လံာ်ဒၤနံးယ့လး 4:12 - Sgaw Karen Common Bible

¹² အလၣ်သ့ၣ်တဖၣ်ဃံလၤဝဲဒီးအသၣ်တဖၣ်အိၣ်ပှဲၤလုၣ်ကွံာ်လၢ အလိၤတုၤအလၢဝဲလီၣ်ဝဲလၢပှၤဟီၣ်ခိၣ်ဖိခဲလၢာ်ကအီၣ်ဝဲအဂီၢ် န့ၣ်လီၤ. ဆၣ်ဖိကီၢ်ဖိအမံၤတဖၣ်အိၣ်ဘှံးလၢအကဒုအဖီလာ်, ထိၣ်ဖိလံာ်ဖိတဖၣ်မၤအသွံတဖၣ်လၢအဒ့အတြၢ်တဖၣ်အလိၤဒီး တၢ်အိၣ်ဒီးအသးသမူခဲလၢာ်အီၣ်ဘၣ်အီဘၣ်အသၣ်တဖၣ်န့ၣ်လီၤ.

လံာ်ဒၤနံးယ့လး 4:12 Iomraidhean Croise

လံာ်စီၤယိၤဘး 12:24

အဝဲမၤပျူၢ်အဝဲသ့ၣ်အခိၣ်အနၢ်သ့ၣ်တဖၣ်, ဒီးပျဲအဝဲသ့ၣ်ဟး ဝ့ၤဝီၤ, သဘံၣ်ဘုၣ်ဒီးလီၤမၢ်ကွံာ်န့ၣ်လီၤ.

လံာ်စီၤယိၤဘး 14:7

သ့ၣ်တထံးလၢအဘၣ်တၢ်ကူာ်လီၤကွံာ်အီၤန့ၣ်တၢ်မုၢ်လၢ်အိၣ် ဒံးလၢအဂီၢ်န့ၣ်လီၤ. မူထီၣ်ဒီးဒိးပဒုၣ်ထီၣ်က့ၤသ့ဝဲဒၣ်န့ၣ်လီၤ.

လံာ်စီၤယိၤဘး 14:9

လၢအန့ၢ်ဘၣ်ထံအဃိဒိးပဒုၣ်ထီၣ်က့ၤဒ်သ့ၣ်ဖိအထံးအသိးန့ၣ် လီၤ.

လံာ်သးသယုၢ်တၢ် 4:20

အဝဲသ့ၣ်ဖီၣ်န့ၢ်ပတၢ်အိၣ်မူအဂံၢ်ထံး, စီၤပၤလၢယွၤဃုထၢ တ့ၢ်, ပှၤတဂၤလၢပနာ်တ့ၢ်အီၤလၢကကဟုဘံၣ်ကယာ်ဘၢပှၤလၢပှၤဂုာ်ဆူၣ် ပျီဆူၣ်တၢ်ကိးဖုဒဲးအစုပူၤန့ၣ်လီၤ.

လံာ်ယဃ့းစက့လး 17:23

လၢကီၢ်အံၣ်စရ့လးအကစၢၢ်အထီကတၢၢ်တဖျၢၣ်အလိၤန့ၣ်လီၤ. အဒ့တဖၣ်ကဒိၣ်ထီၣ်ဝဲဒီးကသၣ်ထီၣ်အသၣ်ဒီးကဲထီၣ်သ့ၣ်ဆှိ အ့ရ့းလီၤဘီလီၤမုၢ်တထံးလီၤ. ထိၣ်အကလုာ်ကလုာ်ကအိၣ်ဆိးဝဲ ဖဲန့ၣ်ဒီးထံၣ်န့ၢ်တၢ်အိၣ်တဒၢအလီၢ်လၢအကဒုအဖီလာ်န့ၣ်လီၤ.

လံာ်ယဃ့းစက့လး 31:17

အဝဲသ့ၣ်ကလဲၤလီၤဃုာ်ဒီးအီၤဆူတၢ်သံအကီၢ်ပူၤ, ဒ်သိးကလဲၤ အိၣ်သကိးဃုာ်ဒီးပှၤလၢအလီၤကွံာ်တ့ၢ်လံတဖၣ်န့ၣ်လီၤ. ဒီး ကယဲၢ်ပှၤလၢအအိၣ်လၢအဝဲအတၢ်ကဒုအဖီလာ်ခဲလၢာ်ကလီၤ ပြံလီၤပြါလၢပှၤကလုာ်တဖၣ်အကျါန့ၣ်လီၤ.

လံာ်ဒၤနံးယ့လး 4:14

အဝဲဘိးဘၣ်သ့ၣ်ညါဝဲလၢတၢ်ကကူာ်လီၤကွံာ်သ့ၣ်တထံးန့ၣ်ဒီး ပဲာ်တဲာ်ကွံာ်အဒ့အတြၢ်တဖၣ်, တြုၤလီၤကွံာ်အလၣ် ခဲလၢာ်ဒီးမၤလီၤပြံလီၤပြါကွံာ်အသၣ်တဖၣ်, နီၣ်ကွံာ်ဆၣ်ဖိကီၢ်ဖိတဖၣ်လၢအကဒုဖီလာ်ဒီးထိၣ်ဖိလံာ်ဖိ တဖၣ်လၢအဒ့အတြၢ်တဖၣ်အလိၤန့ၣ်လီၤ.

လံာ်မးသဲ 13:32

လၢတၢ်ချံခဲလၢာ်အကျါအဝဲမ့ၢ်တၢ်ချံအဆံးကတၢၢ်လီၤ. ဘၣ်ဆၣ်တုၤအဝဲမဲထီၣ်ဒီးဒိၣ်ထီၣ်န့ၣ်ကဲထီၣ်တၢ်အမုၢ်ဒိၣ် ကတၢၢ်တမုၢ်ဒီးဒိၣ်ထီၣ်ဒီးကဲထီၣ်သ့ၣ်ဖိတထူၣ်ဒီးထိၣ်တဖၣ်ဟဲဒီး ဘှီထီၣ်အသွံတဖၣ်လၢအဒ့တဖၣ်အလိၤလီၤ.”

လံာ်မၢ်ကူး 13:32

မ့မ့ၢ်တၢ်တဖၣ်အံၤကမၤအသးအမုၢ်နံၤမုၢ်သီအဆၢကတီၢ်နၣ်ရံၣ် န့ၣ်, ပှၤတသ့ၣ်ညါနီတဂၤဘၣ်. ကလူးလၢမူခိၣ်တဖၣ်မ့ၢ်ဂ့ၤ, ဖိခွါမ့ၢ်ဂ့ၤတသ့ၣ်ညါဝဲဘၣ်. ပှၤသ့ၣ်ညါတၢ်အံၤမ့ၢ်ထဲပၢ်တဂၤဧိၤလီၤ.

လံာ်မၢ်ကူး 4:32

သနာ်က့တုၤမ့ၢ်အမဲထီၣ်ဒီးဒိၣ်ထီၣ်န့ၣ်ကဲထီၣ်ဝဲတၢ် အမုၢ်အဒိၣ်ကတၢၢ်လၢတၢ်မုၢ်တၢ်ဘိခဲလၢာ်တဖၣ်အကျါ န့ၣ်လီၤ. အဒ့ဖးဒိၣ်တဖၣ်ဟဲထီၣ်လၢအလိၤတုၤဒၣ်လဲာ် ထိၣ်ဖိလံၣ်ဖိတဖၣ်ဟဲမၤအသွံလၢအဒ့တဖၣ်အလိၤသ့ဝဲန့ၣ် လီၤ.”

လံာ်လူၤကၣ် 13:19

မ့ၢ်အလီၤဂာ်ဒီးသဘၣ်အချံတဖျၢၣ်လၢပှၤတဂၤဟံးန့ၢ်ဝဲဒီးသူၣ်လီၤ ဝဲလၢအစံာ်ပူၤန့ၣ်လီၤ. တၢ်ချံန့ၣ်မဲထီၣ်ဒီးဒိၣ်ထီၣ်, ဒီးကဲထီၣ်သ့ၣ်တထူၣ်ဒီးထိၣ်ဖိလံာ်ဖိတဖၣ် ဘှီထီၣ်အသွံလၢအဒ့အတြၢ်တဖၣ်အလိၤလီၤ.”