လံာ်ဒၤနံးယ့လး 6:5 - Sgaw Karen Common Bible

⁵ မၤသးဒ်န့ၣ်ဒီး, အဝဲသ့ၣ်စံးလိာ်အသး, “မ့တမ့ၢ်ဘၣ်လၢတၢ်ဘၣ်ထွဲဒီးအတၢ်ဘူၣ်တၢ်ဘါအဂ့ၢ်န့ၣ်ပဃုထံၣ် တၢ်ဂ့ၢ်ထီဒါစီၤဒၤနံးယ့လးတသ့ဘၣ်နီတမံၤဘၣ်.”

လံာ်ဒၤနံးယ့လး 6:5 Iomraidhean Croise

လံာ်နီၢ်အ့ၤစတၢ် 3:8

လၢတၢ်န့ၣ်အဃိစီၤဟၤမၣ်တဲဘၣ်စီၤပၤ, “ပှၤအိၣ်ဝဲဒၣ်တကလုာ်လၢအအိၣ်လီၤပြံလီၤပြါလၢနဘီနမုၢ်ဒီ ဘ့ၣ်ညါအပူၤန့ၣ်လီၤ. အဝဲသ့ၣ်အိၣ်ဒီးအလုၢ်အလၢ်အတၢ်ဆဲးတၢ်လၤတဖၣ်လၢအတ ဒ်သိးဒီးပှၤဘၣ်န့ၣ်လီၤ. အါန့ၣ်အန့ၣ်, အဝဲသ့ၣ်တဒိကနၣ်ဘီ မုၢ်အတၢ်သိၣ်တၢ်သီတဖၣ်ဘၣ်. ဒီးနတကြၢးသူၣ်အိၣ်သးအိၣ်အဝဲသ့ၣ်ဒီးပျဲအဝဲသ့ၣ်ကမၤဒ် အလုၢ်အလၢ်အိၣ်အသိးန့ၣ်ဘၣ်.

စံးထီၣ်ပတြၢၤ 37:32

ပှၤအၢပှၤသီကွၢ်ဟုၣ်ကွၢ်စုာ်ပှၤအဂ့ၤအဝါ ဒီးဃုမၤသံအီၤန့ၣ်လီၤ.

လံာ်ယံးရမံယၤ 29:7

မၤတၢ်အဂ့ၤလၢ ဝ့ၢ်တဖၣ်အဂီၢ်, တၢ်လီၢ်ဖဲယမၢသုလဲၤအိၣ် လဲၤဆိးဒ် ပှၤဘၣ်တၢ်စိာ်မၢကဲကုၢ်တဖၣ်အသိး, န့ၣ်တက့ၢ်. ဘါထုကဖၣ်တၢ်ဆူ ယအိၣ်လၢအဝဲသ့ၣ်အခၢၣ်စးတက့ၢ်. အဂ့ၢ်ဒ်အံၤ, အဝဲသ့ၣ်မ့ၢ် ဘီၣ်ထီၣ်ညီထီၣ်ဒီး, သုကဘီၣ် ထီၣ်ညီထီၣ် စ့ၢ်ကီးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:17

အန့ၣ်ဝံၤဒီးအဝဲစံးဘၣ်စီၤဒၤဝံး, “နတၢ်ဘၣ်ဒီးယတၢ်ကမၣ် လီၤ. နဂ့ၤလၢယဖီခိၣ်ဒိၣ်မး, ဖဲယမၤတ့ၢ်တၢ်ကမၣ်လၢနဖီခိၣ်ဒ်န့ၣ် အသိးအခါလီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:3

ပှၤဖလ့ၡသးဖိအသုးခိၣ်ကျၢၢ်တဖၣ်ထံၣ်အဝဲသ့ၣ်ဒီးသံကွၢ်ဝဲ, “ပှၤဧ့ၤဘြံၤဖိတဖၣ်အံၤမၤတၢ်မနုၤဖဲအံၤန့ၣ်လဲၣ်.” စီၤအၤကံၣ်စံးဆၢဝဲဒၣ်, “အဝဲအံၤမ့ၢ်စီၤဒၤဝံး, ကီၢ်အံၣ်စရ့လးအစီၤပၤစီၤစီလူးအသုးခိၣ်တဂၤန့ၣ်လီၤ. အဝဲအိၣ်ဒီးယၤခဲအံၤယံာ်ထီၣ်တစဲးလံ. စးထီၣ်မုၢ်တနံၤလၢအဟဲအိၣ်ဒီးယၤန့ၣ်ယတထံၣ်န့ၢ်တၢ်ကမၣ်လၢ အမၤဝဲနီတမံၤဘၣ်.”