လံာ်ဒၤနံးယ့လး 4:5 - Sgaw Karen Common Bible

⁵ ဖဲယမံသပ့ၤဘၣ်ယသးအခါန့ၣ်ယအိၣ်ဒီးတၢ်မံမီၢ်ဒီးတၢ်ထံၣ် လၢညါခီတဖၣ်လၢအလီၤပျံၤလီၤဖုးဒိၣ်ဒိၣ်ကလဲာ်န့ၣ်လီၤ.

လံာ်ဒၤနံးယ့လး 4:5 Iomraidhean Croise

လံာ်တၢ်ကဲထီၣ်အခီၣ်ထံး 41:1

ခံနံၣ်ပူၤကွံာ်အလီၢ်ခံကီၢ်အဲၤကူပတူးအစီၤပၤမံမီၢ်တ့ၢ် ဝဲဒၣ်လၢအဝဲဆၢထၢၣ်လၢထံကျိနံလၤအကပၤ,

လံာ်ဒၤနံးယ့လး 1:7

စီၤပၤအပဒိၣ်ခိၣ်ကျၢၢ်ဟ့ၣ်က့ၤအဝဲသ့ၣ်လၢအမံၤအသီဒီး စီၤဒၤနံးယ့လးဘၣ်တၢ်ကိးအီၤလၢစီၤဘ့ၤလးတၡါစၢ်, စီၤဃနၤနယၤန့ၣ်လၢစီၤၡၤဒရး, စီၤမံၡအ့လးန့ၣ်လၢစီၤမ့ၤ ၡး, ဒီးစီၤဧစၤရယၤန့ၣ်လၢစီၤဧဘ့ၤဒနကိၤန့ၣ်လီၤ.

လံာ်ဒၤနံးယ့လး 2:1

လၢစီၤပၤစီၤနဘူၤကးန့စၢ်ပၢတၢ်ခံနံၣ်တနံၣ်န့ၣ်မံမီၢ်ဝဲတၢ်မံမီၢ် တမံၤန့ၣ်လီၤ. တၢ်မံမီၢ်န့ၣ်မၤကိၢ်မၤဂီၤအီၤဒိၣ်မးတုၤဒၣ်လဲာ်မံဝဲ တန့ၢ်ဘၣ်,

လံာ်ဒၤနံးယ့လး 2:3

စီၤပၤစံးဘၣ်အဝဲသ့ၣ်တဖၣ်, “ယမံမီၢ်တ့ၢ်တၢ်တမံၤဒီးယသး သူၣ်ကိၢ်သးဂီၤယဲလီၤ. ယအဲၣ်ဒိးသ့ၣ်ညါတၢ်မံမီၢ်အံၤအခီ ပညီန့ၣ်လီၤ.”

လံာ်ဒၤနံးယ့လး 4:10

ဖဲလၢယမံသပ့ၤဘၣ်ယသးန့ၣ်ယထံၣ်တ့ၢ်တၢ်လၢညါခီတမံၤ, ဒီးကွၢ်ကွၢ်, သ့ၣ်ဖးဒိၣ်တထံးအိၣ်ဝဲလၢဟီၣ်ခိၣ်အခၢၣ်သးန့ၣ်လီၤ.

လံာ်ဒၤနံးယ့လး 4:13

ဖဲယဆိကမိၣ်တၢ်ထံၣ်လၢညါခီတမံၤန့ၣ်အဂ့ၢ်အဖၢမုၢ်ယထံၣ်ဘၣ် ကလူးဟဲလီၤလၢမူခိၣ်တဂၤလၢအအိၣ်ဒီးတၢ်သူၣ်ပ့ၢ်သးဆှါ ဒီးတၢ်မဲာ်စီၣ်နါစီၣ်န့ၣ်လီၤ.

လံာ်ဒၤနံးယ့လး 4:15

မ့မ့ၢ်အခိၣ်ဆၢၣ်အိၣ်ဒီးအဂံၢ်တဖၣ်လၢဟီၣ်ခိၣ်လာ်န့ၣ်တၢ် ကဘၣ်စၢတံၢ်ဃာ်အီၤလၢထးသွဲဒီးတိၢ်ဘီအပျံၤ, ဒီးပာ်တ့ၢ်အီၤလၢတပံၢ်တမါတဖၣ်အကျါလၢပျီပူၤန့ၣ်လီၤ. ပှၤတဂၤန့ၣ်ကဘၣ်စီၣ်ဒၣ်ဝဲလၢမူခိၣ်အပစီၤထံ, ဒီးမ်ကအိၣ်ဒၣ် ဝဲလၢဆၣ်ဖိကီၢ်ဖိအသိးဒီးနီၣ်ဧိၤမံၤဧိၤအကျါန့ၣ်တက့ၢ်.

လံာ်ဒၤနံးယ့လး 4:19

တုၤနုၤတစု, စီၤဒၤနံးယ့လးလၢအဘၣ်တၢ် ကိးစ့ၢ်ကီးအီၤလၢစီၤဘ့ၤလးတၡါစၢ်အသးလီၤကတုၤတစိၢ် တလီၢ်ဒီးအတၢ်ဆိကမိၣ်မၤကိၢ်မၤဂီၤအသးန့ၣ်လီၤ. စီၤပၤစံးဘၣ်အီၤ, “စီၤဘ့ၤလးတၡါစၢ်ဧၢ, ပျဲတၢ်မံမီၢ်မ့ၢ်ဂ့ၤ, အခီပညီအဒိၣ်အယိာ်မ့ၢ်ဂ့ၤမၤကိၢ်မၤဂီၤနသးတဂ့ၤ.” စီၤဘ့ၤလးတၡါစၢ်စံးဆၢဝဲဒၣ်, “နဲဒၣ်စီၤပၤဧၢ, ယဆၢလၢတၢ်မံမီၢ်အံၤကမ့ၢ်ဒၣ်ဝဲလၢပှၤလၢအ သးဟ့နၤတဖၣ်အဂီၢ်ဒီးအခီပညီအဒိၣ်အယိာ်ကမ့ၢ်ဒၣ်လၢန ဒုၣ်နဒါတဖၣ်အဂီၢ်န့ၣ်လီၤ.

လံာ်ဒၤနံးယ့လး 5:10

စီၤပၤအမိၢ်နၢ်ဟူဘၣ်စီၤပၤဒီးအပဒိၣ်ပပှၢ်တဖၣ်အကလုၢ်သီၣ်သဲ သတးဒီးဟဲနုာ်ဃီၤဆူတၢ်အီၣ်တၢ်အီအမူးအဒၢးပူၤလီၤ. ဒီးပိာ်မုၣ်န့ၣ်စံးဝဲဒၣ်, “မ်စီၤပၤမူဝဲအထူအယိာ်တက့ၢ်. ပျဲနတၢ်ဆိကမိၣ်မၤပျံၤမၤဖုးနၤတဂ့ၤဒီးမ်နမဲာ်သၣ် အသုတလီၤဝါတဂ့ၤ.

လံာ်ဒၤနံးယ့လး 5:11

ပှၤအိၣ်ဝဲဒၣ်တဂၤလၢနဘီနမုၢ်အပူၤလၢကစၢ်ယွၤလၢအစီဆှံ တဂၤအသးအိၣ်လၢအပူၤန့ၣ်လီၤ. လၢနပၢ်အမုၢ်နံၤတဖၣ်အက တီၢ်န့ၣ်ဘၣ်တၢ်ထံၣ်န့ၢ်အီၤလၢတၢ်ကူၣ်တၢ်ဆးအဂ့ၤ, တၢ်သ့ၣ်ညါဒီးတၢ်ကူၣ်သ့ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်လၢအပူၤလီၤ. ဒီးနပၢ်, စီၤပၤနဘူၤကးန့စၢ်ဒုးကဲထီၣ် အီၤလၢပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူ ပယၢ်တၢ်, ဒီးပှၤဖးဆၣ်ဧိၤဖီဧိၤအဂ့ၢ်တဖၣ်, အခိၣ်အဒိၣ်က တၢၢ်န့ၣ်လီၤ.

လံာ်ဒၤနံးယ့လး 7:1

ဖဲစီၤဘ့ၤလၡါစၢ်ပၢကီၢ်ဘၤဘူၤလိၣ်အခီၣ်ထံးတနံၣ်န့ၣ်, စီၤဒၤနံးယ့လးမံမီၢ်တ့ၢ်တၢ်တမံၤဒီးထံၣ်တၢ်ထံၣ်လၢညါခီလၢ မုၢ်နၤအကတီၢ်န့ၣ်လီၤ. ဒီးကွဲးလီၤတ့ၢ်ဝဲတၢ်မံမီၢ်န့ၣ်, ဒီးစံးတ့ၢ်ဝဲတၢ်ဂ့ၢ်လၢတၢ်ပာ်ဖှိၣ်ဖုၣ်ဖုၣ်အပူၤန့ၣ်လီၤ.

လံာ်ဒၤနံးယ့လး 7:28

အဝဲအံၤမ့ၢ်တၢ်ဂ့ၢ်အကတၢၢ်န့ၣ်လီၤ. ယပျံၤတ့ၢ်တၢ်ဒိၣ်ဒိၣ် ကလဲာ်တုၤယမဲာ်လီၤဝါန့ၣ်လီၤ. ဒီးယပၢၤဃးတၢ်မၤ အသးခဲလၢာ်အဂ့ၢ်လၢယသးကံၢ်ပူၤန့ၣ်လီၤ.