လံာ်ဒၤနံးယ့လး 7:21 - Sgaw Karen Common Bible

²¹ ဖဲယကွၢ်တၢ်အဖၢမုၢ်ဒီးတၢ်အနၢၤအဝဲန့ၣ်ဒုးတၢ်ထီဒါယွၤအပှၤ ဂီၢ်မုၢ်ဒီးမၤနၢၤအဝဲသ့ၣ်တဖၣ်န့ၣ်လီၤ.

လံာ်ဒၤနံးယ့လး 7:21 Iomraidhean Croise

လံာ်ဒၤနံးယ့လး 11:31

အပှၤသုးဖိတနီၤကမၤဘၣ်အၢတၢ်လုၢ်ဟံၣ်ဒီးတၢ်ဘူၣ်တၢ်ဘါအလုၢ်အလၢ်လီၤ. ကဆိကတီၢ်ကွံာ်တၢ်လုၢ်တၢ်ပာ်ကိးနံၤဒဲး ဒီးပာ်ထီၣ်တၢ်လီၤပျံၤလီၤဖုးလၢအလီၤသး ဘၣ်အၢဒိၣ်ဒိၣ်ကလဲာ်လၢတၢ်လုၢ်လီၢ်အဖီခိၣ်န့ၣ်လီၤ.

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်ဒၤနံးယ့လး 7:20

ဒီးယအဲၣ်ဒိးသ့ၣ်ညါဘၣ်ဃးတၢ်အနၢၤဆံဆဲၣ်ဘိလၢအအိၣ်လၢ အခိၣ်လိၤဒီးအနၢၤလၢအဟဲထီၣ်လၢခံတဘိန့ၣ်လၢအမၤလီၤ ဃံၤကွံာ်တၢ်အနၢၤတဖၣ်အကျါသၢဘိအဂ့ၢ်န့ၣ်လီၤ. အဝဲအိၣ်ဒီးအမဲာ်ချံတဖၣ်ဒီးအထးခိၣ်တပူၤဒီးကတိၤတၢ်လၢ တၢ်ပာ်သးထီၣ်ထီအပူၤန့ၣ်လီၤ. အဝဲန့ၣ်လီၤပျံၤလီၤဖုးဒိၣ် န့ၢ်တၢ်အဂၤတဖၣ်တက့ၢ်လီၤ.

လံာ်ဒၤနံးယ့လး 8:12

လၢတၢ်လုၢ်ထီၣ်တၢ်လုၢ်တၢ်ပာ်ကိးနံၤဒဲးဘၣ်ဘျီးဘၣ်ဒါအလီၢ် န့ၣ်ပှၤဂီၢ်မုၢ်မၤတ့ၢ်တၢ်ဒဲးဘးဖဲန့ၣ်ဒီးတၢ်ဘူၣ်တၢ်ဘါအမ့ၢ် အတီန့ၣ်ဘၣ်တၢ်ကွံာ်လီၤအီၤဆူဟီၣ်ခိၣ်လိၤလီၤ. တၢ်အနၢၤန့ၣ် မၤနၢၤတၢ်လၢကယဲၢ်အမၤတ့ၢ်တၢ်တမံၤလၢ်လၢ်အပူၤန့ၣ်လီၤ.

လံာ်ဒၤနံးယ့လး 8:24

အဂံၢ်အဘါကဆူၣ်ထီၣ်အါထီၣ်ဝဲ, ဘၣ်ဆၣ်ဒီးတမ့ၢ်ဘၣ်လၢ အစိကမီၤဒၣ်ဝဲအဃိဘၣ်. ကဒုးကဲထီၣ်ဝဲတၢ်မၤဟးဂီၤလီၤပျံၤ လီၤဖုးဒီးလၢအမၤတၢ်ကိးမံၤဒဲးအပူၤန့ၣ်ကမၤနၢၤတၢ်လီၤ. အဝဲကဟဲစိာ်တၢ်မၤဟးဂီၤလၢပှၤအဂံၢ်ဆူၣ်အဘါဆူၣ်တဖၣ် အဖီခိၣ်ဒီးလၢအကစၢ်ယွၤအကစၢ်ဒၣ်ဝဲအပှၤဂီၢ်မုၢ်အဖီခိၣ်န့ၣ်လီၤ.

လံာ်ဒၤနံးယ့လး 8:9

လၢတၢ်အနၢၤလွံၢ်ဘိအကျါတဘိအလိၤန့ၣ်တၢ်အနၢၤဖိတ ဘိဟဲထီၣ်ဝဲဒီးအစိကမီၤလဲၢ်ထီၣ်ဆူကလံၤထံးဒီးဆူမုၢ်ထီၣ်ဒီး ဆူကီၢ်တၢ်စံးပာ်န့ၣ်လီၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 19:19

တုၤနုၤတစုယထံၣ်တၢ်ဒူတၢ်ဃိၤတဒုန့ၣ်ဒီးဟီၣ်ခိၣ် အစီၤပၤတဖၣ်, ဒီးအဝဲသ့ၣ်အသုးမုၢ်သံၣ်ဘိတဖၣ်ပာ်ဖှိၣ်ထီၣ်အသးဒ်သိး အကဒုးတၢ်ထီဒါပှၤတဂၤလၢအဒိးကသ့ၣ်န့ၣ်, ဒီးထီဒါ အဝဲဒၣ်အသုးမုၢ်န့ၣ်လီၤ.