လံာ်ဒၤနံးယ့လး 6:1 - Sgaw Karen Common Bible

¹ ဒီးစီၤဒၤရယါဝ့ၣ်ပာ်လီၤတ့ၢ်အသးလၢကနီၤဖးလီၤအဘီအမုၢ် ဆူကီၢ်ဖိကီၢ်ဆၣ်တကယၤခံဆံဒီးပာ်ထီၣ်ပဒိၣ်ဖးဒိၣ်အဂၤတကယၤ ခံဆံလၢကပၢတၢ်စုာ်စုာ်န့ၣ်လီၤ.

လံာ်ဒၤနံးယ့လး 6:1 Iomraidhean Croise

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

လံာ်ယံးရမံယၤ 51:28

ကတဲာ်ကတီၤပှၤကလုာ်တဖၣ်လၢ တၢ်ဒုးထီဒါကီၢ်ဘၤဘူၤလိၣ် အဂီၢ်န့ၣ်တက့ၢ်. မၤလိာ်ကီၢ်မၤဒဲအစီၤပၤတဖၣ်, အဝဲသ့ၣ်အခိၣ်နၢ်တဖၣ်, ဒီးအပဒိၣ်ပပှၢ်တဖၣ်, ဒီးကယဲၢ်ထံကီၢ်လၢအဝဲသ့ၣ် ပၢဝဲခဲလၢာ်အသုးမုၢ်တဖၣ်န့ၣ်တက့ၢ်.

လံာ်ဒၤနံးယ့လး 11:1

အဝဲအိၣ်မူ အိၣ်ဒါလၢ တၢ်မၤစၢၤယၤဒီး ဒီဒၣ်အိၣ်ပှိၤယၤအဂီၢ်ဒီးယနီၢ်ကစၢ်ဒၣ်ယဲ, လၢပှၤမၤဒဲဖိအစီၤပၤစီၤဒၤရယါဝ့ၣ်ပၢ တၢ်အခီၣ်ထံးတနံၣ်အပူၤန့ၣ်, ယဆၢထၢၣ်ခၢၣ်သနၢၣ်, လၢတၢ်မၤဂၢၢ် မၤကျၢၤဒီးတၢ်မၤဆူၣ်ထီၣ်အီၤန့ၣ်လီၤ.

လံာ်ဒၤနံးယ့လး 3:2

အန့ၣ်ဝံၤဒီးစီၤပၤဟ့ၣ်လီၤအကလုၢ်လၢကီၢ်ဆၣ်အပဒိၣ်ပပှၢ်တဖၣ်, ကီၢ်စဲၣ်အပဒိၣ်ပပှၢ်တဖၣ်, ပှၤပၢတၢ်တဖၣ်, ပှၤကူၣ်လိာ်တၢ်တဖၣ်, ပှၤပၢၤစ့ဒီးတၢ်စုလီၢ်ခီၣ်ခိၣ်တဖၣ်, စံၣ်ညီၣ်ကွီၢ်တဖၣ်, ပှၤနၢ်ပၢၢ်တၢ်သိၣ်တၢ်သီတဖၣ်ဒီးပဒိၣ်ပပှၢ်အဂၤအိၣ်လၢကီၢ်ဘၤဘူၤ လိၣ်ပူၤခဲလၢာ်ကဟဲပာ်ဖှိၣ်ထီၣ်အသးလၢတၢ်ပာ်စီဆှံတၢ်ဂီၤ လၢစီၤပၤနဘူၤကးန့စၢ်မၢပှၤတ့ထီၣ်ဆီလီၤအီၤအဂီၢ်န့ၣ်လီၤ.

လံာ်ဒၤနံးယ့လး 5:31

ဒီးပှၤမၤဒဲဖိစီၤဒၤရယါဝ့ၣ်လၢအသးပှၢ်ဝဲဃုဆံခံနံၣ်န့ၣ် ဒိးန့ၢ်ဘၣ်ဘီမုၢ်အဝဲန့ၣ်လီၤ.

လံာ်ဒၤနံးယ့လး 6:2

ဒီးလၢပဒိၣ်ဖးဒိၣ်တဖၣ်အံၤအဖီခိၣ်န့ၣ်ဃုထၢတ့ၢ်ဝဲစီၤဒၤနံးယ့လး ဒီးပှၤအဂၤခံဂၤလၢကပၢဆှၢပဒိၣ်ဖးဒိၣ်တဖၣ်ဒီးကကွၢ်ထွဲတၢ် ဘၣ်ဃးဒီးစီၤပၤအတၢ်ဘၣ်ဘျုးတဖၣ်ဒ်သိးစီၤပၤအသုတဘၣ် တၢ်မၤတံာ်တာ်အီၤတဂ့ၤအဂီၢ်န့ၣ်လီၤ.

လံာ်ဒၤနံးယ့လး 9:1

ဖဲပှၤမၤဒဲဖိစီၤအဃၤၡဝ့ရိၣ်အဖိခွါစီၤပၤစီၤဒၤရယါဝ့ၣ်ပၢတၢ်လၢ ဘၤဘူၤလိၣ်အဘီအမုၢ်ပူၤအခီၣ်ထံးတနံၣ်အပူၤန့ၣ်,

၁ ပ့းတရူး 2:14

ဒီးပဒိၣ်တဖၣ်, လၢအဘၣ်တၢ်ဃုထၢပာ်လီၤအီၤလၢစီၤပၤလၢကစံၣ်ညီၣ် ပှၤမၤအၢမၤသီတၢ်တဖၣ်ဒီးကစံးထီၣ်ပတြၢၤပှၤလၢ အမၤဂ့ၤတၢ်တဖၣ်, အဖီလာ်စ့ၢ်ကီးတက့ၢ်.