လံာ်ဒၤနံးယ့လး 6:4 - Sgaw Karen Common Bible

⁴ တုၤနုၤတစု, ပှၤပၢဆှၢအံးထွဲကွၢ်ထွဲတၢ်အဂၤတဖၣ်ဒီးပဒိၣ်ဖးဒိၣ် တဖၣ်ကျဲးစၢးဝဲဒ်သိးကထံၣ်န့ၢ်တၢ်ကမၣ်လၢစီၤဒၤနံးယ့လးအတၢ်ပၢ ဆှၢဘီမုၢ်အကျိၤအကျဲအပူၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဘၣ်ဝဲဘၣ်. အဂ့ၢ်ဒ်အံၤ, စီၤဒၤနံးယ့လးန့ၣ်ဘၣ်တၢ်နာ်န့ၢ်အီၤဒီးတမၤက မၣ်တၢ်နီတမံၤမ့ၢ်ဂ့ၤ, တမၤတၢ်တတီတလိၤဘၣ်မ့ၢ်ဂ့ၤန့ၣ်ဘၣ်.

လံာ်ဒၤနံးယ့လး 6:4 Iomraidhean Croise

လံာ်တၢ်ကဲထီၣ်အခီၣ်ထံး 41:38

ဒီးစီၤပၤစံးဘၣ်အဝဲသ့ၣ်, “ပကထံၣ်န့ၢ်ပှၤဂ့ၤဒိၣ်န့ၢ်စီၤ ယိၤသးတဂၤ, ပှၤတဂၤလၢကစၢ်ယွၤအသးစီဆှံအိၣ်လၢ အပူၤန့ၣ်တသ့နီတစုဘၣ်.”

လံာ်တၢ်ကဲထီၣ်အခီၣ်ထံး 43:18

မ့ၢ်လၢအဝဲသ့ၣ်ဘၣ်တၢ်က့ၤကိးဆူဟံၣ်န့ၣ်အဃိ, အဝဲသ့ၣ်ပျံၤတၢ်ဒီးဆိကမိၣ်ထီၣ်ဝဲ, “ပဘၣ်တၢ်ဟဲကိးပှၤဖဲ အံၤမ့ၢ်ဒၣ်လၢစ့လၢအဘၣ်တၢ်ဟ့ၣ်ကဒါက့ၤပှၤလၢပထၢၣ်တဖၣ်အပူၤ အခီၣ်ထံးတဘျီအဃိလီၤ. အဝဲသ့ၣ်ကမၤဒၢၣ်ပှၤသတူၢ်ကလာ်, ဟံးန့ၢ်ပကသ့ၣ်ယီၤတဖၣ်, ဒီးဒုးကဲထီၣ်ပှၤလၢအကုၢ်တဖၣ်န့ၣ်လီၤ.”

တၢ်ကတိၤဒိ. 29:27

ပှၤတီပှၤလိၤသးဟ့ပှၤအၢပှၤသီ, ဒီးပှၤအၢပှၤသီသးဟ့ ပှၤတီပှၤလိၤလီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 18:23

ဘၣ်ဆၣ်ဒီးယွၤဧၢ, နသ့ၣ်ညါအဝဲသ့ၣ်အတၢ်ကူၣ်ကျဲၤတဖၣ်လၢ ကမၤသံယၤအဂီၢ်န့ၣ်လီၤ. ပျၢ်ဖျဲးအဝဲသ့ၣ်အတၢ်အၢတၢ်သီမ့ၢ်ဂ့ၤ, ပျဲပူၤအဝဲသ့ၣ်လၢအတၢ်ဒဲးဘးမ့ၢ်ဂ့ၤန့ၣ်တဂ့ၤ. ကွံာ်လီၤကွံာ်အဝဲသ့ၣ်လၢအတၢ်ဃၣ်ကွံာ်အပူၤဒီးမၤအဝဲသ့ၣ် ဖဲနသးဒိၣ်ထီၣ်ဒံးအဖၢမုၢ်အံၤန့ၣ်တက့ၢ်.”

လံာ်ယံးရမံယၤ 20:10

ယနၢ်ဟူဘၣ်ပှၤကိးဂၤဒဲးကတိၤကသွံကသွါတၢ်ဒီးစံး, “တၢ်လီၤပျံၤလီၤဖုးအိၣ်ဝဲလၢတၢ်လီၢ်ကိးပူၤဒဲးလီၤ. အဃိဒီးမ်ပလဲၤဘိးဘၣ်သ့ၣ်ညါအဝဲအဂ့ၢ်ဆူပှၤ န့ၢ်စိန့ၢ်ကမီၤတဖၣ်အအိၣ်တက့ၢ်.” ယတံၤသကိးလၢအဘူးကတၢၢ်ဒီးယၤတဖၣ်ဒၣ်လဲာ် အိၣ်ခိးကွၢ်လၢ်ယတၢ်ဟးဂီၤန့ၣ်လီၤ. အဝဲသ့ၣ်စံးဝဲ, “ဘၣ်သ့ၣ်သ့ၣ်ပလီန့ၢ်ဝ့ၤန့ၢ်အတၢ်ကန့ၢ်လီၤ. အန့ၣ်ဒီးပကဖီၣ်န့ၢ်အီၤဒီးမၤကၣ်က့ၤအီၤန့ၣ်လီၤ.”

လံာ်ယံးရမံယၤ 29:7

မၤတၢ်အဂ့ၤလၢ ဝ့ၢ်တဖၣ်အဂီၢ်, တၢ်လီၢ်ဖဲယမၢသုလဲၤအိၣ် လဲၤဆိးဒ် ပှၤဘၣ်တၢ်စိာ်မၢကဲကုၢ်တဖၣ်အသိး, န့ၣ်တက့ၢ်. ဘါထုကဖၣ်တၢ်ဆူ ယအိၣ်လၢအဝဲသ့ၣ်အခၢၣ်စးတက့ၢ်. အဂ့ၢ်ဒ်အံၤ, အဝဲသ့ၣ်မ့ၢ် ဘီၣ်ထီၣ်ညီထီၣ်ဒီး, သုကဘီၣ် ထီၣ်ညီထီၣ် စ့ၢ်ကီးန့ၣ်လီၤ.

လံာ်ဒၤနံးယ့လး 3:8

အကတီၢ်ဖဲန့ၣ်ပှၤဘၤဘူၤလိၣ်ဖိတနီၤဟံးန့ၢ်တၢ်အခွဲးအယာ်ဒီး ဆှိးအၢပှၤယူဒၤဖိတဖၣ်န့ၣ်လီၤ.

လံာ်ဒၤနံးယ့လး 5:12

အဝဲအိၣ်ဒီးတၢ်သ့တၢ်ဘၣ်လီၤဆီဒီးမ့ၢ်ပှၤကူၣ်သ့ဒီးပှၤအသ့ အဘၣ်လၢအဖးတၢ်မံမီၢ်တဖၣ်အခီပညီ, မၤဖျါထီၣ်တၢ်ပှိၤပှံ ပှိၤပှီၢ်တဖၣ်ဒီးတဲဖျါထီၣ်တၢ်ခူသူၣ်အဒိၣ်အယိာ်တဖၣ်သ့န့ၣ်လီၤ. မၤသးဒ်န့ၣ်ဒီး, မၤလိာ်လၢပှၤကလဲၤကိးန့ၢ်နၤစီၤဒၤနံးယ့လး လၢစီၤပၤယုၢ်တ့ၢ်အမံၤလၢစီၤဘ့ၤလးတၡါစၢ်န့ၣ်တက့ၢ်. ဒီးအဝဲကတဲဘၣ်နၤလၢတၢ်ခဲလၢာ်အံၤအခီပညီမ့ၢ်တၢ်မနုၤ လဲၣ်န့ၣ်လီၤ.”

လံာ်ဒၤနံးယ့လး 6:22

ကစၢ်ယွၤလၢယဘါအီၤန့ၣ်ဆှၢလီၤတ့ၢ်ဝဲအကလူးလၢအက ကးတံၢ်ခ့ယုၢ်တဖၣ်အထးခိၣ်ဒ်သိးအသုတမၤဆါယၤတဂ့ၤ အဂီၢ်လီၤ. အဂ့ၢ်ဒ်အံၤ, သ့ၣ်ညါဝဲလၢယမ့ၢ်ပှၤသူၣ်တီသးလိၤဒီး ယတမၤကမၣ်တ့ၢ်နၤ, နဲဒၣ်စီၤပၤအဃိန့ၣ်လီၤ.”

လံာ်မးသဲ 26:4

ဒီးသုးကျဲၤကူၣ်ထီၣ်ဖးလီၤသကိးဝဲလၢကဖီၣ်ခူသူၣ်ယ့ၣ်ၡူး ဒီးမၤသံကွံာ်အီၤန့ၣ်လီၤ.

လံာ်မးသဲ 27:18

အဝဲသ့ၣ်ညါထံဝဲလၢပှၤယူဒၤဖိအခိၣ်အနၢ်တဖၣ်ဟ့ၣ်လီၤယ့ၣ် ၡူးဆူအဝဲအစုပူၤ, မ့ၢ်ဒၣ်လၢတၢ်သးကါဘၣ်ယ့ၣ်ၡူးအဃိန့ၣ်လီၤ.

လံာ်လူၤကၣ် 20:20

လၢတၢ်န့ၣ်အဃိ, အဝဲသ့ၣ်အိၣ်ခိးကွၢ်တၢ်ဆၢကတီၢ်လၢ အကြၢးဝဲဘၣ်ဝဲလီၤ. အဝဲသ့ၣ်ဟ့ၣ်ပှၤတနီၤစ့ဒ်သိးအကပာ်မၤအသးလၢအမ့ၢ်ပှၤ အသးဘျၢ, ဒီးဆှၢလီၤအဝဲသ့ၣ်လၢအကသံကွၢ်သံဒိးယ့ၣ်ၡူး ဒီးဖီၣ်န့ၢ်အီၤလၢအတၢ်ကတိၤဒ်သိးအဝဲသ့ၣ်ဟ့ၣ်လီၤကွံာ်အီၤ ဆူရိမ့ၤအပဒိၣ်ဖးဒိၣ်အတၢ်စိတၢ်ကမီၤအပူၤကသ့ဝဲအဂီၢ် န့ၣ်လီၤ.

လံာ်လူၤကၣ် 20:26

လၢပှၤဂီၢ်မုၢ်တဖၣ်အမဲာ်ညါန့ၣ်, အဝဲသ့ၣ်ဖီၣ်အီၤလၢအတၢ်ကတိၤတန့ၢ်နီတဘီဘၣ်. လၢတၢ်န့ၣ်အဃိအဝဲသ့ၣ်အိၣ်ဘှီၣ်ကလာ်, ဒီးကမၢကမၣ်ဝဲလၢယ့ၣ်ၡူးအတၢ်စံးဆၢအဃိလီၤ.

လံာ်လူၤကၣ် 22:2

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဂုာ်ကျဲးစၢးဃုဝဲကျဲတဘိဘိလၢအကမၤသံ ယ့ၣ်ၡူးလၢတၢ်ခူသူၣ်လီၤ. အဂ့ၢ်မ့ၢ်လၢအဝဲသ့ၣ်ပျံၤပှၤဂီၢ်မုၢ်အဃိလီၤ.

လံာ်ယိၤဟၣ် 19:4

စီၤပံၤလးဟးထီၣ်ကဒီးတဘျီဆူတၢ်ချၢဒီးစံးဘၣ်ပှၤဂီၢ်မုၢ်န့ၣ်, “ကွၢ်တက့ၢ်. ယကကိးထီၣ်ယ့ၣ်ၡူးဆူသုအိၣ်ဒ်သိး သုကထံၣ်သ့ၣ်ညါဘၣ်လၢယတထံၣ်န့ၢ်တၢ်ဂ့ၢ်လၢတၢ်ကစံၣ်ညီၣ် အီၤအဂီၢ်နီတမံၤဘၣ်န့ၣ်လီၤ.”

၂ ကရံၣ်သူး 11:12

ယကမၤဒံးတၢ်လၢယမၤတ့ၢ်လံယဲခဲကနံၣ်အံၤ, ဒ်သိးယက တြီဃာ် “ပှၤတၢ်မၢဖိ” အဂၤသ့ၣ်တဖၣ်န့ၣ်ဒ်သိးအသုတအိၣ်ဒီးတၢ်ဂ့ၢ်တၢ်ကျိၤ တမံၤမံၤလၢအကကတိၤတၢ်ကဖၢလၢအဂီၢ်ဒီးစံးလၢ အဝဲသ့ၣ်မၤတၢ်လၢကျဲတဘိဃီဒ်ပမၤပဝဲအသိးတဂ့ၤ အဂီၢ်လီၤ.

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.

တံတူး 2:8

သူတၢ်ကတိၤအမ့ၢ်အတီလၢပှၤဃုတုာ်အတၢ်ကမၣ်တသ့ ဘၣ်, ဒ်သိးနဒုၣ်နဒါတဖၣ်ကဘၣ်တၢ်မၤမဲာ်ဆှးအီၤမ့ၢ်လၢ အကကတိၤအၢကတိၤသီပှၤအလီၢ်တအိၣ်နီတမံၤဘၣ်အဃိ န့ၣ်တက့ၢ်.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

၁ ပ့းတရူး 3:16

ဘၣ်ဆၣ်ဒီး, မၤအီၤလၢတၢ်ကပုာ်လုးဒီးတၢ်ပာ်ကဲအပူၤ တက့ၢ်. ပၢၤဃာ်သုသးလၢအသ့ၣ်ညါဒၣ်တၢ်အဂ့ၤတက့ၢ်. ဒ်သိးပှၤမ့ၢ်ကတိၤတရီတပါသုဒၣ်လဲာ်, ပှၤလၢအကတိၤအၢသုသကဲာ်ပဝးအဂ့ၤဒ်ပှၤပိာ်ခရံာ်အခံ တဖၣ်အသိးအံၤ, ကမဲာ်ဆှးဝဲလၢအတၢ်ကတိၤတဖၣ်အဃိ န့ၣ်တက့ၢ်.

လံာ်ပှၤစံၣ်ညီၣ်ကွီၢ် 14:4

အမိၢ်အပၢ်တဖၣ်တသ့ၣ်ညါလၢတၢ်န့ၣ်မ့ၢ်ယွၤအတၢ်ဆှၢစီၤၡံၣ်ၡိၣ် လၢအကမၤတၢ်န့ၢ်အဂ့ၢ်ဘၣ်န့ၣ်လီၤ. အဂ့ၢ်ဒ်အံၤ, ယွၤဃုတၢ်အခွဲးအယာ်လၢကဒုးပှၤဖလ့ၡသးဖိတဖၣ်န့ၣ်လီၤ. အကတီၢ်ဖဲအံၤပှၤဖလ့ၡသးဖိတဖၣ်ပၢကီၢ်အံၣ်စရ့လးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:4

ပှၤဂီၢ်မုၢ်စံးဆၢဝဲဒၣ်, “တမ့ၢ်ဘၣ်. နတလီတ့ၢ်ပှၤမ့ၢ်ဂ့ၤ, မၤနးမၤဖှီၣ်တ့ၢ်ပှၤမ့ၢ်ဂ့ၤ, နတဟံးန့ၢ်တ့ၢ်တၢ်တမံၤမံၤလၢ ပှၤနီတဂၤအအိၣ်မ့ၢ်ဂ့ၤန့ၣ်ဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 18:14

ဒီးအဝဲမၤနၢၤတၢ်လၢကယဲၢ်အတၢ်မၤခဲလၢာ်အပူၤလီၤ. အဂ့ၢ်ဒ်အံၤ, ယွၤအိၣ်ဒီးအီၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:14

စီၤအဃံၤမ့လ့းစံးဆၢဝဲဒၣ်, “စီၤဒၤဝံးမ့ၢ်သုးခိၣ်သုး နၢ်တဂၤလၢအသူၣ်တီသးလိၤဒီးနၤလၢနဒိးန့ၢ်ဘၣ်အီၤန့ၣ်လီၤ. အဝဲမ့ၢ်နမာ်ဒၣ်နဲဒီးပှၤပၢၤနသးသမူတဖၣ်အခိၣ်, ဒီးဘၣ်တၢ်ပာ်ကဲအီၤဒိၣ်မးလၢပှၤကိးဂၤလၢအအိၣ်လၢစီၤပၤအနူၢ်ပူၤစီၤပူၤလီၤ.