လံာ်ဒၤနံးယ့လး 5:2 - Sgaw Karen Common Bible

² ဒီးဖဲအဝဲသ့ၣ်အီသကိးတၢ်အဖၢမုၢ်န့ၣ်စီၤဘ့ၤလၡါစၢ်မၤလိာ် ဝဲလၢလီခီထူ, လီခီစ့တဖၣ်လၢအပၢ်စီၤနဘူၤကးန့စၢ်ဟံးထီၣ် ကွံာ်ဝဲလၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤန့ၣ်ကဘၣ်တၢ်ဟဲ စိာ်အီၤဒ်သိးစီၤပၤဒီးအပဒိၣ်ပပှၢ်တဖၣ်, အမါတဖၣ်ဒီးအသံၣ် မါတဖၣ်ကဒၢနုာ်အီဝဲစပံးထံလၢအပူၤအဂီၢ်န့ၣ်လီၤ.

လံာ်ဒၤနံးယ့လး 5:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 9:7

စီၤဒၤဝံးစံးဝဲဒၣ်, “ပျံၤတၢ်တဂ့ၤ. ယကသူၣ်ကညီၤသးကညီၤ နၤလၢနပၢ်စီၤယိနၤသၣ်အဃိန့ၣ်လီၤ. ယကဟ့ၣ်ကဒါက့ၤနၤဟီၣ်ခိၣ်ကဝီၤလၢအမ့ၢ်တ့ၢ်နဖုစီၤစီလူးအတၢ် ခဲလၢာ်ဒီးနကဘၣ်တၢ်တူၢ်လိာ်မုာ်နၤလၢယတၢ်အီၣ်အစီၢ်နီၤခိၣ် တဘိယူၢ်ဃီန့ၣ်လီၤ.”

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:15

အဝဲသ့ၣ်စိာ်ထီၣ်ကွံာ်ကယဲၢ်တၢ်ခဲလၢာ်လၢအဘၣ်တၢ်ပိာ်အီၤလၢထူ မ့ၢ်ဂ့ၤ, စ့မ့ၢ်ဂ့ၤ, ဃုာ်ဒီးသလၢအဆံးတဖၣ်ဒီးသပၢၤဘံၣ်သလၣ်တဖၣ်လၢတၢ် သူအီၤလၢတၢ်စိာ်မ့ၣ်အူအ့ၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:20

လၢအလီၢ်ခံန့ၣ်ဟံးန့ၢ်အမါလၢစီၤအးဘၡါလိၣ်အဖိမုၣ်နီၢ်မၤ ကၤ, ဒီးအဝဲသ့ၣ်အိၣ်ဒီးအဖိခွါလွံၢ်ဂၤလၢအမ့ၢ်, စီၤဘံယၤ, စီၤဧၤတဲ, စီၤစံစၤဒီးစီၤၡလိမံးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:16

စီၤပၤအၤစါသုးကွံာ်အဖံနီၢ်မၤကၤလၢနီၢ်ပၤမုၣ်အမိၢ်အ လီၢ်, မ့ၢ်လၢအဝဲတ့ထီၣ်ဟီၣ်ခိၣ်ညၣ်ထ့ၣ်အကစၢ်မုၣ်အၡ့ရၤအဂီၤတခါလၢ ကမၤကတၢသူၣ်ကတၢသးတၢ်အဃိန့ၣ်လီၤ. စီၤအၤစါကူာ်လီၤကွံာ်တၢ်ဂီၤန့ၣ်ဒီးမၤလီၤကလဲကွံာ်ဝဲဒီး ဆူးကဲၤထီၣ်ကွံာ်တၢ်လီၤကလဲတဖၣ်န့ၣ်လၢကံဒြိၣ်အကစၢၢ်ကဆူး အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်စီၤဧ့စြၤ 5:14

အဝဲဟ့ၣ်က့ၤတၢ်လုၢ်ဟံၣ်အဃၢၤအဃိၢ်ထူဒီးစ့လၢစီၤပၤနဘူၤကး န့စၢ်ဟံးန့ၢ်ကွံာ်လၢဝ့ၢ်ယရူၤရှလ့ၣ်အတၢ်လုၢ်ဟံၣ်အပူၤဒီးက့ၤ ပာ်ဝဲလၢတၢ်လုၢ်ဟံၣ်လၢကီၢ်ဘၤဘူၤလိၣ်န့ၣ်လီၤ. စီၤပၤဖးဒိၣ်ကိရ့ၣ်ဟ့ၣ်က့ၤတၢ်အဃၢၤအဃိၢ်တဖၣ်အံၤဆူ ပှၤတဂၤလၢအမံၤမ့ၢ်စီၤၡ့ၡဘးစၢ်, ပှၤလၢအဝဲဃုထၢပာ်လီၤဝဲဒ် ကီၢ်ယူဒၤအပဒိၣ်ဖးဒိၣ်, အစုပူၤန့ၣ်လီၤ.

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 50:35

ယွၤစံးဝဲဒၣ်, “မ်တၢ်သံကဘၣ်ကီၢ်ဘၤဘူၤလိၣ်, မ်တၢ်သံကဘၣ်အပှၤဂီၢ်မုၢ်, အပှၤပၢတၢ်တဖၣ်, အပှၤလၢအကူၣ်တၢ်သ့တဖၣ် န့ၣ်တက့ၢ်.

လံာ်ယံးရမံယၤ 52:19

အဝဲသ့ၣ် ဟံးန့ၢ်ကွံာ်တၢ်ကိးမံၤဒဲးလၢ အဘၣ်တၢ်မၤအီၤလၢ ထူဒီးစ့လၢအမ့ၢ်သလၢအဆံးဖိတဖၣ်, သပၢၤဘံၣ်သလၣ်လၢ တၢ်သူအီၤလၢ တၢ်စိာ်လၢၢ်သွဲၣ်လးကဲၤကဖးအဂီၢ်, သလၢတဖၣ်လၢကပဒၢးဃာ်တၢ်လုၢ်တၢ်ပာ်အသွံၣ်အဂီၢ်တဖၣ်, ဖၣ်ဆါအသပၢၤတဖၣ်, မ့ၣ်အူဒၢအထူၣ်တဖၣ်, သလၢတဖၣ်လၢ တၢ်သူအီၤလၢတၢ်လုၢ်နၢမူအဂီၢ်, ဒီးသလၢတဖၣ် လၢတၢ်သူအီၤလၢတၢ်လူလီၤတၢ်လုၢ်စပံးထံတဖၣ်အဂီၢ်န့ၣ်လီၤ.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.

လံာ်ဒၤနံးယ့လး 5:11

ပှၤအိၣ်ဝဲဒၣ်တဂၤလၢနဘီနမုၢ်အပူၤလၢကစၢ်ယွၤလၢအစီဆှံ တဂၤအသးအိၣ်လၢအပူၤန့ၣ်လီၤ. လၢနပၢ်အမုၢ်နံၤတဖၣ်အက တီၢ်န့ၣ်ဘၣ်တၢ်ထံၣ်န့ၢ်အီၤလၢတၢ်ကူၣ်တၢ်ဆးအဂ့ၤ, တၢ်သ့ၣ်ညါဒီးတၢ်ကူၣ်သ့ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်လၢအပူၤလီၤ. ဒီးနပၢ်, စီၤပၤနဘူၤကးန့စၢ်ဒုးကဲထီၣ် အီၤလၢပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူ ပယၢ်တၢ်, ဒီးပှၤဖးဆၣ်ဧိၤဖီဧိၤအဂ့ၢ်တဖၣ်, အခိၣ်အဒိၣ်က တၢၢ်န့ၣ်လီၤ.

လံာ်ဒၤနံးယ့လး 5:13

တုၤနုၤတစုစီၤဒၤနံးယ့လးဘၣ်တၢ်ဆှၢထီၣ်အီၤဆူစီၤပၤအမဲာ် ညါတဘျီဃီန့ၣ်လီၤ. ဒီးစီၤပၤတဲဘၣ်အီၤ, “နမ့ၢ်စီၤဒၤနံးယ့လး, ပှၤယူဒၤဖိတဂၤ, လၢပှၤဘၣ်တၢ်စိာ်မၢကဲကုၢ်အီၤအကျါ လၢယပၢ်ဟဲက့ၤကိးအီၤလၢကီၢ်ယူဒၤန့ၣ်ဧါ.

လံာ်ဒၤနံးယ့လး 5:18

တၢ်ထီကတၢၢ်ကစၢ်ယွၤဒုးကဲထီၣ်တ့ၢ်နပၢ်စီၤနဘူၤကးန့စၢ် လၢစီၤပၤဖးဒိၣ်တဂၤဒီးဟ့ၣ်အီၤလၢတၢ်လၤကပီၤဒီးတၢ်က ဟုကညီၢ်န့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်ဒၤနံးယ့လး 5:3

ဒီးလီခီထူလီခီစ့တဖၣ်န့ၣ်ဘၣ်တၢ်ဟဲစိာ်အီၤတဘျီဃီ, ဒီးအဝဲသ့ၣ်ဒၢနုာ်အီစပံးထံလၢအပူၤန့ၣ်လီၤ.

လံာ်ဒၤနံးယ့လး 5:30

ဒီးလၢမုၢ်တနၤဃီန့ၣ်အပူၤ, ကီၢ်ဘၤဘူၤလိၣ်အစီၤပၤစီၤပၤ ဘ့ၤလၡါစၢ်ဘၣ်တၢ်မၤသံကွံာ်အီၤန့ၣ်လီၤ.

လံာ်ဒၤနံးယ့လး 5:4

အဝဲသ့ၣ်အီစပံးထံဒီးစံးထီၣ်ပတြၢၤကစၢ်တဖၣ်လၢဘၣ်တၢ်မၤ အီၤလၢထူ, စ့, တိၢ်ဘီ, ထး, သ့ၣ်, ဒီးလၢၢ်တဖၣ်န့ၣ်လီၤ.