လံာ်ဒၤနံးယ့လး 4:9 - Sgaw Karen Common Bible

⁹ ယစံးဘၣ်အီၤ, ပှၤဟ့ၣ်ကူၣ်တၢ်တဖၣ်အခိၣ်အဒိၣ်ကတၢၢ် စီၤဘ့ၤလးတၡါစၢ်ဧၢ, ယသ့ၣ်ညါလၢကစၢ်ယွၤလၢအစီဆှံ တဂၤအသးအိၣ်လၢနပူၤဒီးနနၢ်ပၢၢ်တၢ်ခူသူၣ်အဒိၣ်အယိာ် ခဲလၢာ်န့ၣ်လီၤ. အအံၤ, မ့ၢ်ယတၢ်မံမီၢ်န့ၣ်လီၤ. ဖးန့ၢ်ယၤလၢအခီပညီန့ၣ်တက့ၢ်.

လံာ်ဒၤနံးယ့လး 4:9 Iomraidhean Croise

လံာ်တၢ်ကဲထီၣ်အခီၣ်ထံး 41:38

ဒီးစီၤပၤစံးဘၣ်အဝဲသ့ၣ်, “ပကထံၣ်န့ၢ်ပှၤဂ့ၤဒိၣ်န့ၢ်စီၤ ယိၤသးတဂၤ, ပှၤတဂၤလၢကစၢ်ယွၤအသးစီဆှံအိၣ်လၢ အပူၤန့ၣ်တသ့နီတစုဘၣ်.”

လံာ်ယၡါယၤ 33:18

သုတၢ်ပျံၤတၢ်ဖုးလီၢ်လံၤတဖၣ်လၢအဘၣ်ထွဲဒီးပှၤတခီဘီမုၢ် ဖိအပှၤဃ့သွဲတဖၣ်မ့ၢ်ဂ့ၤ, ပှၤကွၢ်ဟုၣ်ကွၢ်စုးတၢ်တဖၣ်မ့ၢ်ဂ့ၤန့ၣ် ကမၤအသးဒ်တၢ်မံမီၢ်တယုၢ်အသိးဧိၤန့ၣ်လီၤ.

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

လံာ်ယဃ့းစက့လး 17:23

လၢကီၢ်အံၣ်စရ့လးအကစၢၢ်အထီကတၢၢ်တဖျၢၣ်အလိၤန့ၣ်လီၤ. အဒ့တဖၣ်ကဒိၣ်ထီၣ်ဝဲဒီးကသၣ်ထီၣ်အသၣ်ဒီးကဲထီၣ်သ့ၣ်ဆှိ အ့ရ့းလီၤဘီလီၤမုၢ်တထံးလီၤ. ထိၣ်အကလုာ်ကလုာ်ကအိၣ်ဆိးဝဲ ဖဲန့ၣ်ဒီးထံၣ်န့ၢ်တၢ်အိၣ်တဒၢအလီၢ်လၢအကဒုအဖီလာ်န့ၣ်လီၤ.

လံာ်ယဃ့းစက့လး 28:3

နဆိကမိၣ်လၢ နကူၣ်တၢ်သ့ဒိၣ်န့ၢ်ဒံးစီၤဒၤနံးယ့လးတက့ၢ်, ဒီးတၢ်ခူသူၣ်အိၣ်တဒၢလၢ နမဲာ်ညါတသ့နီတမံၤဘၣ်န့ၣ်လီၤ.

လံာ်ဒၤနံးယ့လး 1:20

ဒီးကယဲၢ်တၢ်ဂ့ၢ်တမံၤလၢ်လၢ်ဘၣ်ဃးတၢ်ကူၣ်သ့ဒီးတၢ်သ့ၣ် ညါနၢ်ပၢၢ်လၢစီၤပၤသံကွၢ်အီၤန့ၣ်ထံၣ်ဘၣ်ဝဲလၢပှၤလွံၢ်ဂၤအံၤ နၢ်ပၢၢ်ဝဲဂ့ၤန့ၢ်ဒံးပှၤဖးတၢ်ဟဲဝံဟဲစိာ်ဒီးပှၤသ့တၢ်အူတၢ် သမူတဂၤလၢ်လၢ်လၢအထံအကီၢ်ဒီဘ့ၣ်ညါအပူၤန့ၣ်, အစးတဆံဒၣ်လဲာ်လီၤ.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 2:48

အန့ၣ်ဝံၤဒီးစီၤပၤဟ့ၣ်လီၤစီၤဒၤနံးယ့လးလၢတၢ်လၤကပီၤဖး ဒိၣ်ဒီးခိၣ်ဖးအါအါကလဲာ်, ဒီးဒုးကဲထီၣ်အီၤလၢကီၢ်ဘၤဘူၤ လိၣ်ဒီကီၢ်ညါအကိတိာ်ခိၣ်ကျၢၢ်ဒီးပှၤအခိၣ်အဒိၣ်ကတၢၢ်လၢ စီၤပၤအပှၤဟ့ၣ်ကူၣ်တၢ်ခဲလၢာ်အဖီခိၣ်န့ၣ်လီၤ.

လံာ်ဒၤနံးယ့လး 4:18

တၢ်မံမီၢ်အံၤ, ယၤစီၤပၤနဘူၤကးန့စၢ်ထံၣ်တ့ၢ်ဝဲလီၤ. ဒီးခဲကနံၣ်အံၤ, စီၤဘ့ၤလးတၡါစၢ်ဧၢ, ဖးဖျါထီၣ်အခီပညီတက့ၢ်. အဂ့ၢ်ဒ်အံၤ, ယပှၤဟ့ၣ်ကူၣ်တၢ်အိၣ်လၢယဘီမုၢ်အပူၤခဲလၢာ်န့ၣ်ဖးဖျါထီၣ် န့ၢ်ယၤတသ့ဘၣ်. မ့မ့ၢ်နဲဒၣ်အံၤနမၤနဲသ့လီၤ. အဂ့ၢ်ဒ်အံၤ, ကစၢ်ယွၤလၢအစီဆှံတဂၤအသးအိၣ်လၢနပူၤလီၤ.”

လံာ်ဒၤနံးယ့လး 4:5

ဖဲယမံသပ့ၤဘၣ်ယသးအခါန့ၣ်ယအိၣ်ဒီးတၢ်မံမီၢ်ဒီးတၢ်ထံၣ် လၢညါခီတဖၣ်လၢအလီၤပျံၤလီၤဖုးဒိၣ်ဒိၣ်ကလဲာ်န့ၣ်လီၤ.

လံာ်ဒၤနံးယ့လး 4:8

လၢခံကတၢၢ်န့ၣ်စီၤဒၤနံးယ့လး, လၢအဘၣ်တၢ်ယုၢ်က့ၤအမံၤ လၢဘ့ၤလးတၡါစၢ်ဒ်ယကစၢ်အမံၤအသိးန့ၣ်, ဟဲနုာ်ဆူ ယမဲာ်ညါလီၤ. ကစၢ်ယွၤလၢအစီဆှံတဂၤအသးအိၣ်လၢ အပူၤသတးဒီးယစံးဘၣ်အီၤတၢ်လၢယမံမီၢ်တ့ၢ်န့ၣ်လီၤ.

လံာ်ဒၤနံးယ့လး 5:11

ပှၤအိၣ်ဝဲဒၣ်တဂၤလၢနဘီနမုၢ်အပူၤလၢကစၢ်ယွၤလၢအစီဆှံ တဂၤအသးအိၣ်လၢအပူၤန့ၣ်လီၤ. လၢနပၢ်အမုၢ်နံၤတဖၣ်အက တီၢ်န့ၣ်ဘၣ်တၢ်ထံၣ်န့ၢ်အီၤလၢတၢ်ကူၣ်တၢ်ဆးအဂ့ၤ, တၢ်သ့ၣ်ညါဒီးတၢ်ကူၣ်သ့ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်လၢအပူၤလီၤ. ဒီးနပၢ်, စီၤပၤနဘူၤကးန့စၢ်ဒုးကဲထီၣ် အီၤလၢပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူ ပယၢ်တၢ်, ဒီးပှၤဖးဆၣ်ဧိၤဖီဧိၤအဂ့ၢ်တဖၣ်, အခိၣ်အဒိၣ်က တၢၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:8

အဝဲသ့ၣ်မ့ၢ်ကစၢ်တဖၣ်လၢအမၤသံတ့ၢ်ပှၤအဲၤကူပတူးဖိတဖၣ်လၢ မဲးမုၢ်ခိၣ်န့ၣ်လီၤ.