လံာ်ဒၤနံးယ့လး 7:24 - Sgaw Karen Common Bible

²⁴ တၢ်အနၢၤဆံဆဲၣ်ဘိမ့ၢ်စီၤပၤအဂၤတဆံလၢကပၢဘီမုၢ်အ ဝဲန့ၣ်လီၤ. အန့ၣ်ဝံၤဒီးစီၤပၤအဂၤတဂၤကအိၣ်ဖျါထီၣ်ဝဲန့ၣ်လီၤ. အဝဲကလီၤဆီန့ၢ်ဒံးပှၤလၢညါတဖၣ်ဒီးကမၤနၢၤကွံာ်စီၤပၤသၢ ဂၤန့ၣ်လီၤ.

လံာ်ဒၤနံးယ့လး 7:24 Iomraidhean Croise

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 2:41

ဒီးဒ်နထံၣ်တ့ၢ်အခီၣ်လၣ်ဒီးအခီၣ်မုၢ်ဘိတဖၣ်မ့ၢ်ထးတနီၤကပံာ် တနီၤအသိးန့ၣ်, တၢ်န့ၣ်ကမ့ၢ်ဝဲဘီမုၢ်အိၣ်လီၤဖးအသးန့ၣ်လီၤ. ဘၣ်ဆၣ်ဒီးတၢ်ဂံၢ်ဆူၣ်ဘါဆူၣ်ဒ်ထးအသိးတနီၤကအိၣ်လၢအကျါ, ဒ်နထံၣ်တ့ၢ်ထးအိၣ်ဃါဃုာ်အသးဒီးကပံာ်အသိးန့ၣ်လီၤ.

လံာ်ဒၤနံးယ့လး 7:20

ဒီးယအဲၣ်ဒိးသ့ၣ်ညါဘၣ်ဃးတၢ်အနၢၤဆံဆဲၣ်ဘိလၢအအိၣ်လၢ အခိၣ်လိၤဒီးအနၢၤလၢအဟဲထီၣ်လၢခံတဘိန့ၣ်လၢအမၤလီၤ ဃံၤကွံာ်တၢ်အနၢၤတဖၣ်အကျါသၢဘိအဂ့ၢ်န့ၣ်လီၤ. အဝဲအိၣ်ဒီးအမဲာ်ချံတဖၣ်ဒီးအထးခိၣ်တပူၤဒီးကတိၤတၢ်လၢ တၢ်ပာ်သးထီၣ်ထီအပူၤန့ၣ်လီၤ. အဝဲန့ၣ်လီၤပျံၤလီၤဖုးဒိၣ် န့ၢ်တၢ်အဂၤတဖၣ်တက့ၢ်လီၤ.

လံာ်ဒၤနံးယ့လး 7:23

အအံၤမ့ၢ်တၢ်တဲဖျါကျိးထံတၢ်လၢဘၣ်တၢ်ဟ့ၣ်လီၤယၤန့ၣ်လီၤ. “ဆၣ်ဖိကီၢ်ဖိအၢအၢသီသီလွံၢ်ဒုတဒုန့ၣ်မ့ၢ်ဝဲဘီမုၢ်လွံၢ်ဘ့ၣ် တဘ့ၣ်လၢအကအိၣ်ထီၣ်လၢဟီၣ်ခိၣ်ချၢဒီးကလီၤဆီန့ၢ်ဘီမုၢ် အဂၤတဖၣ်ခဲလၢာ်န့ၣ်လီၤ. ကမၤလီၤကလဲကွံာ်ဟီၣ်ခိၣ်ဒီဘ့ၣ် ညါဒီးယီၢ်တံၢ်ကွံာ်အီၤန့ၣ်လီၤ.

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 13:1

တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 17:3

ယွၤအသးန့ၣ်ပၢၤဃာ်ယၤ, ဒီးကလူးတဂၤန့ၣ်စိာ်ယၤဆူပှၢ်မုၢ် ကနၢလီၤ. ဖဲန့ၣ်ယထံၣ်ဘၣ်ပိာ်မုၣ်တဂၤဆ့ၣ်နီၤလၢတၢ်ဒူတၢ်ဃိၤ အလွဲၢ်ဂီၤတဒုအဖီခိၣ်လီၤ. တၢ်ဒူတၢ်ဃိၤအဝဲန့ၣ်အိၣ်ဒီးမံၤတဖၣ်ဘၣ်ဃးတၢ်ကတိၤတရီ တပါကစၢ်ယွၤအိၣ်ကွဲးအသးပှဲၤလၢအလိၤလီၤ. တၢ်ဒူတၢ်ဃိၤ အဝဲန့ၣ်, အိၣ်ဒီးအခိၣ်နွံဖျၢၣ်ဒီးအနၢၤအဘိတဆံလီၤ.