လံာ်ဒၤနံးယ့လး 6:2 - Sgaw Karen Common Bible

² ဒီးလၢပဒိၣ်ဖးဒိၣ်တဖၣ်အံၤအဖီခိၣ်န့ၣ်ဃုထၢတ့ၢ်ဝဲစီၤဒၤနံးယ့လး ဒီးပှၤအဂၤခံဂၤလၢကပၢဆှၢပဒိၣ်ဖးဒိၣ်တဖၣ်ဒီးကကွၢ်ထွဲတၢ် ဘၣ်ဃးဒီးစီၤပၤအတၢ်ဘၣ်ဘျုးတဖၣ်ဒ်သိးစီၤပၤအသုတဘၣ် တၢ်မၤတံာ်တာ်အီၤတဂ့ၤအဂီၢ်န့ၣ်လီၤ.

လံာ်ဒၤနံးယ့လး 6:2 Iomraidhean Croise

လံာ်စီၤဧ့စြၤ 4:22

မၤတၢ်အံၤတဘျီဃီဒ်သိးတၢ်ဘၣ်ဃးဒီးယၤတဖၣ်သုတဘၣ်ဒိ ဘၣ်ထံးအါထီၣ်တဂ့ၤန့ၣ်တက့ၢ်.”

လံာ်နီၢ်အ့ၤစတၢ် 7:4

ယၤဒီးယပှၤဂီၢ်မုၢ်ဘၣ်တၢ်ဆါလီၤကွံာ်အီၤလၢတၢ်မၤသံ အဂီၢ်န့ၣ်လီၤ. တၢ်န့ၣ်မ့ၢ်တအၢန့ၢ်ဒံးတၢ်ဆါလီၤကွံာ် ဆူတၢ်ကဲကုၢ်အပူၤဘၣ်ဒီး, ယကအိၣ်ဘှီၣ်ကလာ်ဒီးတမၤတံာ်တာ်ဘၣ် နၤလၢတၢ်ဂ့ၢ်န့ၣ်ဘၣ်. မ့မ့ၢ်ခဲအံၤပကဘၣ်တၢ်မၤဟးဂီၤကွံာ်ပှၤတုၤ အလၢာ်တစုန့ၣ်လီၤ.”

တၢ်ကတိၤဒိ. 26:6

နမ့ၢ်မၢပှၤအမၢးတဂၤဟ့ၣ်တၢ်ကစီၣ်တမံၤဒီး, လီၤဂာ်ဒ်နကျီတဲာ်နခီၣ်ဒၣ်နဲဒီးနဃ့န့ၢ်တၢ်ကိၢ်တၢ်ဂီၤလၢ နဂီၢ်အသိးန့ၣ်လီၤ.

တၢ်ကတိၤဒိ. 3:16

တၢ်ကူၣ်သ့ဟ့ၣ်နၤတၢ်အိၣ်ကၢအိၣ်ခိး, ဃုာ်ဒီးတၢ်ထူးတၢ်တီၤ ဒီးတၢ်လၤကပီၤစ့ၢ်ကီးလီၤ.

လံာ်ဒၤနံးယ့လး 5:16

ခဲကနံၣ်အံၤယနၢ်ဟူတ့ၢ်လၢနဃုထံၣ်တၢ်အခီပညီလီၤဘၢ တဖၣ်ဒီးတဲဖျါတၢ်ခူသူၣ်အဒိၣ်အယိာ်တဖၣ်သ့ဝဲဒၣ်လီၤ. နဖးတၢ်ကွဲးအသးအံၤဒီးတဲယၤလၢအခီပညီတဖၣ်မ့ၢ်သ့ဒီး, နကဘၣ်တၢ်ဒုးသိးထီၣ်နၤလၢစီၤလိၣ်စီၤပၤအဆ့ကၤဖးထီတဖၣ် အိၣ်ဒီးအလွဲၢ်လုးတကုာ်ဒီးဒုးလံာ်ထီၣ်နၤလၢတၢ်မၤလၤက ပီၤအဖဲထူတဝီလၢနကိာ်လိၤဒီးနကကဲထီၣ်ဘၣ်ပှၤပၢတၢ်သၢဂၤ တဂၤလၢဘီမုၢ်အပူၤန့ၣ်လီၤ.”

လံာ်ဒၤနံးယ့လး 5:29

အန့ၣ်ဝံၤတကီၢ်ခါ, စီၤဘ့ၤလၡါစၢ်ဟ့ၣ်လီၤအကလုၢ်လၢအ တၢ်ခ့တၢ်ပှၤတဖၣ်ကဒုးသိးထီၣ်စီၤဒၤနံးယ့လးလၢစီၤလိၣ်စီၤပၤ အဆ့ဖးထီတဘ့ၣ်အိၣ်ဒီးအလွဲၢ်လုးတကုာ်, ဒုးလံာ်ထီၣ်အီၤ လၢတၢ်လၤကပီၤအဖဲထူလၢအကိာ်လိၤန့ၣ်လီၤ. ဒီးဒုးကဲထီၣ်အီၤလၢပှၤပၢ တၢ်သၢဂၤတဂၤလၢအဘီမုၢ်အပူၤန့ၣ်လီၤ.

လံာ်ဒၤနံးယ့လး 5:7

ဒီးစီၤပၤကိးပသူထီၣ်လၢအကလုၢ်ဖးဒိၣ်လၢပှၤကဆှၢနုာ်ပှၤ မၤကဒါမဲာ်တဖၣ်, ပှၤသ့သမူပယၢ်တၢ်တဖၣ်ဒီးပှၤဖးဆၣ်ဧိၤ ဖီဧိၤအဂ့ၢ်တဖၣ်န့ၣ်လီၤ. စီၤပၤစံးဘၣ်ပှၤဟ့ၣ်ကူၣ်တၢ် တဖၣ်လၢဘၤဘူၤလိၣ်အပူၤန့ၣ်, “ပှၤတဂၤလၢ်လၢ်လၢအဖးတၢ် ကွဲးအသးအံၤဒီးမၤဖျါထီၣ်န့ၢ်ယၤအခီပညီမ့ၢ်သ့န့ၣ် ယကဒုးသိးထီၣ်အီၤလၢစီၤလိၣ်စီၤပၤအတၢ်ကူတၢ်သိး အလွဲၢ်လုးတကုာ်ဒုးလံာ်ထီၣ်အီၤလၢဖဲထူတပျံၤလၢ အကိာ်လိၤဒီးကဘၣ်တၢ်ဒုးကဲထီၣ်အီၤလၢပှၤပၢတၢ် သၢဂၤတဂၤလၢဘီမုၢ်အံၤအပူၤန့ၣ်လီၤ.”

လံာ်ဒၤနံးယ့လး 6:1

ဒီးစီၤဒၤရယါဝ့ၣ်ပာ်လီၤတ့ၢ်အသးလၢကနီၤဖးလီၤအဘီအမုၢ် ဆူကီၢ်ဖိကီၢ်ဆၣ်တကယၤခံဆံဒီးပာ်ထီၣ်ပဒိၣ်ဖးဒိၣ်အဂၤတကယၤ ခံဆံလၢကပၢတၢ်စုာ်စုာ်န့ၣ်လီၤ.

လံာ်မးသဲ 18:23

အဂ့ၢ်ဒ်အံၤ, မူခိၣ်ဘီမုၢ်န့ၣ်မ့ၢ်အလီၤဂာ်ဒ်သိးအံၤအဃိလီၤ. တဘျီစီၤပၤလၢအပာ်လီၤအသးလၢအကကွၢ်ကဒါက့ၤအခ့အပှၤ တဖၣ်အစ့စရီအိၣ်ဝဲတဂၤလီၤ.

လံာ်လူၤကၣ် 16:2

ပှၤထူးပှၤတီၤကိးဃီၤအပှၤကွၢ်ထွဲတၢ်စုလီၢ်ခီၣ်ခိၣ်အဝဲန့ၣ်ဒီးစံးဘၣ်အီၤ, ‘နဂ့ၢ်နကျိၤလၢယနၢ်ဟူဘၣ်အီၤတမံၤအံၤမ့ၢ်တၢ်ဒ်လဲၣ်. ဟ့ၣ်ထီၣ်တၢ်ပာ်ဖျါအလၢအပှဲၤဘၣ်ဃးဒီးနတၢ်ကွၢ်ထွဲပၢဆှၢ ယတၢ်စုလီၢ်ခီၣ်ခိၣ်တက့ၢ်. အဂ့ၢ်ဒ်အံၤ, နကဲယပှၤကွၢ်ထွဲတၢ်စုလီၢ်ခီၣ်ခိၣ်တသ့လၢၤဘၣ်.’

1 ကရံၣ်သူး 4:2

တၢ်လၢအလီၢ်အိၣ်ဝဲတမံၤဘၣ်ဃးဒီးတၢ်ခ့တၢ်ပှၤဒ်န့ၣ်အသိး တဂၤန့ၣ်, မ့ၢ်အဝဲအသးကဘၣ်တီဒီးအကစၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.