လံာ်ဒၤနံးယ့လး 3:4 - Sgaw Karen Common Bible

⁴ မူးခိၣ်ဘိးဘၣ်သ့ၣ်ညါတၢ်လၢအကလုၢ်ဖးဒိၣ် “ကယဲၢ်ပှၤ ဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤက တိၤကျိာ်အကလုာ်ကလုာ်ခဲလၢာ်သ့ၣ်ဧၢ,

လံာ်ဒၤနံးယ့လး 3:4 Iomraidhean Croise

လံာ်နီၢ်အ့ၤစတၢ် 8:9

တၢ်အံၤမၤအသးဖဲလါသၢလါတလါ, လါစံဝၣ်ထီၣ်ခံဆံသၢသီအနံၤန့ၣ်လီၤ. စီၤမၢ်ဒကဲၤကိးန့ၢ်စီၤပၤအပှၤကွဲးလံာ်ဒိၣ်တဖၣ်, ဒီးကိးထီၣ်န့ၢ်အီၤလံာ်ပရၢတဖၣ်လၢကဘၣ်ကွဲးဝဲဆူပှၤယူဒၤဖိတဖၣ်, ဒီးဆူပဒိၣ်တဖၣ်, လၢပှၤပၢတၢ်ဆှၢတၢ်တဖၣ်ဒီးပဒိၣ်ဖးဒိၣ်တဖၣ် အအိၣ်လၢကီၢ်တကယၤခံဆံနွံဘ့ၣ်အပူၤ, စးထီၣ်လၢကီၢ်ဟံၣ်ဒူၤတုၤဆူကီၢ်ကူၤၡးန့ၣ်လီၤ. လံာ်ပရၢတဖၣ်န့ၣ်ဘၣ်တၢ်ကွဲးအီၤဆူကီၢ်တဘ့ၣ်ဘၣ်တဘ့ၣ်လၢအကျိာ် ဒၣ်ဝဲဒီးအတၢ်ကွဲးအကျိၤအကွာ်ဒၣ်ဝဲဒီးဆူပှၤယူဒၤဖိတဖၣ်အအိၣ် လၢအကျိာ်ဒီးအတၢ်ကွဲးအကျိၤအကွာ်ဒၣ်ဝဲန့ၣ်လီၤ.

လံာ်ယၡါယၤ 40:9

ဝ့ၢ်ယရူၤၡလ့ၣ်ဧၢ, လဲၤထီၣ်ဆူကစၢၢ်ထီၣ်ထီတဖျၢၣ်အလိၤ ဒီးတဲဖျါတၢ်သးခုကစီၣ်တက့ၢ်. ကိးထီၣ်လၢနကလုၢ်ဖးဒိၣ်တက့ၢ်. စံယိၣ်ဧၢ, ဘိးဘၣ်သ့ၣ်ညါတၢ်သးခုကစီၣ်တက့ၢ်. ကတိၤထီၣ်တၢ်ဒီးပျံၤတၢ်တဂ့ၤ. တဲဘၣ်ကီၢ်ယူဒၤအဝ့ၢ်တဖၣ် လၢအဝဲသ့ၣ်အကစၢ်ယွၤဟဲဝဲလံ.

လံာ်ယၡါယၤ 58:1

ယွၤစံးဝဲဒၣ်, “ကိးထီၣ်နဲဒိၣ်ဒိၣ်တသ့ဖဲအသ့တက့ၢ်. တဲဘၣ်ယပှၤဂီၢ်မုၢ်အံၣ်စရ့လးဘၣ်ဃးအတၢ်ဒဲးဘးတ ဖၣ်အဂ့ၢ်တက့ၢ်.

လံာ်ဒၤနံးယ့လး 3:10

နဲဒၣ်, စီၤပၤဧၢ, နဟ့ၣ်လီၤတ့ၢ်နကလုၢ်လၢ, တုၤတၢ်ဒ့တၢ်အူ သီၣ်ထီၣ်တဘျီဃီန့ၣ်ပှၤကိးဂၤဒဲးကဘၣ်ချံးခီၣ်တီၤလီၤဒီး ဘူၣ်ထီၣ်ဘါထီၣ်တၢ်ဂီၤထူန့ၣ်လီၤ.

လံာ်ဒၤနံးယ့လး 3:3

ဖဲပဒိၣ်ပပှၢ်ခဲလၢာ်ပာ်ဖှိၣ်ထီၣ်တ့ၢ်အသးလၢတၢ်ပာ်စီဆှံအ ဂီၢ်ဒီးဆၢထၢၣ်ဝဲလၢတၢ်ဂီၤအမဲာ်ညါန့ၣ်,

လံာ်ဒၤနံးယ့လး 3:7

မၤသးဒ်န့ၣ်ဒီး, တုၤအဝဲသ့ၣ်နၢ်ဟူကယဲၢ်တၢ်ဒ့တၢ်အူတဖၣ်သီၣ်ထီၣ်န့ၣ်, ကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤအ ကျိာ်အကလုာ်ကလုာ်ခဲလၢာ်ချံးခီၣ်တီၤလီၤဒီးဘူၣ်ထီၣ်ဘါ ထီၣ်တၢ်ဂီၤထူလၢစီၤပၤနဘူၤကးန့စၢ်တ့ထီၣ်ဆီလီၤတ့ၢ်အီၤန့ၣ်လီၤ.

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဒၤနံးယ့လး 4:14

အဝဲဘိးဘၣ်သ့ၣ်ညါဝဲလၢတၢ်ကကူာ်လီၤကွံာ်သ့ၣ်တထံးန့ၣ်ဒီး ပဲာ်တဲာ်ကွံာ်အဒ့အတြၢ်တဖၣ်, တြုၤလီၤကွံာ်အလၣ် ခဲလၢာ်ဒီးမၤလီၤပြံလီၤပြါကွံာ်အသၣ်တဖၣ်, နီၣ်ကွံာ်ဆၣ်ဖိကီၢ်ဖိတဖၣ်လၢအကဒုဖီလာ်ဒီးထိၣ်ဖိလံာ်ဖိ တဖၣ်လၢအဒ့အတြၢ်တဖၣ်အလိၤန့ၣ်လီၤ.

လံာ်ဒၤနံးယ့လး 6:25

တၢ်န့ၣ်တဖၣ်အလီၢ်ခံန့ၣ်စီၤပၤဒၤရယါဝ့ၣ်ကွဲးလီၤ တၢ်ဆူကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ်အကလုာ်ကလုာ်တဖၣ်လၢဟီၣ်ခိၣ်ဒီဘ့ၣ်ညါ အအိၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဟိၤၡ့ 5:11

ကီၢ်အံၣ်စရ့လးတူၢ်ဘၣ်တၢ်မၤနးမၤဖှီၣ်, အဝဲအထံအကီၢ်လၢအမ့ၢ်အတၢ်နီၢ်နီၢ်လီၤမၢ်ကွံာ်ဝဲ, မ့ၢ်လၢအဝဲလဲၤဃု တၢ်မၤစၢၤသပှၢ်ပှၢ်လၢပှၤလၢအဟ့ၣ်အီၤတသ့ဘၣ်အအိၣ်အဃိန့ၣ်လီၤ.

လံာ်မံကၤ 6:16

တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.