢ်.” ဒီးအဝဲသ့ၣ်ဟဲက့ၤထီၣ်ဝဲတကီၢ်ခါလီၤ.

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်ဒၤနံးယ့လး 4:2

ယဆိကမိၣ်တၢ်, မ့ၢ်တၢ်ဂ့ၤဘၣ်ယၤလၢယကဒုးသ့ၣ်ညါက့ၤ တၢ်ပနီၣ်တဖၣ်ဒီးတၢ်လီၤလးတဖၣ်လၢတၢ်ထီကတၢၢ်ကစၢ် ယွၤလီၣ်ဖျါထီၣ်တ့ၢ်လၢယၤန့ၣ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်ဒၤနံးယ့လး 7:18

ဒီးတၢ်ထီကတၢၢ်ကစၢ်ယွၤအပှၤဂီၢ်မုၢ်န့ၣ်ကဒိးန့ၢ်ဘၣ်စီၤလိၣ် စီၤပၤအစိကမီၤ, ဒီးဟံးဃာ်အီၤအစိၤစိၤအဃၣ်ဃၣ်န့ၣ်လီၤ.”

လံာ်ဒၤနံးယ့လး 7:20

ဒီးယအဲၣ်ဒိးသ့ၣ်ညါဘၣ်ဃးတၢ်အနၢၤဆံဆဲၣ်ဘိလၢအအိၣ်လၢ အခိၣ်လိၤဒီးအနၢၤလၢအဟဲထီၣ်လၢခံတဘိန့ၣ်လၢအမၤလီၤ ဃံၤကွံာ်တၢ်အနၢၤတဖၣ်အကျါသၢဘိအဂ့ၢ်န့ၣ်လီၤ. အဝဲအိၣ်ဒီးအမဲာ်ချံတဖၣ်ဒီးအထးခိၣ်တပူၤဒီးကတိၤတၢ်လၢ တၢ်ပာ်သးထီၣ်ထီအပူၤန့ၣ်လီၤ. အဝဲန့ၣ်လီၤပျံၤလီၤဖုးဒိၣ် န့ၢ်တၢ်အဂၤတဖၣ်တက့ၢ်လီၤ.

လံာ်ဒၤနံးယ့လး 7:8

ဖဲယကွၢ်စူၣ်ကွၢ်ထံတၢ်အနၢၤတဖၣ်အခါန့ၣ် ယထံၣ်တ့ၢ်တၢ်အနၢၤဆံးဆံးဖိတဘိဟဲထီၣ်ဝဲလၢ အနၢၤအဂၤတဖၣ်အကျါန့ၣ်လီၤ. တၢ်အနၢၤအိၣ်တ့ၢ်လၢ အခီၣ်ထံးတဖၣ်အကျါန့ၣ်အဝဲမၤဟးဂီၤကွံာ်ဝဲသၢဘိန့ၣ်လီၤ. တၢ်အနၢၤဖိတဘိအံၤအိၣ်ဝဲဒၣ်ဒီးပှၤကညီအမဲာ်ချံတဖၣ်ဒီး အထးခိၣ်တပူၤလၢအကတိၤဒိၣ်ကတိၤသွါအသးလၢတၢ်သး ထီၣ်ထီအပူၤန့ၣ်လီၤ.

လံာ်ဒၤနံးယ့လး 8:11

အဝဲတၤဒၣ်လဲာ်မူခိၣ်အသုးမုၢ်စီၤပၤဖိ, တြီတၢ်လုၢ်တၢ်ပာ်တ ဖၣ်လၢဘၣ်တၢ်လုၢ်ထီၣ်ဆူအအိၣ်ကိးမုၢ်နံၤန့ၣ်ဒီးမၤဟးဂီၤကွံာ်တ့ၢ် ဝဲတၢ်လုၢ်ဟံၣ်န့ၣ်လီၤ.

လံာ်ဒၤနံးယ့လး 8:14

ယနၢ်ဟူဘၣ်ကလူးအဂၤတဂၤစံးဆၢတၢ်, “ကမၤဒံးအသး ဆူညါမုၢ်ဟါမုၢ်ဂီၤခံကထိသၢကယၤ, အကတီၢ်ဖဲတၢ်လုၢ်မ့ၣ်အူတဘၣ်တၢ်လုၢ်ထီၣ်ဘၣ်အီၤန့ၣ်လီၤ. အန့ၣ်ဝံၤဒီးတၢ်လုၢ်ဟံၣ်ကဘၣ်တၢ်မၤန့ၢ်ကဒါက့ၤအီၤန့ၣ်လီၤ.”

လံာ်ဒၤနံးယ့လး 8:9

လၢတၢ်အနၢၤလွံၢ်ဘိအကျါတဘိအလိၤန့ၣ်တၢ်အနၢၤဖိတ ဘိဟဲထီၣ်ဝဲဒီးအစိကမီၤလဲၢ်ထီၣ်ဆူကလံၤထံးဒီးဆူမုၢ်ထီၣ်ဒီး ဆူကီၢ်တၢ်စံးပာ်န့ၣ်လီၤ.

လံာ်ဒၤနံးယ့လး 9:27

ပှၤပၢတၢ်တဂၤန့ၣ်ကမၤတၢ်အၢၣ်လီၤအီလီၤအဂၢၢ်အကျၢၤ ဃုာ်ဒီးအပှၤအါဂၤလၢနွံနံၣ်အတီၢ်ပူၤန့ၣ်လီၤ. ဖဲနွံနံၣ်အကတီၢ်အံၤအဖးဖီနံၣ်ပူၤကွံာ် ဒီးကဆိကတီၢ်ကွံာ်တၢ်လုၢ်တၢ်ပာ်တဖၣ် ဒီးတၢ်လုၢ်မၤဘူၣ်တဖၣ်န့ၣ်လီၤ. ဒီးတၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်က လဲာ်ကဘၣ်တၢ်ပာ်ထီၣ်အီၤလၢတၢ်လုၢ်ဟံၣ်အပျိာ်အထီ ကတၢၢ်ဒီးကအိၣ်ဖဲန့ၣ်တုၤပှၤလၢအပာ်ထီၣ်အီၤဖဲန့ၣ် တဂၤန့ၣ်ဘၣ်သဂၢၢ်အမုၢ်နံၤလၢခံကတၢၢ်လၢကစၢ် ယွၤကတဲာ်ကတီၤပာ်စၢၤလၢအဂီၢ်န့ၣ်လီၤ.”

လံာ်ဟိၤၡ့ 7:16

အဝဲသ့ၣ်ဃၣ်ယံၤကွံာ်ဒံးဒၣ်အသးလၢယအိၣ်, ဆူယွၤတဂၤ လၢအစိကမီၤတအိၣ်ဘၣ်အအိၣ်န့ၣ်လီၤ. တၢ်ပာ်ဂံၢ်ပာ်ဘါအဝဲသ့ၣ်တသ့ဘၣ်ဒ် သိးဒၣ်ချံၣ်လၢအက့ၣ်ကူတဆိအသိးန့ၣ်လီၤ. အဂ့ၢ်ဒ်အံၤ, အဝဲသ့ၣ်အပှၤခိၣ်တဖၣ်ကတိၤတၢ်လၢတၢ်ပာ်ကဖၢလၢသးအပူၤ, အဝဲသ့ၣ်ကသံလၢတၢ်သံဆူၣ်သံစိးတမံၤဒီးပှၤအဲၤကူပတူးဖိ တဖၣ်ကနံၤဘၣ်ဖၣ်လဲအီၤန့ၣ်လီၤ.

၂ သ့းစၤလနံ 2:3

သုတပျဲပှၤလီန့ၢ်သုနီတဂၤလၢကျဲနီတဘိတဂ့ၤ. အဂ့ၢ်ဒ်အံၤမုၢ်နံၤအဝဲန့ၣ်ကဟဲဒၣ်ဝဲဖဲတၢ်ပူထီၣ်လၢခံ ကတၢၢ်မၤအသးဒီးတၢ်အၢတၢ်သီတဂၤ, လရာ်ဆၣ်န့ၣ်ဟဲပၢၢ်ထီၣ်ဝဲဒၣ်ဝံၤအလီၢ်ခံန့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

လံာ်လီၣ်ဖျါ 12:14

ဘၣ်ဆၣ်ဒီး, ပိာ်မုၣ်ဘၣ်တၢ်ဟ့ၣ်အီၤလံာ်ကြီကြာ်ဖးဒိၣ် အဒံးဆ့ခံဘ့ၣ်ဒ်သိးအကယူၤကွံာ်ဆူအလီၢ်အိၣ်လီၢ်ဆိးလၢ ပှၢ်မုၢ်ကနၢ, ဖဲအဝဲဒၣ်ကဘၣ်တၢ်အံးထွဲကွၢ်ထွဲအီၤလၢသၢနံၣ် တခီအတီၢ်ပူၤ, ပူၤပူၤဖျဲးဖျဲးဒီးပယိၤန့ၣ်လီၤ.

လံာ်လီၣ်ဖျါ 12:6

ပိာ်မုၣ်န့ၣ်ဃ့ၢ်ကွံာ်ဆူပှၢ်မုၢ်ကနၢ, ဆူတၢ်လီၢ်တတီၤလၢကစၢ်ယွၤကတဲာ်ကတီၤပာ်ဝဲလၢအဂီၢ်ဖဲ အဝဲဒၣ်ကဘၣ်တၢ်အံးထွဲကွၢ်ထွဲအီၤလၢအသီ ၁၂၆၀ အတီၢ် ပူၤန့ၣ်လီၤ.

လံာ်လီၣ်ဖျါ 14:12

ဖဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ်, ပှၤလၢအဒိကနၣ်ဒီးအိၣ်မူထွဲကစၢ်ယွၤအတၢ်မၤလိာ်တဖၣ် ဒီးတီလၢယ့ၣ်ၡူးန့ၣ်, ကတူၢ်တၢ်လၢတၢ်သူၣ်စူၤသးစူၤအပူၤလီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 18:24

ဝ့ၢ်ဘၤဘူၤလိၣ်ဘၣ်တၢ်စံၣ်ညီၣ်အီၤ, အဂ့ၢ်မ့ၢ်လၢဝံဒီးကစၢ်ယွၤအပှၤဂီၢ်မုၢ်တဖၣ်အသွံၣ်ဘၣ်တၢ်ထံၣ် န့ၢ်အီၤလၢဝ့ၢ်န့ၣ်အပူၤအဃိလီၤ. မ့ၢ်စဲဃဲၤလီၤ, မ့ၢ်ကယဲၢ်ပှၤလၢအဘၣ်တၢ်မၤသံတ့ၢ်အီၤလၢဟီၣ်ခိၣ်ချၢ တဖၣ်အသွံၣ်ဘၣ်တၢ်ထံၣ်န့ၢ်အီၤလၢဝ့ၢ်တဖျၢၣ်န့ၣ်အပူၤ အဃိလီၤ.