လံာ်ဒၤနံးယ့လး 6:28 - Sgaw Karen Common Bible

²⁸ ဒီးစီၤဒၤနံးယ့လးဘီၣ်ထီၣ်ညီထီၣ်လၢစီၤပၤဒၤရယါဝ့ၣ်အတၢ်ပၢတၢ် ပြးဒီးကီၢ်ပၤရၣ်အစီၤပၤစီၤကိရ့ၣ်ပၢတၢ်အစိၤန့ၣ်လီၤ.

လံာ်ဒၤနံးယ့လး 6:28 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:22

ဖဲကီၢ်ပၤရၣ်အစီၤပၤကိရ့ၣ်ပၢတၢ်အခီၣ်ထံးတနံၣ်အပူၤန့ၣ်, ယွၤမၤလၢထီၣ်ပှဲၤထီၣ်တၢ်လၢအစံးဘၣ်တ့ၢ်ဝဲခီဖျိဝံယံးရမံ ယၤန့ၣ်လီၤ. အဝဲထိၣ်ဟူးထိၣ်ဂဲၤစီၤကိရ့ၣ်အသးလၢကထုးထီၣ်ရၤလီၤတၢ်မၤ လိာ်လၢလာ်အံၤဒီးဆှၢလီၤအီၤခီဖျိတၢ်ကွဲးဒ်သိးကဘၣ်တၢ်ဖး သီၣ်ထီၣ်အီၤဒိၣ်ဒိၣ်လၢတၢ်လီၢ်တပူၤလၢ်လၢ်, လၢအဝဲအဘီအမုၢ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:23

“တၢ်အံၤမ့ၢ်ကီၢ်ပၤရၣ်အစီၤပၤဖးဒိၣ်ကိရ့ၣ်အတၢ်မၤလိာ်န့ၣ် လီၤ. ယွၤ, မူခိၣ်အကစၢ်ယွၤဒုးကဲထီၣ်တ့ၢ်ယၤလၢပှၤပၢဘၣ်တၢ်လၢဟီၣ် ခိၣ်ဒီဘ့ၣ်ညါအဖီခိၣ်ဒီးဟ့ၣ်လီၤတ့ၢ်ယၤမူဒါလၢယကဘှီထီၣ်တၢ်လုၢ် ဟံၣ်တဖျၢၣ်လၢအဂီၢ်လၢကီၢ်ယူဒၤ, ဝ့ၢ်ယရူၤရှလ့ၣ်အပူၤန့ၣ်လီၤ. ခဲအံၤ, ကယဲၢ်သုဝဲခဲလၢာ်လၢအမ့ၢ်ကစၢ်ယွၤအပှၤဂီၢ်မုၢ်တဖၣ်, လဲၤသုဝဲဖဲန့ၣ်ဒီးမ်ယွၤသုကစၢ်ယွၤအိၣ်ဒီးသုတက့ၢ်.”

စံးထီၣ်ပတြၢၤ 77:15

လၢနစိနကမီၤန့ၣ်နအုၣ်က့ၤခီၣ်က့ၤနပှၤဂီၢ်မုၢ်, စီၤယၤကိာ်ဒီးစီၤယိၤသးအစၢၤအသွဲၣ်တဖၣ်လီၤ. စ့လၤ

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယံးရမံယၤ 32:20

ယံာ်တ့ၢ်လၢပျၢၤန့ၣ်, နမၤတ့ၢ်တၢ်လီၤလး တဖၣ်ဒီး တၢ်လီၤကမၢကမၣ်တဖၣ်လၢ ကီၢ်အဲၤကူပတူး အပူၤ, ဒီးနမၤထွဲဒံးနဲတုၤမုၢ်မဆါတနံၤအံၤလၢကီၢ်အံၣ်စရ့လး အပူၤ, ဒီးလၢပှၤကလုာ်အဂၤခဲလၢာ်အကျါ, တုၤဒၣ်လဲာ် ခဲကနံၣ်အံၤ, နဘၣ်တၢ်သ့ၣ်ညါနၤသကုၤဆးဒးန့ၣ်လီၤ.

လံာ်ဒၤနံးယ့လး 1:21

စီၤဒၤနံးယ့လးမၤဒံးတၢ်လၢစီၤပၤအနီပူၤန့ၣ်တုၤလၢစီၤပၤ စီၤကိရ့ၣ်, ပၤရၣ်အစီၤပၤဖးဒိၣ်လၢအဟဲဒုးန့ၢ်ကီၢ်ဘၤဘူၤလိၣ်, ပၢတၢ်အခီၣ်ထံးတနံၣ်န့ၣ်လီၤ.

လံာ်ဒၤနံးယ့လး 10:1

လၢစီၤပၤဖးဒိၣ်စီၤကိရ့ၣ်ပၢတၢ်လၢပၤရၣ်အဘီအမုၢ်သၢနံၣ် တနံၣ်အပူၤန့ၣ်, တၢ်ကစီၣ်တမံၤဘၣ်တၢ်လီၣ်ဖျါထီၣ် အီၤလၢစီၤဒၤနံးယ့လး, ပှၤလၢအဘၣ်တၢ်ကိးစ့ၢ် ကီးအီၤလၢစီၤဘ့ၤလးတၡါစၢ်, န့ၣ်လီၤ. တၢ်ကစီၣ်န့ၣ်မ့ၢ်အမ့ၢ် အတီဘၣ်ဆၣ်ဒီးတၢ်နၢ်ပၢၢ်အီၤကီဒိၣ်ဒိၣ်ကလဲာ်န့ၣ်လီၤ. တၢ်န့ၣ်ဘၣ်တၢ်တဲဖျါထီၣ်န့ၢ်အီၤလၢတၢ်ထံၣ်လၢညါခီအပူၤန့ၣ်လီၤ.

လံာ်ဒၤနံးယ့လး 3:29

ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”

လံာ်ဒၤနံးယ့လး 5:28

ပၤစ့ၣ်စံးတၢ်န့ၣ်မ့ၢ်တၢ်နီၤဖးတဖၣ်ဒီး, နဘီနမုၢ်အံၤဘၣ်တၢ် နီၤဖးအီၤဒီးဟ့ၣ်လီၤအီၤဆူပှၤမၤဒဲဖိဒီးပှၤပၤရၣ်ဖိတဖၣ်အအိၣ်လီၤ.”