လံာ်ဒၤနံးယ့လး 4:34 - Sgaw Karen Common Bible

³⁴ “တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

လံာ်ဒၤနံးယ့လး 4:34 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:31

ကစၢ်ယွၤတဂၤအံၤ, အတၢ်မၤတဖၣ်လၢပှဲၤဝဲဒိၣ်မးလဲၣ်. အတၢ်ကတိၤတဖၣ်ကဆှီဝဲဒီးလီၤနာ်န့ၢ်ဒိၣ်မးလဲၣ်. အဝဲလီၤဂာ်ဒ်ကတီၤတဘ့ၣ်အသိး လၢပှၤတဖၣ်လၢအဃု အဝဲအတၢ်ဒီဒၣ်အိၣ်ပှိၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:10

ဖဲန့ၣ်, လၢပှၤအိၣ်ဖှိၣ်ရိဖှိၣ်ခဲလၢာ်အမဲာ်ညါ, စီၤပၤစီၤဒၤဝံးစံးထီၣ်ပတြၢၤယွၤန့ၣ်လီၤ. အဝဲစံးဝဲ, “ယွၤ, ပပၢ်ဖးဒိၣ်စီၤယၤကိာ်အကစၢ်ယွၤဧၢ, မ်နဘၣ်တၢ်စံးထီၣ်ပတြၢၤနၤအစိၤစိၤအဃၣ်ဃၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 29:13

ခဲကနံၣ်အံၤ, ပကစၢ်ယွၤဧၢ, ပဟ့ၣ်ထီၣ်နၤလၢတၢ်စံးဘျုးစံး ဖှိၣ်, ဒီးပစံးထီၣ်ပတြၢၤနမံၤလၤဒိၣ်ကပီၤအါန့ၣ်လီၤ.

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

စံးထီၣ်ပတြၢၤ 102:24

ကစၢ်ယွၤဧၢ, တချုးလၢယသးပှၢ်ထီၣ်ဒံးဘၣ်န့ၣ် ဟံးထီၣ်ကွံာ်ယၤတဂ့ၤ. ယွၤဧၢ, နမူဝဲလီၤစိၤလီၤထီလီၤ.

စံးထီၣ်ပတြၢၤ 107:15

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်အဃိန့ၣ်တက့ၢ်.

စံးထီၣ်ပတြၢၤ 107:22

ဒီးမ်သုဝဲသ့ၣ်လုၢ်ထီၣ်တၢ်လုၢ်စံးဘျုးစံးဖှိၣ်တဖၣ်, ဒီးစံးဘၣ်တဲဘၣ်အတၢ်မၤတဖၣ်လၢ တၢ်သူၣ်ခုသးခုအတၢ်သးဝံၣ်တဖၣ် အပူၤန့ၣ်တက့ၢ်.

စံးထီၣ်ပတြၢၤ 107:31

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ, ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်အဃိန့ၣ်တက့ၢ်

စံးထီၣ်ပတြၢၤ 107:8

မ်အဝဲသ့ၣ်စံးဘျုးစံးဖှိၣ်ယွၤလၢ အတၢ်အဲၣ်ဂၢၢ်ကျၢၤအဃိ, ဒီးလၢအတၢ်မၤလီၤလးတဖၣ်လၢ ပှၤကညီဖိခဲလၢာ်အဂီၢ်န့ၣ်တက့ၢ်.

စံးထီၣ်ပတြၢၤ 111:7

လၢအတၢ်မၤခဲလၢာ်အပူၤအဝဲအိၣ်ဒီး တၢ်သူၣ်တီသးလိၤဒီးတၢ်မ့ၢ်တၢ်တီန့ၣ်လီၤ. ကယဲၢ်အတၢ်မၤလိာ်ခဲလၢာ်တဖၣ်န့ၣ် ဘၣ်တၢ်နာ်န့ၢ်အီၤသ့ဝဲဒၣ်န့ၣ်လီၤ.

စံးထီၣ်ပတြၢၤ 121:1

ယကကျ့ထီၣ်ယမဲာ်ဆူကစၢၢ်ကလိ ဖဲတၢ်မၤစၢၤယၤဟဲဝဲလီၤ.

စံးထီၣ်ပတြၢၤ 123:1

ပှၤလၢအပၢတၢ်လၢမူခိၣ်ဧၢ, ယကျ့ထီၣ်ယမဲာ်ဆူနၤလီၤ.

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 146:10

ယွၤကဲစီၤပၤလီၤစိၤလီၤထီလီၤ. စံယိၣ်ဧၢ, နကစၢ်ယွၤကပၢတၢ်အစိၤစိၤအဃၣ်ဃၣ်လီၤ. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 50:14

မ်တၢ်စံးဘျုးစံးဖှိၣ်အတၢ်ဟ့ၣ်န့ၣ် မ့ၢ်နတၢ်လုၢ်ထီၣ်ဆူကစၢ်ယွၤ, ဒီးဟ့ၣ်သ့တၢ်လၢာ်တဂၤလၢ ကယဲၢ်နတၢ်အၢၣ်လီၤခဲလၢာ်န့ၣ်တက့ၢ်.

စံးထီၣ်ပတြၢၤ 66:7

ပၢတၢ်အစိၤစိၤအဃၣ်ဃၣ်လၢအစိအကမီၤလီၤ. အမဲာ်ကွၢ်ထံပှၤကလုာ်တဖၣ်လီၤ. မ်ပှၤပူထီၣ်တၢ်ဖိတဖၣ် အသုတပာ်ထီၣ်ထီအသးတဂ့ၤ. စ့လၤ

စံးထီၣ်ပတြၢၤ 7:17

ယကစံးထီၣ်ပတြၢၤယွၤဒ်အတၢ်တီတၢ်လိၤအသိး ဒီးယကသးဝံၣ်စံးထီၣ်ပတြၢၤ တၢ်ထီကတၢၢ်ယွၤအမံၤန့ၣ်လီၤ.

စံးထီၣ်ပတြၢၤ 9:2

ယကသူၣ်ခုသးခုဒီးသူၣ်ဖှံသးညီလၢနပူၤ, ယကသးဝံၣ်စံးထီၣ်ပတြၢၤနမံၤ, တၢ်ထီကတၢၢ်ကစၢ်ယွၤဧၢ.

စံးထီၣ်ပတြၢၤ 92:1

ယွၤဧၢ, တၢ်စံးဘျုးစံးဖှိၣ်နၤ, တၢ်သးဝံၣ်မၤလၤကပီၤ တၢ်ထီကတၢၢ်ကစၢ်ယွၤ,

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 24:15

ဒီးပှၤလၢမုၢ်ထီၣ်တဖၣ်ကစံးထီၣ်ပတြၢၤအီၤလီၤ. ပှၤဂီၢ်မုၢ်လၢအအိၣ်လၢပီၣ်လဲၣ်နံၤတဖၣ်ကစံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်လီၤ.

လံာ်ယံးရမံယၤ 10:10

မ့မ့ၢ်နဲဒၣ်, ယွၤဧၢ, နမ့ၢ်ကစၢ်ယွၤအမ့ၢ်အတီန့ၣ်လီၤ. နမ့ၢ်ကစၢ်ယွၤလၢအမူဝဲ ဒီးစီၤပၤအထူအယိာ်န့ၣ်လီၤ. ဖဲနသးဒိၣ်ထီၣ်န့ၣ်ဟီၣ်ခိၣ်ဟူးဟးဆှဲးဆှိးဝဲ ဒီးပှၤကလုာ်တဖၣ်တူၢ်နတၢ်သးကဲၤထီၣ် တကဲဘၣ်လီၤ.

လံာ်သးသယုၢ်တၢ် 3:38

တၢ်ဂ့ၤမ့ၢ်ဂ့ၤတၢ်အၢမ့ၢ်ဂ့ၤန့ၣ်ကဲထီၣ်လိၣ်ထီၣ်ဝဲဒ်အမၤလိာ် တၢ်အသိးန့ၣ်လီၤ.

လံာ်ဒၤနံးယ့လး 12:7

မူခိၣ်ကလူးန့ၣ်ယူာ်ထီၣ်အစုခံခီလိာ်ဆူမူခိၣ်ဒီးမၤတၢ်အၢၣ်လီၤ အီလီၤလၢကစၢ်ယွၤလၢအမူဝဲလီၤထူလီၤယိာ်တဂၤအမံၤန့ၣ်လီၤ. ယနၢ်ဟူအဝဲဒၣ်စံး, “တၢ်န့ၣ်ကမ့ၢ်သၢနံၣ်ဃုလါန့ၣ်လီၤ. ဖဲတၢ်မၤအၢမၤနးကစၢ်ယွၤအပှၤဂီၢ်မုၢ်ဝံၤဝဲန့ၣ်, တၢ်ခဲလၢာ် အံၤကလၢထီၣ်ပှဲၤထီၣ်ဝဲဒၣ်န့ၣ်လီၤ.”

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 4:2

ယဆိကမိၣ်တၢ်, မ့ၢ်တၢ်ဂ့ၤဘၣ်ယၤလၢယကဒုးသ့ၣ်ညါက့ၤ တၢ်ပနီၣ်တဖၣ်ဒီးတၢ်လီၤလးတဖၣ်လၢတၢ်ထီကတၢၢ်ကစၢ် ယွၤလီၣ်ဖျါထီၣ်တ့ၢ်လၢယၤန့ၣ်လီၤ.

လံာ်ဒၤနံးယ့လး 4:26

ဒီးဒ်တၢ်မၤလိာ်အိၣ်ဝဲလၢသ့ၣ်အခိၣ်ဆၢၣ်အိၣ်ဒီးအဂံၢ်တဖၣ်န့ၣ် ကဘၣ်တၢ်ပာ်တ့ၢ်အီၤအသိးနဘီနမုၢ်န့ၣ်, ကမ့ၢ်က့ၤသပှၢ်ကတၢၢ် လၢနဂီၢ်ဖဲအကတီၢ်လၢနသ့ၣ်ညါက့ၤလၢကစၢ်ယွၤပၢတၢ်န့ၣ်လီၤ.

လံာ်ဒၤနံးယ့လး 4:3

ယွၤအတၢ်ပနီၣ်တဖၣ်ဒိၣ်နီၢ်မး, အတၢ်လီၤလးတဖၣ်လီၤဘီလီၤမုၢ်မးလီၤ. ကစၢ်ယွၤအဘီအမုၢ်န့ၣ်မ့ၢ်ဘီမုၢ်အထူအယိာ်ဒီးအတၢ်ပၢတၢ် ပြးမ့ၢ်တၢ်အစိၤစိၤအဃၣ်ဃၣ်တမံၤန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်ဒၤနံးယ့လး 4:36

ဒီးဖဲယအိၣ်က့ၤဒီးယတၢ်သူၣ်ထံသးဆးန့ၣ်ယဘီယမုၢ်အတၢ် လၤတၢ်ကပီၤ, ယတၢ်ကဟုကညီၢ်ဒီးယလၤယကပီၤတဖၣ် ဘၣ်တၢ်ဟ့ၣ်ကဒါက့ၤယၤလီၤ. ယပှၤဟ့ၣ်ကူၣ်တၢ်တဖၣ်ဒီး ယပဒိၣ်ပပှၢ်တဖၣ်တူၢ်လိာ်မုာ်က့ၤယၤဒီးယဘၣ် တၢ်ပာ်ထီၣ်ထီက့ၤယၤလၢယဘီယမုၢ်အပူၤ, ဒီးတၢ်လၤတၢ်ကပီၤဂံၢ်အါထီၣ်အသးဒီးယၤအါန့ၢ်ဒံး လၢညါဒၣ်လဲာ်လီၤ.

လံာ်ဒၤနံးယ့လး 5:18

တၢ်ထီကတၢၢ်ကစၢ်ယွၤဒုးကဲထီၣ်တ့ၢ်နပၢ်စီၤနဘူၤကးန့စၢ် လၢစီၤပၤဖးဒိၣ်တဂၤဒီးဟ့ၣ်အီၤလၢတၢ်လၤကပီၤဒီးတၢ်က ဟုကညီၢ်န့ၣ်လီၤ.

လံာ်ဒၤနံးယ့လး 5:21

အဝဲဘၣ်တၢ်နီၣ်ထီၣ်ကွံာ်အီၤလၢပှၤကညီတဖၣ်အသိးအကျါ ဒီးအသးကဲထီၣ်ဒ်ဆၣ်ဖိကီၢ်ဖိတဒုအသးအသိးလီၤ. အဝဲအိၣ်ဆိးတ့ၢ်ဝဲလၢ ကသ့ၣ်ယီၤမံၤတဖၣ်အကျါ, အီၣ်တပံၢ်တမါဒ်ဂီၤဖံးတ ဒုအသိးဒီးမံလီၤဝဲလၢတၢ်ပျီပူၤဒီးဘၣ်စီၣ်ဝဲလၢမူခိၣ်ပစီၤထံလီၤ. လၢခံကတၢၢ်န့ၣ်, သ့ၣ်ညါက့ၤဝဲလၢတၢ်ထီကတၢၢ်ကစၢ်ယွၤ တဂၤန့ၣ်ပၢတၢ်လၢပှၤဟီၣ်ခိၣ်ဖိအဘီအမုၢ်တဖၣ် အဖီခိၣ်ဒီးဟ့ၣ်လီၤတၢ်ဆူပှၤလၢအဃုထၢဝဲဒ်အသးအိၣ်ဒၣ်ဝဲအ သိးတဂၤလၢ်လၢ်အစုပူၤန့ၣ်လီၤ.

လံာ်ဒၤနံးယ့လး 6:26

ယဟ့ၣ်လီၤယကလုၢ်ဆူယဘီယမုၢ်ဒီဘ့ၣ်ညါအပူၤလၢပှၤကိး ဂၤဒဲးကဘၣ်ပျံၤဒီးယူးယီၣ်ပာ်ကဲစီၤဒၤနံးယ့လး အကစၢ်ယွၤန့ၣ်လီၤ. အဝဲမ့ၢ်ကစၢ်ယွၤလၢအမူဝဲ, အိၣ်ဝဲဆိးဝဲအစိၤစိၤအဃၣ်ဃၣ်လီၤ. အဝဲအဘီအမုၢ်န့ၣ်တဟးဂီၤနီတစုဘၣ်, ဒီးအစိအကမီၤန့ၣ် အကတၢၢ်တအိၣ်ဘၣ်.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

လံာ်ဒၤနံးယ့လး 9:14

အိယွၤ, ပကစၢ်ယွၤဧၢ, နအိၣ်ကတဲာ်ကတီၤတ့ၢ်နသးလၢတၢ်စံၣ် ညီၣ်ပှၤအဂီၢ်ဒီးနမၤတ့ၢ်အီၤလီၤ. အဂ့ၢ်ဒ်အံၤနမၤတၢ်အဘၣ် တဘိယူၢ်ဃီဒီးပတဒိကနၣ်တ့ၢ်ဘၣ်နၤဘၣ်.

လံာ်ယိၤနါ 1:14

တုၤနုၤတစု, အဝဲသ့ၣ်ကိးထီၣ်ယွၤ, “ယွၤဧၢ, ပဃ့ကညးနၤ, မ်ပသုတတုၤလၢတၢ်ဟးဂီၤလၢပှၤတဂၤအံၤအသးသမူအဃိန့ၣ် တဂ့ၤ. ဒီးပာ်တၢ်သွံၣ်လၢတၢ်ဒဲးဘးတအိၣ်ဘၣ်န့ၣ်လၢပလိၤတဂ့ၤ. အဂ့ၢ်ဒ်အံၤ, နဲဒၣ်ယွၤဧၢ, နမၤတၢ်လၢအဘၣ်နသးလီၤ.”

လံာ်မံကၤ 4:7

အဝဲသ့ၣ်လဲၤတၢ်တကျဲၢ်တကျဲၢ်ဒီးအိၣ်ယံၤဒီးဟံၣ်ဃီလီၤ. ဘၣ်ဆၣ်ဒီးယကမၤက့ၤတၢ်အခီၣ်ထံးအသီလၢပှၤအိၣ်လီၤ တဲာ်တ့ၢ်တဖၣ်ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်လီၤ. ယကပၢတၢ်လၢအဖီခိၣ်လၢကစၢၢ်စံယိၣ်အလိၤစးထီၣ်ဖဲန့ၣ်ဒီးဆူ ညါလီၤထူလီၤယိာ်လီၤ”.

လံာ်လူၤကၣ် 1:33

ဒီးအဝဲဒၣ်ကကဲထီၣ်စီၤယၤကိာ်အစၢၤအသွဲၣ်တဖၣ်အစီၤပၤလီၤ ထူလီၤယိာ်ဒီးအဘီအမုၢ်တကတၢၢ်ဝဲနီတစုဘၣ်လီၤ.”

လံာ်လူၤကၣ် 18:13

မ့မ့ၢ်ပှၤဃ့သွဲတဂၤန့ၣ်, အိၣ်ဆၢထၢၣ်ဝဲလၢတၢ်လီၢ်အယံၤ, ဒီးတကျ့ထီၣ်ဒၣ်လဲာ်အမဲာ်ဆူမူခိၣ်ဘၣ်. မ့မ့ၢ်, အဝဲဒၣ်ဒဲလီၤအသးနါပှၢ်ဒီးစံးဝဲ, ‘ကစၢ်ယွၤဧၢ, သူၣ်ကညီၤသးကညီၤလၢ်ယၤ, ပှၤတၢ်ဒဲးဘးဖိတဂၤအံၤတက့ၢ်.’ ”

လံာ်ယိၤဟၣ် 5:26

ဒ်ပၢ်အကစၢ်ဒၣ်ဝဲမ့ၢ်တၢ်မူအဂံၢ်ခီၣ်ထံးအသိးန့ၣ်, ဒုးကဲထီၣ်စ့ၢ်ကီးအဖိခွါလၢကမ့ၢ်တၢ်မူအဂံၢ်ခီၣ် ထံးဒ်န့ၣ်အသိးလီၤ.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ တံၤမသ့း 6:16

အဝဲမ့ၢ်ပှၤထဲတဂၤဧိၤလၢအသံတသ့ဘၣ်, အိၣ်မူဝဲဒၣ်လၢတၢ်ကပီၤလၢပှၤသုးဘူးအသးဆူအအိၣ်တသ့နီ တဂၤဘၣ်အပူၤလီၤ. ပှၤတထံၣ်ဘၣ်တ့ၢ်အီၤနီတဂၤဘၣ်, ဒီးပှၤထံၣ်အီၤတသ့နီတဂၤဘၣ်. မ်တၢ်လၤကပီၤဒီးတၢ်စိကမီၤအထူအယိာ်အိၣ်ဒီးအီၤတက့ၢ်. အၤမ့ၣ်.

လံာ်လီၣ်ဖျါ 10:6

ဒီးဆိၣ်လီၤအသးလၢကစၢ်ယွၤအမံၤ, ကစၢ်ယွၤလၢအမူဝဲ လီၤထူလီၤယိာ်, လၢအတ့လီၤမူခိၣ်ဟီၣ်ခိၣ်, ဒီးပီၣ်လဲၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်လီၤ. ကလူးန့ၣ်စံးဝဲ, “တၢ်တမၤယံာ်မၤနီၢ်တၢ်လၢၤဘၣ်.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 4:10

ပှၤသူၣ်က့သးပှၢ်ခံဆံလွံၢ်ဂၤန့ၣ်, ထိၣ်လီၤပှီၤအသးလၢပှၤဆ့ၣ်နီၤလၢလီၢ်ပစိာ်အလိၤ တဂၤန့ၣ်အမဲာ်ညါ, ဒီးဘါထီၣ်ပှၤလၢအမူဝဲလီၤစိၤလီၤဃၣ် တဂၤန့ၣ်လီၤ. အဝဲသ့ၣ်ကွံာ်လီၤအခိၣ်သလုးတဖၣ်လၢလီၢ် ပစိာ်န့ၣ်အမဲာ်ညါဒီးသးဝံၣ်ထီၣ်ဝဲ,

လံာ်လီၣ်ဖျါ 4:9

တၢ်အိၣ်ဒီးအသးသမူလွံၢ်ဒုအံၤသးဝံၣ်တၢ်သးဝံၣ်မၤလၤကပီၤ, တၢ်ယူးယီၣ်ဒီးတၢ်စံးထီၣ်ပတြၢၤဆူပှၤတဂၤလၢ အဆ့ၣ်နီၤဝဲလၢလီၢ်ပစိာ်အဖီခိၣ်အအိၣ်, လၢအမူဝဲလီၤစိၤလီၤထီန့ၣ်လီၤ. ဖဲအဝဲသ့ၣ်သးဝံၣ်တၢ်ဒ်အံၤအဆၢကတီၢ်န့ၣ်,