လံာ်ဒၤနံးယ့လး 3:29 - Sgaw Karen Common Bible

²⁹ ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”

လံာ်ဒၤနံးယ့လး 3:29 Iomraidhean Croise

လံာ်စီၤပၤခံဘ့ၣ်တဘ့ၣ် 10:27

သတးဒီး, အဝဲသ့ၣ်မၤဟးဂီၤကွံာ်ထူၣ်စီဆှံဒီးတၢ်လုၢ်ဟံၣ် ဒီးဒုးကဲထီၣ်တၢ်လုၢ်ဟံၣ်န့ၣ်ဆူတၢ်ဟးလီၢ်တဖျၢၣ်လၢအအိၣ်ဝဲ တုၤမုၢ်မဆါတနံၤအံၤန့ၣ်လီၤ.

လံာ်စီၤဧ့စြၤ 6:11

ယမၤလိာ်အါထီၣ်စ့ၢ်ကီးလၢပှၤတဂၤဂၤမ့ၢ်တစူၢ်ဘၣ်တၢ်ကလုၢ်အံၤ န့ၣ်ဒီး, မ်ပှၤထဲးထီၣ်န့ၢ်သ့ၣ်ကျိၤတဘိလၢအဟံၣ်, မၤစူအထိးနါတကပၤဒီးဆဲးဖျိအနီၢ်ကစၢ်န့ၣ်တက့ၢ်. ဒီးမ်အဟံၣ်ကဲထီၣ်တၢ်တပှိာ်တပှာ်အပူၣ်တဖၣ်တက့ၢ်.

စံးထီၣ်ပတြၢၤ 3:8

တၢ်မၤပူၤဖျဲးန့ၣ်ဟဲလၢယွၤလီၤ. မ်နတၢ်ဆိၣ်ဂ့ၤလီၤဘၣ်နပှၤဂီၢ်မုၢ်တက့ၢ်. စ့လၤ

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

လံာ်ဒၤနံးယ့လး 1:19

ဒီးစီၤပၤကတိၤတ့ၢ်တၢ်ဒီးအဝဲသ့ၣ်ခဲလၢာ်ဒီးစီၤဒၤနံးယ့လး, စီၤဃနၤနယၤ, စီၤမံၡအ့လးဒီးစီၤဧစၤရယၤထုးန့ၢ်တ့ၢ် စီၤပၤအသးဒိၣ်န့ၢ်ဒံးပှၤအဂၤတဂၤလၢ်လၢ်န့ၣ်လီၤ. လၢတၢ်န့ၣ်အဃိအဝဲသ့ၣ်ဘၣ်တၢ်ဂံၢ်ဃုာ်အီၤလၢပှၤကူၣ်လိာ် တၢ်တဖၣ်အကျါလၢစီၤပၤအနီပူၤန့ၣ်လီၤ.

လံာ်ဒၤနံးယ့လး 1:7

စီၤပၤအပဒိၣ်ခိၣ်ကျၢၢ်ဟ့ၣ်က့ၤအဝဲသ့ၣ်လၢအမံၤအသီဒီး စီၤဒၤနံးယ့လးဘၣ်တၢ်ကိးအီၤလၢစီၤဘ့ၤလးတၡါစၢ်, စီၤဃနၤနယၤန့ၣ်လၢစီၤၡၤဒရး, စီၤမံၡအ့လးန့ၣ်လၢစီၤမ့ၤ ၡး, ဒီးစီၤဧစၤရယၤန့ၣ်လၢစီၤဧဘ့ၤဒနကိၤန့ၣ်လီၤ.

လံာ်ဒၤနံးယ့လး 2:17

အန့ၣ်ဝံၤဒီးစီၤဒၤနံးယ့လးက့ၤဝဲဆူအဟံၣ်ဒီးတဲဘၣ်အတံၤသကိး စီၤဃနၤနယၤ, စီၤမံၡအ့လး, ဒီးစီၤဧစၤရယၤလၢတၢ်မၤတ့ၢ် အသးတဖၣ်န့ၣ်လီၤ.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 2:49

စီၤဒၤနံးယ့လးဃ့တၢ်လၢစီၤပၤဒီးစီၤပၤပာ်လီၤစီၤၡဒရး, စီၤမ့ၤၡး, ဒီးစီၤဧဘ့ၤဒနကိၤဒ်ကိတိာ်တဖၣ်လၢကီၢ်ဘၤဘူၤလိၣ်အပူၤလီၤ. မ့မ့ၢ်စီၤဒၤနံးယ့လးဆ့ၣ်နီၤဝဲဒ်ကိတိာ်ခိၣ်ကျၢၢ်အသိးလၢစီၤပၤ အနီပူၤန့ၣ်လီၤ.

လံာ်ဒၤနံးယ့လး 2:5

စီၤပၤစံးဘၣ်အဝဲသ့ၣ်, “ယတၢ်ကတိၤမ့ၢ်တၢ်ဂၢၢ်တၢ်ကျၢၤလီၤ. သုမၤဖျါထီၣ်ယတၢ်မံမီၢ်ဒီးအခီပညီမ့ၢ်တသ့ဘၣ်ဒီး, သုကဘၣ်တၢ်ဒီၣ်တဲာ်ကွံာ်သုတကူာ်ဘၣ်တကူာ်ဒီးသုဟံၣ်တဖၣ် ယကဒုးကဲထီၣ်အီၤလၢတၢ်ဟးဂီၤပာ်ဖှိၣ်အသးန့ၣ်လီၤ.

လံာ်ဒၤနံးယ့လး 3:12

ပှၤယူဒၤဖိတနီၤလၢနပာ်ထီၣ်အီၤဒ်ကိတိာ်တဖၣ်လၢကီၢ်ဘၤ ဘူၤလိၣ်အပူၤ, စီၤၡၤဒရး, စီၤမ့ၤၡး, စီၤဧဘ့ၤဒနကိၤတဖၣ်န့ၣ်လုၢ် သ့ၣ်ခါပတာ်နဲဒၣ်စီၤပၤအကလုၢ်တဖၣ်လီၤ. အဝဲသ့ၣ်တဘူၣ်ထီၣ်ဘါထီၣ်ဘၣ်နကစၢ်ဒီးတချံးခီၣ်တီၤလီၤဘၣ် ဆူတၢ်ဂီၤထူလၢနတ့ထီၣ်ဆီလီၤအီၤန့ၣ်ဘၣ်.”

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ဒၤနံးယ့လး 3:17

တၢ်မ့ၢ်မၤအသးဒ်နစံးအသိးဒီး, ပကစၢ်ယွၤလၢပမၤအတၢ် မၤန့ၣ်မၤပူၤဖျဲးပှၤလၢမ့ၣ်အူကဲၤကဖးအဖၣ်ကပူၤသ့ဝဲ, ဒီးကမၤပူၤဖျဲးပှၤလၢနစုပူၤလီၤ.

လံာ်ဒၤနံးယ့လး 3:28

စီၤပၤနဘူၤကးန့စၢ်စံးဝဲဒၣ်, “စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤမ် အဘၣ်တၢ်စံးထီၣ်ပတြၢၤအီၤတက့ၢ်. ဆှၢလီၤဝဲအကလူးဒ်သိးကအုၣ် က့ၤခီၣ်က့ၤပှၤလၢအမၤအတၢ်မၤဒီးစူၢ်အီၤနာ်အီၤတဖၣ်အံၤန့ၣ်လီၤ. အဝဲသ့ၣ်တကနၣ်ဘၣ်ယကလုၢ်ဘၣ်ဒီးညိကွံာ်အသးသမူဒူဝဲအါ န့ၢ်ဒံးအကချံးခီၣ်တီၤလီၤဘူၣ်ထီၣ်ဘါထီၣ်ကစၢ်တဂၤဂၤလၢ အတမ့ၢ်ဘၣ်အကစၢ်ယွၤဘၣ်န့ၣ်လီၤ.

လံာ်ဒၤနံးယ့လး 6:28

ဒီးစီၤဒၤနံးယ့လးဘီၣ်ထီၣ်ညီထီၣ်လၢစီၤပၤဒၤရယါဝ့ၣ်အတၢ်ပၢတၢ် ပြးဒီးကီၢ်ပၤရၣ်အစီၤပၤစီၤကိရ့ၣ်ပၢတၢ်အစိၤန့ၣ်လီၤ.

လံာ်သိၣ်လီၤသီလီၤတၢ် 32:31

အဝဲသ့ၣ်အဒုၣ်အဒါတဖၣ်သ့ၣ်ညါဝဲလၢအဝဲသ့ၣ်အကစၢ်တဖၣ်လၢ အဘူၣ်ဝဲဘါဝဲန့ၣ်အဂံၢ်စၢ်ဘါစၢ်, ဒီးတဒိၣ်ဝဲမုၢ်ဝဲထဲသိးကီၢ်အံၣ်စရ့လးအကစၢ်ယွၤ ဘၣ်န့ၣ်လီၤ.