လံာ်ဒၤနံးယ့လး 6:23 - Sgaw Karen Common Bible

²³ စီၤပၤအသးခုဒိၣ်ဒိၣ်ကလဲာ်ဒီးမၤလိာ်တ့ၢ်ဝဲလၢပှၤကထုးထီၣ် က့ၤစီၤဒၤနံးယ့လးလၢခ့ယုၢ်အတဝၢအပူၤန့ၣ်လီၤ. မၤသးဒ်န့ၣ်ဒီး, အဝဲသ့ၣ်ထုးထီၣ်က့ၤအီၤဒီးထံၣ်ဘၣ်ဝဲလၢ အတဘၣ်ဒိဘၣ်ထံးဘၣ်နီတမံၤဘၣ်လၢအတၢ်စူၢ်တၢ်နာ်ကစၢ် ယွၤအဃိန့ၣ်လီၤ.

လံာ်ဒၤနံးယ့လး 6:23 Iomraidhean Croise

လံာ်စီၤပၤအခီၣ်ထံးတဘ့ၣ် 5:7

ဖဲအဝဲဒိးန့ၢ်ဘၣ်စီၤၡလိၤမိၤအတၢ်ကစီၣ်န့ၣ်စီၤဃူရၣ်ဘၣ် သူၣ်ဘၣ်သးဒိၣ်ဒိၣ်ကလဲာ်ဒီးစံးဝဲ, “စံးထီၣ်ပတြၢၤယွၤတနံၤအံၤလၢအဟ့ၣ်စီၤဒၤဝံးလၢအဖိခွါ လၢအကူၣ်သ့ဒ်သိးအံၤတဂၤလၢအကဲထီၣ်ပှၤဂီၢ်မုၢ်ဖးဒိၣ်တဖု အစီၤပၤလၢအဝဲအလီၢ်အဃိန့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 5:20

အဝဲသ့ၣ်အိၣ်ဒီးတၢ်နာ်လၢကစၢ်ယွၤအပူၤ, ဘါထုကဖၣ်ဆူအအိၣ်လၢတၢ်မၤစၢၤအဂီၢ်ဒီးကစၢ်ယွၤစံးဆၢအဝဲ သ့ၣ်အတၢ်ထုကဖၣ်တဖၣ်ဒီးယွၤဟ့ၣ်အီၤတၢ်မၤနၢၤလၢပှၤဟၤကၢ်ဖိ ဒီးအသိၣ်အမှံၤတဖၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

စံးထီၣ်ပတြၢၤ 18:21

ယစူၢ်ယွၤအတၢ်သိၣ်တၢ်သီ, ယတဟးဖးဒီးယကစၢ်ယွၤဘၣ်.

စံးထီၣ်ပတြၢၤ 37:40

ယွၤမၤစၢၤအဝဲသ့ၣ်ဒီးမၤပူၤဖျဲးအဝဲသ့ၣ်လီၤ. ယွၤမၤပူၤဖျဲးအဝဲသ့ၣ်လၢပှၤအၢပှၤသီအစုပူၤ, အဂ့ၢ်မ့ၢ်လၢအဝဲသ့ၣ်ဟံးန့ၢ်တၢ်အိၣ်တဒၢအလီၢ် လၢအပူၤအဃိန့ၣ်လီၤ.

လံာ်တၢ်ဟးထီၣ်ကွံာ် 18:9

ဒီးဖဲစီၤယံးသရိၤနၢ်ဟူတၢ်ဂ့ၢ်ခဲလၢာ်အံၤဒီးအဝဲအသးခု,

တၢ်ကတိၤဒိ. 18:10

ယွၤလီၤဂာ်ဒီးတၢးထီခၢၣ်သနၢၣ်တဖျၢၣ်ဖဲပှၤအတီအလိၤလဲၤနုာ် ဒီးအိၣ်ပူၤဖျဲးဝဲသ့န့ၣ်လီၤ.

လံာ်ယၡါယၤ 26:3

ယွၤဧၢ, နဟ့ၣ်တၢ်ဃူတၢ်ဖိးအလၢအပှဲၤ ဆူပှၤတဖၣ်လၢအဟံးဃာ်အတၢ်တိာ် ဂၢၢ်ဂၢၢ်ကျၢၤကျၢၤ ဒီးပာ်အတၢ်နာ်လၢနပူၤအအိၣ်န့ၣ်လီၤ.

လံာ်ဒၤနံးယ့လး 3:17

တၢ်မ့ၢ်မၤအသးဒ်နစံးအသိးဒီး, ပကစၢ်ယွၤလၢပမၤအတၢ် မၤန့ၣ်မၤပူၤဖျဲးပှၤလၢမ့ၣ်အူကဲၤကဖးအဖၣ်ကပူၤသ့ဝဲ, ဒီးကမၤပူၤဖျဲးပှၤလၢနစုပူၤလီၤ.

လံာ်ဒၤနံးယ့လး 3:25

စီၤပၤစံးဝဲ, “မ့မ့ၢ်ဒ်န့ၣ်ဒီးဘၣ်မနုၤယထံၣ်ပှၤလွံၢ်ဂၤဟးဝ့ၤဝီၤ လၢမ့ၣ်အူပူၤန့ၣ်လဲၣ်. အဝဲသ့ၣ်တဘၣ်တၢ်စၢဃာ်အီၤဘၣ်. ဒီးအဝဲသ့ၣ်တဖျါဘၣ်ဒိဘၣ်ထံးစ့ၢ်ကီးဘၣ်. ပှၤလွံၢ်ဂၤတဂၤန့ၣ်လီၤ ဂာ်မးဒီးကစၢ်ယွၤအဖိခွါတဂၤလီၤ.”

လံာ်ဒၤနံးယ့လး 6:14

ဖဲစီၤပၤနၢ်ဟူဘၣ်တ့ၢ်တၢ်အံၤဒီးအသူၣ်ကိၢ်သးဂီၤဝဲဒီးပာ်လီၤ အသးလၢကဃုထံၣ်န့ၢ်ကျဲတဘိဘိဒ်သိးကမၤပူၤဖျဲးစီၤဒၤ နံးယ့လးန့ၣ်လီၤ. ကျဲးစၢးဝဲသပှၢ်ပှၢ်တုၤမုၢ်လီၤနုာ်တစုန့ၣ်လီၤ.

လံာ်ဒၤနံးယ့လး 6:18

အန့ၣ်ဝံၤဒီး, စီၤပၤက့ၤနုာ်ဝဲဒၣ်ဆူအနီပူၤန့ၣ်လီၤ. တၢ်အီၣ်တၢ် အီမ့ၢ်ဂ့ၤတၢ်မၤမုာ်မၤလၤအသးမ့ၢ်ဂ့ၤတတူၢ်လိာ်ဝဲနီတမံၤဘၣ်. ဒီးသီတနၤကျၢၤန့ၣ်မံဝဲတန့ၢ်ဘၣ်.

လံာ်မၢ်ကူး 9:23

ယ့ၣ်ၡူးစံးဘၣ်အီၤ, “နနာ်တၢ်မ့ၢ်သ့ဒီး, ပှၤလၢအအိၣ်ဒီးတၢ်နာ်န့ၣ်တၢ်မၤသးလၢအဂီၢ်သ့ခဲလၢာ်လီၤ.”

ဧ့ၤဘြံၤ 11:33

လၢတၢ်စူၢ်တၢ်နာ်န့ၣ်အဝဲသ့ၣ်မၤနၢၤဘီမုၢ်တဖၣ်, မၤတၢ်တီတၢ်လိၤ, ဒိးန့ၢ်တၢ်လၢအဘၣ်တၢ်စံးပာ်အီၤတဖၣ်, ပအၢဃာ်ခ့ယုၢ် အထးခိၣ်,