လံာ်ဒၤနံးယ့လး 6:10 - Sgaw Karen Common Bible

¹⁰ ဖဲစီၤဒၤနံးယ့လးသ့ၣ်ညါတ့ၢ်လၢစီၤပၤဆဲးလီၤအမံၤလၢအက လုၢ်လံာ်တၢ်ကွဲးနီၣ်အဖီခိၣ်ဒၣ်လဲာ်, အဝဲက့ၤဆူအဟံၣ်န့ၣ်ဒီး, လၢအဟံၣ်ဖီခိၣ်တကထၢအဒၢးဖိအပူၤန့ၣ်ကွၢ်ဃီၤတၢ်ခီဖျိ ပဲတြီဖိတဖၣ်ဆူဝ့ၢ်ယရူၤၡလ့ၣ်ဒီးတီၤလီၤဘါထုကဖၣ်စံးထီၣ် ပတြၢၤတၢ်အဘျုးအဖှိၣ်တနံၤသၢဘျီဒ်အညီနုၢ်မၤတ့ၢ်ဝဲ အသိးန့ၣ်လီၤ.

လံာ်ဒၤနံးယ့လး 6:10 Iomraidhean Croise

လံာ်စီၤပၤအခီၣ်ထံးတဘ့ၣ် 8:30

ဒိကနၣ်လၢ်ယတၢ်ထုကဖၣ်တဖၣ်, ဒီးနပှၤဂီၢ်မုၢ်တဖၣ်အတၢ်ထု ကဖၣ်တဖၣ်ဖဲအဝဲသ့ၣ်ကွၢ်ဃီၤတၢ်လီၢ်အံၤဒီးဃ့ထုကဖၣ်အခါန့ၣ် တက့ၢ်. လၢနဟံၣ်အိၣ်ဝဲလၢမူခိၣ်အပူၤန့ၣ်, ဒိကနၣ်လၢ်ပှၤဒီးပျၢ်လၢ်ပတၢ်ကမၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:38

ဖဲတၢ်တတၢးတနါမ့တမ့ၢ်တၢ်ဆူးတၢ်ဆါအိၣ်ဝဲလၢအဝဲသ့ၣ်အကျါ မ့ၢ်ဂ့ၤန့ၣ်, ပှၤလၢနပှၤဂီၢ်မုၢ်အံၣ်စရ့လးအကျါတဂၤဂၤ, မ့ၢ်ကွၢ်ဃီၤဆူယွၤအတၢ်လုၢ်ဟံၣ်အံၤ, ယူာ်ထီၣ်အစုလၢတၢ်ထုကဖၣ်အပူၤအိၣ်ဒီးတၢ်သူၣ်ကၢ်သးလီၤန့ၣ်,

လံာ်စီၤပၤအခီၣ်ထံးတဘ့ၣ် 8:44

ဖဲနမၤလိာ်နပှၤဂီၢ်မုၢ်တဖၣ်လၢကလဲၤဆူတၢ်ဒုးအပျီပူၤလၢ ကဒုးတၢ်ထီဒါအဒုၣ်အဒါတဖၣ်ဒီး, ဖဲအဝဲသ့ၣ်အိၣ်ဝဲတပူၤလၢ်လၢ်, မ့ၢ်ဃၣ်အသးဆူဝ့ၢ်လၢနဃုထၢဒီးယွၤအတၢ်လုၢ်ဟံၣ်လၢယသူၣ်ထီၣ် လၢနဂီၢ်, ဒီးမ့ၢ်ဃ့တၢ်ဆူနၤန့ၣ်,

လံာ်စီၤပၤအခီၣ်ထံးတဘ့ၣ် 8:54

ဖဲစီၤၡလိၤမိၤဘါထုကဖၣ်တၢ်ဆူယွၤအအိၣ်ဝံၤန့ၣ်, အဝဲဂဲၤဆၢထၢၣ်လၢတၢ်လုၢ်လီၢ်အမဲာ်ညါ, တၢ်လီၢ်ဖဲအဝဲချံးလီၤတ့ၢ်အခီၣ်အိၣ်ဒီးအစုယူာ်ထီၣ်အသးဆူ မူခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 6:13

(စီၤၡလိၤမိၤမၤထီၣ်တ့ၢ်စိၤမိၤတိၢ်ဘီတခါ, ဒီးပာ်အီၤလၢဂၢၢ်အသးကံၢ်ပူၤန့ၣ်လီၤ. စိၤမိၤန့ၣ်အထီအိၣ် ဝဲယဲၢ်ပျၢ်, အဒီၣ်ဃီၤအိၣ်ယဲၢ်ပျၢ်ဒီးအကစီၤထီၣ်အိၣ်သၢပျၢ်န့ၣ်လီၤ. အဝဲလဲၤထီၣ်ဆူစိၤမိၤအံၤအဖီခိၣ်, ချံးလီၤအခီၣ်ဖဲပှၤကိးဂၤဒဲးထံၣ်အီၤသ့, ဒီးယူာ်ထီၣ်အစုဆူ မူခိၣ်န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 6:38

လၢထံကီၢ်အဝဲန့ၣ်အပူၤအဝဲသ့ၣ်မ့ၢ်ပီၢ်ယၢ်လီၤက့ၤအသးနီၢ် နီၢ်လၢတၢ်သူၣ်တီသးရၤအပူၤဒီးဃ့ဘါထုကဖၣ်ဆူနအိၣ်ဖဲ အမဲာ်ဃၣ်ဃီၤအသးဆူကီၢ်အံၤလၢနဟ့ၣ်လီၤတ့ၢ်ပမိၢ်ပၢ်ဖံဖု လၢပျၢၤတဖၣ်, ဒီးဆူဝ့ၢ်အံၤလၢနဃုထၢတ့ၢ်, ဒီးဆူယွၤအတၢ်လုၢ်ဟံၣ်အံၤလၢယသူၣ်ထီၣ်တ့ၢ်လၢနဂီၢ်န့ၣ်ဒီး,

လံာ်စီၤဧ့စြၤ 9:5

ဖဲဟါတၢ်လုၢ်တၢ်ပာ်အဆၢကတီၢ်တုၤဃီၤဝဲန့ၣ်, ယဆၢထၢၣ်လၢယတၢ်သူၣ်အုးသးအုးအလီၢ်, ဒီးလၢတၢ်ကူသိးဒံးဒၣ်ယဆ့ကၤတဖၣ်လၢအယာ်န့ၣ်, ယတီၤလီၤလၢတၢ်ထုကဖၣ်အပူၤဒီးယူာ်ထီၣ်ယစုတဖၣ်ဆူယွၤ, ယကစၢ်ယွၤအအိၣ်န့ၣ်လီၤ.

လံာ်စီၤနဃ့မယၤ 6:11

ဒီးယစံးဆၢအီၤ “ယတမ့ၢ်ပှၤတဂၤလၢအဃ့ၢ်ဒီးအိၣ်ခူသူၣ်န့ၣ်ဘၣ်. မ့ၢ်နဆိကမိၣ်လၢယကဂုာ်ကျဲးစၢးမၤပူၤဖျဲးယသးလၢယတၢ်အိၣ်ခူ သူၣ်လၢယွၤအတၢ်လုၢ်ဟံၣ်အပူၤန့ၣ်ဧါ. ယတမၤတၢ်အံၤဘၣ်.”

စံးထီၣ်ပတြၢၤ 34:1

ယကစံးထီၣ်ပတြၢၤယွၤကိးဆၢကိးကတီၢ်ဒဲး, ယတဆိကတီၢ်လၢယတၢ်စံးထီၣ်ပတြၢၤအီၤဘၣ်.

စံးထီၣ်ပတြၢၤ 5:7

မ့မ့ၢ်ယဲဒၣ်အံၤ, ခီဖျိနတၢ်အဲၣ်ဂၢၢ်ကျၢၤလၢအဒိၣ်ဝဲအါဝဲန့ၣ်, ယကဟဲနုာ်ဘၣ်ဆူနဟံၣ်ပူၤ, ယကဘူၣ်ထီၣ်ဘါထီၣ်ဘၣ်နၤလၢ နတၢ်လုၢ်ဟံၣ်စီဆှံအပူၤ လၢတၢ်ပျံၤဒီးတၢ်ယူးယီၣ်ပာ်ကဲနၤအပူၤန့ၣ်လီၤ.

စံးထီၣ်ပတြၢၤ 55:17

မုၢ်ဟါ, ဒီးမုၢ်ဂီၤ, ဒီးလၢမုၢ်ထူၣ်န့ၣ် ယကအုကစွါဒီးယဟီၣ်ယယၢၤ, ဒီးအဝဲကနၢ်ဟူယကလုၢ်လီၤ.

စံးထီၣ်ပတြၢၤ 86:3

နမ့ၢ်ဒၣ်ယကစၢ်ယွၤလီၤ. အဃိသူၣ်ကညီၤသးကညီၤလၢ်ယၤတက့ၢ်. အဂ့ၢ်ဒ်အံၤ, ယကိးထီၣ်နၤကိးမုၢ်နံၤမုၢ်နၤဒဲးလီၤ.

စံးထီၣ်ပတြၢၤ 95:6

အိဟဲ, မ်ပတီၤလီၤဒီးဘူၣ်ထီၣ်ဘါထီၣ်အီၤန့ၣ်တက့ၢ်. မ်ပတီၤလီၤကဒွံကျိာ်လၢပှၤတ့လီၤပှၤ, ယွၤအမဲာ်ညါန့ၣ်တက့ၢ်.

လံာ်ဒၤနံးယ့လး 6:13

တုၤနုၤတစုအဝဲသ့ၣ်စံးဘၣ်စီၤပၤ, “စီၤဒၤနံးယ့လး, လၢအမ့ၢ် ပှၤယူဒၤဖိလၢအဘၣ်တၢ်စိာ်မၢကဲကုၢ်အီၤတဖၣ်အကျါတဂၤ န့ၣ်တပာ်ကဲဘၣ်နဲဒၣ်စီၤပၤ, ဒီးတစူၢ်ဘၣ်တၢ်ကလုၢ်လၢနဟ့ၣ် လီၤအီၤန့ၣ်ဘၣ်. အဝဲဘါထုကဖၣ်တၢ်တနံၤသၢဘျီတီတီန့ၣ်လီၤ.”

လံာ်ဒၤနံးယ့လး 9:4

ယဃ့ဘါထုကဖၣ်ဆူယွၤ, ယကစၢ်ယွၤအအိၣ်ဒီးအၢၣ်လီၤ အီလီၤယပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ. ဒီးယစံး, “ယွၤ, ကစၢ်ယွၤဧၢ, နဒိၣ်ဝဲထီဝဲဒီးပမၤလၤကပီၤနၤလီၤ. နတီဒီးနတၢ်အၢၣ်လီၤဒီးပာ်ဖျါထီၣ်နတၢ်အဲၣ်တဘိယူၢ် ဃီဆူပှၤလၢအအဲၣ်နၤဒီးမၤတၢ်လၢနမၤလိာ်အီၤတဖၣ်န့ၣ်လီၤ.

လံာ်ယိၤနါ 2:4

အန့ၣ်တစုယစံး, ယဘၣ်တၢ်ဟီထီၣ်ကွံာ်ယၤလၢနမဲာ်ညါ, ယကထံၣ်ဘၣ်ကဒီးနတၢ်လုၢ်ဟံၣ်စီဆှံဒ်လဲၣ်.

လံာ်မၢ်ကူး 3:3

ယ့ၣ်ၡူးစံးဘၣ်ပှၤတဂၤန့ၣ်, “ဟဲထီၣ်ဆူတၢ်မဲာ်ညါအံၤတက့ၢ်.”

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

လံာ်လူၤကၣ် 22:41

အန့ၣ်ဝံၤဒီးအဝဲဒၣ်ဟးစီၤစုၤဒီးအဝဲသ့ၣ်ကဘၣ်တကွံာ်လၢၢ်, ဒီးတီၤလီၤဒီးဃ့ဘါထုကဖၣ်တၢ်လီၤ.

မၤတၢ် 10:9

မုၢ်ဆ့ၣ်ထီၣ်တနံၤဖဲအဝဲသ့ၣ်လဲၤတၢ်အဖၢမုၢ်ဒီးဘူးကတုၤ ဃီၤဝ့ၢ်ယၤဖိၤန့ၣ်, စီၤပ့းတရူးလဲၤထီၣ်ဆူဟံၣ်ခိၣ်ဒုးအလိၤကဘၣ်ဖဲမုၢ်ထူၣ်အဆၢ ကတီၢ်, ဒ်သိးအကဃ့ဘါထုကဖၣ်တၢ်လီၤ.

မၤတၢ် 2:15

ပှၤသ့ၣ်တဖၣ်အံၤတမ့ၢ်အမူၤလၢစပံးထံဒ်သုဆိကမိၣ်သုဝဲအသိးန့ၣ်ဘၣ်. အဂ့ၢ်ဒ်လဲၣ်န့ၣ်, တၢ်ဆၢကတီၢ်ဘၣ်ဒံးဒၣ်ဂီၤခီခွံနၣ်ရံၣ်လီၤ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 20:36

ဖဲစီၤပီလူးကတိၤတၢ်ဝံၤန့ၣ်, အဝဲတီၤလီၤဃုာ်ဒီးအဝဲသ့ၣ်ကိးဂၤဒဲးဒီးဃ့ဘါထုကဖၣ် တၢ်လီၤ.

မၤတၢ် 21:5

ဘၣ်ဆၣ်ဒီးဖဲတၢ်ဆၢကတီၢ်ဘၣ်ဝဲန့ၣ်, ပဟးထီၣ်ဒီးလဲၤကဒီးတၢ်လီၤ. အဝဲသ့ၣ်ခဲလၢာ်ဃုာ်ဒီးအဖိအမါတဖၣ်လဲၤဆှၢလီၤပှၤဆူဝ့ၢ်အချၢ တုၤလၢထံကၢၢ်ခိၣ်ဒီးဖဲန့ၣ်, ပဝဲခဲလၢာ်ပတီၤလီၤဒီးဃ့ဘါထု ကဖၣ်တၢ်လီၤ.

မၤတၢ် 3:1

တနံၤဖဲမုၢ်ဃ့ၢ်လီၤသၢနၣ်ရံၣ်တၢ်ဘါထုကဖၣ်အကတီၢ်န့ၣ်, စီၤပ့းတရူးဒီးစီၤယိၤဟၣ်လဲၤဝဲဆူတၢ်လုၢ်ဟံၣ်လီၤ.

မၤတၢ် 4:29

မ့မ့ၢ်ခဲကနံၣ်အံၤ, ကစၢ်ဧၢ, ကနၣ်ကွၢ်အဝဲသ့ၣ်အတၢ်ကတိၤပျံၤကတိၤဖုးတ့ၢ်ပဝဲဒၣ်တဖၣ်န့ၣ်, ဒီးဒုးစံးဒုးကတိၤပဝဲနခ့နပှၤတဖၣ်လၢနတၢ်ကစီၣ်, လၢတၢ်သူၣ်ဒူသးဒူအပူၤတက့ၢ်.

မၤတၢ် 5:20

“လဲၤဒီးဆၢထၢၣ်လၢတၢ်လုၢ်ဟံၣ်အပူၤဒီးစံးဘၣ်တဲဘၣ် ပှၤတဖၣ်ဘၣ်ဃးတၢ်အိၣ်မူအသီအံၤအဂ့ၢ်ခဲလၢာ်တက့ၢ်.”

မၤတၢ် 5:29

စီၤပ့းတရူးဒီးပှၤတၢ်မၢဖိအဂၤတဖၣ်စံးဆၢဝဲ, “ပဘၣ်စူၢ်ကစၢ်ယွၤအါန့ၢ်ပစူၢ်ပှၤကညီတက့ၢ်လီၤ.

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

မၤတၢ် 9:40

စီၤပ့းတရူးမၢပှၤကိးဂၤဒဲးဟးထီၣ်ကွံာ်ဆူတၢ်ချၢဝံၤ, ချံးလီၤအခီၣ်ဒီးဃ့ထုကဖၣ်ယွၤလီၤ. အန့ၣ်ဝံၤအဝဲဒၣ်ဃၣ်ဃီၤအသးဆူပှၤစိၣ်အအိၣ်ဒီးစံး, “နီၢ်တဘံၤသါဧၢ, ဂဲၤဆၢထၢၣ်တက့ၢ်.” ပိာ်မုၣ်န့ၣ်အိးထီၣ်အမဲာ်ဒီးတုၤအထံၣ်ဘၣ်စီၤပ့းတရူးန့ၣ်ဒီး, ဂဲၤထၢၣ်ဒီးဆ့ၣ်နီၤဝဲဒၣ်လီၤ.

အ့းဖ့းစူး 3:14

လၢတၢ်ဂ့ၢ်အံၤအဃိ, ယချံးခီၣ်တီၤလီၤလၢပၢ်အမဲာ်ညါ,

ဖံလံးပံၤ 1:14

ဒီးယတၢ်ဘၣ်အိၣ်လၢဃိာ်ပူၤအံၤဟ့ၣ်အါထီၣ်ယဒီပုၢ်ဝဲၢ် တဖၣ်အတၢ်နာ်လၢကစၢ်အပူၤသတးဒီး, အဝဲသ့ၣ်အသးဒူဒိၣ်ထီၣ်ကိးဆၢကိးကတီၢ်ဒဲးလၢအကစံၣ် တဲၤတဲလီၤယွၤအတၢ်ကစီၣ်လၢတၢ်သးဒူအပူၤန့ၣ်လီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.