လံာ်ဒၤနံးယ့လး 6:24 - Sgaw Karen Common Bible

²⁴ ဒီးစီၤပၤဟ့ၣ်လီၤအကလုၢ်လၢတၢ်ကဖီၣ်ဒီးတ့ၢ်လီၤကွံာ်ပှၤဆှိး ထီၣ်ပာ်တၢ်ကမၣ်လၢစီၤဒၤနံးယ့လးအလိၤတဖၣ်ဃုာ်ဒီးအဖိ အမါတဖၣ်ဆူခ့ယုၢ်အတဝၢအပူၤန့ၣ်လီၤ. ဒီးတချုးလၢအလီၤတုၤ ဆူတၢ်ပူၤအခံဒးဒံးဒၣ်လဲာ်ဘၣ်ဒီးခ့ယုၢ်တဖၣ်စံၣ်ပှီၤလၢ အလိၤဒီးအီၣ်ကွံာ်အီၤတုၤအဃံအကွဲလၢာ်တစုန့ၣ်လီၤ.

လံာ်ဒၤနံးယ့လး 6:24 Iomraidhean Croise

လံာ်စီၤပၤခံဘ့ၣ်တဘ့ၣ် 14:6

ဘၣ်ဆၣ်ဒီးအဝဲတမၤသံဘၣ်ပှၤတဖၣ်န့ၣ်အဖိတဖၣ်ဘၣ်. မ့မ့ၢ်ပိာ်ထွဲတၢ်လၢယွၤမၤလိာ်တ့ၢ်ဝဲလၢစီၤမိၤၡ့အတၢ်သိၣ် တၢ်သီအပူၤလၢအစံးဝဲ, “မိၢ်ပၢ်တဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢ အဖိတဖၣ်မၤဝဲအဃိ, ဒီးအဖိတဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢမိၢ်ပၢ် တဖၣ်မၤဝဲအဃိဘၣ်. ပှၤတဂၤကဘၣ်တၢ်မၤသံဒၣ်အီၤလၢတၢ်ကမၣ်လၢအဝဲမၤဒၣ်ဝဲအဃိ န့ၣ်လီၤ.”

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်နီၢ်အ့ၤစတၢ် 9:10

လၢအမ့ၢ်စီၤဟးမဒၤသၤအဖိခွါစီၤဟၤမၣ်အဖိခွါ အဂၤတဆံန့ၣ်လီၤ. မ့မ့ၢ်အတၢ်ဖိတၢ်လံၤန့ၣ်တဘၣ်တၢ်ဂုာ်ဆူၣ်အီၤဘၣ်.

လံာ်နီၢ်အ့ၤစတၢ် 9:25

ဘၣ်ဆၣ်နီၢ်အ့ၤစတၢ်လဲၤဆူစီၤပၤအအိၣ်ဒီးစီၤပၤရၤလီၤအတၢ် မၤလိာ်တဖၣ်လၢတၢ်ကွဲးအီၤအိၣ်ဒီးတၢ်အစၢလၢစီၤဟၤမၣ် တူၢ်ဘၣ်က့ၤအတၢ်ဘူၣ်အၢတီၢ်သီလၢအကူၣ်ကျဲၤဝဲလၢပှၤ ယူဒၤဖိတဖၣ်အဂီၢ်အဝဲဒီးအဖိခွါတဖၣ်ဘၣ်တၢ်ဘျးထီၣ် အီၤလၢသ့ၣ်အလိၤန့ၣ်လီၤ.

စံးထီၣ်ပတြၢၤ 54:5

အဝဲဟ့ၣ်ကၣ်တၢ်အၢလၢယဒုၣ်ယဒါတဖၣ်ဒီး ယွၤကမၤဟးဂီၤကွံာ်အဝဲသ့ၣ်လၢ အတၢ်သူၣ်တီသးလိၤအပူၤန့ၣ်လီၤ.

တၢ်ကတိၤဒိ. 11:8

ပှၤတီပှၤလိၤတဖၣ်ဘၣ်တၢ်မၤပူၤဖျဲးအီၤလၢတၢ်ကီတၢ်ခဲဒီးလၢ အလီၢ်န့ၣ်, တၢ်ကီတၢ်ခဲလီၤဘၣ်ဆူပှၤတတီတလိၤတခီန့ၣ်လီၤ.

တၢ်ကတိၤဒိ. 19:9

ပှၤလၢအကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်ပူၤန့ၣ်ပူၤဖျဲး ဒီးတၢ်စံၣ်ညီၣ်တသ့ဘၣ်နီတဂၤဘၣ်. အဝဲဘၣ်တၢ်စံၣ်ညီၣ်ဃါမနၤလီၤ.

လံာ်ယၡါယၤ 38:13

ဒီနၤညါန့ၣ်, ယကိးထီၣ်လၢတၢ်ဆူးတၢ်ဆါအပူၤ, မၤသးဒ်သိးခ့ယုၢ်တဒုမၤကၢ်ယဃံယကွဲတဖၣ်န့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်ဒၤနံးယ့လး 3:22

မ့ၢ်လၢစီၤပၤအတၢ်မၤလိာ်ဃံးဝဲ, ဒီးဖၣ်ကပူၤမ့ၣ်အူန့ၣ်ကိၢ် ဝဲနးနးကလဲာ်သတးဒီးမ့ၣ်အူလၣ်ပျဲၤအီၣ်သံကွံာ်ပှၤတဖၣ်လၢ အလဲၤတ့ၢ်လီၤကွံာ်ပှၤသၢဂၤန့ၣ်လီၤ.

လံာ်သိၣ်လီၤသီလီၤတၢ် 24:16

လၢတၢ်ကမၣ်တဖၣ်လၢဖိတဖၣ်မၤအီၤအဃိန့ၣ်, မိၢ်ပၢ်တဖၣ်တၢ်တဘၣ်မၤသံအီၤဘၣ်. ဒီးလၢတၢ်ကမၣ်တဖၣ်လၢမိၢ်ပၢ်တဖၣ်မၤအီၤအဃိန့ၣ်ဖိတဖၣ်တၢ်တဘၣ်မၤသံအီၤဘၣ်. ပှၤတဂၤကဘၣ်တၢ်မၤသံအီၤထဲဒၣ်လၢအနီၢ်ကစၢ်ဒၣ်ဝဲမၤတၢ်ကမၣ်အဃိန့ၣ်လီၤ.