လံာ်ဒၤနံးယ့လး 4:3 - Sgaw Karen Common Bible

³ ယွၤအတၢ်ပနီၣ်တဖၣ်ဒိၣ်နီၢ်မး, အတၢ်လီၤလးတဖၣ်လီၤဘီလီၤမုၢ်မးလီၤ. ကစၢ်ယွၤအဘီအမုၢ်န့ၣ်မ့ၢ်ဘီမုၢ်အထူအယိာ်ဒီးအတၢ်ပၢတၢ် ပြးမ့ၢ်တၢ်အစိၤစိၤအဃၣ်ဃၣ်တမံၤန့ၣ်လီၤ.

လံာ်ဒၤနံးယ့လး 4:3 Iomraidhean Croise

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

စံးထီၣ်ပတြၢၤ 105:27

အဝဲသ့ၣ်မၤတ့ၢ်ကစၢ်ယွၤအတၢ်မၤဖးဒိၣ်တဖၣ် ဒီးမၤတၢ်လီၤလးတဖၣ်လၢ ကီၢ်အဲၤကူပတူးအပူၤလီၤ.

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 66:7

ပၢတၢ်အစိၤစိၤအဃၣ်ဃၣ်လၢအစိအကမီၤလီၤ. အမဲာ်ကွၢ်ထံပှၤကလုာ်တဖၣ်လီၤ. မ်ပှၤပူထီၣ်တၢ်ဖိတဖၣ် အသုတပာ်ထီၣ်ထီအသးတဂ့ၤ. စ့လၤ

စံးထီၣ်ပတြၢၤ 72:18

စံးထီၣ်ပတြၢၤယွၤ, အံၣ်စရ့လးအကစၢ်ယွၤ လၢအမၤတၢ်လီၤလးထဲတဂၤဧိၤန့ၣ်တက့ၢ်.

စံးထီၣ်ပတြၢၤ 77:19

နလဲၤခီဂာ်လပီတဖၣ် ဒီးနခီဂာ်ပီၣ်လဲၣ်လၢအယိာ်ဝဲ, ဘၣ်ဆၣ်နခီၣ်လီၢ်တဖၣ်တၢ်ထံၣ်န့ၢ်အီၤတသ့ဘၣ်.

စံးထီၣ်ပတြၢၤ 86:10

အဂ့ၢ်ဒ်အံၤ, နမ့ၢ်တၢ်အဒိၣ်, ဒီးမၤတၢ်လီၤလးတဖၣ်လီၤ. ထဲနၤတဂၤဧိၤန့ၣ် မ့ၢ်ကစၢ်ယွၤလီၤ.

စံးထီၣ်ပတြၢၤ 92:5

ယွၤဧၢ, နတၢ်မၤတဖၣ်န့ၣ်ဒိၣ်ဆံးဒိၣ်လဲၣ်. နတၢ်ဆိကမိၣ်တဖၣ်န့ၣ်ယိာ်မးလီၤ.

လံာ်ယၡါယၤ 25:1

ယွၤဧၢ, နမ့ၢ်ယကစၢ်ယွၤလီၤ. ယကမၤလၤကပီၤနၤဒီးစံးထီၣ်ပတြၢၤနမံၤလီၤ. နမၤတ့ၢ်တၢ်လၢအလီၤလိၢ်လီၤလးမးတဖၣ်လီၤ. နတၢ်ကူၣ်တၢ်ကျဲၤလၢပျၢၤတဖၣ်န့ၣ်နမၤလၢထီၣ် ပှဲၤထီၣ်အီၤလၢတၢ်သူၣ်တီသးရၤအပူၤလီၤ.

လံာ်ယၡါယၤ 28:29

တၢ်ကူၣ်သ့ခဲလၢာ်အံၤဟဲလၢယွၤသ့တၢ်လၢာ်အအိၣ်လီၤ. ကစၢ်ယွၤအတၢ်တိာ်ကျဲၤတဖၣ်ပှဲၤဒီးတၢ်ကူၣ်သ့, ဒီးကဲထီၣ်လိၣ်ထီၣ်ဝဲဒၣ်ထီဘိလီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 10:10

မ့မ့ၢ်နဲဒၣ်, ယွၤဧၢ, နမ့ၢ်ကစၢ်ယွၤအမ့ၢ်အတီန့ၣ်လီၤ. နမ့ၢ်ကစၢ်ယွၤလၢအမူဝဲ ဒီးစီၤပၤအထူအယိာ်န့ၣ်လီၤ. ဖဲနသးဒိၣ်ထီၣ်န့ၣ်ဟီၣ်ခိၣ်ဟူးဟးဆှဲးဆှိးဝဲ ဒီးပှၤကလုာ်တဖၣ်တူၢ်နတၢ်သးကဲၤထီၣ် တကဲဘၣ်လီၤ.

လံာ်ဒၤနံးယ့လး 2:2

ဒီးစီၤပၤမၢပှၤကိးန့ၢ်အီၤပှၤဖးတၢ်ဟဲဝံဟဲစိာ်, ပှၤသ့အူတၢ်သမူတၢ်, ပှၤမၤကဒါမဲာ်ဒီးပှၤသ့သမူပယၢ်တၢ်တဖၣ်လၢအကဟဲ ဖးန့ၢ်အတၢ်မံမီၢ်န့ၣ်လီၤ. ဖဲအဝဲသ့ၣ်ဟဲတုၤ ဒီးဆၢထၢၣ်တ့ၢ်ဝဲလၢစီၤပၤအမဲာ်ညါန့ၣ်,

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 1:8

ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

ဧ့ၤဘြံၤ 2:4

တဘျီဃီကစၢ်ယွၤစ့ၢ်ကီးအုၣ်အသးခီဖျိတၢ်ပနီၣ်လီၤလး တဖၣ်, တၢ်လီၤကမၢကမၣ်တဖၣ်ဒီးတၢ်လီၤလးအတၢ်မၤ အကလုာ်ကလုာ်ဒီးခီဖျိအဟ့ၣ်နီၤသးစီဆှံအတၢ်ဟ့ၣ်ဒ် အသးဒၣ်ဝဲအသိးန့ၣ်လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”