လံာ်ဒၤနံးယ့လး 3:27 - Sgaw Karen Common Bible

²⁷ ဒီးကီၢ်ဆၣ်အပဒိၣ်ပပှၢ်တဖၣ်, ကီၢ်စဲၣ်အပဒိၣ်ပပှၢ်တဖၣ်, ပှၤပၢတၢ်တဖၣ်, ဒီးစီၤပၤအပှၤကူၣ်လိာ်တၢ်အဂၤတဖၣ်ပာ်ဖှိၣ်ထီၣ်အသးလၢအက ကွၢ်ပှၤသၢဂၤလၢမ့ၣ်အူတမၤဆါဘၣ်အီၤဘၣ်န့ၣ်လီၤ. ဒီးထံၣ်ဝဲလၢအခိၣ်သူတကိၢ်ဃိာ်ဘၣ်နီတဘိဘၣ်. အတၢ်ကူတၢ်သိးတဖၣ်မ့ၣ်အူတအီၣ်ကွံာ်ဘၣ်ဒီး မ့ၣ်အူလုၢ်တနၢဘၣ်လၢအလိၤဘၣ်န့ၣ်လီၤ.

လံာ်ဒၤနံးယ့လး 3:27 Iomraidhean Croise

လံာ်စီၤပၤအခီၣ်ထံးတဘ့ၣ် 13:28

ဒီးအဝဲဒိးထီၣ်ကသ့ၣ်ယီၤဒီးဟးထီၣ်, ဒီးထံၣ်ဘၣ်ဝဲဝံအစိၣ် န့ၣ်အိၣ်မံလီၤလၢကျဲအဖီခိၣ်, အိၣ်ဒီးကသ့ၣ်ယီၤဒီးခ့ယုၢ်ဆၢထၢၣ်ဒံးဒၣ်ဖဲအဃၢၤန့ၣ်လီၤ. ခ့ယုၢ်တအီၣ်ကွံာ်ဘၣ်တၢ်စိၣ်မ့ၢ်ဂ့ၤမၤဒၢၣ်ကသ့ၣ်ယီၤမ့ၢ်ဂ့ၤ, န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 19:19

ခဲကနံၣ်အံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ် ဖိတဖၣ်အစုပူၤဒ်သိးကယဲၢ်ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ် ညါဝဲလၢထဲနၤတဂၤဧိၤနမ့ၢ်ကစၢ်ယွၤတက့ၢ်, အိယွၤဧၢ.”

စံးထီၣ်ပတြၢၤ 83:18

မ်အဝဲသ့ၣ်, သ့ၣ်ညါလၢထဲနၤတဂၤဧိၤန့ၣ်နမ့ၢ်ယွၤ, ပှၤပၢတၢ်အဒိၣ်ကတၢၢ်လၢဟီၣ်ခိၣ်ချၢန့ၣ်တက့ၢ်.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ဒၤနံးယ့လး 3:21

မၤသးဒ်န့ၣ်ဒီး, အဝဲသ့ၣ်တဖၣ်ဘၣ်တၢ်စၢဃာ်အီၤအိၣ်ဃုာ်ဒီးအတၢ် ကူတၢ်သိးအလၢအပှဲၤဃုာ်ဒီးအဖျီၣ်ခံ, ဆ့ကၤ, ခိၣ်ဖၢၣ်ဒီးအဂၤခဲလၢာ်ဒီးဘၣ်တၢ်တ့ၢ်လီၤကွံာ်အီၤဆူမ့ၣ်အူကဲၤကဖး အဖၣ်ကပူၤန့ၣ်လီၤ.

လံာ်ဒၤနံးယ့လး 6:23

စီၤပၤအသးခုဒိၣ်ဒိၣ်ကလဲာ်ဒီးမၤလိာ်တ့ၢ်ဝဲလၢပှၤကထုးထီၣ် က့ၤစီၤဒၤနံးယ့လးလၢခ့ယုၢ်အတဝၢအပူၤန့ၣ်လီၤ. မၤသးဒ်န့ၣ်ဒီး, အဝဲသ့ၣ်ထုးထီၣ်က့ၤအီၤဒီးထံၣ်ဘၣ်ဝဲလၢ အတဘၣ်ဒိဘၣ်ထံးဘၣ်နီတမံၤဘၣ်လၢအတၢ်စူၢ်တၢ်နာ်ကစၢ် ယွၤအဃိန့ၣ်လီၤ.

လံာ်ဒၤနံးယ့လး 6:7

ပဝဲခဲလၢာ်လၢအပၢဆှၢနဘီနမုၢ်ဒ်ပှၤပၢဆှၢအံးထွဲကွၢ်ထွဲတၢ်, ကီၢ်စဲၣ်အပဒိၣ်ဖးဒိၣ်တဖၣ်, ဒီးပှၤပၢတၢ်ဖိတဖၣ်, ဘၣ်သူၣ်ဘၣ် သးအၢၣ်လီၤသကိးလၢနဲဒၣ်, စီၤပၤကဟ့ၣ်လီၤအကလုၢ် တမံၤဒီးမၤဆူၣ်မၤကျၢၤအီၤဃံးဃံးန့ၣ်လီၤ. ဟ့ၣ်လီၤနကလုၢ်ဒ်သိးလၢအသီသၢဆံအတီၢ်ပူၤန့ၣ်မ့တမ့ၢ် ဘၣ်ထဲတၢ်ကိးထီၣ်ဆူနအိၣ်ဒီးပှၤတဘၣ်ဘါထုကဖၣ်တၢ်ဆူ ကစၢ်တဂၤဂၤမ့ၢ်ဂ့ၤပှၤကညီတဂၤဂၤအအိၣ်မ့ၢ်ဂ့ၤနီတဂၤဘၣ်. ပှၤတဂၤလၢ်လၢ်လၢအလုၢ်သ့ၣ်ခါပတာ်တၢ်ကလုၢ်အံၤန့ၣ် ကဘၣ်တၢ်တ့ၢ်လီၤကွံာ်အီၤဆူခ့ယုၢ်တဖၣ်အတဝၢအပူၤန့ၣ်လီၤ.

လံာ်မးသဲ 10:30

နခိၣ်သူအဘိဒၣ်လဲာ်ဘၣ်တၢ်ဂံၢ်နီၣ်အီၤလၢယွၤလီၤ.

မၤတၢ် 26:26

စီၤပၤအကြံးပၤဧၢ, ယကတိၤတၢ်ဒီးနၤလၢတၢ်သူၣ်ဒူသးဒူ အပူၤသ့ဝဲလီၤ. အဂ့ၢ်ဒ်အံၤ, နသ့ၣ်ညါဘၣ်ဃးတၢ်ဂ့ၢ်သ့ၣ်တဖၣ် အံၤန့ၣ်လီၤ. ယနာ်သပှၢ်ကတၢၢ်လၢနပာ်သူၣ်ပာ်သးတ့ၢ်နဲလၢ တၢ်ဂ့ၢ်တဖၣ်အံၤကိးမံၤဒဲးလီၤ. အဂ့ၢ်ဒ်အံၤ, တၢ်ဂ့ၢ်လၢအမၤအသးအံၤတမၤအသးလၢတၢ်သနၢၣ်န့ၣ်ဘၣ်.

မၤတၢ် 27:34

မ်ဒ်န့ၣ်ဒီး, ယဃ့ကညးသုလၢသုကအီၣ်တၢ်အီၣ်တမံၤမံၤ လီၤ. ဒ်သိးသုကမူအဂီၢ်န့ၣ်, သုလိၣ်ဘၣ်တၢ်အီၣ်လီၤ. သုခိၣ်သူတဘိဒၣ်လဲာ်တလီၤမၢ်ကွံာ်လၢသုခိၣ်လိၤဘၣ်.”

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.