လံာ်ဒၤနံးယ့လး 5:16 - Sgaw Karen Common Bible

¹⁶ ခဲကနံၣ်အံၤယနၢ်ဟူတ့ၢ်လၢနဃုထံၣ်တၢ်အခီပညီလီၤဘၢ တဖၣ်ဒီးတဲဖျါတၢ်ခူသူၣ်အဒိၣ်အယိာ်တဖၣ်သ့ဝဲဒၣ်လီၤ. နဖးတၢ်ကွဲးအသးအံၤဒီးတဲယၤလၢအခီပညီတဖၣ်မ့ၢ်သ့ဒီး, နကဘၣ်တၢ်ဒုးသိးထီၣ်နၤလၢစီၤလိၣ်စီၤပၤအဆ့ကၤဖးထီတဖၣ် အိၣ်ဒီးအလွဲၢ်လုးတကုာ်ဒီးဒုးလံာ်ထီၣ်နၤလၢတၢ်မၤလၤက ပီၤအဖဲထူတဝီလၢနကိာ်လိၤဒီးနကကဲထီၣ်ဘၣ်ပှၤပၢတၢ်သၢဂၤ တဂၤလၢဘီမုၢ်အပူၤန့ၣ်လီၤ.”

လံာ်ဒၤနံးယ့လး 5:16 Iomraidhean Croise

လံာ်တၢ်ကဲထီၣ်အခီၣ်ထံး 40:8

အဝဲသ့ၣ်စံးဆၢဝဲ, “ပဝဲတဂၤစုာ်စုာ်ပအိၣ်ဒီးပတၢ်မံမီၢ် ဒီးဖဲအံၤပှၤလၢကဖးန့ၢ်ပှၤတၢ်မံမီၢ်တဖၣ်အံၤအခီပညီတအိၣ် နီတဂၤဘၣ်.” စီၤယိၤသးစံးဘၣ်အဝဲသ့ၣ်, “ပှၤလၢအဟ့ၣ်တၢ်သ့တၢ်ဘၣ်လၢတၢ် ဖးတၢ်မံမီၢ်တဖၣ်အဂီၢ်န့ၣ်, မ့ၢ်ဒၣ်ကစၢ်ယွၤလီၤ. တဲယၤသုတၢ်မံမီၢ်တဖၣ်တက့ၢ်.”

လံာ်တၢ်ကဲထီၣ်အခီၣ်ထံး 41:15

စီၤပၤစံးဘၣ်အီၤ, “ယမံမီၢ်တ့ၢ်တၢ်မံမီၢ်တမံၤ, ဒီးပှၤဖးန့ၢ်ယၤတသ့နီတဂၤဘၣ်. ယဘၣ်တၢ်တဲဘၣ်ယၤလၢနဖးတၢ် မံမီၢ်တဖၣ်သ့ဝဲလီၤ.”

လံာ်တၢ်ကဲထီၣ်အခီၣ်ထံး 41:42

စီၤပၤဘ့ၣ်လီၤကွံာ်ပသံးလၢအအိၣ်ဒီးစီၤပၤအတၢ်စဲပနီၣ်လၢ အစုလိၤဒီးဒုးသိးထီၣ်စီၤယိၤသးန့ၣ်လီၤ. အဝဲဒုးကၤထီၣ်အီၤလၢဆ့ကၤဘဲအဂ့ၤတဘ့ၣ်ဒီးဒုးလံာ်ထီၣ်အီၤ လၢဖဲထူတပျံၤလၢအကိာ်လိၤလီၤ.

လံာ်ဒၤနံးယ့လး 2:48

အန့ၣ်ဝံၤဒီးစီၤပၤဟ့ၣ်လီၤစီၤဒၤနံးယ့လးလၢတၢ်လၤကပီၤဖး ဒိၣ်ဒီးခိၣ်ဖးအါအါကလဲာ်, ဒီးဒုးကဲထီၣ်အီၤလၢကီၢ်ဘၤဘူၤ လိၣ်ဒီကီၢ်ညါအကိတိာ်ခိၣ်ကျၢၢ်ဒီးပှၤအခိၣ်အဒိၣ်ကတၢၢ်လၢ စီၤပၤအပှၤဟ့ၣ်ကူၣ်တၢ်ခဲလၢာ်အဖီခိၣ်န့ၣ်လီၤ.

လံာ်ဒၤနံးယ့လး 2:6

ဘၣ်ဆၣ်ဒီးသုတဲဖျါထီၣ်န့ၢ်ယၤယတၢ်မံမီၢ်ဒီးအခီပညီခံမံၤလိာ် မ့ၢ်သ့ဒီးယကဟ့ၣ်ဘျုးသုလၢခိၣ်ဖးတဖၣ်ဒီးတၢ်လၤကပီၤဖး ဒိၣ်န့ၣ်လီၤ. လၢတၢ်န့ၣ်အဃိခဲအံၤတဲယတၢ်မံမီၢ်ဒီးအခီပညီမ့ၢ် တၢ်မနုၤလဲၣ်န့ၣ်တက့ၢ်.”

လံာ်ဒၤနံးယ့လး 5:29

အန့ၣ်ဝံၤတကီၢ်ခါ, စီၤဘ့ၤလၡါစၢ်ဟ့ၣ်လီၤအကလုၢ်လၢအ တၢ်ခ့တၢ်ပှၤတဖၣ်ကဒုးသိးထီၣ်စီၤဒၤနံးယ့လးလၢစီၤလိၣ်စီၤပၤ အဆ့ဖးထီတဘ့ၣ်အိၣ်ဒီးအလွဲၢ်လုးတကုာ်, ဒုးလံာ်ထီၣ်အီၤ လၢတၢ်လၤကပီၤအဖဲထူလၢအကိာ်လိၤန့ၣ်လီၤ. ဒီးဒုးကဲထီၣ်အီၤလၢပှၤပၢ တၢ်သၢဂၤတဂၤလၢအဘီမုၢ်အပူၤန့ၣ်လီၤ.

လံာ်ဒၤနံးယ့လး 5:7

ဒီးစီၤပၤကိးပသူထီၣ်လၢအကလုၢ်ဖးဒိၣ်လၢပှၤကဆှၢနုာ်ပှၤ မၤကဒါမဲာ်တဖၣ်, ပှၤသ့သမူပယၢ်တၢ်တဖၣ်ဒီးပှၤဖးဆၣ်ဧိၤ ဖီဧိၤအဂ့ၢ်တဖၣ်န့ၣ်လီၤ. စီၤပၤစံးဘၣ်ပှၤဟ့ၣ်ကူၣ်တၢ် တဖၣ်လၢဘၤဘူၤလိၣ်အပူၤန့ၣ်, “ပှၤတဂၤလၢ်လၢ်လၢအဖးတၢ် ကွဲးအသးအံၤဒီးမၤဖျါထီၣ်န့ၢ်ယၤအခီပညီမ့ၢ်သ့န့ၣ် ယကဒုးသိးထီၣ်အီၤလၢစီၤလိၣ်စီၤပၤအတၢ်ကူတၢ်သိး အလွဲၢ်လုးတကုာ်ဒုးလံာ်ထီၣ်အီၤလၢဖဲထူတပျံၤလၢ အကိာ်လိၤဒီးကဘၣ်တၢ်ဒုးကဲထီၣ်အီၤလၢပှၤပၢတၢ် သၢဂၤတဂၤလၢဘီမုၢ်အံၤအပူၤန့ၣ်လီၤ.”

လံာ်ဒၤနံးယ့လး 6:2

ဒီးလၢပဒိၣ်ဖးဒိၣ်တဖၣ်အံၤအဖီခိၣ်န့ၣ်ဃုထၢတ့ၢ်ဝဲစီၤဒၤနံးယ့လး ဒီးပှၤအဂၤခံဂၤလၢကပၢဆှၢပဒိၣ်ဖးဒိၣ်တဖၣ်ဒီးကကွၢ်ထွဲတၢ် ဘၣ်ဃးဒီးစီၤပၤအတၢ်ဘၣ်ဘျုးတဖၣ်ဒ်သိးစီၤပၤအသုတဘၣ် တၢ်မၤတံာ်တာ်အီၤတဂ့ၤအဂီၢ်န့ၣ်လီၤ.

မၤတၢ် 8:18

တုၤစီၤၡံမိၣ်ထံၣ်ဘၣ်ဝဲလၢယွၤဟ့ၣ်လီၤပှၤစူၢ်က့ၤနာ်က့ၤတၢ် တဖၣ်လၢသးစီဆှံ, ခီဖျိပှၤတၢ်မၢဖိတဖၣ်အတၢ်ပာ်ထီၣ်အစုလၢအဝဲသ့ၣ် အလိၤန့ၣ်ဒီး, အဝဲဒၣ်ဟ့ၣ်စီၤပ့းတရူးဒီးစီၤယိၤဟၣ်လၢစ့,