လံာ်ဒၤနံးယ့လး 5:8 - Sgaw Karen Common Bible

⁸ မၤသးဒ်န့ၣ်ဒီး, စီၤပၤအပှၤဟ့ၣ်ကူၣ်တၢ်တဖၣ်ဟဲဝဲလီၤ. ဘၣ်ဆၣ်ဒီးဖးဝဲတၢ်ကွဲးအသးမ့ၢ်ဂ့ၤ, မၤဖျါထီၣ်တၢ်အခီပညီ မ့ၢ်ဂ့ၤတသ့ဘၣ်နီတဂၤဘၣ်.

လံာ်ဒၤနံးယ့လး 5:8 Iomraidhean Croise

လံာ်တၢ်ကဲထီၣ်အခီၣ်ထံး 41:8

လၢမုၢ်ဆ့ၣ်ထီၣ်န့ၣ်အဝဲဘၣ်ကိၢ်ဘၣ်ဂီၤဝဲ, အဃိမၢပှၤကိးန့ၢ် အီၤကယဲၢ်ပှၤမၤကဒါမဲာ်တဖၣ်ဒီးပှၤကူၣ်ဘၣ်ကူၣ်သ့လၢကီၢ်အဲၤ ကူပတူးပူၤခဲလၢာ်န့ၣ်လီၤ. စီၤပၤတဲဘၣ်အဝဲသ့ၣ်လၢအတၢ်မံ မီၢ်တဖၣ်ဘၣ်ဆၣ်ဒီးပှၤဖးန့ၢ်အီၤအတၢ်မံမီၢ်တသ့ နီတဂၤဘၣ်.

လံာ်ယၡါယၤ 47:9

ဘၣ်ဆၣ်လၢတစိၢ်ဖိအတီၢ်ပူၤ, လၢတနံၤဃီအပူၤန့ၣ်, တၢ်ခံမံၤလိာ်အံၤကမၤအသးလီၤ. နသူတၢ်မၤကဒါမဲာ်, တၢ်အူတၢ်သမူတဖၣ်ဒၣ်လဲာ်န့ၣ်, နဝၤဒီးနဖိတဖၣ်ကလီၤမၢ်န့ၢ်နၤလီၤ.

လံာ်ယံးရမံယၤ 50:35

ယွၤစံးဝဲဒၣ်, “မ်တၢ်သံကဘၣ်ကီၢ်ဘၤဘူၤလိၣ်, မ်တၢ်သံကဘၣ်အပှၤဂီၢ်မုၢ်, အပှၤပၢတၢ်တဖၣ်, အပှၤလၢအကူၣ်တၢ်သ့တဖၣ် န့ၣ်တက့ၢ်.

လံာ်ဒၤနံးယ့လး 2:27

ဒီးစီၤဒၤနံးယ့လးစံးဆၢစီၤပၤ, “ပှၤသ့သမူပယၢ်တၢ်မ့ၢ်ဂ့ၤ, ပှၤမၤကဒါမဲာ်မ့ၢ်ဂ့ၤ, ပှၤဖးတၢ်ဟဲဝံဟဲစိာ်မ့ၢ်ဂ့ၤ, ပှၤဖးဆၣ်ဧိၤဖီဧိၤအဂ့ၢ်တဖၣ်မ့ၢ်ဂ့ၤလီၣ်ဖျါ ထီၣ်တၢ်အဒိၣ်အယိာ်လၢစီၤပၤသံကွၢ်န့ၣ်တသ့ဘၣ်နီတဂၤဘၣ်.

လံာ်ဒၤနံးယ့လး 4:18

တၢ်မံမီၢ်အံၤ, ယၤစီၤပၤနဘူၤကးန့စၢ်ထံၣ်တ့ၢ်ဝဲလီၤ. ဒီးခဲကနံၣ်အံၤ, စီၤဘ့ၤလးတၡါစၢ်ဧၢ, ဖးဖျါထီၣ်အခီပညီတက့ၢ်. အဂ့ၢ်ဒ်အံၤ, ယပှၤဟ့ၣ်ကူၣ်တၢ်အိၣ်လၢယဘီမုၢ်အပူၤခဲလၢာ်န့ၣ်ဖးဖျါထီၣ် န့ၢ်ယၤတသ့ဘၣ်. မ့မ့ၢ်နဲဒၣ်အံၤနမၤနဲသ့လီၤ. အဂ့ၢ်ဒ်အံၤ, ကစၢ်ယွၤလၢအစီဆှံတဂၤအသးအိၣ်လၢနပူၤလီၤ.”

လံာ်ဒၤနံးယ့လး 4:4

ယၤ, စီၤပၤနဘူၤကးန့စၢ်အိၣ်မုာ်ဆိးပၢၤလၢယဟံၣ်ပူၤ, ဒီးမုာ်လၤ သးခုလၢယတၢ်ဘီၣ်ထီၣ်ညီထီၣ်ဖးဒိၣ်လၢယနူၢ်ပူၤစီၤပူၤလီၤ.

လံာ်ဒၤနံးယ့လး 4:7

တုၤနုၤတစု, ပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူပယၢ် တၢ်ဒီးပှၤဖးဆၣ်ဧိၤဖီဧိၤအဂ့ၢ်တဖၣ်ဟဲဝဲဒီးယစံးဘၣ်တဲ ဘၣ်အဝဲသ့ၣ်လၢယတၢ်မံမီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်ဖးဖျါထီၣ်န့ၢ် ယၤလၢယတၢ်မံမီၢ်အခီပညီတန့ၢ်ဘၣ်.

လံာ်ဒၤနံးယ့လး 5:15

ပှၤဟ့ၣ်ကူၣ်တၢ်တဖၣ်ဒီးပှၤမၤကဒါမဲာ်တဖၣ်ဘၣ်တၢ်ဟဲစိာ်ထီၣ် အီၤဆူယမဲာ်ညါဒ်သိးကဖးတၢ်ကွဲးအသးအံၤဒီးတဲယၤလၢ အခီပညီန့ၣ်လီၤ. ဘၣ်ဆၣ်ဒီးအဝဲသ့ၣ်ဃုထံၣ်န့ၢ်တၢ်ကွဲးအသး အခီပညီတန့ၢ်ဘၣ်.