လံာ်ဒၤနံးယ့လး 5:14 - Sgaw Karen Common Bible

¹⁴ ယနၢ်ဟူတ့ၢ်တၢ်လၢနဂ့ၢ်, လၢကစၢ်ယွၤလၢအစီဆှံတဂၤ အသးန့ၣ်အိၣ်လၢနပူၤဒီးတၢ်ထံၣ်န့ၢ်လၢနမ့ၢ်ပှၤအသ့အဘၣ်, ဒီးပှၤအိၣ်ဒီးတၢ်သ့ၣ်ညါဒီးတၢ်ကူၣ်သ့န့ၣ်လီၤ.

လံာ်ဒၤနံးယ့လး 5:14 Iomraidhean Croise

လံာ်တၢ်ကဲထီၣ်အခီၣ်ထံး 41:15

စီၤပၤစံးဘၣ်အီၤ, “ယမံမီၢ်တ့ၢ်တၢ်မံမီၢ်တမံၤ, ဒီးပှၤဖးန့ၢ်ယၤတသ့နီတဂၤဘၣ်. ယဘၣ်တၢ်တဲဘၣ်ယၤလၢနဖးတၢ် မံမီၢ်တဖၣ်သ့ဝဲလီၤ.”

လံာ်တၢ်ကဲထီၣ်အခီၣ်ထံး 41:38

ဒီးစီၤပၤစံးဘၣ်အဝဲသ့ၣ်, “ပကထံၣ်န့ၢ်ပှၤဂ့ၤဒိၣ်န့ၢ်စီၤ ယိၤသးတဂၤ, ပှၤတဂၤလၢကစၢ်ယွၤအသးစီဆှံအိၣ်လၢ အပူၤန့ၣ်တသ့နီတစုဘၣ်.”

လံာ်ဒၤနံးယ့လး 2:22

အဝဲမၤဖျါထီၣ်တၢ်အယိာ်ဒီးတၢ်ခူသူၣ်အဒိၣ်အယိာ်တဖၣ်လီၤ. သ့ၣ်ညါဝဲတၢ်မနုၤအိၣ်လၢတၢ်ခံးတၢ်နၤအပူၤ, ဒီးအဝဲအနီၢ်ကစၢ်ဒၣ်ဝဲန့ၣ်ဘၣ်တၢ်ကဝီၤဃာ်အီၤလၢတၢ်ကပီၤလီၤ.

လံာ်ဒၤနံးယ့လး 4:8

လၢခံကတၢၢ်န့ၣ်စီၤဒၤနံးယ့လး, လၢအဘၣ်တၢ်ယုၢ်က့ၤအမံၤ လၢဘ့ၤလးတၡါစၢ်ဒ်ယကစၢ်အမံၤအသိးန့ၣ်, ဟဲနုာ်ဆူ ယမဲာ်ညါလီၤ. ကစၢ်ယွၤလၢအစီဆှံတဂၤအသးအိၣ်လၢ အပူၤသတးဒီးယစံးဘၣ်အီၤတၢ်လၢယမံမီၢ်တ့ၢ်န့ၣ်လီၤ.

လံာ်ဒၤနံးယ့လး 5:13

တုၤနုၤတစုစီၤဒၤနံးယ့လးဘၣ်တၢ်ဆှၢထီၣ်အီၤဆူစီၤပၤအမဲာ် ညါတဘျီဃီန့ၣ်လီၤ. ဒီးစီၤပၤတဲဘၣ်အီၤ, “နမ့ၢ်စီၤဒၤနံးယ့လး, ပှၤယူဒၤဖိတဂၤ, လၢပှၤဘၣ်တၢ်စိာ်မၢကဲကုၢ်အီၤအကျါ လၢယပၢ်ဟဲက့ၤကိးအီၤလၢကီၢ်ယူဒၤန့ၣ်ဧါ.

လံာ်ဒၤနံးယ့လး 5:15

ပှၤဟ့ၣ်ကူၣ်တၢ်တဖၣ်ဒီးပှၤမၤကဒါမဲာ်တဖၣ်ဘၣ်တၢ်ဟဲစိာ်ထီၣ် အီၤဆူယမဲာ်ညါဒ်သိးကဖးတၢ်ကွဲးအသးအံၤဒီးတဲယၤလၢ အခီပညီန့ၣ်လီၤ. ဘၣ်ဆၣ်ဒီးအဝဲသ့ၣ်ဃုထံၣ်န့ၢ်တၢ်ကွဲးအသး အခီပညီတန့ၢ်ဘၣ်.

လံာ်ဒၤနံးယ့လး 6:3

တယံာ်ဘၣ်ဒီးစီၤဒၤနံးယ့လးအိၣ်ဖျါထီၣ်ဝဲလၢအမၤတၢ်သ့ ဂ့ၤန့ၢ်ဒံးပှၤပၢဆှၢအံးကွၢ်တၢ်အဂၤတဖၣ်ဒီးပဒိၣ်ဖးဒိၣ်တဖၣ် န့ၣ်လီၤ. မ့ၢ်လၢအဝဲဒၣ်ဖျိးစိအဃိ, စီၤပၤပာ်သူၣ်ပာ်သးတ့ၢ် ဒ်သိးကပာ်ထီၣ်အီၤလၢဘီမုၢ်ဒီဘ့ၣ်ညါအဖီခိၣ်န့ၣ်လီၤ.