လံာ်ဒၤနံးယ့လး 4:11 - Sgaw Karen Common Bible

¹¹ သ့ၣ်တထံးအံၤဒိၣ်ထီၣ်ထီထီၣ်ဝဲဒီးအဂံၢ်အဘါဆူၣ်ထီၣ်ဝဲလီၤ. အစိးထီၣ်ဘးဝဲဆူမူခိၣ်ဒီးဘၣ်တၢ်ထံၣ်အီၤသ့လၢပှၤကိးဂၤဒဲး လၢဟီၣ်ခိၣ်ချၢန့ၣ်လီၤ.

လံာ်ဒၤနံးယ့လး 4:11 Iomraidhean Croise

လံာ်တၢ်ကဲထီၣ်အခီၣ်ထံး 11:4

ဒီးအဝဲသ့ၣ်စံးဝဲ, “ခဲကနံၣ်အံၤမ်ပကသူၣ်ထီၣ်သကိးဝ့ၢ် တဝ့ၢ်ဃုာ်ဒီးတၢးထီခၢၣ်သနၢၢ်တခါလၢအတုၤထီၣ်ဘးမူခိၣ်ဒ်သိး ပကမၤဒိၣ်မၤဖျါပမံၤဒီးပသုတလီၤပြံလီၤပြါလၢဟီၣ်ခိၣ်ဒီ ဘ့ၣ်ညါတဂ့ၤအဂီၢ်န့ၣ်တက့ၢ်.”

လံာ်ယဃ့းစက့လး 31:12

ပှၤတခီဘီမုၢ်ဖိတဖၣ်လၢတအိၣ်ဒီးတၢ်သးကညီၤဘၣ်န့ၣ်ကကျီလီၤ အီၤဒီးပာ်တ့ၢ်ကွံာ်အီၤန့ၣ်လီၤ. အဒ့တဖၣ်ဒီးအဒ့ဖးဒိၣ်တဖၣ်လၢ အကၢ်ကွံာ်န့ၣ်ကလီၤတဲာ်လၢကယဲၢ်ကစၢၢ်အလိၤဒီးဆူတၢ်တြီၤ ပူၤလၢထံကီၢ်အပူၤန့ၣ်လီၤ. ပှၤကလုာ်တဖၣ်လၢအအိၣ်ဆိးလၢ အဝဲအတၢ်ကဒုပူၤန့ၣ်ကဟးကွံာ်ဝဲဒၣ်န့ၣ်လီၤ.

လံာ်ယဃ့းစက့လး 31:5

မ့ၢ်လၢအဝဲမၤန့ၢ်ဘၣ်ထံလၢလၢပှဲၤပှဲၤအဃိအဝဲထီထီၣ်န့ၢ်ဒံး သ့ၣ်အဂၤတဖၣ်တက့ၢ်န့ၣ်လီၤ. အဝဲအဒ့တဖၣ်ဒိၣ်ဝဲဒီးထီဝဲဒၣ် န့ၣ်လီၤ.

လံာ်မးသဲ 11:23

နဲဒၣ်ဝ့ၢ်ကပ့းရနီၣ်ဧၢ, နအဲၣ်ဒိးဘၣ်တၢ်ပာ်ဒိၣ်ပာ်ထီနၤတုၤ လၢမူခိၣ်န့ၣ်ဧါ. ယွၤကတ့ၢ်လီၤကွံာ်နၤဆူလရာ်အပူၤလီၤ. တၢ်လီၤလးတဖၣ်လၢအဘၣ်တၢ်မၤအီၤလၢနပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်စဒိၣ်အပူၤဒီး, ဝ့ၢ်အံၤကအိၣ်ဒံးတုၤမုၢ်မဆါတနံၤအံၤလီၤ.

လံာ်သိၣ်လီၤသီလီၤတၢ် 9:1

ဒိကနၣ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. တနံၤအံၤဘူးထီၣ်လၢသုကခီဂာ်ဘၣ်ထံကျိ ယၢ်ဒ့ၣ်ဒီးမၤန့ၢ်ကီၢ်လၢအဘၣ်ဃးဒီးပှၤကလုာ်တဖၣ်လၢအဒိၣ်န့ၢ် သုဒီးအစိကမီၤအါန့ၢ်သုန့ၣ်လီၤ. အဝဲသ့ၣ်အဝ့ၢ်တဖၣ်န့ၣ်ဒိၣ်ဝဲဒီးအိၣ်ဒီးအခိၣ်ဒူတဖၣ်လၢအကစီၤ ထီၣ်ထီဝဲတုၤဆူမူကပိာ်လိၤန့ၣ်လီၤ.