လံာ်ဒၤနံးယ့လး 4:14 - Sgaw Karen Common Bible

¹⁴ အဝဲဘိးဘၣ်သ့ၣ်ညါဝဲလၢတၢ်ကကူာ်လီၤကွံာ်သ့ၣ်တထံးန့ၣ်ဒီး ပဲာ်တဲာ်ကွံာ်အဒ့အတြၢ်တဖၣ်, တြုၤလီၤကွံာ်အလၣ် ခဲလၢာ်ဒီးမၤလီၤပြံလီၤပြါကွံာ်အသၣ်တဖၣ်, နီၣ်ကွံာ်ဆၣ်ဖိကီၢ်ဖိတဖၣ်လၢအကဒုဖီလာ်ဒီးထိၣ်ဖိလံာ်ဖိ တဖၣ်လၢအဒ့အတြၢ်တဖၣ်အလိၤန့ၣ်လီၤ.

လံာ်ဒၤနံးယ့လး 4:14 Iomraidhean Croise

လံာ်စီၤယိၤဘး 24:20

အမိၢ်ဒၣ်လဲာ်ခဲအံၤတသ့ၣ်နီၣ်ထီၣ်က့ၤလၢၤအီၤဘၣ်. အဝဲကဘၣ်တၢ်အီၣ်ကွံာ်အီၤလၢထိးကလဲာ်ဒီးဘၣ်တၢ်မၤဟးဂီၤ ကွံာ်အီၤဒ်သ့ၣ်လၢအလီၤဃံၤအသိးန့ၣ်လီၤ.

လံာ်ယံးရမံယၤ 27:5

“လၢယစိဒိၣ်ကမီၤဒိၣ်ဒီး ယဂံၢ်ယဘါဒၣ်ယဲန့ၣ်, ယတ့လီၤပာ်လီၤ ဟီၣ်ခိၣ်, ပှၤကညီ, ဒီးဆၣ်ဖိကီၢ်ဖိခဲလၢာ်လၢအအိၣ်ဆိးလၢ ဟီၣ် ခိၣ်အဖီခိၣ်, ဒီးယဟ့ၣ်လီၤအီၤဆူ ပှၤတဂၤလၢ်လၢ်လၢယဃုထၢအီၤ န့ၣ်လီၤ.

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ယံးရမံယၤ 51:9

ပှၤတခီဘီမုၢ်ဖိလၢ အအိၣ်ဆိးဖဲန့ၣ်တဖၣ် စံးဝဲဒၣ်, ‘ပကျဲးစၢးမၤစၢၤတ့ၢ်ကီၢ်ဘၤဘူၤလိၣ်, ဘၣ်ဆၣ်စဲၤခံကဲၣ်ဆိးလံ. မ်ပပာ်တီၢ်အီၤအခဲအံၤ, ဒီးက့ၤကဒါက့ၤဆူ ဟံၣ်တက့ၢ်. ကစၢ်ယွၤစံၣ်ညီၣ်လံ ကီၢ်ဘၤဘူၤလိၣ်လၢအဂံၢ်ဆူၣ်ဘါဆူၣ်အပူၤဒီး မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.’ ”

လံာ်ယဃ့းစက့လး 31:10

အန့ၣ်ဒီးခဲကနံၣ်အံၤ, ယၤယွၤပၢဘၣ်တၢ်ခဲလၢာ်ကစၢ်, ကတဲဘၣ် နၤတၢ်လၢကမၤအသးဒီးသ့ၣ်န့ၣ် လၢအဒိၣ်ထီၣ်တ့ၢ်ဝဲတုၤလၢအ တုၤဃီၤဆူတၢ်အၢၣ်တဖၣ်အအိၣ်န့ၣ်လီၤ. ဒ်အထီထီၣ်ဝဲအသိးန့ၣ်အသးထီၣ်ထီဝဲန့ၣ်လီၤ.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

လံာ်ဒၤနံးယ့လး 3:4

မူးခိၣ်ဘိးဘၣ်သ့ၣ်ညါတၢ်လၢအကလုၢ်ဖးဒိၣ် “ကယဲၢ်ပှၤ ဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤက တိၤကျိာ်အကလုာ်ကလုာ်ခဲလၢာ်သ့ၣ်ဧၢ,

လံာ်ဒၤနံးယ့လး 4:12

အလၣ်သ့ၣ်တဖၣ်ဃံလၤဝဲဒီးအသၣ်တဖၣ်အိၣ်ပှဲၤလုၣ်ကွံာ်လၢ အလိၤတုၤအလၢဝဲလီၣ်ဝဲလၢပှၤဟီၣ်ခိၣ်ဖိခဲလၢာ်ကအီၣ်ဝဲအဂီၢ် န့ၣ်လီၤ. ဆၣ်ဖိကီၢ်ဖိအမံၤတဖၣ်အိၣ်ဘှံးလၢအကဒုအဖီလာ်, ထိၣ်ဖိလံာ်ဖိတဖၣ်မၤအသွံတဖၣ်လၢအဒ့အတြၢ်တဖၣ်အလိၤဒီး တၢ်အိၣ်ဒီးအသးသမူခဲလၢာ်အီၣ်ဘၣ်အီဘၣ်အသၣ်တဖၣ်န့ၣ်လီၤ.

လံာ်ဒၤနံးယ့လး 4:23

နဲဒၣ်စီၤပၤထံၣ်ဘၣ်ကလူးဟဲလီၤလၢမူခိၣ်တဂၤလၢအအိၣ်ဒီး တၢ်သူၣ်ပ့ၢ်သးဆှါဒီးတၢ်မဲာ်စီၣ်နါစီၣ်စံးဝဲဒၣ်, ကူာ်လီၤကွံာ် သ့ၣ်တထံးန့ၣ်ဒီးမၤဟးဂီၤကွံာ်အီၤတက့ၢ်. မ့မ့ၢ်အခိၣ်ဆၢၣ်အိၣ်ဒီးအ ဂံၢ်တဖၣ်လၢဟီၣ်ခိၣ်လာ်န့ၣ်စၢဃးအီၤလၢထးသွဲဒီးတိၢ်ဘီအပျံၤဒီးပာ်တ့ၢ် အီၤလၢတပံၢ်တမါတဖၣ်အကျါလၢပျီပူၤတက့ၢ်. ပှၤတဂၤန့ၣ် ကဘၣ်စီၣ်ဒၣ်ဝဲလၢမူခိၣ်အပစီၤထံဒီးမ်အအိၣ်ဒၣ်ဝဲလၢ ဆၣ်ဖိကီၢ်ဖိတဖၣ်အသိးအကျါတုၤအယံာ်နွံနံၣ်တက့ၢ်န့ၣ်,’

လံာ်ဒၤနံးယ့လး 4:29

တၢ်မၤအသးဖဲ, ထဲတဆံခံလါဝံၤအလီၢ်ခံန့ၣ် အဝဲဟးယဲၤယီၤလၢတၢ်လီၢ်ထီၣ်ထီအလီၢ်ပၢၤအိၣ်လၢအနူၢ်အစီၤအပူၤ,

လံာ်ဒၤနံးယ့လး 5:20

ဘၣ်ဆၣ်ဒီးအဝဲပာ်ထီၣ်ထီအသး, ပာ်ဆူၣ်အကိာ်ဒီးအၢသီဝဲဒၣ်အဃိ, အဝဲဘၣ်တၢ်သုးကွံာ်အီၤလၢအစီၤလိၣ်စီၤပၤအလီၢ်ပစိာ်ဒီးအလၤ ကပီၤအလီၢ်လီၤမၢ်ကွံာ်ဝဲန့ၣ်လီၤ.

လံာ်ဒၤနံးယ့လး 5:21

အဝဲဘၣ်တၢ်နီၣ်ထီၣ်ကွံာ်အီၤလၢပှၤကညီတဖၣ်အသိးအကျါ ဒီးအသးကဲထီၣ်ဒ်ဆၣ်ဖိကီၢ်ဖိတဒုအသးအသိးလီၤ. အဝဲအိၣ်ဆိးတ့ၢ်ဝဲလၢ ကသ့ၣ်ယီၤမံၤတဖၣ်အကျါ, အီၣ်တပံၢ်တမါဒ်ဂီၤဖံးတ ဒုအသိးဒီးမံလီၤဝဲလၢတၢ်ပျီပူၤဒီးဘၣ်စီၣ်ဝဲလၢမူခိၣ်ပစီၤထံလီၤ. လၢခံကတၢၢ်န့ၣ်, သ့ၣ်ညါက့ၤဝဲလၢတၢ်ထီကတၢၢ်ကစၢ်ယွၤ တဂၤန့ၣ်ပၢတၢ်လၢပှၤဟီၣ်ခိၣ်ဖိအဘီအမုၢ်တဖၣ် အဖီခိၣ်ဒီးဟ့ၣ်လီၤတၢ်ဆူပှၤလၢအဃုထၢဝဲဒ်အသးအိၣ်ဒၣ်ဝဲအ သိးတဂၤလၢ်လၢ်အစုပူၤန့ၣ်လီၤ.

လံာ်မးသဲ 3:10

အခဲအံၤဒၣ်လဲာ်ကွါအိၣ်ပာ်လီၤအသးလၢသ့ၣ်အဂံၢ်တဖၣ်အခီၣ်ထံးလံ. သ့ၣ်တထံးလၢ်လၢ်လၢအတသူထီၣ်သၣ်ထီၣ်တၤသၣ်လၢအဂ့ၤန့ၣ် ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်မးသဲ 7:19

သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်လၢအဂ့ၤန့ၣ်, ကဘၣ်တၢ်ကူာ်လီၤကွံာ်အီၤဒီး တ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်လူၤကၣ် 3:9

ကွါအိၣ်ကတဲာ်ကတီၤပာ်လံအသးလၢတၢ်ကကူာ်လီၤကွံာ်သ့ၣ် တဖၣ်တုၤလၢအဂံၢ်ခီၣ်ထံးလီၤ. သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်အဂ့ၤန့ၣ်, ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.”

လံာ်လီၣ်ဖျါ 10:3

ဒီးကိးထီၣ်လၢအကလုၢ်ဖးဒိၣ်လၢအသီၣ်လီၤဂာ်ဒီးခ့ယုၢ် တဖၣ်အတၢ်ကညီၤအသီၣ်န့ၣ်လီၤ. ဖဲအဝဲဒၣ်ကိးထီၣ်ဝံၤန့ၣ်, ဘၣ်တၢ်စံးဆၢအီၤလၢလီသီၣ်နွံဘီလီၤ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.