လံာ်ဒၤနံးယ့လး 4:26 - Sgaw Karen Common Bible

²⁶ ဒီးဒ်တၢ်မၤလိာ်အိၣ်ဝဲလၢသ့ၣ်အခိၣ်ဆၢၣ်အိၣ်ဒီးအဂံၢ်တဖၣ်န့ၣ် ကဘၣ်တၢ်ပာ်တ့ၢ်အီၤအသိးနဘီနမုၢ်န့ၣ်, ကမ့ၢ်က့ၤသပှၢ်ကတၢၢ် လၢနဂီၢ်ဖဲအကတီၢ်လၢနသ့ၣ်ညါက့ၤလၢကစၢ်ယွၤပၢတၢ်န့ၣ်လီၤ.

လံာ်ဒၤနံးယ့လး 4:26 Iomraidhean Croise

လံာ်ဒၤနံးယ့လး 2:18

အဝဲဒၣ်စံးဘၣ်အတံၤသကိးတဖၣ်ဒ်သိးကဘါထုကဖၣ်ဆူကစၢ် ယွၤလၢမူခိၣ်အအိၣ်လၢတၢ်သးကညီအဂီၢ်ဒီးကလီၣ်ဖျါထီၣ် တၢ်ခူသူၣ်အဒိၣ်အယိာ်တမံၤအံၤဆူအဝဲသ့ၣ်ဒ်သိးအသုတဘၣ် တၢ်မၤသံကွံာ်အီၤဃုာ်ဒီးဘၤဘူၤလိၣ်အပှၤဟ့ၣ်ကူၣ်တၢ်အဂၤ တဖၣ်တဂ့ၤအဂီၢ်န့ၣ်လီၤ.

လံာ်ဒၤနံးယ့လး 2:19

ဒီးလၢမုၢ်တနၤဃီအပူၤန့ၣ်တၢ်ခူသူၣ်အဒိၣ်အယိာ်ဘၣ်တၢ်လီၣ် ဖျါထီၣ်တ့ၢ်အီၤဆူစီၤဒၤနံးယ့လးအအိၣ်လၢတၢ်ထံၣ်လၢညါ ခီအပူၤန့ၣ်လီၤ. ဒီးစီၤဒၤနံးယ့လးစံးထီၣ်ပတြၢၤတ့ၢ်ကစၢ် ယွၤလၢမူခိၣ်န့ၣ်လီၤ.

လံာ်ဒၤနံးယ့လး 2:37

နဲဒၣ်, စီၤပၤဧၢ, နမ့ၢ်စီၤပၤအဒိၣ်ကတၢၢ်လၢကယဲၢ်စီၤပၤတဖၣ်အကျါလီၤ. ကစၢ်ယွၤလၢမူခိၣ်ဒုးပၢနၤလၢဘီမုၢ်အါဘ့ၣ်ဒီးဟ့ၣ်လီၤတ့ၢ်နၤလၢ, တၢ်စိတၢ်ကမီၤ, တၢ်ဂံၢ်ဆူၣ်ဘါဆူၣ်ဒီးတၢ်လၤကပီၤန့ၣ်လီၤ.

လံာ်ဒၤနံးယ့လး 4:15

မ့မ့ၢ်အခိၣ်ဆၢၣ်အိၣ်ဒီးအဂံၢ်တဖၣ်လၢဟီၣ်ခိၣ်လာ်န့ၣ်တၢ် ကဘၣ်စၢတံၢ်ဃာ်အီၤလၢထးသွဲဒီးတိၢ်ဘီအပျံၤ, ဒီးပာ်တ့ၢ်အီၤလၢတပံၢ်တမါတဖၣ်အကျါလၢပျီပူၤန့ၣ်လီၤ. ပှၤတဂၤန့ၣ်ကဘၣ်စီၣ်ဒၣ်ဝဲလၢမူခိၣ်အပစီၤထံ, ဒီးမ်ကအိၣ်ဒၣ် ဝဲလၢဆၣ်ဖိကီၢ်ဖိအသိးဒီးနီၣ်ဧိၤမံၤဧိၤအကျါန့ၣ်တက့ၢ်.

လံာ်ဒၤနံးယ့လး 4:23

နဲဒၣ်စီၤပၤထံၣ်ဘၣ်ကလူးဟဲလီၤလၢမူခိၣ်တဂၤလၢအအိၣ်ဒီး တၢ်သူၣ်ပ့ၢ်သးဆှါဒီးတၢ်မဲာ်စီၣ်နါစီၣ်စံးဝဲဒၣ်, ကူာ်လီၤကွံာ် သ့ၣ်တထံးန့ၣ်ဒီးမၤဟးဂီၤကွံာ်အီၤတက့ၢ်. မ့မ့ၢ်အခိၣ်ဆၢၣ်အိၣ်ဒီးအ ဂံၢ်တဖၣ်လၢဟီၣ်ခိၣ်လာ်န့ၣ်စၢဃးအီၤလၢထးသွဲဒီးတိၢ်ဘီအပျံၤဒီးပာ်တ့ၢ် အီၤလၢတပံၢ်တမါတဖၣ်အကျါလၢပျီပူၤတက့ၢ်. ပှၤတဂၤန့ၣ် ကဘၣ်စီၣ်ဒၣ်ဝဲလၢမူခိၣ်အပစီၤထံဒီးမ်အအိၣ်ဒၣ်ဝဲလၢ ဆၣ်ဖိကီၢ်ဖိတဖၣ်အသိးအကျါတုၤအယံာ်နွံနံၣ်တက့ၢ်န့ၣ်,’

လံာ်ဒၤနံးယ့လး 4:31

ဖဲတၢ်ကတိၤတဖၣ်အံၤအိၣ်ဒံးလၢစီၤပၤအထးခိၣ်အဖၢမုၢ်န့ၣ်, တၢ်ကလုၢ်သီၣ်ထီၣ်ဝဲလၢမူခိၣ်, “စီၤပၤနဘူၤကးန့စၢ်ဧၢ, ယစံးဘၣ်နၤခဲကနံၣ်အံၤ, ဘီမုၢ်အံၤဘၣ်တၢ်ဟံးထီၣ်ကွံာ် လၢနအိၣ်လံ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်ဒၤနံးယ့လး 5:20

ဘၣ်ဆၣ်ဒီးအဝဲပာ်ထီၣ်ထီအသး, ပာ်ဆူၣ်အကိာ်ဒီးအၢသီဝဲဒၣ်အဃိ, အဝဲဘၣ်တၢ်သုးကွံာ်အီၤလၢအစီၤလိၣ်စီၤပၤအလီၢ်ပစိာ်ဒီးအလၤ ကပီၤအလီၢ်လီၤမၢ်ကွံာ်ဝဲန့ၣ်လီၤ.

လံာ်ဒၤနံးယ့လး 5:21

အဝဲဘၣ်တၢ်နီၣ်ထီၣ်ကွံာ်အီၤလၢပှၤကညီတဖၣ်အသိးအကျါ ဒီးအသးကဲထီၣ်ဒ်ဆၣ်ဖိကီၢ်ဖိတဒုအသးအသိးလီၤ. အဝဲအိၣ်ဆိးတ့ၢ်ဝဲလၢ ကသ့ၣ်ယီၤမံၤတဖၣ်အကျါ, အီၣ်တပံၢ်တမါဒ်ဂီၤဖံးတ ဒုအသိးဒီးမံလီၤဝဲလၢတၢ်ပျီပူၤဒီးဘၣ်စီၣ်ဝဲလၢမူခိၣ်ပစီၤထံလီၤ. လၢခံကတၢၢ်န့ၣ်, သ့ၣ်ညါက့ၤဝဲလၢတၢ်ထီကတၢၢ်ကစၢ်ယွၤ တဂၤန့ၣ်ပၢတၢ်လၢပှၤဟီၣ်ခိၣ်ဖိအဘီအမုၢ်တဖၣ် အဖီခိၣ်ဒီးဟ့ၣ်လီၤတၢ်ဆူပှၤလၢအဃုထၢဝဲဒ်အသးအိၣ်ဒၣ်ဝဲအ သိးတဂၤလၢ်လၢ်အစုပူၤန့ၣ်လီၤ.

လံာ်မးသဲ 21:20

အပျဲၢ်အဘီၣ်တဖၣ်ထံၣ်တၢ်မၤအသးအံၤဒီး, ကမၢကမၣ်ဝဲဒိၣ်မး, ဒီးစံး, “ချၢၣ်ဒၢတထူၣ်အံၤဃ့ထီကွံာ်ဝဲချ့သဒံးဒ်လဲၣ်.”

လံာ်မးသဲ 5:34

ဘၣ်ဆၣ်ဒီးယစံးဘၣ်သုအခဲအံၤ, ဖဲနမၤတၢ်အၢၣ်လီၤအီလီၤ တမံၤမံၤန့ၣ်တဘၣ်ဆိၣ်လီၤနသးတဂ့ၤ. ဆိၣ်လီၤနသးခီဖျိမူခိၣ်တဂ့ၤ. အဂ့ၢ်ဒ်အံၤ, မူခိၣ်မ့ၢ်ကစၢ်ယွၤအလီၢ်ပစိာ်လီၤ.

လံာ်လူၤကၣ် 15:18

ယကဂဲၤဆၢထၢၣ်ဒီးက့ၤဆူယပၢ်အအိၣ်ဒီးစံးယဲ, ပၢ်ဧၢ, ယမၤကမၣ်ဘၣ်လံကစၢ်ယွၤဒီးနၤလံ.

လံာ်လူၤကၣ် 15:21

ဖိခွါကတိၤတၢ်ဒီးစံးဝဲ, ‘ပၢ်ဧၢ, ယမၤကမၣ်ဘၣ်လံကစၢ်ယွၤဒီးနၤလံ. ယတကြၢးတဘၣ်လၢၤလၢပှၤကကိးယၤလၢနဖိခွါဘၣ်.’