လံာ်ဒၤနံးယ့လး 6:13 - Sgaw Karen Common Bible

¹³ တုၤနုၤတစုအဝဲသ့ၣ်စံးဘၣ်စီၤပၤ, “စီၤဒၤနံးယ့လး, လၢအမ့ၢ် ပှၤယူဒၤဖိလၢအဘၣ်တၢ်စိာ်မၢကဲကုၢ်အီၤတဖၣ်အကျါတဂၤ န့ၣ်တပာ်ကဲဘၣ်နဲဒၣ်စီၤပၤ, ဒီးတစူၢ်ဘၣ်တၢ်ကလုၢ်လၢနဟ့ၣ် လီၤအီၤန့ၣ်ဘၣ်. အဝဲဘါထုကဖၣ်တၢ်တနံၤသၢဘျီတီတီန့ၣ်လီၤ.”

လံာ်ဒၤနံးယ့လး 6:13 Iomraidhean Croise

လံာ်နီၢ်အ့ၤစတၢ် 3:8

လၢတၢ်န့ၣ်အဃိစီၤဟၤမၣ်တဲဘၣ်စီၤပၤ, “ပှၤအိၣ်ဝဲဒၣ်တကလုာ်လၢအအိၣ်လီၤပြံလီၤပြါလၢနဘီနမုၢ်ဒီ ဘ့ၣ်ညါအပူၤန့ၣ်လီၤ. အဝဲသ့ၣ်အိၣ်ဒီးအလုၢ်အလၢ်အတၢ်ဆဲးတၢ်လၤတဖၣ်လၢအတ ဒ်သိးဒီးပှၤဘၣ်န့ၣ်လီၤ. အါန့ၣ်အန့ၣ်, အဝဲသ့ၣ်တဒိကနၣ်ဘီ မုၢ်အတၢ်သိၣ်တၢ်သီတဖၣ်ဘၣ်. ဒီးနတကြၢးသူၣ်အိၣ်သးအိၣ်အဝဲသ့ၣ်ဒီးပျဲအဝဲသ့ၣ်ကမၤဒ် အလုၢ်အလၢ်အိၣ်အသိးန့ၣ်ဘၣ်.

လံာ်ဒၤနံးယ့လး 1:6

ပှၤလၢအဘၣ်တၢ်ဃုထၢတ့ၢ်အီၤတဖၣ်အကျါန့ၣ်မ့ၢ်ဝဲစီၤဒၤနံးယ့လး, စီၤဃနၤနယၤ, စီၤမံၡအ့လးဒီးစီၤဧစၤရယၤန့ၣ်လီၤ. အဝဲသ့ၣ်ခဲလၢာ်န့ၣ်ဟဲထီၣ်လၢယူဒၤအဒူၣ်အပူၤလီၤ.

လံာ်ဒၤနံးယ့လး 2:25

စီၤအၤရယိးလဲၤကိးစီၤဒၤနံးယ့လးဆူစီၤပၤနဘူၤကးန့စၢ်အမဲာ် ညါတဘျီဃီဒီးစံးဘၣ်စီၤပၤ, “ယထံၣ်န့ၢ်တ့ၢ်ပှၤတဂၤလၢ ပှၤယူဒၤဖိဘၣ်တၢ်စိာ်မၢကဲကုၢ်အီၤတဖၣ်အကျါလၢအစံး ဘၣ်တဲဘၣ်စီၤပၤအတၢ်မံမီၢ်အခီအပညီသ့ဝဲဒၣ်န့ၣ်လီၤ.”

လံာ်ဒၤနံးယ့လး 3:11

ဒီးပှၤတဂၤလၢ်လၢ်လၢအတချံးခီၣ်တီၤလီၤဒီးဘူၣ်ထီၣ်ဘါ ထီၣ်ဝဲန့ၣ်ကဘၣ်တၢ်ကွံာ်လီၤအီၤဆူမ့ၣ်အူကဲၤကဖးအဖၣ်ကပူၤ န့ၣ်လီၤ.

လံာ်ဒၤနံးယ့လး 3:12

ပှၤယူဒၤဖိတနီၤလၢနပာ်ထီၣ်အီၤဒ်ကိတိာ်တဖၣ်လၢကီၢ်ဘၤ ဘူၤလိၣ်အပူၤ, စီၤၡၤဒရး, စီၤမ့ၤၡး, စီၤဧဘ့ၤဒနကိၤတဖၣ်န့ၣ်လုၢ် သ့ၣ်ခါပတာ်နဲဒၣ်စီၤပၤအကလုၢ်တဖၣ်လီၤ. အဝဲသ့ၣ်တဘူၣ်ထီၣ်ဘါထီၣ်ဘၣ်နကစၢ်ဒီးတချံးခီၣ်တီၤလီၤဘၣ် ဆူတၢ်ဂီၤထူလၢနတ့ထီၣ်ဆီလီၤအီၤန့ၣ်ဘၣ်.”

လံာ်ဒၤနံးယ့လး 3:8

အကတီၢ်ဖဲန့ၣ်ပှၤဘၤဘူၤလိၣ်ဖိတနီၤဟံးန့ၢ်တၢ်အခွဲးအယာ်ဒီး ဆှိးအၢပှၤယူဒၤဖိတဖၣ်န့ၣ်လီၤ.

လံာ်ဒၤနံးယ့လး 5:13

တုၤနုၤတစုစီၤဒၤနံးယ့လးဘၣ်တၢ်ဆှၢထီၣ်အီၤဆူစီၤပၤအမဲာ် ညါတဘျီဃီန့ၣ်လီၤ. ဒီးစီၤပၤတဲဘၣ်အီၤ, “နမ့ၢ်စီၤဒၤနံးယ့လး, ပှၤယူဒၤဖိတဂၤ, လၢပှၤဘၣ်တၢ်စိာ်မၢကဲကုၢ်အီၤအကျါ လၢယပၢ်ဟဲက့ၤကိးအီၤလၢကီၢ်ယူဒၤန့ၣ်ဧါ.

မၤတၢ် 17:7

ဒီးစီၤယါစီၣ်တူၢ်လိာ်ခီၣ်ဆၢအီၤလၢအဟံၣ်ပူၤလီၤ. အဝဲသ့ၣ်ခဲလၢာ်လုၣ်သ့ၣ်ခါပတာ်စီၤပၤဖးဒိၣ်အတၢ် သိၣ်တၢ်သီတဖၣ်, ခီဖျိအစံးဝဲလၢစီၤပၤဖးဒိၣ်အိၣ်ဝဲအဂၤ တဂၤလၢအမံၤမ့ၢ်ယ့ၣ်ၡူးန့ၣ်လီၤ.

မၤတၢ် 5:29

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.