လံာ်ဒၤနံးယ့လး 4:30 - Sgaw Karen Common Bible

³⁰ ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်ဒၤနံးယ့လး 4:30 Iomraidhean Croise

လံာ်တၢ်ကဲထီၣ်အခီၣ်ထံး 10:10

လၢအခီၣ်ထံးန့ၣ်ဝ့ၢ်ဘၤဘူၤလိၣ်, ဝ့ၢ်အ့ရ့း, ဝ့ၢ်အးကး, ဝ့ၢ်သၢဖျၢၣ်လိာ်အိၣ်တပူၤဃီလၢကီၢ်ဘၤဘူၤလိၣ်အပူၤဒီးမ့ၢ် အဝဲအဘီအမုၢ်န့ၣ်လီၤ.

လံာ်နီၢ်အ့ၤစတၢ် 1:4

ဒီးမၤတၢ်ဒုးနဲၣ်တမံၤလၢအပာ်ဖျါထီၣ်အဘီအမုၢ် အလၤကပီၤအတၢ်ထူးတၢ်တီၤဒီးအကဟုကညီၢ်လၢအယံာ်ဝဲဃု လါန့ၣ်လီၤ.

စံးထီၣ်ပတြၢၤ 104:1

ယသးဧၢ, စံးထီၣ်ပတြၢၤယွၤတက့ၢ်. ယွၤယကစၢ်ယွၤဧၢ, နဒိၣ်ဝဲဒိၣ်နီၢ်မးလီၤ. နကူနသိးဒီးတၢ်လၤတၢ်ကပီၤ ဒီးတၢ်ကဟုကညီၢ်လီၤ.

စံးထီၣ်ပတြၢၤ 49:20

ပှၤကညီအိၣ်ဝဲဆိးဝဲလၢ အတၢ်လၤတၢ်ကပီၤအပူၤတသ့နီတဂၤဘၣ်. အဝဲလီၤဂာ်ဒ်ဆၣ်ဖိကီၢ်ဖိလၢ အဟးဂီၤအသိးန့ၣ်လီၤ.

စံးထီၣ်ပတြၢၤ 73:8

အဝဲသ့ၣ်နံၤဘၣ်ဖၣ်လဲပှၤဂၤဒီး ကတိၤတၢ်အၢတၢ်သီတဖၣ်လီၤ. အဝဲသ့ၣ်ပာ်ထီၣ်ထီအသးဒီးကူၣ်ထီၣ်တၢ်လၢ ကမၤအၢမၤနးပှၤဂၤတဖၣ်န့ၣ်လီၤ.

တၢ်ကတိၤဒိ. 11:2

ပှၤလၢအပာ်ထီၣ်ထီအသးတဖၣ်န့ၣ်တယံာ်ဘၣ်ဒီးကဘၣ်တၢ်မၤမဲာ်ဆှး အီၤလီၤ. မ့မ့ၢ်တၢ်ပာ်သးဖဲအဘၣ်အဘၣ်န့ၣ်မ့ၢ်ဝဲတၢ်ကူၣ်သ့ဒိၣ် တက့ၢ်လီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယဃ့းစက့လး 29:3

စံးလၢတၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဘၣ် ကီၢ်အဲၤကူပတူးအစီၤပၤန့ၣ်တက့ၢ်. ယမ့ၢ်နဒုၣ်နဒါ, နသမၣ် ဖးဒိၣ်လၢအမံလီၤလၢ နထံကျိအပူၤန့ၣ်လီၤ. နစံးနဲလၢထံကျိ နံၤလါမ့ၢ်နတၢ်ဒီးနမၤအီၤလၢ နနီၢ်ကစၢ်ဒၣ်နဲလီၤ.

လံာ်ဒၤနံးယ့လး 4:31

ဖဲတၢ်ကတိၤတဖၣ်အံၤအိၣ်ဒံးလၢစီၤပၤအထးခိၣ်အဖၢမုၢ်န့ၣ်, တၢ်ကလုၢ်သီၣ်ထီၣ်ဝဲလၢမူခိၣ်, “စီၤပၤနဘူၤကးန့စၢ်ဧၢ, ယစံးဘၣ်နၤခဲကနံၣ်အံၤ, ဘီမုၢ်အံၤဘၣ်တၢ်ဟံးထီၣ်ကွံာ် လၢနအိၣ်လံ.

လံာ်ဃဘးကူာ် 1:11

တုၤနုၤတစု, ပှၤလၢအပာ်ထီၣ်အတၢ်စိတၢ် ကမီၤဒ်အကစၢ်အသိးတဖၣ်န့ၣ်လဲၤခီဂာ်တၢ်ဒ်ကလံၤ အသိးဒီးဟါမၢ်ကွံာ်ဝဲလီၤ.”

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 14:9

ဒီးဟံၣ်ကစၢ်လၢအကွဲသုဝဲခံဂၤလၢာ်န့ၣ်ကဟဲဆူနအိၣ်ဒီးစံးဝဲ, ‘ပျဲအဝဲဒၣ်ဟံးန့ၢ်တၢ်လီၢ်အဝဲအံၤတက့ၢ်’ န့ၣ်လီၤ. တုၤနုၤတစုနမဲာ်ကဆှးဒီးနကဘၣ်ဆ့ၣ်နီၤက့ၤနဲလၢ တၢ်လီၢ်အဖုၣ်ကတၢၢ်လီၤ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),

လံာ်လီၣ်ဖျါ 14:8

ကလူးခံဂၤတဂၤပိာ်ထီၣ်တၢတဂၤအခံဒီးစံးဝဲ, “အဝဲ ဒၣ်လီၤပှီၢ်ကွံာ်ဝဲလံ, ဝ့ၢ်ဘၤဘူၤလိၣ်ဖးဒိၣ်လီၤပှီၢ်ကွံာ်ဝဲလံ. အဝဲဒၣ်မၢတ့ၢ်ပှၤကိးကလုာ်ဒဲးအီစပံးထံ, စပံးထံအဆူၣ်ဘၣ်ဃးဒီးအတၢ်ကလုာ်ကလိၤအတဂ့ၤ တဝါန့ၣ်လီၤ.”

လံာ်လီၣ်ဖျါ 16:19

ဝ့ၢ်ဖးဒိၣ်ဘၣ်တၢ်မၤဖးအီၤသၢပူဒီးထံကီၢ်ကိးဘ့ၣ်ဒဲး အဝ့ၢ်တဖၣ်ဘၣ်တၢ်မၤဟးဂီၤကွံာ်အီၤလီၤ. ကစၢ်ယွၤသ့ၣ်နီၣ်ထီၣ်က့ၤဘၤဘူၤလိၣ်ဖးဒိၣ်, ဒီးဒုးအီအီၤစပံးထံလၢအဝဲဒၣ်အလီခီပူၤ, အဝဲအတၢ်သးထီၣ်နးနးကလဲာ်အစပံးထံ န့ၣ်လီၤ.

လံာ်လီၣ်ဖျါ 17:5

လၢအဝဲဒၣ်အခိၣ်တိသၣ်အလိၤန့ၣ်, မံၤတဖျၢၣ်လၢအအိၣ်ဒီးအခီပညီခူသူၣ်အိၣ်ကွဲးအသးဒ်အံၤလီၤ. ဘၤဘူၤလိၣ်ဖးဒိၣ်, ကယဲၢ်ဃဲသဲမုၣ်ဒီးဟီၣ်ခိၣ်အတၢ်လီၤသးဘၣ် အၢခဲလၢာ်အမိၢ်

လံာ်လီၣ်ဖျါ 18:10

အဝဲသ့ၣ်အိၣ်ဆၢထၢၣ်ဝဲလၢအယံၤ, အဂ့ၢ်မ့ၢ်လၢအဘၣ်ယိၣ်ဝဲလၢအကတူၢ်ဘၣ်ဃုာ်တၢ်ဒီးအီၤ အဃိလီၤ. အဝဲသ့ၣ်စံးဝဲ, “လီၤပျံၤလီၤဖုးဆံးဒိၣ်လဲၣ်. နးဝဲဖှီၣ်ဝဲဆံးဒိၣ်လဲၣ်. ဝ့ၢ်ဘၤဘူၤလိၣ်လၢအဒိၣ်ဝဲသွါဝဲ ဒီးအဂံၢ်ဆူၣ်ဘါဆူၣ်တဖျၢၣ် အံၤဧၢ, ထဲလၢတနၣ်ရံၣ်အတီၢ်ပူၤနဘၣ်တၢ်စံၣ်ညီၣ်နၤလံ.”

လံာ်လီၣ်ဖျါ 18:21

တုၤနုၤတစုကလူးလၢအဂံၢ်ဆူၣ်ဘါဆူၣ်တဂၤဟံးထီၣ်လၢၢ်လၢ အဒိၣ်ထဲသိးဆၢၣ်ဂူာ်လၢၢ်တဖျၢၣ်, ဒီးကွံာ်လီၤအီၤဆူပီၣ်လဲၣ် အပူၤ, ဒီးစံးဝဲ, “လၢကျဲဒ်အံၤအပူၤ, ဝ့ၢ်ဖးဒိၣ်ဘၤဘူၤလိၣ် ကဘၣ်တၢ်တ့ၢ်လီၤအီၤဆူၣ်ဆူၣ်ကလဲာ်, ဒီးတၢ်တထံၣ်န့ၢ်အီၤနီတစုလၢၤဘၣ်လီၤ.