လံာ်ဒၤနံးယ့လး 4:35 - Sgaw Karen Common Bible

³⁵ ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်ဒၤနံးယ့လး 4:35 Iomraidhean Croise

လံာ်စီၤယိၤဘး 23:13

အဝဲတလဲလိာ်အသးနီတစုဘၣ်. ပှၤထီဒါအီၤမ့ၢ်ဂ့ၤ တြီအီၤမ့ၢ်ဂ့ၤ လၢကမၤတၢ်လၢအအဲၣ်ဒိးမၤဝဲ တသ့နီတဂၤဘၣ်.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

လံာ်စီၤယိၤဘး 42:2

ယွၤဧၢ, ယသ့ၣ်ညါလၢနသ့တၢ်လၢာ်, ဒီးတၢ်တြီနတိာ်တၢ် တသ့ဘၣ်နီတမံၤဘၣ်.

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 115:3

ပကစၢ်အိၣ်လၢမူခိၣ်န့ၣ်လီၤ. ဒီးဖဲဒၣ်အသးန့ၣ်မၤဝဲဒၣ်လီၤ.

စံးထီၣ်ပတြၢၤ 135:6

ယွၤမၤဝဲကယဲၢ်တၢ်ဘၣ်အသး လၢမူခိၣ်, ဒီးလၢဟီၣ်ခိၣ်ချၢ, ဒီးလၢပီၣ်လဲၣ်ပူၤ, ဒီးလၢထံယိာ်ပူၤခဲလၢာ်န့ၣ်လီၤ.

စံးထီၣ်ပတြၢၤ 33:14

ဖဲအဆ့ၣ်နီၤပၢတၢ်အလီၢ်န့ၣ် ကွၢ်လီၤဝဲပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

စံးထီၣ်ပတြၢၤ 39:5

ကွၢ်ကွၢ်, နဟ့ၣ်တ့ၢ်ယၤတၢ်အိၣ်မူဖုၣ်ကိာ် ဒီးလၢနမဲာ်ညါန့ၣ်, ယတၢ်အိၣ်မူအကတီၢ်တမ့ၢ်တၢ်နီတမံၤဘၣ်. ပှၤကိးဂၤဒဲးအတၢ်အိၣ်မူန့ၣ် မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

စံးထီၣ်ပတြၢၤ 49:1

ကနၣ်တၢ်အံၤ, ပှၤခဲလၢာ်သ့ၣ်ဧၢ, ဒိကနၣ်, ပှၤလၢလီၢ်ကိးပူၤဒဲးသ့ၣ်ဧၢ,

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

လံာ်ပှၤစံၣ်တဲၤတဲလီၤတၢ် 8:4

စီၤပၤမၤတၢ်လၢတၢ်စိတၢ်ကမီၤလီၤ. ဒီးတၢ်လၢအမၤဝဲန့ၣ်, ပှၤတၤအီၤတသ့ဘၣ်နီတဂၤဘၣ်.

လံာ်ယၡါယၤ 19:17

ပှၤအဲၤကူပတူးဖိတဖၣ်ကပျံၤကီၢ်ယူဒၤနးနးကလဲာ်ဖဲအဝဲသ့ၣ် ဘၣ်တၢ်ဒုးသ့ၣ်နီၣ်ထီၣ်အီၤတဘျီလၢ်လၢ်ဘၣ်ဃးတၢ်ဟဲဝံလၢ ယွၤသ့တၢ်လၢာ်ကစၢ်ကတဲာ်ကတီၤပာ်စၢၤလၢအဝဲသ့ၣ်အဂီၢ်န့ၣ်လီၤ.

လံာ်ယၡါယၤ 26:9

လၢမုၢ်နၤန့ၣ်, ယသးဆၢန့ၢ်နၤလၢယသးဒီဖျၢၣ်ညါလီၤ. ဖဲနစံၣ်ညီၣ်ဟီၣ်ခိၣ်ဒီးအပှၤဂီၢ်မုၢ်န့ၣ်, အဝဲသ့ၣ်ခဲလၢာ်ကမၤလိန့ၢ်တၢ်စံၣ်ညီၣ်တီမ့ၢ်တၢ်မနုၤလဲၣ်န့ၣ်လီၤ.

လံာ်ယၡါယၤ 43:13

ယမ့ၢ်ကစၢ်ယွၤဒီးကမ့ၢ်ယဲထီဘိလီၤ. ပှၤဃ့ၢ်ပူၤဖျဲးလၢယစိကမီၤအဖီလာ်တသ့နီတဂၤဘၣ်. တၢ်လၢယမၤအီၤန့ၣ်ပှၤလဲလိာ်ကွံာ်အီၤ, တသ့နီတဂၤဘၣ်.”

လံာ်ဒၤနံးယ့လး 6:27

အဝဲအုၣ်က့ၤခီၣ်က့ၤတၢ်ဒီးမၤပူၤဖျဲးတၢ်, အဝဲမၤတၢ်ပနီၣ်လီၤလးဒီးတၢ်လီၤလိၢ်လီၤလး တဖၣ်လၢမူခိၣ်ဒီးလၢဟီၣ်ခိၣ်လီၤ. အဝဲအုၣ်က့ၤခီၣ်က့ၤတ့ၢ်စီၤဒၤနံးယ့လးလၢခ့ယုၢ်တဖၣ်အ တၢ်မၤသံမၤဝီအီၤန့ၣ်လီၤ.”

လံာ်ယိၤနါ 1:14

တုၤနုၤတစု, အဝဲသ့ၣ်ကိးထီၣ်ယွၤ, “ယွၤဧၢ, ပဃ့ကညးနၤ, မ်ပသုတတုၤလၢတၢ်ဟးဂီၤလၢပှၤတဂၤအံၤအသးသမူအဃိန့ၣ် တဂ့ၤ. ဒီးပာ်တၢ်သွံၣ်လၢတၢ်ဒဲးဘးတအိၣ်ဘၣ်န့ၣ်လၢပလိၤတဂ့ၤ. အဂ့ၢ်ဒ်အံၤ, နဲဒၣ်ယွၤဧၢ, နမၤတၢ်လၢအဘၣ်နသးလီၤ.”

မၤတၢ် 11:17

အိၣ်ဖျါဝဲဒၣ်လၢကစၢ်ယွၤဟ့ၣ်ပှၤကလုာ်ဂၤသ့ၣ်တဖၣ်တၢ်ဟ့ၣ် တမံၤဃီလၢအဝဲဒၣ်ဟ့ၣ်ပှၤဖဲပအိၣ်ဒီးတၢ်နာ်လၢကစၢ်ယ့ၣ်ၡူးခရံာ်အပူၤန့ၣ်လီၤ. မ့မ့ၢ်ဒ်န့ၣ်ဒီး, ယမ့ၢ်မတၤတဂၤလၢကကျဲးစၢးတြီယွၤအကျဲန့ၣ်လဲၣ်.”

မၤတၢ် 4:28

အဝဲသ့ၣ်ပာ်ဖှိၣ်ထီၣ်အသးဒ်သိးကမၤတၢ်ခဲလၢာ်လၢနစံၣ်ညီၣ် တဲာ်တ့ၢ်လၢအကဘၣ်မၤအသး, ခီဖျိနစိနကမီၤဒီး နတၢ်ဘၣ်နသးန့ၣ်လီၤ.

မၤတၢ် 5:39

ဘၣ်ဆၣ်ဒီး, မ့မ့ၢ်တၢ်ဟဲလၢကစၢ်ယွၤဒီး, သုမၤနၢၤမၤဃၣ်ကွံာ်အဝဲသ့ၣ်တမ့ၢ်လၢအကသ့ဘၣ်. သုကထံၣ်ဒၣ်လဲာ်လၢသုထီဒါဘၣ်ကစၢ်ယွၤန့ၣ်လီၤ.” ကီၣ်ကးတဖုန့ၣ်မၤဝဲဒ်စီၤကမၤလ့လးဟ့ၣ်ကူၣ်ဟ့ၣ်ဖးဝဲ အသိးန့ၣ်လီၤ.

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

1 ကရံၣ်သူး 2:16

ဒ်တၢ်ကွဲးအသးစီဆှံစံးဝဲအသိးန့ၣ်, “မ့ၢ်မတၤသ့ၣ်ညါကစၢ်အသးတဂၤလဲၣ်. မ့ၢ်မတၤဟ့ၣ်အီၤတၢ်ဟ့ၣ်ကူၣ်ဟ့ၣ်ဖးသ့တဂၤလဲၣ်.” မ့မ့ၢ်ပဝဲသ့ၣ်တဖၣ်, ပအိၣ်ဒီးခရံာ်အသးလီၤ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

လံာ်စီၤယိၤၡူ 2:2

ဝ့ၢ်ယရံၤဃိအစီၤပၤနၢ်ဟူဝဲလၢပှၤအံၣ်စရ့လးဖိတနီၤဟဲဝဲလၢမုၢ်နၤအံၤ လၢအကကွၢ်ဟုၣ်ကွၢ်စုးထံကီၢ်,

လံာ်စီၤၡမူၤအ့လးအခီၣ်ထံးတဘ့ၣ် 3:18

မၤသးဒ်န့ၣ်ဒီးစီၤၡမူၤအ့လးတဲဘၣ်အီၤတၢ်ကိးမံၤဒဲးဒီး တပာ်ခူသူၣ်တ့ၢ်ဝဲတၢ်နီတမံၤဘၣ်. စီၤဧ့လံၤစံးဝဲ, “အဝဲမ့ၢ်ယွၤလီၤ. အဝဲကမၤတၢ်လၢအထံၣ်ဝဲလၢအဂ့ၤကိးမံၤဒဲးန့ၣ်လီၤ.”