လံာ်ဒၤနံးယ့လး 5:12 - Sgaw Karen Common Bible

¹² အဝဲအိၣ်ဒီးတၢ်သ့တၢ်ဘၣ်လီၤဆီဒီးမ့ၢ်ပှၤကူၣ်သ့ဒီးပှၤအသ့ အဘၣ်လၢအဖးတၢ်မံမီၢ်တဖၣ်အခီပညီ, မၤဖျါထီၣ်တၢ်ပှိၤပှံ ပှိၤပှီၢ်တဖၣ်ဒီးတဲဖျါထီၣ်တၢ်ခူသူၣ်အဒိၣ်အယိာ်တဖၣ်သ့န့ၣ်လီၤ. မၤသးဒ်န့ၣ်ဒီး, မၤလိာ်လၢပှၤကလဲၤကိးန့ၢ်နၤစီၤဒၤနံးယ့လး လၢစီၤပၤယုၢ်တ့ၢ်အမံၤလၢစီၤဘ့ၤလးတၡါစၢ်န့ၣ်တက့ၢ်. ဒီးအဝဲကတဲဘၣ်နၤလၢတၢ်ခဲလၢာ်အံၤအခီပညီမ့ၢ်တၢ်မနုၤ လဲၣ်န့ၣ်လီၤ.”

လံာ်ဒၤနံးယ့လး 5:12 Iomraidhean Croise

စံးထီၣ်ပတြၢၤ 16:3

ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ် ဂ့ၤဆံးဒိၣ်လဲၣ်. ယတၢ်သးခုအဒိၣ်ကတၢၢ်န့ၣ် မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.

တၢ်ကတိၤဒိ. 12:26

ပှၤတီပှၤလိၤတဂၤန့ၣ်မ့ၢ်ပှၤနဲၣ်ကျဲလၢအတံၤသကိးအဂီၢ်လီၤ. မ့မ့ၢ်ပှၤတတီတလိၤအကျဲန့ၣ်ကဆှၢကမၣ်ကွံာ်အဝဲသ့ၣ်လီၤ.

တၢ်ကတိၤဒိ. 17:27

ပှၤလၢအနာ်လီၤအသးလီၤတံၢ်လီၤဆဲးတဂၤန့ၣ်တကတိၤတၢ်တပယူာ်ဃီ ဘၣ်. ဒီးပှၤလၢအပာ်အသးခုၣ်ခုၣ်မုာ်မုာ်န့ၣ်မ့ၢ်ပှၤတဂၤလၢအအိၣ်ဒီး တၢ်ထံၣ်တၢ်နီၢ်နီၢ်န့ၣ်လၢသးအမဲာ်န့ၣ်လီၤ.

လံာ်ယဃ့းစက့လး 28:3

နဆိကမိၣ်လၢ နကူၣ်တၢ်သ့ဒိၣ်န့ၢ်ဒံးစီၤဒၤနံးယ့လးတက့ၢ်, ဒီးတၢ်ခူသူၣ်အိၣ်တဒၢလၢ နမဲာ်ညါတသ့နီတမံၤဘၣ်န့ၣ်လီၤ.

လံာ်ဒၤနံးယ့လး 1:17

ကစၢ်ယွၤဟ့ၣ်လီၤတ့ၢ်ပှၤသးစၢ်လွံၢ်ဂၤန့ၣ်လၢတၢ်သ့ၣ်ညါဒီး တၢ်သ့တၢ်ဘၣ်ဘၣ်ဃးဒီးကယဲၢ်တၢ်မၤလိမၤဒိးဒီးတၢ်ဆိ ကမိၣ်အဒိၣ်အယိာ်အတၢ်ကူၣ်သ့န့ၣ်လီၤ. လၢတၢ်န့ၣ်တဖၣ်န့ၣ် အမဲာ်ညါကစၢ်ယွၤဟ့ၣ်လီၤတ့ၢ်စီၤဒၤနံးယ့လးတၢ်သ့တၢ်ဘၣ် လၢကတဲဖျါတၢ်ထံၣ်လၢညါခီဒီးတၢ်မံမီၢ်တဖၣ်အခီပညီ န့ၣ်လီၤ.

လံာ်ဒၤနံးယ့လး 1:7

စီၤပၤအပဒိၣ်ခိၣ်ကျၢၢ်ဟ့ၣ်က့ၤအဝဲသ့ၣ်လၢအမံၤအသီဒီး စီၤဒၤနံးယ့လးဘၣ်တၢ်ကိးအီၤလၢစီၤဘ့ၤလးတၡါစၢ်, စီၤဃနၤနယၤန့ၣ်လၢစီၤၡၤဒရး, စီၤမံၡအ့လးန့ၣ်လၢစီၤမ့ၤ ၡး, ဒီးစီၤဧစၤရယၤန့ၣ်လၢစီၤဧဘ့ၤဒနကိၤန့ၣ်လီၤ.

လံာ်ဒၤနံးယ့လး 2:26

စီၤပၤစံးဘၣ်စီၤဒၤနံးယ့လးလၢအမံၤဘၣ်တၢ်ကိးစ့ၢ်ကီးလၢ စီၤဘ့ၤလးတၡါစၢ်, “နစံးဘၣ်ယၤတၢ်လၢယမံမီၢ်တ့ၢ်န့ၣ် ဒီးဖးန့ၢ်ယၤလၢအခီပညါဘၣ်ကသ့ဧါ.”

လံာ်ဒၤနံးယ့လး 4:19

တုၤနုၤတစု, စီၤဒၤနံးယ့လးလၢအဘၣ်တၢ် ကိးစ့ၢ်ကီးအီၤလၢစီၤဘ့ၤလးတၡါစၢ်အသးလီၤကတုၤတစိၢ် တလီၢ်ဒီးအတၢ်ဆိကမိၣ်မၤကိၢ်မၤဂီၤအသးန့ၣ်လီၤ. စီၤပၤစံးဘၣ်အီၤ, “စီၤဘ့ၤလးတၡါစၢ်ဧၢ, ပျဲတၢ်မံမီၢ်မ့ၢ်ဂ့ၤ, အခီပညီအဒိၣ်အယိာ်မ့ၢ်ဂ့ၤမၤကိၢ်မၤဂီၤနသးတဂ့ၤ.” စီၤဘ့ၤလးတၡါစၢ်စံးဆၢဝဲဒၣ်, “နဲဒၣ်စီၤပၤဧၢ, ယဆၢလၢတၢ်မံမီၢ်အံၤကမ့ၢ်ဒၣ်ဝဲလၢပှၤလၢအ သးဟ့နၤတဖၣ်အဂီၢ်ဒီးအခီပညီအဒိၣ်အယိာ်ကမ့ၢ်ဒၣ်လၢန ဒုၣ်နဒါတဖၣ်အဂီၢ်န့ၣ်လီၤ.

လံာ်ဒၤနံးယ့လး 4:8

လၢခံကတၢၢ်န့ၣ်စီၤဒၤနံးယ့လး, လၢအဘၣ်တၢ်ယုၢ်က့ၤအမံၤ လၢဘ့ၤလးတၡါစၢ်ဒ်ယကစၢ်အမံၤအသိးန့ၣ်, ဟဲနုာ်ဆူ ယမဲာ်ညါလီၤ. ကစၢ်ယွၤလၢအစီဆှံတဂၤအသးအိၣ်လၢ အပူၤသတးဒီးယစံးဘၣ်အီၤတၢ်လၢယမံမီၢ်တ့ၢ်န့ၣ်လီၤ.

လံာ်ဒၤနံးယ့လး 5:14

ယနၢ်ဟူတ့ၢ်တၢ်လၢနဂ့ၢ်, လၢကစၢ်ယွၤလၢအစီဆှံတဂၤ အသးန့ၣ်အိၣ်လၢနပူၤဒီးတၢ်ထံၣ်န့ၢ်လၢနမ့ၢ်ပှၤအသ့အဘၣ်, ဒီးပှၤအိၣ်ဒီးတၢ်သ့ၣ်ညါဒီးတၢ်ကူၣ်သ့န့ၣ်လီၤ.

လံာ်ဒၤနံးယ့လး 5:16

ခဲကနံၣ်အံၤယနၢ်ဟူတ့ၢ်လၢနဃုထံၣ်တၢ်အခီပညီလီၤဘၢ တဖၣ်ဒီးတဲဖျါတၢ်ခူသူၣ်အဒိၣ်အယိာ်တဖၣ်သ့ဝဲဒၣ်လီၤ. နဖးတၢ်ကွဲးအသးအံၤဒီးတဲယၤလၢအခီပညီတဖၣ်မ့ၢ်သ့ဒီး, နကဘၣ်တၢ်ဒုးသိးထီၣ်နၤလၢစီၤလိၣ်စီၤပၤအဆ့ကၤဖးထီတဖၣ် အိၣ်ဒီးအလွဲၢ်လုးတကုာ်ဒီးဒုးလံာ်ထီၣ်နၤလၢတၢ်မၤလၤက ပီၤအဖဲထူတဝီလၢနကိာ်လိၤဒီးနကကဲထီၣ်ဘၣ်ပှၤပၢတၢ်သၢဂၤ တဂၤလၢဘီမုၢ်အပူၤန့ၣ်လီၤ.”

လံာ်ဒၤနံးယ့လး 6:3

တယံာ်ဘၣ်ဒီးစီၤဒၤနံးယ့လးအိၣ်ဖျါထီၣ်ဝဲလၢအမၤတၢ်သ့ ဂ့ၤန့ၢ်ဒံးပှၤပၢဆှၢအံးကွၢ်တၢ်အဂၤတဖၣ်ဒီးပဒိၣ်ဖးဒိၣ်တဖၣ် န့ၣ်လီၤ. မ့ၢ်လၢအဝဲဒၣ်ဖျိးစိအဃိ, စီၤပၤပာ်သူၣ်ပာ်သးတ့ၢ် ဒ်သိးကပာ်ထီၣ်အီၤလၢဘီမုၢ်ဒီဘ့ၣ်ညါအဖီခိၣ်န့ၣ်လီၤ.

လံာ်ဒၤနံးယ့လး 6:4

တုၤနုၤတစု, ပှၤပၢဆှၢအံးထွဲကွၢ်ထွဲတၢ်အဂၤတဖၣ်ဒီးပဒိၣ်ဖးဒိၣ် တဖၣ်ကျဲးစၢးဝဲဒ်သိးကထံၣ်န့ၢ်တၢ်ကမၣ်လၢစီၤဒၤနံးယ့လးအတၢ်ပၢ ဆှၢဘီမုၢ်အကျိၤအကျဲအပူၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဘၣ်ဝဲဘၣ်. အဂ့ၢ်ဒ်အံၤ, စီၤဒၤနံးယ့လးန့ၣ်ဘၣ်တၢ်နာ်န့ၢ်အီၤဒီးတမၤက မၣ်တၢ်နီတမံၤမ့ၢ်ဂ့ၤ, တမၤတၢ်တတီတလိၤဘၣ်မ့ၢ်ဂ့ၤန့ၣ်ဘၣ်.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.