လံာ်ဒၤနံးယ့လး 4:37 - Sgaw Karen Common Bible

³⁷ ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်ဒၤနံးယ့လး 4:37 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်နီၢ်အ့ၤစတၢ် 6:10

အန့ၣ်ဒီးစီၤပၤစံးဘၣ်စီၤဟၤမၣ်, “မၤချ့ချ့ဒီးလဲၤဟံးန့ၢ်ဆ့ကၤဖးထီ တဖၣ်ဒီးကသ့ၣ်, ဒီးသုးကျဲၤတၢ်လၤကပီၤဒ်အံၤတဖၣ်လၢပှၤယူဒၤ ဖိစီၤမၢ်ဒကဲၤအဂီၢ်တက့ၢ်. မၤတၢ်ကိးမံၤဒဲးလၢအဝဲအဂီၢ်ဒ်နဟ့ၣ်ကူၣ်အသိးတက့ၢ်. နကထံၣ်ဘၣ်အဝဲဆ့ၣ်နီၤဖဲနီအကျဲစၢၤန့ၣ်လီၤ.”

စံးထီၣ်ပတြၢၤ 119:75

ယွၤဧၢ, ယသ့ၣ်ညါလၢ နတၢ်စံၣ်ညီၣ်တဖၣ်န့ၣ် မ့ၢ်အတီအလိၤ ဒီးလၢနတၢ်တီတၢ်လိၤအပူၤ နသိၣ်ဃီၣ်ယၤလီၤ.

စံးထီၣ်ပတြၢၤ 99:4

စီၤပၤလၢအဂံၢ်ဆူၣ်ဘါဆူၣ်ဧၢ, နအဲၣ်တၢ်လၢအတီလီၤ နဒုးအိၣ်ထီၣ်တၢ်စံၣ်ညီၣ်တီလၢ ကီၢ်အံၣ်စရ့လးအပူၤ, နဟဲစိာ်တၢ်တီတၢ်လိၤဒီး တၢ်အဂ့ၤအဘၣ်လီၤ.

လံာ်တၢ်ဟးထီၣ်ကွံာ် 18:11

ခဲကနံၣ်အံၤ, ယသ့ၣ်ညါလၢယွၤန့ၣ်ဒိၣ်န့ၢ်ဒံးကစၢ်အဂၤခဲလၢာ် လီၤ. အဂ့ၢ်ဒ်အံၤအဝဲမၤတၢ်အံၤဖဲပှၤအဲၤကူပတူးဖိတဖၣ်မၤတ့ၢ်ပှၤ အံၣ်စရ့လးဖိတဖၣ်လၢတၢ်ပာ်ထီၣ်ထီသးအပူၤဒ်သိးအံၤအခါန့ၣ်လီၤ.”

လံာ်တၢ်ဟးထီၣ်ကွံာ် 8:4

အဝဲသ့ၣ်ကစံၣ်ထီၣ်လၢနလိၤ, နပှၤဂီၢ်မုၢ်ဒီးနပဒိၣ်ပပှၢ်တဖၣ်အ လိၤန့ၣ်လီၤ.”

လံာ်ယၡါယၤ 23:9

ယွၤသ့တၢ်လၢာ်ကူၣ်ကျဲၤတ့ၢ်တၢ်အံၤလီၤ. အဝဲကူၣ်ကျဲၤတ့ၢ်ဝဲဒ်သိးကမၤကတၢၢ်ကွံာ်အဝဲသ့ၣ်အတၢ်ပာ် ထီၣ်ထီသးလၢတၢ်လၢအမၤတ့ၢ်ဝဲအဃိ, ဒီးဒ်သိးကမၤမဲာ် ဆှးအပှၤလၢတၢ်ပာ်လၤပာ်ကပီၤအီၤသ့ၣ်တဖၣ်အဂီၢ်လီၤ.

လံာ်ယၡါယၤ 5:16

ဘၣ်ဆၣ်ယွၤသ့တၢ်လၢာ်ကစၢ်ဒုးနဲၣ်အတၢ်ဒိၣ်တၢ်မုၢ်ခီဖျိ အမၤတၢ်အဘၣ်ဒီးအဝဲလီၣ်ဖျါထီၣ်အတၢ်စီတၢ်ဆှံခီဖျိ တၢ်စံၣ်ညီၣ်အပှၤဂီၢ်မုၢ်န့ၣ်လီၤ.

လံာ်ယံးရမံယၤ 50:29

“တဲဘၣ်ပှၤခးချံၣ်ဖိတဖၣ်လၢ ကလဲၤထီၣ်ဒုးကီၢ်ဘၤဘူၤလိၣ်တက့ၢ်. ဆှၢထီၣ်ပှၤကိးဂၤဒဲးလၢ အသူချံၣ်ခးချံၣ်သ့န့ၣ်တက့ၢ်. ကဝီၤဃာ်ဝ့ၢ်န့ၣ်ဒီး ပျဲပှၤဃ့ၢ်ထူၣ်ဖျဲးနီတဂၤတဂ့ၤ. ဟ့ၣ်ကၣ်ဆၢက့ၤအီၤ, လၢတၢ်လၢအမၤတ့ၢ်ဝဲခဲလၢာ်အဃိ, ဒီးမၤအီၤဒ်အမၤဘၣ်တ့ၢ်ပှၤအဂၤတဖၣ်အသိးန့ၣ်, အဂ့ၢ်ဒ်အံၤ, မၤတ့ၢ်တၢ်လၢ တၢ်ထီဒါယၤ, အံၣ်စရ့လးအပှၤစီဆှံတဂၤန့ၣ် လၢတၢ်ပာ်ကဖၢလၢသးအပူၤအဃိလီၤ.

လံာ်ယဃ့းစက့လး 16:56

မ့ၢ်နတကတိၤလီၤနံၤဘၣ်ဖၣ်လဲတၢ်ဘၣ်ဃးဒီးဝ့ၢ်စဒိၣ် အဂ့ၢ်, ဖဲမုၢ်နံၤတဖၣ်လၢနပာ်ထီၣ်ထီနသး,

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဒၤနံးယ့လး 4:26

ဒီးဒ်တၢ်မၤလိာ်အိၣ်ဝဲလၢသ့ၣ်အခိၣ်ဆၢၣ်အိၣ်ဒီးအဂံၢ်တဖၣ်န့ၣ် ကဘၣ်တၢ်ပာ်တ့ၢ်အီၤအသိးနဘီနမုၢ်န့ၣ်, ကမ့ၢ်က့ၤသပှၢ်ကတၢၢ် လၢနဂီၢ်ဖဲအကတီၢ်လၢနသ့ၣ်ညါက့ၤလၢကစၢ်ယွၤပၢတၢ်န့ၣ်လီၤ.

လံာ်ဒၤနံးယ့လး 4:3

ယွၤအတၢ်ပနီၣ်တဖၣ်ဒိၣ်နီၢ်မး, အတၢ်လီၤလးတဖၣ်လီၤဘီလီၤမုၢ်မးလီၤ. ကစၢ်ယွၤအဘီအမုၢ်န့ၣ်မ့ၢ်ဘီမုၢ်အထူအယိာ်ဒီးအတၢ်ပၢတၢ် ပြးမ့ၢ်တၢ်အစိၤစိၤအဃၣ်ဃၣ်တမံၤန့ၣ်လီၤ.

လံာ်ဒၤနံးယ့လး 4:34

“တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

လံာ်ဒၤနံးယ့လး 5:4

အဝဲသ့ၣ်အီစပံးထံဒီးစံးထီၣ်ပတြၢၤကစၢ်တဖၣ်လၢဘၣ်တၢ်မၤ အီၤလၢထူ, စ့, တိၢ်ဘီ, ထး, သ့ၣ်, ဒီးလၢၢ်တဖၣ်န့ၣ်လီၤ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

မၤတၢ် 17:24

ကစၢ်ယွၤလၢအတ့လီၤပာ်လီၤဟီၣ်ခိၣ်ဒီးတၢ်အိၣ်လၢ အပူၤခဲလၢာ်န့ၣ်, မ့ၢ်မူခိၣ်ဒီးဟီၣ်ခိၣ်အကစၢ်, ဒီးတအိၣ်တဆိးလၢတၢ်လုၢ်ဟံၣ်လၢပှၤကညီဘှီအီၤလၢ အစုပူၤဘၣ်န့ၣ်လီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.

လံာ်လီၣ်ဖျါ 16:7

တုၤနုၤတစုယနၢ်ဟူတၢ်ကလုၢ်လၢတၢ်လုၢ်လီၢ်န့ၣ်စံးဝဲ, “သ့တၢ်လၢာ်ကစၢ်ယွၤဧၢ, နတၢ်စံၣ်ညီၣ်တဖၣ်န့ၣ်, မ့ၢ်ဝဲတီဝဲဒီးတီဝဲလိၤဝဲဘၣ်ဝဲစဲဃဲၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:3

ဆိကတီၢ်ကွံာ်နတၢ်ကတိၤဒိၣ်ကတိၤသွါနသးလၢနကလုၢ်ဖးဒိၣ်န့ၣ်တက့ၢ်. မၤဘှ့ၣ်ဘှီၣ်နတၢ်ကတိၤဒိၣ်ကတိၤသွါတဖၣ်တက့ၢ်. အဂ့ၢ်ဒ်အံၤ, ယွၤန့ၣ်မ့ၢ်ကစၢ်ယွၤလၢအသ့ၣ်ညါတၢ်, ဒီးအဝဲစံၣ်ညီၣ်ကယဲၢ်ပှၤဂီၢ်မုၢ်အမၤတၢ်န့ၣ်လီၤ.