လံာ်ဒၤနံးယ့လး 6:16 - Sgaw Karen Common Bible

¹⁶ လၢတၢ်န့ၣ်အဃိ, စီၤပၤဟ့ၣ်လီၤအကလုၢ်ဒ်သိးစီၤဒၤနံးယ့လး ကဘၣ်တၢ်လဲၤစိာ်ဒီးတ့ၢ်လီၤကွံာ်အီၤဆူခ့ယုၢ်တဖၣ်အတဝၢပူၤ န့ၣ်လီၤ. အဝဲစံးဘၣ်စီၤဒၤနံးယ့လး, “မ်နကစၢ်ယွၤလၢနမၤ အတၢ်မၤလၢတၢ်သူၣ်တီသးရၤအပူၤန့ၣ်အုၣ်က့ၤခီၣ်က့ၤနၤတက့ၢ်.”

လံာ်ဒၤနံးယ့လး 6:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:39

ယမ့ၢ်စီၤပၤတဂၤလၢကစၢ်ယွၤဃုထၢတ့ၢ်ဒၣ်လဲာ်န့ၣ်တနံၤအံၤ ယဂံၢ်ယဘါစၢ်လီၤ. နီၢ်စရူယၤအဖိခွါတဖၣ်အံၤဆူၣ်စိးအၢသီကဲၣ်ဆိးလၢယဂီၢ်လီၤ. မ်ယွၤစံၣ်ညီၣ်ပှၤအအၢအသီတဖၣ်အံၤဒ်အဝဲသ့ၣ်ကြၢးဒိးဘၣ်ဝဲ အသိးန့ၣ်တက့ၢ်.”

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယၡါယၤ 41:10

ပျံၤတၢ်တဂ့ၤ. ယအိၣ်ဒီးသုလီၤ. ယမ့ၢ်သုကစၢ်ယွၤလီၤ. ပျဲတၢ်မၤပျံၤမၤဖုးသုနီတမံၤတဂ့ၤ. ယကဒုးကဲထီၣ်သုပှၤအဂံၢ်ဆူၣ်ဘါဆူၣ်ဒီးမၤစၢၤသုလီၤ. ယကဒီဒၣ်အိၣ်ပှိၤသုဒီးအုၣ်က့ၤခီၣ်က့ၤသုလီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယံးရမံယၤ 26:14

မ့မ့ၢ်ယဲဒၣ်အံၤ, ယအိၣ်လၢသုစုပူၤလီၤ. မၤယၤဒ်တၢ်လၢသု ဆိကမိၣ်လၢ အဘၣ်ဒီးအတီဝဲတမံၤမံၤန့ၣ်တက့ၢ်.

လံာ်ယံးရမံယၤ 38:5

စီၤပၤစံးဒကံယၤစံးဆၢဝဲ, “မ့မ့ၢ်ဒ်န့ၣ်ဒီး, ဂ့ၤလံ. တၢ်လၢသုသးအိၣ်မၤအီၤန့ၣ်, မၤဘၣ်တက့ၢ်. ယတြီဘၣ်သုတသ့ဘၣ်.”

လံာ်ယံးရမံယၤ 38:6

လၢတၢ်န့ၣ်အဃိ, အဝဲသ့ၣ်ဟံးန့ၢ်ယၤဒီးစဲၤလီၤယၤလၢ ပျံၤဆူ စီၤပၤဖိခွါစီၤမၤလကံယၤအထံပူၤလၢ အအိၣ်ဝဲလၢ နူၢ်အဂၢၤပူၤန့ၣ်လီၤ. လၢထံပူၤန့ၣ်ထံတအိၣ်ဘၣ်. အိၣ်ဒၣ်ထဲကပံာ်ဒီးယလီၤဘျၢလၢ ကပံာ်အကျါန့ၣ်လီၤ.

လံာ်ယံးရမံယၤ 39:17

ဘၣ်ဆၣ်ဒီးယၤ, ယွၤအံၤ, ယကဒီဒၣ်အိၣ်ပှိၤနၤ, ဒီးနတဘၣ်တၢ်ဟ့ၣ်လီၤကွံာ်ဘၣ်နၤဆူ ပှၤလၢနပျံၤအီၤတဖၣ်အစုပူၤန့ၣ်ဘၣ်.

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ဒၤနံးယ့လး 3:17

တၢ်မ့ၢ်မၤအသးဒ်နစံးအသိးဒီး, ပကစၢ်ယွၤလၢပမၤအတၢ် မၤန့ၣ်မၤပူၤဖျဲးပှၤလၢမ့ၣ်အူကဲၤကဖးအဖၣ်ကပူၤသ့ဝဲ, ဒီးကမၤပူၤဖျဲးပှၤလၢနစုပူၤလီၤ.

လံာ်ဒၤနံးယ့လး 3:28

စီၤပၤနဘူၤကးန့စၢ်စံးဝဲဒၣ်, “စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤမ် အဘၣ်တၢ်စံးထီၣ်ပတြၢၤအီၤတက့ၢ်. ဆှၢလီၤဝဲအကလူးဒ်သိးကအုၣ် က့ၤခီၣ်က့ၤပှၤလၢအမၤအတၢ်မၤဒီးစူၢ်အီၤနာ်အီၤတဖၣ်အံၤန့ၣ်လီၤ. အဝဲသ့ၣ်တကနၣ်ဘၣ်ယကလုၢ်ဘၣ်ဒီးညိကွံာ်အသးသမူဒူဝဲအါ န့ၢ်ဒံးအကချံးခီၣ်တီၤလီၤဘူၣ်ထီၣ်ဘါထီၣ်ကစၢ်တဂၤဂၤလၢ အတမ့ၢ်ဘၣ်အကစၢ်ယွၤဘၣ်န့ၣ်လီၤ.

လံာ်ဒၤနံးယ့လး 6:20

တုၤလၢအတုၤဃီၤဝဲဖဲန့ၣ်ဒီးကိးထီၣ်ဝဲလၢတၢ်သူၣ်ကိၢ်သးဂီၤ အပူၤ, “စီၤဒၤနံးယ့လး, ကစၢ်ယွၤလၢအမူဝဲတဂၤအခ့အပှၤ ဧၢ, ကစၢ်ယွၤလၢနမၤအတၢ်လၢတၢ်သူၣ်တီ သးရၤအပူၤတဂၤန့ၣ်မၤပူၤဖျဲးနၤလၢခ့ ယုၢ်တဖၣ်န့ၣ်သ့စ့ၢ်ကီးဧါ.”

လံာ်ဒၤနံးယ့လး 6:7

ပဝဲခဲလၢာ်လၢအပၢဆှၢနဘီနမုၢ်ဒ်ပှၤပၢဆှၢအံးထွဲကွၢ်ထွဲတၢ်, ကီၢ်စဲၣ်အပဒိၣ်ဖးဒိၣ်တဖၣ်, ဒီးပှၤပၢတၢ်ဖိတဖၣ်, ဘၣ်သူၣ်ဘၣ် သးအၢၣ်လီၤသကိးလၢနဲဒၣ်, စီၤပၤကဟ့ၣ်လီၤအကလုၢ် တမံၤဒီးမၤဆူၣ်မၤကျၢၤအီၤဃံးဃံးန့ၣ်လီၤ. ဟ့ၣ်လီၤနကလုၢ်ဒ်သိးလၢအသီသၢဆံအတီၢ်ပူၤန့ၣ်မ့တမ့ၢ် ဘၣ်ထဲတၢ်ကိးထီၣ်ဆူနအိၣ်ဒီးပှၤတဘၣ်ဘါထုကဖၣ်တၢ်ဆူ ကစၢ်တဂၤဂၤမ့ၢ်ဂ့ၤပှၤကညီတဂၤဂၤအအိၣ်မ့ၢ်ဂ့ၤနီတဂၤဘၣ်. ပှၤတဂၤလၢ်လၢ်လၢအလုၢ်သ့ၣ်ခါပတာ်တၢ်ကလုၢ်အံၤန့ၣ် ကဘၣ်တၢ်တ့ၢ်လီၤကွံာ်အီၤဆူခ့ယုၢ်တဖၣ်အတဝၢအပူၤန့ၣ်လီၤ.

မၤတၢ် 24:27

ခံနံၣ်ဝံၤအလီၢ်ခံန့ၣ်, စီၤပီၤကံၤဖ့စတူးကဲထီၣ်က့ၤပဒိၣ်ဖးဒိၣ် လၢစီၤဖ့လံးအလီၢ်, ဒီးမ့ၢ်လၢစီၤဖ့လံးအဲၣ်ဒိးမၤအိၣ်အမဲာ် သၣ်လၢပှၤယူဒၤဖိတဖၣ်အဃိပာ်ဃာ်ဒံးစီၤပီလူးလၢဃိာ်ပူၤလီၤ.

မၤတၢ် 25:11

ယမ့ၢ်လုၣ်သ့ၣ်ခါပတာ်ဘၣ်ထံကီၢ်အတၢ်သိၣ်တၢ်သီဒီးမၤတၢ် တမံၤမံၤလၢအကြၢးဒီးတၢ်စံၣ်ညီၣ်သံန့ၣ်, ယတဃ့လၢယကပူၤ ဖျဲးဘၣ်. ဘၣ်ဆၣ်ဒီးတၢ်လၢအဝဲသ့ၣ်ပာ်ဖျါထီဒါယၤ တဖၣ်မ့ၢ်တတီတလိၤဘၣ်ဒီး, ပှၤဟ့ၣ်လီၤယၤဆူအဝဲသ့ၣ်အစုပူၤတသ့နီတဂၤဘၣ်. ယပတံထီၣ်တၢ်ဆူစီၤပၤဖးဒိၣ်အအိၣ်လီၤ.”

မၤတၢ် 25:9

စီၤဖ့စတူးအဲၣ်ဒိးမၤအိၣ်အမဲာ်သၣ်လၢပှၤယူဒၤဖိ တဖၣ်သတးဒီး, အဝဲသံကွၢ်စီၤပီလူး, “မ့ၢ်နကသးဆူၣ်လဲၤဆူဝ့ၢ်ယရူၤၡလ့ၣ်ဒ်သိးနကဘၣ်တၢ် သမံသမိးနၤလၢယမဲာ်ညါဖဲန့ၣ်ကစီဒီဧါ.”

ရိမ့ၤ 13:3

အဂ့ၢ်ဒ်အံၤ, ပှၤပၢထံပၢကီၢ်တဖၣ်န့ၣ်အလီၢ်တအိၣ်ဘၣ်လၢကဘၣ် တၢ်ပျံၤအီၤလၢပှၤမၤတၢ်ဂ့ၤတဖၣ်ဘၣ်. မ့မ့ၢ်လၢပှၤမၤတၢ်အၢတၢ် သီတခီလီၤ. မ့ၢ်သုအဲၣ်ဒိးကဲထီၣ်ပှၤလၢအတပျံၤဘၣ်ပဒိၣ်ပပှၢ်န့ၣ်ဧါ. မ့မ့ၢ်ဒ်န့ၣ်ဒီး, မၤတၢ်ဂ့ၤတက့ၢ်ဒီးအဝဲဒၣ်ကစံးထီၣ်ပတြၢၤသုလီၤ.

၂ ကရံၣ်သူး 1:10

အဝဲဒၣ်အုၣ်က့ၤခီၣ်က့ၤတ့ၢ်ပှၤလၢတၢ်လီၤပျံၤလီၤဖုးဖး ဒိၣ်တဖၣ်လၢအဘၣ်ဃးဒီးတၢ်သံ, ဒီးကအုၣ်က့ၤခီၣ်က့ၤပှၤ, ဒီးပပာ်လီၤတ့ၢ်ပတၢ်မုၢ်လၢ်လၢအဝဲဒၣ်အပူၤလၢအဝဲဒၣ် ကအုၣ်က့ၤခီၣ်က့ၤကဒီးပှၤ,