လံာ်ဒၤနံးယ့လး 3:2 - Sgaw Karen Common Bible

² အန့ၣ်ဝံၤဒီးစီၤပၤဟ့ၣ်လီၤအကလုၢ်လၢကီၢ်ဆၣ်အပဒိၣ်ပပှၢ်တဖၣ်, ကီၢ်စဲၣ်အပဒိၣ်ပပှၢ်တဖၣ်, ပှၤပၢတၢ်တဖၣ်, ပှၤကူၣ်လိာ်တၢ်တဖၣ်, ပှၤပၢၤစ့ဒီးတၢ်စုလီၢ်ခီၣ်ခိၣ်တဖၣ်, စံၣ်ညီၣ်ကွီၢ်တဖၣ်, ပှၤနၢ်ပၢၢ်တၢ်သိၣ်တၢ်သီတဖၣ်ဒီးပဒိၣ်ပပှၢ်အဂၤအိၣ်လၢကီၢ်ဘၤဘူၤ လိၣ်ပူၤခဲလၢာ်ကဟဲပာ်ဖှိၣ်ထီၣ်အသးလၢတၢ်ပာ်စီဆှံတၢ်ဂီၤ လၢစီၤပၤနဘူၤကးန့စၢ်မၢပှၤတ့ထီၣ်ဆီလီၤအီၤအဂီၢ်န့ၣ်လီၤ.

လံာ်ဒၤနံးယ့လး 3:2 Iomraidhean Croise

လံာ်စီၤပၤအခီၣ်ထံးတဘ့ၣ် 12:32

စီၤယၤရၤဘၣ်ဒုးအိၣ်ထီၣ်စ့ၢ်ကီးတၢ်ဘူၣ်တၢ်ဘါအမူးတမူးလၢ လါဃိးလါတလါထီၣ်တဆံယဲၢ်သီတသီအနံၤ, ဒ်မူးလၢကီၢ်ယူဒၤအပူၤအသိးန့ၣ်လီၤ. လၢတၢ်လုၢ်လီၢ်လၢဝ့ၢ်ဘ့ၤသ့လးအဖီခိၣ်န့ၣ်, အဝဲလုၢ်ထီၣ်တၢ်လုၢ်တၢ်ပာ်တဖၣ်ဆူဂီၤဖံးဖါထူတဖၣ်လၢ အဝဲမၤထီၣ်တ့ၢ်ဝဲ, ဒီးဖဲန့ၣ်, လၢဝ့ၢ်ဘ့ၤသ့လးအပူၤန့ၣ်, အဝဲဃုထၢထီၣ်ပှၤလုၢ်တၢ်အခိၣ်တဖၣ်လၢကမၤ တၢ်ဖဲတၢ်ဘူၣ်ထီၣ်ဘါထီၣ်အလီၢ်လၢအဝဲဘှီထီၣ်ဝဲန့ၣ်လီၤ.

တၢ်ကတိၤဒိ. 29:12

ပှၤပၢတၢ်တဂၤမ့ၢ်ကနၣ်ဃုာ်တၢ်ကစီၣ်တတီတလိၤတဖၣ်ဒီး, အပဒိၣ်ပပှၢ်ခဲလၢာ်ကမ့ၢ်ပှၤလီတၢ်တဖၣ်န့ၣ်လီၤ.

လံာ်ဒၤနံးယ့လး 3:27

ဒီးကီၢ်ဆၣ်အပဒိၣ်ပပှၢ်တဖၣ်, ကီၢ်စဲၣ်အပဒိၣ်ပပှၢ်တဖၣ်, ပှၤပၢတၢ်တဖၣ်, ဒီးစီၤပၤအပှၤကူၣ်လိာ်တၢ်အဂၤတဖၣ်ပာ်ဖှိၣ်ထီၣ်အသးလၢအက ကွၢ်ပှၤသၢဂၤလၢမ့ၣ်အူတမၤဆါဘၣ်အီၤဘၣ်န့ၣ်လီၤ. ဒီးထံၣ်ဝဲလၢအခိၣ်သူတကိၢ်ဃိာ်ဘၣ်နီတဘိဘၣ်. အတၢ်ကူတၢ်သိးတဖၣ်မ့ၣ်အူတအီၣ်ကွံာ်ဘၣ်ဒီး မ့ၣ်အူလုၢ်တနၢဘၣ်လၢအလိၤဘၣ်န့ၣ်လီၤ.

လံာ်ဒၤနံးယ့လး 3:3

ဖဲပဒိၣ်ပပှၢ်ခဲလၢာ်ပာ်ဖှိၣ်ထီၣ်တ့ၢ်အသးလၢတၢ်ပာ်စီဆှံအ ဂီၢ်ဒီးဆၢထၢၣ်ဝဲလၢတၢ်ဂီၤအမဲာ်ညါန့ၣ်,

လံာ်တၢ်ဂံၢ် 25:2

ပိာ်မုၣ်တဖၣ်အံၤကွဲဃီၤအဝဲသ့ၣ်တဖၣ်ဆူတၢ်လုၢ်တၢ်ပာ်အမူးတဖၣ် လၢတၢ်လီၢ်ဖဲကီၢ်မိၤအးအကစၢ်ဘၣ်တၢ်ဘူၣ်ထီၣ်ဘါထီၣ်အီၤန့ၣ် လီၤ. ပှၤအံၣ်စရ့လးဖိတဖၣ်အီၣ်တၢ်အီၣ်ဒီးဘါထီၣ်ကစၢ်ဘဧၤလးလၢကီၢ် ပဧိၢ်အပူၤန့ၣ်လီၤ.

လံာ်လီၣ်ဖျါ 17:2

ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်ပှၤစံၣ်ညီၣ်ကွီၢ် 16:23

ဒီးပှၤဖလ့ၡသးဖိအစီၤပၤတဖၣ်ပာ်ဖှိၣ်ထီၣ်အသးဒ်သိးအကလုၢ် ထီၣ်တၢ်လုၢ်ဖးဒိၣ်တမံၤဆူအကစၢ်ဒၤကိၣ်န့ၣ်လီၤ. အဝဲသ့ၣ်သးဝံၣ်ထီၣ်တၢ်စံးဝဲ, “ပကစၢ်ဟ့ၣ်လံပှၤလၢတၢ်မၤနၢၤ ပဒုၣ်ပဒါစီၤၡံၣ်ၡိၣ်လံ.”