လံာ်ဒၤနံးယ့လး 7:1 - Sgaw Karen Common Bible

¹ ဖဲစီၤဘ့ၤလၡါစၢ်ပၢကီၢ်ဘၤဘူၤလိၣ်အခီၣ်ထံးတနံၣ်န့ၣ်, စီၤဒၤနံးယ့လးမံမီၢ်တ့ၢ်တၢ်တမံၤဒီးထံၣ်တၢ်ထံၣ်လၢညါခီလၢ မုၢ်နၤအကတီၢ်န့ၣ်လီၤ. ဒီးကွဲးလီၤတ့ၢ်ဝဲတၢ်မံမီၢ်န့ၣ်, ဒီးစံးတ့ၢ်ဝဲတၢ်ဂ့ၢ်လၢတၢ်ပာ်ဖှိၣ်ဖုၣ်ဖုၣ်အပူၤန့ၣ်လီၤ.

လံာ်ဒၤနံးယ့လး 7:1 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်တၢ်ကဲထီၣ်အခီၣ်ထံး 46:2

ကစၢ်ယွၤကတိၤတ့ၢ်တၢ်ဒီးအီၤလၢတၢ်ထံၣ်လၢညါခီအပူၤဖဲမုၢ် နၤအကတီၢ်ဒီးကိးထီၣ်အီၤ, “စီၤယၤကိာ်ဧၢ, စီၤယၤကိာ်ဧၢ.” ဒီးအဝဲစံးဆၢဝဲ, “မ့ၢ်, ယအိၣ်ဖဲအံၤလီၤ.”

လံာ်စီၤယိၤဘး 4:13

ဒီးဒ်တၢ်မံမီၢ်ပျီၢ်သီအၢအသိးမၤတံာ်တာ်ယတၢ်မံန့ၣ်လီၤ.

လံာ်ယၡါယၤ 30:8

ကစၢ်ယွၤစံးဘၣ်တ့ၢ်ယၤလၢယကကွဲးလီၤတၢ်လၢလံာ်တဘ့ၣ် အပူၤလၢပှၤဂီၢ်မုၢ်မ့ၢ်တၢ်ဒ်လဲၣ်, ဒ်သိးဒီးအဝဲသ့ၣ်အၢသီဝဲ ထဲလဲၣ်န့ၣ်တၢ်ကွဲးနီၣ်ကွဲးဃါအဂၢၢ်အကျၢၤကအိၣ်ဝဲအဂီၢ်လီၤ.

လံာ်ယၡါယၤ 8:1

ယွၤစံးဘၣ်ယၤ, “ဟံးန့ၢ်တၢ်ဘ့ၣ်ဘၣ်ဖးလဲၢ်တဘ့ၣ်ဒီးကွဲးလီၤတၢ် လၢအပူၤလၢလံာ်မဲာ်ဖျၢၣ်ဖးဒိၣ်တဖၣ်, “မဟၢ်ၡလးဃၤၡဘ,” လၢအခီပညီမ့ၢ်ဝဲ, “ဂုာ်ဆူၣ်ပျီဆူၣ်ချ့ချ့, ဂုာ်မၤဟးဂီၤချ့ချ့,” န့ၣ်တက့ၢ်.

လံာ်ယံးရမံယၤ 23:28

ဝံတဂၤလၢအအိၣ်ဒီးတၢ်မံမီၢ်တမံၤန့ၣ်, ကြၢးစံးဝဲလၢတၢ်အံၤ မ့ၢ်ဒၣ်တၢ်မံမီၢ်ဧိၤန့ၣ်လီၤ. ဘၣ်ဆၣ်ဒီးဝံတဂၤလၢအနၢ်ဟူတ့ၢ် ယတၢ်ကစီၣ်န့ၣ်, ကြၢးစံးဘၣ်တဲဘၣ်တၢ်ကစီၣ်အဝဲန့ၣ်လၢတၢ်သးတီအပူၤန့ၣ်လီၤ. တၢ်ထိၣ်သတြီၤဘုလီၢ်ဒီးဘုကၠူၣ်န့ၣ်ကမၤဂ့ၤတၢ်မနုၤလဲၣ်.

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 36:32

အန့ၣ်ဝံၤဒီး, ယဟံးန့ၢ်လံာ်ထူအဂၤတထူဒီးဟ့ၣ်လီၤအီၤဆူ ယပှၤကွဲးလံာ် စီၤဘၤရူးအစုပူၤ, ဒီးအဝဲကွဲးလီၤဝဲ တၢ်ခဲလၢာ် လၢယကိးထီၣ်န့ၢ်အီၤလီၤ. အဝဲကွဲးတၢ်ခဲလၢာ်လၢ အအိၣ်တ့ၢ် လံဝဲလၢ လံာ်ထူအခီၣ်ထံးအထူအပူၤ, ဒီးပာ်ဖှိၣ်အါထီၣ်တၢ်ကစီၣ် ဒ်န့ၣ်အသိးတဖၣ်လၢ ယကိးထီၣ်န့ၢ် အီၤလၢ ကကွဲးလီၤဝဲအဂီၢ်န့ၣ်လီၤ.

လံာ်ယံးရမံယၤ 36:4

လၢတၢ်န့ၣ်အဃိ, ယကိးန့ၢ် စီၤန့ၤရံယၤအဖိခွါ စီၤဘၤရူးဒီး ကိးထီၣ်န့ၢ်အီၤတၢ်ခဲလၢာ်လၢယွၤ စံးဘၣ်တ့ၢ်ယၤလီၤ. ဒီးစီၤဘၤရူးကွဲးလီၤအီၤ ခဲလၢာ်လၢလံာ်ထူတထူအလိၤန့ၣ်လီၤ.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်ယဃ့းစက့လး 40:2

လၢတၢ်ထံၣ်ညါခီတမံၤအပူၤန့ၣ်, ကစၢ်ယွၤစိာ်ယၤဆူကီၢ်အံၣ်စရ့ လးပူၤဒီးပာ်လီၤယၤလၢကစၢၢ်ဖးထီတဖျၢၣ်အလိၤန့ၣ်လီၤ. လၢယမဲာ်ညါန့ၣ်ယထံၣ်ဘၣ်တၢ်သူၣ်ထီၣ်တဖၣ်အိၣ် တကရူၢ်လၢအအိၣ်ဖျါလီၤဂာ်ဒီးဝ့ၢ်တဝ့ၢ်န့ၣ်လီၤ.

လံာ်ဒၤနံးယ့လး 1:17

ကစၢ်ယွၤဟ့ၣ်လီၤတ့ၢ်ပှၤသးစၢ်လွံၢ်ဂၤန့ၣ်လၢတၢ်သ့ၣ်ညါဒီး တၢ်သ့တၢ်ဘၣ်ဘၣ်ဃးဒီးကယဲၢ်တၢ်မၤလိမၤဒိးဒီးတၢ်ဆိ ကမိၣ်အဒိၣ်အယိာ်အတၢ်ကူၣ်သ့န့ၣ်လီၤ. လၢတၢ်န့ၣ်တဖၣ်န့ၣ် အမဲာ်ညါကစၢ်ယွၤဟ့ၣ်လီၤတ့ၢ်စီၤဒၤနံးယ့လးတၢ်သ့တၢ်ဘၣ် လၢကတဲဖျါတၢ်ထံၣ်လၢညါခီဒီးတၢ်မံမီၢ်တဖၣ်အခီပညီ န့ၣ်လီၤ.

လံာ်ဒၤနံးယ့လး 2:1

လၢစီၤပၤစီၤနဘူၤကးန့စၢ်ပၢတၢ်ခံနံၣ်တနံၣ်န့ၣ်မံမီၢ်ဝဲတၢ်မံမီၢ် တမံၤန့ၣ်လီၤ. တၢ်မံမီၢ်န့ၣ်မၤကိၢ်မၤဂီၤအီၤဒိၣ်မးတုၤဒၣ်လဲာ်မံဝဲ တန့ၢ်ဘၣ်,

လံာ်ဒၤနံးယ့လး 2:26

စီၤပၤစံးဘၣ်စီၤဒၤနံးယ့လးလၢအမံၤဘၣ်တၢ်ကိးစ့ၢ်ကီးလၢ စီၤဘ့ၤလးတၡါစၢ်, “နစံးဘၣ်ယၤတၢ်လၢယမံမီၢ်တ့ၢ်န့ၣ် ဒီးဖးန့ၢ်ယၤလၢအခီပညါဘၣ်ကသ့ဧါ.”

လံာ်ဒၤနံးယ့လး 4:13

ဖဲယဆိကမိၣ်တၢ်ထံၣ်လၢညါခီတမံၤန့ၣ်အဂ့ၢ်အဖၢမုၢ်ယထံၣ်ဘၣ် ကလူးဟဲလီၤလၢမူခိၣ်တဂၤလၢအအိၣ်ဒီးတၢ်သူၣ်ပ့ၢ်သးဆှါ ဒီးတၢ်မဲာ်စီၣ်နါစီၣ်န့ၣ်လီၤ.

လံာ်ဒၤနံးယ့လး 4:5

ဖဲယမံသပ့ၤဘၣ်ယသးအခါန့ၣ်ယအိၣ်ဒီးတၢ်မံမီၢ်ဒီးတၢ်ထံၣ် လၢညါခီတဖၣ်လၢအလီၤပျံၤလီၤဖုးဒိၣ်ဒိၣ်ကလဲာ်န့ၣ်လီၤ.

လံာ်ဒၤနံးယ့လး 5:1

မုၢ်တနၤန့ၣ်စီၤပၤဘ့ၤလၡါစၢ်ကွဲဃီၤန့ၣ်အပဒိၣ်ပပှၢ်တကထိဆူတၢ်အီၣ် တၢ်အီအမူးဖးဒိၣ်ဒီးအီသကိးဝဲစပံးထံန့ၣ်လီၤ.

လံာ်ဒၤနံးယ့လး 5:22

ဒီးအဝဲဒၣ်အဖိခွါနဲဒၣ်, စီၤဘ့ၤလၡါစၢ်ဧၢ, နသ့ၣ်ညါ တ့ၢ်တၢ်ဂ့ၢ်တဖၣ်အံၤခဲလၢာ်ဒၣ်လဲာ်န့ၣ်နတဆီၣ်လီၤတ့ၢ် ဘၣ်နသးဘၣ်.

လံာ်ဒၤနံးယ့လး 5:30

ဒီးလၢမုၢ်တနၤဃီန့ၣ်အပူၤ, ကီၢ်ဘၤဘူၤလိၣ်အစီၤပၤစီၤပၤ ဘ့ၤလၡါစၢ်ဘၣ်တၢ်မၤသံကွံာ်အီၤန့ၣ်လီၤ.

လံာ်ဒၤနံးယ့လး 7:13

အကတီၢ်လၢတၢ်ထံၣ်လၢညါခီအံၤလၢမုၢ်နၤန့ၣ်ယထံၣ်ဘၣ်တ့ၢ် တၢ်လီၤဂာ်ဒီးပှၤကညီဖိခွါတဂၤလီၤ. ဘၣ်တၢ်ကဝီၤဃးအီၤ လၢတၢ်အၢၣ်ဒီးသုးဘူးအသးဆူယအိၣ်ဒီးလဲၤဝဲဒၣ်ဆူပှၤ တဂၤလၢအအိၣ်မူတ့ၢ်ဝဲဒၣ်အထူအယိာ်အအိၣ်ဒီးဘၣ် တၢ်ဆှၢထီၣ်အီၤဆူအမဲာ်ညါန့ၣ်လီၤ.

လံာ်ဒၤနံးယ့လး 7:15

တၢ်ထံၣ်လၢညါခီတဖၣ်လၢယထံၣ်တ့ၢ်အီၤန့ၣ်မၤကိၢ်မၤဂီၤယသး, ဒီးယသးဘၣ်တံာ်တာ်ဒိၣ်ဒိၣ်ကလဲာ်လီၤ.

လံာ်ဒၤနံးယ့လး 7:7

ဒ်ယအိၣ်ခိးကွၢ်တၢ်အသိးန့ၣ်, ဆၣ်ဖိကီၢ်ဖိအၢအၢသီသီ လွံၢ်ဒုတဒုအိၣ်ဖျါထီၣ်ဝဲဒၣ်န့ၣ်လီၤ. အဝဲအဂံၢ်အဘါဆူၣ်ဒိၣ် မး, အၢဝဲသီဝဲဒိၣ်ဒိၣ်ကလဲာ်ဒီးလီၤပျံၤလီၤဖုးဒိၣ်မးန့ၣ်လီၤ. လၢအမဲထးဖးဒိၣ်တဖၣ်န့ၣ်အ့ၣ်လီၤကလဲကွံာ်တၢ်ဒီးယီၢ်တံၢ် ဝဲတၢ်အိၣ်လီၤတဲာ်တဖၣ်န့ၣ်လီၤ. အဝဲဒၣ်လီၤဆီန့ၢ်ဆၣ်ဖိကီၢ် ဖိအဂၤတဖၣ်ဒီးအနၢၤအိၣ်အဘိတဆံန့ၣ်လီၤ.

လံာ်ဒၤနံးယ့လး 8:1

“လၢစီၤပၤဘ့ၤလၡါစၢ်ပၢတၢ်သၢနံၣ်တနံၣ်န့ၣ်ယထံၣ်တ့ၢ် တၢ်လၢညါခီခံမံၤတမံၤန့ၣ်လီၤ.

လံာ်ယိၤအ့လး 2:28

တၢ်န့ၣ်ဝံၤအလီၢ်ခံဒီးယကလူလီၤယသးစီ ဆှံလၢပှၤကိးဂၤဒဲးအလိၤ, သုဖိခွါတဖၣ်ဒီးသုဖိမုၣ်တဖၣ်ကတဲဖျါယတၢ်ကစီၣ်, သုပှၤပိာ်ခွါသးပှၢ်တဖၣ်ကမံမီၢ်တၢ်, ဒီးသုပှၤပိာ်ခွါသးစၢ်တဖၣ်ကထံၣ်တၢ်လၢညါခီလီၤ.

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

လံာ်ဃဘးကူာ် 2:2

ဒီးယွၤဟ့ၣ်တ့ၢ်ယၤတၢ်စံးဆၢဒ်အံၤ, “တၢ်လၢယဒုးထံၣ်နၤန့ၣ် ကွဲးအီၤဖျါဖျါလၢလၢၢ်ဘ့ၣ်ဘၣ်တဖၣ်အလိၤ, ဒ်သိးတၢ်ဖးအီၤကသ့ညီညီအဂီၢ်တက့ၢ်.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

ရိမ့ၤ 15:4

တၢ်ကိးမံၤဒဲးလၢတၢ်ကွဲးအသးစီဆှံအပူၤန့ၣ်ဘၣ်တၢ် ကွဲးအီၤလၢတၢ်ကသိၣ်လိပှၤအဂီၢ်, ဒ်သိးပကအိၣ်ဒီးတၢ်မုၢ်လၢ်ခီဖျိတၢ်ကွဲးအသးစီဆှံ အတၢ်ဟ့ၣ်ပှၤတၢ်သူၣ်စူၤသးစူၤဒီးတၢ်ဟ့ၣ်ဂံၢ်ဟ့ၣ်ဘါအဃိ န့ၣ်လီၤ.

၂ ကရံၣ်သူး 12:1

မ့တမ့ၢ်တၢ်လၢအဘျုးအိၣ်ဖှိၣ်အိၣ်သနာ်က့, ယကဘၣ် ကတိၤတၢ်ကဖၢလၢလီၤ. ဘၣ်ဆၣ်ဒီးခဲကနံၣ်အံၤယကကတိၤတၢ်ဘၣ်ဃးတၢ်ထံၣ် တၢ်လၢညါခီဒီးတၢ်လီၣ်ဖျါတဖၣ်လၢကစၢ်ဟ့ၣ်ယၤန့ၣ်လီၤ.

လံာ်လီၣ်ဖျါ 1:19

ခဲကနံၣ်အံၤ, ကွဲးလီၤတၢ်သ့ၣ်တဖၣ်လၢနထံၣ်ဘၣ်နဲ, တၢ်လၢအမၤအသးခဲကနံၣ်အံၤ, ဒီးတၢ်လၢအကမၤအသးလၢခံ တဖၣ်န့ၣ်တက့ၢ်.

လံာ်လီၣ်ဖျါ 10:4

လီသီၣ်နွံဘီဟ့ၣ်တၢ်စံးဆၢတဘျီဃီ, ယသါကကွဲးလီၤတၢ်လီၤ. ဘၣ်ဆၣ်, ယနၢ်ဟူတၢ်ကလုၢ်သီၣ်ထီၣ်လၢမူခိၣ်ဒီးစံးဝဲ, “ပာ်ခူသူၣ်တၢ်လၢလီသီၣ်နွံဘီစံးတ့ၢ်ဝဲန့ၣ်တက့ၢ်, တဘၣ်ကွဲးလီၤအီၤတဂ့ၤ.”