လံာ်ဒၤနံးယ့လး 3:7 - Sgaw Karen Common Bible

⁷ မၤသးဒ်န့ၣ်ဒီး, တုၤအဝဲသ့ၣ်နၢ်ဟူကယဲၢ်တၢ်ဒ့တၢ်အူတဖၣ်သီၣ်ထီၣ်န့ၣ်, ကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤအ ကျိာ်အကလုာ်ကလုာ်ခဲလၢာ်ချံးခီၣ်တီၤလီၤဒီးဘူၣ်ထီၣ်ဘါ ထီၣ်တၢ်ဂီၤထူလၢစီၤပၤနဘူၤကးန့စၢ်တ့ထီၣ်ဆီလီၤတ့ၢ်အီၤန့ၣ်လီၤ.

လံာ်ဒၤနံးယ့လး 3:7 Iomraidhean Croise

လံာ်ယံးရမံယၤ 51:7

ကီၢ်ဘၤဘူၤလိၣ်လီၤဂာ်ဒီး လီခီထူတဖျၢၣ်လၢယစုပူၤ, လၢအဒုးအီမူၤဟီၣ်ခိၣ်ဒီဘ့ၣ်ညါန့ၣ်လီၤ. ပှၤကလုာ်တဖၣ် အီစပံးထံဒီး ပျုၢ်ထီၣ်ဝဲခဲလၢာ်န့ၣ်လီၤ.

လံာ်ဒၤနံးယ့လး 2:46

တုၤနုၤတစုစီၤပၤနဘူၤကးန့စၢ်ချံးခီၣ်တီၤလီၤဒီးဟ့ၣ်တၢ်ယူး ယီၣ်ဆူစီၤဒၤနံးယ့လးအအိၣ်, ဒီးဟ့ၣ်လီၤအကလုၢ်လၢ ပှၤကမၤဘူၣ်တၢ်လုၢ်မၤဘူၣ်ဒီးတၢ်လုၢ်နၢမူတဖၣ်ဆူစီၤဒၤနံးယ့လး အအိၣ်န့ၣ်လီၤ.

လံာ်ဒၤနံးယ့လး 3:10

နဲဒၣ်, စီၤပၤဧၢ, နဟ့ၣ်လီၤတ့ၢ်နကလုၢ်လၢ, တုၤတၢ်ဒ့တၢ်အူ သီၣ်ထီၣ်တဘျီဃီန့ၣ်ပှၤကိးဂၤဒဲးကဘၣ်ချံးခီၣ်တီၤလီၤဒီး ဘူၣ်ထီၣ်ဘါထီၣ်တၢ်ဂီၤထူန့ၣ်လီၤ.

လံာ်ဒၤနံးယ့လး 3:4

မူးခိၣ်ဘိးဘၣ်သ့ၣ်ညါတၢ်လၢအကလုၢ်ဖးဒိၣ် “ကယဲၢ်ပှၤ ဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤက တိၤကျိာ်အကလုာ်ကလုာ်ခဲလၢာ်သ့ၣ်ဧၢ,

လံာ်ဒၤနံးယ့လး 3:5

တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးကယဲၢ်တၢ်ဒ့တၢ်အူအသီၣ် သီၣ်ထီၣ်ဝဲန့ၣ်သုကဘၣ်ချံးခီၣ်တီၤလီၤဒီးဘူၣ်ထီၣ် ဘါထီၣ်တၢ်ဂီၤထူလၢစီၤပၤနဘူၤကးန့စၢ်တ့ထီၣ်ဆီလီၤတ့ၢ်အီၤန့ၣ်လီၤ.

လံာ်ဒၤနံးယ့လး 3:6

ပှၤတဂၤလၢ်လၢ်လၢအတချံးခီၣ်တီၤလီၤဒီးဘူၣ်ထီၣ်ဘါထီၣ်တၢ်န့ၣ်ကဘၣ် တၢ်ကွံာ်လီၤအီၤဆူမ့ၣ်အူကဲၤကဖးအဖၣ်ကပူၤတဘျီဃီန့ၣ်လီၤ.”

လံာ်ဒၤနံးယ့လး 3:8

အကတီၢ်ဖဲန့ၣ်ပှၤဘၤဘူၤလိၣ်ဖိတနီၤဟံးန့ၢ်တၢ်အခွဲးအယာ်ဒီး ဆှိးအၢပှၤယူဒၤဖိတဖၣ်န့ၣ်လီၤ.

မၤတၢ် 14:16

လၢအပူၤကွံာ်န့ၣ်, အဝဲဒၣ်ပျဲပှၤကိးကလုာ်ဒဲးလဲၤဖဲအသးမၤဖဲ အသးဒၣ်ဝဲလီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 13:3

တၢ်ဒူတၢ်ဃိၤအခိၣ်အကျါတဖျၢၣ်န့ၣ်အိၣ်ဖျါလၢအဘၣ်ဒိဘူးတ့ၢ်လၢ အကသံဘၣ်ဆၣ်အပူၤလီၢ်ဘျါက့ၤလံဝဲလံန့ၣ်လီၤ. ဟီၣ်ခိၣ်ဒီဘ့ၣ်ကမၢကမၣ်ဒီးပိာ်တၢ်ဒူတၢ်ဃိၤန့ၣ်အခံလီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.