လံာ်ဒၤနံးယ့လး 7:18 - Sgaw Karen Common Bible

¹⁸ ဒီးတၢ်ထီကတၢၢ်ကစၢ်ယွၤအပှၤဂီၢ်မုၢ်န့ၣ်ကဒိးန့ၢ်ဘၣ်စီၤလိၣ် စီၤပၤအစိကမီၤ, ဒီးဟံးဃာ်အီၤအစိၤစိၤအဃၣ်ဃၣ်န့ၣ်လီၤ.”

လံာ်ဒၤနံးယ့လး 7:18 Iomraidhean Croise

စံးထီၣ်ပတြၢၤ 45:16

နဲဒၣ်ယစီၤပၤဧၢ, နကအိၣ်ဒီးဖိခွါအါဂၤ လၢကထီၣ်က့ၤနပၢ်လၢပျၢၤတဖၣ်အလီၢ် ဒ်စီၤပၤတဖၣ်အသိး, ဒီးနကဒုးကဲထီၣ်အဝဲသ့ၣ်လၢ ပှၤတဖၣ်လၢအပၢဘၣ်ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 49:14

အဝဲသ့ၣ် ကဘၣ်တၢ်စံၣ်ညီၣ်သံအီၤ ဃါမနၤဒ်သိအသိး, ဒီးတၢ်သံကမ့ၢ်အပှၤကွၢ်သိန့ၣ်လီၤ. ပှၤတီပှၤလိၤကမၤကွံာ်အီၤ, ဖဲအစိၣ်တဖၣ်ကအုၣ်ကွံာ်ချ့သဒံး လၢတၢ်သံအကီၢ်ပူၤယံၤဒီးအဟံၣ်န့ၣ်လီၤ. ပျုၤပူၤကမ့ၢ်အဟံၣ်အဃီန့ၣ်လီၤ.

လံာ်ယၡါယၤ 14:2

ပှၤကလုာ်အါကလုာ်ကမၤစၢၤပှၤအံၣ်စရ့လးဖိတဖၣ်ဒ်သိးကက့ၤ ကဒါက့ၤဘၣ်ဆူကီၢ်လၢယွၤဟ့ၣ်လီၤအဝဲသ့ၣ်န့ၣ်လီၤ. ဖဲန့ၣ်, ပှၤကလုာ်တဖၣ်ကမၤပှၤအံၣ်စရ့လးဖိတဖၣ်အတၢ် ခ့တၢ်ပှၤအတၢ်မၤဒ်ကုၢ်တဖၣ်အသိးန့ၣ်လီၤ. တဘျီပှၤလၢအမၤန့ၢ်မၤ နၢၤပှၤအံၣ်စရ့လးဖိတဖၣ်န့ၣ်, ခဲအံၤကဘၣ်တၢ်မၤန့ၢ်မၤ နၢၤအီၤလၢပှၤအံၣ်စရ့လးဖိ, ဒီးအံၣ်စရ့လးအပှၤဂီၢ်မုၢ်က ပၢပှၤတဖၣ်လၢ, တဘျီမၤနၢၤမၤဃၣ်တ့ၢ်အဝဲသ့ၣ်န့ၣ်လီၤ.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ဒၤနံးယ့လး 7:17

ဒီးစံးဝဲဒၣ်, “ဆၣ်ဖိကီၢ်ဖိအၢအၢသီသီလွံၢ်ဒုအံၤန့ၣ် မ့ၢ်ဘီမုၢ်လွံၢ်ဘ့ၣ်လၢကအိၣ်ထီၣ်လၢဟီၣ်ခိၣ်ချၢန့ၣ်လီၤ.

လံာ်ဒၤနံးယ့လး 7:22

အန့ၣ်ဝံၤဒီးပှၤတဂၤလၢအအိၣ်မူတ့ၢ်ဝဲဒၣ်အထူအယိာ်ဟဲထီၣ် ဝဲဒီးကတိၤသတြီထီၣ်တၢ်စံၣ်ညီၣ်ကွၢ်မဲာ်မၤဘျုးတၢ်ထီက တၢၢ်ကစၢ်ယွၤအပှၤဂီၢ်မုၢ်တဖၣ်န့ၣ်လီၤ. တၢ်ဆၢကတီၢ် ဟဲတုၤတ့ၢ်ဝဲလၢကစၢ်ယွၤအပှၤဂီၢ်မုၢ်ကဒိးန့ၢ်ဘၣ်စီၤလိၣ်စီၤ ပၤအစိကမီၤန့ၣ်လီၤ.

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

လံာ်ဧိၤဘါဒယၤ 1:17

မ့မ့ၢ်လၢကစၢၢ်စံယိၣ်အလိၤန့ၣ်ပှၤတနီၤကပူၤဖျဲးဝဲဒီးကမ့ၢ်ဝဲ တၢ်လီၢ်စီဆှံလီၤ. ဒီးစီၤယၤကိာ်အပှၤဟံၣ်ဖိကန့ၢ်ဘၣ်က့ၤအထံ အကီၢ်လၢအမ့ၢ်အတၢ်န့ၢ်သါဒၣ်ဝဲန့ၣ်လီၤ.

လံာ်လူၤကၣ် 1:33

ဒီးအဝဲဒၣ်ကကဲထီၣ်စီၤယၤကိာ်အစၢၤအသွဲၣ်တဖၣ်အစီၤပၤလီၤ ထူလီၤယိာ်ဒီးအဘီအမုၢ်တကတၢၢ်ဝဲနီတစုဘၣ်လီၤ.”

1 ကရံၣ်သူး 6:2

မ့ၢ်သုတသ့ၣ်ညါလၢယွၤအပှၤဂီၢ်မုၢ်ကစံၣ်ညီၣ်ဟီၣ်ခိၣ်ဘၣ်ဧါ. မ့မ့ၢ်ဒ်န့ၣ်ဒီး, သုမ့ၢ်ဘၣ်စံၣ်ညီၣ်ဟီၣ်ခိၣ်န့ၣ်, မ့ၢ်သုတအိၣ်ဒီး တၢ်သ့တၢ်ဘၣ်လၢသုကစံၣ်ညီၣ်တၢ်ဂ့ၢ်ဆံးကံာ်ဆံးကိာ်ဖိ တဖၣ်ဘၣ်ဧါ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

အ့းဖ့းစူး 6:12

အဂ့ၢ်ဒ်အံၤ, ပတဒုးလိာ်ပသးဒီးပှၤကညီဘၣ်. မ့မ့ၢ်ပဒုးလိာ်ပသးဒီးသးအၢလၢအအိၣ်ဒီးအစိအကမီၤ လၢမူခိၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်ဒီးဟီၣ်ခိၣ်အစိကမီၤလၢအဒုးအိၣ်ထီၣ်တၢ်ခံးတၢ် နၤတစိၤအံၤတဖၣ်န့ၣ်လီၤ.

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”