လံာ်ဒၤနံးယ့လး 3:17 - Sgaw Karen Common Bible

¹⁷ တၢ်မ့ၢ်မၤအသးဒ်နစံးအသိးဒီး, ပကစၢ်ယွၤလၢပမၤအတၢ် မၤန့ၣ်မၤပူၤဖျဲးပှၤလၢမ့ၣ်အူကဲၤကဖးအဖၣ်ကပူၤသ့ဝဲ, ဒီးကမၤပူၤဖျဲးပှၤလၢနစုပူၤလီၤ.

လံာ်ဒၤနံးယ့လး 3:17 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 18:14

မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

စံးထီၣ်ပတြၢၤ 115:3

ပကစၢ်အိၣ်လၢမူခိၣ်န့ၣ်လီၤ. ဒီးဖဲဒၣ်အသးန့ၣ်မၤဝဲဒၣ်လီၤ.

စံးထီၣ်ပတြၢၤ 37:39

ပှၤတီပှၤလိၤအတၢ်ပူၤဖျဲးန့ၣ်ဟဲလၢယွၤ ဒီးယွၤမ့ၢ်အတၢ်အိၣ်တဒၢအလီၢ် လၢတၢ်မၤကိၢ်မၤဂီၤအကတီၢ်န့ၣ်လီၤ.

စံးထီၣ်ပတြၢၤ 37:40

ယွၤမၤစၢၤအဝဲသ့ၣ်ဒီးမၤပူၤဖျဲးအဝဲသ့ၣ်လီၤ. ယွၤမၤပူၤဖျဲးအဝဲသ့ၣ်လၢပှၤအၢပှၤသီအစုပူၤ, အဂ့ၢ်မ့ၢ်လၢအဝဲသ့ၣ်ဟံးန့ၢ်တၢ်အိၣ်တဒၢအလီၢ် လၢအပူၤအဃိန့ၣ်လီၤ.

စံးထီၣ်ပတြၢၤ 73:20

အဝဲသ့ၣ်လီၤဂာ်ဒ်တၢ်မံမီၢ်လၢအလဲၤပူၤကွံာ် လၢမုၢ်ဂီၤအသိးန့ၣ်လီၤ. ကစၢ်ယွၤဧၢ, တုၤနထိၣ်ဂဲၤထီၣ်နသးန့ၣ်ဒီး အဝဲသ့ၣ်ဟါမၢ်ကွံာ်ဝဲဒၣ်န့ၣ်လီၤ.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယၡါယၤ 54:14

တၢ်စံၣ်ညီၣ်တီဒီးတၢ်အလိၤအဘၣ် ကဒုးဆူၣ်ထီၣ်နၤလီၤ. နကပူၤဖျဲးလၢတၢ်မၤအၢမၤနးဒီးတၢ်လီၤပျံၤလီၤဖုးလီၤ.

လံာ်ယံးရမံယၤ 1:8

ပျံၤအဝဲသ့ၣ်တဂ့ၤ. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ် အိၣ်ပှိၤနၤအဂီၢ်လီၤ. ယၤ, ယွၤအံၤ, ကတိၤတ့ၢ်လံတၢ်လံ.”

လံာ်ယံးရမံယၤ 15:20

ယကဒုးကဲထီၣ်နၤဒ်တၢ်အဒူၣ်တိၢ်ဘီနီၢ်နီၢ်လၢအကျၢၤတခါလၢ ပှၤဂီၢ်မုၢ်အံၤအမဲာ်ညါန့ၣ်လီၤ. အဝဲသ့ၣ်ကဒုးတၢ်ထီဒါနၤ, ဘၣ်ဆၣ်ဒီးအဝဲသ့ၣ်တမၤနၢၤဘၣ်နၤဘၣ်. ယကအိၣ်ဒီးနၤလၢ တၢ်ဒီဒၣ်အိၣ်ပှိၤနၤအဂီၢ်ဒီးမၤပူၤမၤဖျဲးနၤန့ၣ်လီၤ.

လံာ်ယံးရမံယၤ 15:21

ယကမၤပူၤမၤဖျဲးနၤလၢပှၤတတီတလိၤဒီးပှၤမၤတၢ်လၢတၢ်စုဆူၣ် ခီၣ်တကးတဖၣ်အတၢ်စိတၢ်ကမီၤအပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဒၤနံးယ့လး 3:26

မၤသးဒ်န့ၣ်ဒီးစီၤပၤနဘူၤကးန့စၢ်လဲၤဘူးထီၣ်ဆူမ့ၣ်အူကဲၤကဖး အဖၣ်ကပူၤအတြဲၤဒီးကိးစိဃီၤဝဲ, “စီၤၡၤဒရး, စီၤမ့ၤၡး, စီၤဧဘ့ၤဒနကိၤ, တၢ်ထီကတၢၢ်ကစၢ်ယွၤအခ့အပှၤသ့ၣ်ဧၢ, ဟဲက့ၤထီၣ်တက့ၢ်.” ဒီးအဝဲသ့ၣ်ဟဲက့ၤထီၣ်ဝဲတကီၢ်ခါလီၤ.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်ဒၤနံးယ့လး 6:16

လၢတၢ်န့ၣ်အဃိ, စီၤပၤဟ့ၣ်လီၤအကလုၢ်ဒ်သိးစီၤဒၤနံးယ့လး ကဘၣ်တၢ်လဲၤစိာ်ဒီးတ့ၢ်လီၤကွံာ်အီၤဆူခ့ယုၢ်တဖၣ်အတဝၢပူၤ န့ၣ်လီၤ. အဝဲစံးဘၣ်စီၤဒၤနံးယ့လး, “မ်နကစၢ်ယွၤလၢနမၤ အတၢ်မၤလၢတၢ်သူၣ်တီသးရၤအပူၤန့ၣ်အုၣ်က့ၤခီၣ်က့ၤနၤတက့ၢ်.”

လံာ်ဒၤနံးယ့လး 6:23

စီၤပၤအသးခုဒိၣ်ဒိၣ်ကလဲာ်ဒီးမၤလိာ်တ့ၢ်ဝဲလၢပှၤကထုးထီၣ် က့ၤစီၤဒၤနံးယ့လးလၢခ့ယုၢ်အတဝၢအပူၤန့ၣ်လီၤ. မၤသးဒ်န့ၣ်ဒီး, အဝဲသ့ၣ်ထုးထီၣ်က့ၤအီၤဒီးထံၣ်ဘၣ်ဝဲလၢ အတဘၣ်ဒိဘၣ်ထံးဘၣ်နီတမံၤဘၣ်လၢအတၢ်စူၢ်တၢ်နာ်ကစၢ် ယွၤအဃိန့ၣ်လီၤ.

လံာ်ဒၤနံးယ့လး 6:27

အဝဲအုၣ်က့ၤခီၣ်က့ၤတၢ်ဒီးမၤပူၤဖျဲးတၢ်, အဝဲမၤတၢ်ပနီၣ်လီၤလးဒီးတၢ်လီၤလိၢ်လီၤလး တဖၣ်လၢမူခိၣ်ဒီးလၢဟီၣ်ခိၣ်လီၤ. အဝဲအုၣ်က့ၤခီၣ်က့ၤတ့ၢ်စီၤဒၤနံးယ့လးလၢခ့ယုၢ်တဖၣ်အ တၢ်မၤသံမၤဝီအီၤန့ၣ်လီၤ.”

လံာ်မံကၤ 7:7

မ့မ့ၢ်ယဲဒၣ်အံၤယကအိၣ်ခိးကွၢ်လၢ်ယွၤ, ယကအိၣ်ခိးကစၢ်ယွၤလၢ အကအုၣ်က့ၤခီၣ်က့ၤယၤလၢတၢ်သူၣ်ဂၢၢ်သးကျၢၤအပူၤလီၤ. ယကစၢ်ယွၤကနၢ်ဟူယကလုၢ်လီၤ.

လံာ်လူၤကၣ် 1:37

အဂ့ၢ်ဒ်အံၤတၢ်လၢကစၢ်ယွၤမၤတသ့န့ၣ်တအိၣ်နီတမံၤဘၣ်.”

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 21:13

ဘၣ်ဆၣ်ဒီးအဝဲဒၣ်စံးဆၢဝဲ, “သုဟီၣ်သုယၢၤဒ်သိးအံၤဒီးမၤသဘှံးယသးဘၣ်မနုၤ အဃိလဲၣ်. ယအိၣ်ကတဲာ်ကတီၤယသးတမ့ၢ်ထဲလၢယကဘၣ် တၢ်စၢဃာ်ယၤဖဲဝ့ၢ်ယရူၤၡလ့ၣ်န့ၣ်ဘၣ်. မ့မ့ၢ်လၢယကသံဖဲန့ၣ်လၢကစၢ်ယ့ၣ်ၡူးအဂီၢ်ဒၣ်လဲာ်န့ၣ်လီၤ.”

ရိမ့ၤ 8:31

လၢတၢ်အံၤအဃိ, ပစံးမနုၤကသ့လဲၣ်. ကစၢ်ယွၤမ့ၢ်အိၣ် လၢပဂီၢ်ဒီး, မ့ၢ်မတၤကထီဒါပှၤတဂၤလဲၣ်.

၂ ကရံၣ်သူး 1:10

အဝဲဒၣ်အုၣ်က့ၤခီၣ်က့ၤတ့ၢ်ပှၤလၢတၢ်လီၤပျံၤလီၤဖုးဖး ဒိၣ်တဖၣ်လၢအဘၣ်ဃးဒီးတၢ်သံ, ဒီးကအုၣ်က့ၤခီၣ်က့ၤပှၤ, ဒီးပပာ်လီၤတ့ၢ်ပတၢ်မုၢ်လၢ်လၢအဝဲဒၣ်အပူၤလၢအဝဲဒၣ် ကအုၣ်က့ၤခီၣ်က့ၤကဒီးပှၤ,

ဧ့ၤဘြံၤ 7:25

လၢတၢ်န့ၣ်အဃိ, အဝဲအုၣ်က့ၤခီၣ်က့ၤပှၤလၢအဟဲဆူ ကစၢ်ယွၤအအိၣ်ခီဖျိအီၤတဖၣ်န့ၣ်သ့ဝဲထီဘိဒ်အဝဲမူဝဲ လီၤစိၤလီၤထီလၢအကဃ့န့ၢ်တၢ်လၢအဝဲသ့ၣ်အဂီၢ်အသိး န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:37

ယွၤအုၣ်က့ၤခီၣ်က့ၤတ့ၢ်ယၤလၢခ့ယုၢ်တဖၣ်ဒီးတၤသူတဖၣ်သတးဒီး အဝဲကအုၣ်က့ၤခီၣ်က့ၤယၤလၢပှၤဖလ့ၡသးဖိတဂၤအံၤအစုပူၤ န့ၣ်လီၤ. စီၤစီလူးစံးဝဲဒၣ်, “ဂ့ၤလံ, လဲၤဒီးမ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 17:46

တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.