လံာ်ဒၤနံးယ့လး 3:25 - Sgaw Karen Common Bible

²⁵ စီၤပၤစံးဝဲ, “မ့မ့ၢ်ဒ်န့ၣ်ဒီးဘၣ်မနုၤယထံၣ်ပှၤလွံၢ်ဂၤဟးဝ့ၤဝီၤ လၢမ့ၣ်အူပူၤန့ၣ်လဲၣ်. အဝဲသ့ၣ်တဘၣ်တၢ်စၢဃာ်အီၤဘၣ်. ဒီးအဝဲသ့ၣ်တဖျါဘၣ်ဒိဘၣ်ထံးစ့ၢ်ကီးဘၣ်. ပှၤလွံၢ်ဂၤတဂၤန့ၣ်လီၤ ဂာ်မးဒီးကစၢ်ယွၤအဖိခွါတဂၤလီၤ.”

လံာ်ဒၤနံးယ့လး 3:25 Iomraidhean Croise

လံာ်စီၤယိၤဘး 1:6

မုၢ်တနံၤဖဲကစၢ်ယွၤအကလူးတဖၣ်ဟဲပာ်ဖျါထီၣ်အသးလၢ ယွၤအမဲာ်ညါန့ၣ်, မုၣ်ကီၤလံၢ်အိၣ်စ့ၢ်ကီးလၢအဝဲသ့ၣ်အကျါန့ၣ် လီၤ.

လံာ်စီၤယိၤဘး 38:7

လၢမုၢ်နံၤအဝဲန့ၣ်ဖဲမုၢ်ဆ့ၣ်ထီၣ်ဂီၤဂီၤ, တၢ်ခံးဒံးဝဲအကတီၢ်န့ၣ် ဆၣ်တဖၣ်သးဝံၣ်သကိးတၢ်ဒီးယွၤကလူးတဖၣ်ကိးသတြီ ထီၣ်လၢတၢ်သးခုလီၤ.

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

စံးထီၣ်ပတြၢၤ 34:7

ယွၤအကလူးသူၣ်ဒဲဝးတရံးပှၤလၢအပျံၤအီၤ ဒီးမၤပူၤဖျဲးအဝဲသ့ၣ်လီၤ.

တၢ်ကတိၤဒိ. 30:4

မ့ၢ်မတၤလဲၤတုၤထီၣ်ဘးမူခိၣ်ဒီးဟဲက့ၤလီၤဝဲတဂၤလဲၣ်. မ့ၢ်မတၤဖီၣ်န့ၢ်ကလံၤလၢအစုပူၤတဂၤလဲၣ်. မ့ၢ်မတၤဘိၣ်ထီၣ်ထံလၢတၢ်ကံးယာ်တဘ့ၣ်အပူၤတဂၤလဲၣ်. မ့ၢ်မတၤပာ်ဂၢၢ်ပာ်ကျၢၤဟီၣ်ခိၣ်အဆၢတဖၣ် တဂၤလဲၣ်. မ့ၢ်နသ့ၣ်ညါအဝဲမ့ၢ်မတၤလဲၣ်. အဖိခွါမ့ၢ်မတၤလဲၣ်, န့ၣ်ဧါ

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်ယံးရမံယၤ 1:8

ပျံၤအဝဲသ့ၣ်တဂ့ၤ. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ် အိၣ်ပှိၤနၤအဂီၢ်လီၤ. ယၤ, ယွၤအံၤ, ကတိၤတ့ၢ်လံတၢ်လံ.”

လံာ်ယံးရမံယၤ 15:21

ယကမၤပူၤမၤဖျဲးနၤလၢပှၤတတီတလိၤဒီးပှၤမၤတၢ်လၢတၢ်စုဆူၣ် ခီၣ်တကးတဖၣ်အတၢ်စိတၢ်ကမီၤအပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 3:18

မ့တမ့ၢ်ဘၣ်ဒ်န့ၣ်အသိးဒၣ်လဲာ်, သ့ၣ်ညါနဲဒၣ်စီၤပၤဧၢ, ပတမၤဘၣ်နကစၢ်တဖၣ်အတၢ်မၤဘၣ်ဒီးတဘူၣ်ထီၣ်ဘါထီၣ် ဘၣ်တၢ်ဂီၤထူလၢနတ့ထီၣ်ဆီလီၤအီၤန့ၣ်ဘၣ်.”

လံာ်ဒၤနံးယ့လး 3:24

ဒီးဖဲန့ၣ်စီၤပၤနဘူၤကးန့စၢ်ဆၢထၢၣ်သတူာ်ကလာ်လၢတၢ်ကမၢ ကမၣ်အပူၤဒီးစံးဘၣ်အပှၤဟ့ၣ်ကူၣ်တၢ်တဖၣ်, “ပစၢဃာ်ပှၤသၢဂၤ ဒီးတ့ၢ်လီၤအီၤဆူဖၣ်ကပူၤတမ့ၢ်ဘၣ်ဧါ.” အဝဲသ့ၣ်စံးဆၢစီၤပၤ, “မ့ၢ်သပှၢ်ကတၢၢ်လီၤစီၤပၤဧၢ.”

လံာ်ဒၤနံးယ့လး 3:28

စီၤပၤနဘူၤကးန့စၢ်စံးဝဲဒၣ်, “စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤမ် အဘၣ်တၢ်စံးထီၣ်ပတြၢၤအီၤတက့ၢ်. ဆှၢလီၤဝဲအကလူးဒ်သိးကအုၣ် က့ၤခီၣ်က့ၤပှၤလၢအမၤအတၢ်မၤဒီးစူၢ်အီၤနာ်အီၤတဖၣ်အံၤန့ၣ်လီၤ. အဝဲသ့ၣ်တကနၣ်ဘၣ်ယကလုၢ်ဘၣ်ဒီးညိကွံာ်အသးသမူဒူဝဲအါ န့ၢ်ဒံးအကချံးခီၣ်တီၤလီၤဘူၣ်ထီၣ်ဘါထီၣ်ကစၢ်တဂၤဂၤလၢ အတမ့ၢ်ဘၣ်အကစၢ်ယွၤဘၣ်န့ၣ်လီၤ.

လံာ်ဒၤနံးယ့လး 6:23

စီၤပၤအသးခုဒိၣ်ဒိၣ်ကလဲာ်ဒီးမၤလိာ်တ့ၢ်ဝဲလၢပှၤကထုးထီၣ် က့ၤစီၤဒၤနံးယ့လးလၢခ့ယုၢ်အတဝၢအပူၤန့ၣ်လီၤ. မၤသးဒ်န့ၣ်ဒီး, အဝဲသ့ၣ်ထုးထီၣ်က့ၤအီၤဒီးထံၣ်ဘၣ်ဝဲလၢ အတဘၣ်ဒိဘၣ်ထံးဘၣ်နီတမံၤဘၣ်လၢအတၢ်စူၢ်တၢ်နာ်ကစၢ် ယွၤအဃိန့ၣ်လီၤ.

လံာ်မၢ်ကူး 16:18

အဝဲသ့ၣ်မ့ၢ်ဖီၣ်ထီၣ်ဂုၢ်, ဒီးမ့ၢ်အီဘၣ်တၢ်စုၣ်တၢ်ပျၢ်အထံနာ် သက့, တဘၣ်တၢ်နီတမံၤဘၣ်. အဝဲသ့ၣ်ကပာ်အစုလၢပှၤဆူးပှၤဆါတဖၣ်အလိၤ, ဒီးပှၤဆူးပှၤဆါတဖၣ်ကဘျါက့ၤဝဲလီၤ.

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

မၤတၢ် 28:5

ဘၣ်ဆၣ်ဒီးစီၤပီလူးတဆ့လီၤကွံာ်ဂုၢ်သ့ၣ်ဆူမ့ၣ်အူအပူၤ, ဒီးအနီၢ်ကစၢ်ဒၣ်ဝဲတဘၣ်တၢ်နီတမံၤဘၣ်.

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

၁ ပ့းတရူး 3:13

သုမ့ၢ်သးဆူၣ်လၢသုကမၤတၢ်ဂ့ၤဒီး, မ့ၢ်မတၤကမၤအၢသုတဂၤန့ၣ်လဲၣ်.