လံာ်ဒၤနံးယ့လး 6:15 - Sgaw Karen Common Bible

¹⁵ အန့ၣ်ဒီးစီၤဒၤနံးယ့လးအဒုၣ်အဒါတဖၣ်ဟဲက့ၤဆူစီၤပၤအအိၣ် ဒီးစံးဘၣ်အီၤ, “နဲဒၣ်စီၤပၤဧၢ, နသ့ၣ်ညါနဲလၢ, ဒ်ပှၤမၤဒဲဒီးပှၤပၤရၣ်ဖိအတၢ်သိၣ်တၢ်သီတဖၣ်အိၣ်ဝဲအသိးန့ၣ်, တၢ်ကလုၢ်လၢစီၤပၤဟ့ၣ်လီၤအီၤန့ၣ်ဘၣ်တၢ်လဲလိာ် အီၤတသ့နီတမံၤဘၣ်.”

လံာ်ဒၤနံးယ့လး 6:15 Iomraidhean Croise

လံာ်နီၢ်အ့ၤစတၢ် 8:8

မ့မ့ၢ်, လံာ်ဘိးဘၣ်သ့ၣ်ညါတဘ့ၣ်လၢအဘၣ်တၢ်ရၤလီၤတ့ၢ်လံအီၤ လၢစီၤပၤအမံၤ, ဒီးစီၤပၤအတၢ်စဲပနီၣ်န့ၣ်, တၢ်ဘိးကဒါအီၤတသ့ဘၣ်. ဘၣ်ဆၣ်, သုကွဲးလံာ်ပရၢဆူပှၤယူဒၤဖိတဖၣ်အအိၣ်ဖဲသုအဲၣ်ဒိးသ့ဝဲ ဒီးသုကဘၣ်ကွဲးအီၤလၢယမံၤဒီးစဲပနီၣ်ဃာ်အီၤဒီးစီၤပၤအတၢ်စဲ ပနီၣ်လီၤ.”

လံာ်ဒၤနံးယ့လး 6:12

အဝဲသ့ၣ်ခဲလၢာ်လဲၤသကိးဆူစီၤပၤအအိၣ်လၢကဆှိးထီၣ်ပာ် တၢ်ကမၣ်လၢစီၤဒၤနံးယ့လးအလိၤန့ၣ်လီၤ. ဒီးအဝဲသ့ၣ်စံး, “နဲဒၣ်, စီၤပၤဧၢ, နဆဲးလီၤတ့ၢ်နမံၤဒီးဟ့ၣ်လီၤတ့ၢ်နကလုၢ်လၢ, လၢအသီသၢဆံအတီၢ်ပူၤန့ၣ်မ့တမ့ၢ်ဘၣ်လၢတၢ်ကိးထီၣ်ထဲဆူနအိၣ်န့ၣ်, ပှၤတဂၤလၢ်လၢ်လၢအဘါထုကဖၣ်တၢ်ဆူကစၢ်တဂၤဂၤအအိၣ်မ့ၢ်ဂ့ၤ, ဃ့တၢ်လၢပှၤကညီတဂၤဂၤအအိၣ်မ့ၢ်ဂ့ၤန့ၣ်ကဘၣ် တၢ်တ့ၢ်လီၤကွံာ်အီၤဆူခ့ယုၢ်တဖၣ်အတဝၢပူၤန့ၣ်လီၤ.” ဒီးစီၤပၤစံးဆၢဝဲဒၣ်, “မ့ၢ်. တၢ်န့ၣ်မ့ၢ်တၢ်ကလုၢ်အိၣ်ကျၢၤ ခၢၣ်သနၢၣ်ဒ်ပှၤမၤဒဲဒီးပှၤပၤရၣ်ဖိအတၢ်သိၣ်တၢ်သီလၢတၢ်လဲ လိာ်ကွံာ်အီၤတသ့ဘၣ်န့ၣ်လီၤ.”

လံာ်ဒၤနံးယ့လး 6:8

မၤသးဒ်န့ၣ်ဒီးနဲဒၣ်, စီၤပၤဧၢ, ဟ့ၣ်လီၤတၢ်ကလုၢ်အံၤဒီး ဆဲးလီၤနမံၤလၢတၢ်ကွဲးအသးအဖီခိၣ်တက့ၢ်. ဒီးတၢ်ကလုၢ်န့ၣ်ကအိၣ်ဝဲခၢၣ်သနၢၣ်ဒ်ပှၤမၤဒဲဖိဒီးပှၤပၤရၣ်ဖိ တဖၣ်အတၢ်သိၣ်တၢ်သီလၢတၢ်လဲလိာ်ကွံာ်အီၤတသ့ဘၣ်န့ၣ်လီၤ.”