လံာ်ဒၤနံးယ့လး 3:1 - Sgaw Karen Common Bible

¹ စီၤပၤနဘူၤကးန့စၢ်မၤလိာ်ဝဲလၢတၢ်ဂီၤထူအထီအိၣ်အပျၢ်ဃုဆံ, အဒီၣ်တူာ်အိၣ်ဃုပျၢ်တဒုကဘၣ်တၢ်တ့ထီၣ်ဒီးဆီလီၤအီၤဖဲ ဝ့ၢ်ဒူရၤအတၢ်ပၢၤခိၣ်တတီၤလၢကီၢ်ဘၤဘူၤလိၣ်အပူၤန့ၣ်လီၤ.

လံာ်ဒၤနံးယ့လး 3:1 Iomraidhean Croise

လံာ်စီၤပၤအခီၣ်ထံးတဘ့ၣ် 12:28

ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ ပတူးအပူၤန့ၣ်လီၤ.”

လံာ်နီၢ်အ့ၤစတၢ် 1:1

တၢ်အံၤမ့ၢ်တၢ်မၤအသးဖဲမုၢ်နံၤမုၢ်သီတဖၣ် လၢစီၤပၤအဃၤၡဝ့ရိၣ်ပၢတၢ်လၢကီၢ်ပၤရၣ်အဝ့ၢ်ခိၣ်ဝ့ၢ်ၡူၡၣ် န့ၣ်လီၤ. အဝဲပၢဘၣ်ကီၢ်ဖိတကယၤခံဆံနွံဘ့ၣ်, စးထီၣ် လၢကီၢ်ဟံၣ်ဒူၤတုၤလၢကီၢ်ကူၤၡးန့ၣ်လီၤ.

စံးထီၣ်ပတြၢၤ 135:15

ပှၤကလုာ်တဖၣ်အတၢ်ဂီၤတၢ်ဖီၣ်န့ၣ်မ့ၢ်ကျိၣ်ဧိၤစ့ဧိၤ, ဒီးထူဧိၤလွဲဧိၤလၢပှၤကညီမၤအီၤ လၢအစုန့ၣ်လီၤ.

လံာ်တၢ်ဟးထီၣ်ကွံာ် 20:23

လၢယၤအမဲာ်ညါန့ၣ်, မၤထီၣ်ကစၢ်စ့တဖၣ်မ့ၢ်ဂ့ၤ, ကစၢ်ထူတဖၣ်မ့ၢ်ဂ့ၤလၢသုဂီၢ်ဒ်သိးသုကဘူၣ်ထီၣ်ဘါထီၣ်အီၤတဂ့ၤ.

လံာ်တၢ်ဟးထီၣ်ကွံာ် 32:31

အန့ၣ်ဝံၤဒီးစီၤမိၤၡ့က့ၤကဒါက့ၤဆူယွၤအအိၣ်ဒီးစံး, “ပှၤဂီၢ်မုၢ်အံၤမၤတ့ၢ်တၢ်ဒဲးဘးအၢအၢသီသီလီၤ. အဝဲသ့ၣ်မၤအိၣ်ထီၣ်ကစၢ်တဂၤလၢထူဒီးဘါထီၣ်ဝဲလီၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 30:22

သုကဟံးန့ၢ်သုတၢ်ဂီၤတၢ်ဖီၣ်တဖၣ်လၢတၢ်ပီၤအီၤလၢစ့ကဘျၣ်, ဒီးသုတၢ်ဂီၤတၢ်ဖီၣ်တဖၣ်လၢအဘၣ်တၢ်ကးဘၢအီၤလၢထူ, ဒီးသုကဆူးကွံာ်အီၤဒ်တၢ်လီၤသးဘၣ်အၢအသိးဒီးစံး, “ဟးထီၣ်ကွံာ်လၢယမဲာ်ညါတက့ၢ်,” န့ၣ်လီၤ.

လံာ်ယၡါယၤ 46:6

ပှၤဂီၢ်မုၢ်အိးထီၣ်အကျိၣ်ဧိၤစ့ဧိၤအထၢၣ်တဖၣ်ဒီး ဂၢ်လီၤထူလီၤ. အဝဲသ့ၣ်စီၤစ့လၢစီၤပီၢ်အပူၤလီၤ. အဝဲသ့ၣ်ဒိးလဲပှၤပိာ်ထူတဂၤလၢကတ့ထီၣ်ကစၢ်တဂၤ, ဝံၤဒီးအဝဲသ့ၣ်တီၤလီၤကဒွံကျိာ်ဒီး ဘူၣ်ထီၣ်ဘါထီၣ်အီၤလီၤ.

လံာ်ယံးရမံယၤ 10:9

အဝဲသ့ၣ်အတၢ်ဂီၤတၢ်ဖီၣ်ဘၣ်တၢ်ကးဘၢအီၤလၢစ့လၢအဟဲလၢ ကီၢ်စပၤနံ ဒီးထူလၢအဟဲလၢအူဖစးလၢအမ့ၢ်ပှၤသိတၢ်ဖိ တဖၣ်အတၢ်မၤန့ၣ်လီၤ. အဝဲသ့ၣ်ဘၣ်တၢ်ဒုးကူဒုးသိးအီၤလၢတၢ်လါ ဒီးတၢ်လုးတကုာ် လၢပှၤထါတၢ်အသ့အဘၣ်တဖၣ်ထါဝဲန့ၣ်လီၤ.

လံာ်ယံးရမံယၤ 16:20

ပှၤကညီတဂၤမၤကဲထီၣ်ကစၢ်တဖၣ်လၢအဂီၢ်ဒၣ်ဝဲကသ့ဧါ. အဝဲမ့ၢ်မၤတ့ၢ်ဒ်န့ၣ်ဒီး, တၢ်သ့ၣ်တဖၣ်န့ၣ်မ့ၢ်ကစၢ်နီၢ်နီၢ် တဖၣ်တသ့ဝဲဘၣ်.”

လံာ်ဒၤနံးယ့လး 2:48

အန့ၣ်ဝံၤဒီးစီၤပၤဟ့ၣ်လီၤစီၤဒၤနံးယ့လးလၢတၢ်လၤကပီၤဖး ဒိၣ်ဒီးခိၣ်ဖးအါအါကလဲာ်, ဒီးဒုးကဲထီၣ်အီၤလၢကီၢ်ဘၤဘူၤ လိၣ်ဒီကီၢ်ညါအကိတိာ်ခိၣ်ကျၢၢ်ဒီးပှၤအခိၣ်အဒိၣ်ကတၢၢ်လၢ စီၤပၤအပှၤဟ့ၣ်ကူၣ်တၢ်ခဲလၢာ်အဖီခိၣ်န့ၣ်လီၤ.

လံာ်ဒၤနံးယ့လး 2:49

စီၤဒၤနံးယ့လးဃ့တၢ်လၢစီၤပၤဒီးစီၤပၤပာ်လီၤစီၤၡဒရး, စီၤမ့ၤၡး, ဒီးစီၤဧဘ့ၤဒနကိၤဒ်ကိတိာ်တဖၣ်လၢကီၢ်ဘၤဘူၤလိၣ်အပူၤလီၤ. မ့မ့ၢ်စီၤဒၤနံးယ့လးဆ့ၣ်နီၤဝဲဒ်ကိတိာ်ခိၣ်ကျၢၢ်အသိးလၢစီၤပၤ အနီပူၤန့ၣ်လီၤ.

လံာ်ဒၤနံးယ့လး 3:14

ဒီးစီၤပၤနဘူၤကးန့စၢ်စံးဘၣ်အဝဲသ့ၣ်, “စီၤၡၤဒရး, စီၤမ့ၤၡး, စီၤဧဘ့ၤဒနကိၤသ့ၣ်ဧၢ, သုဂ့ၢ်လိာ်တၢ်ဘူၣ်ထီၣ်ဘါထီၣ်ယကစၢ် ဒီးတချံးခီၣ်တီၤလီၤဘၣ်ဆူတၢ်ဂီၤထူ လၢယတ့ထီၣ်ဆီလီၤအီၤန့ၣ်မ့ၢ်သပှၢ်တၢၢ်ဧါ.

လံာ်ဒၤနံးယ့လး 3:30

အန့ၣ်ဝံၤဒီးစီၤပၤသုးထီထီၣ်စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤဆူလီၢ် လၤထီန့ၢ်ဒံးအလီၢ်လၤအိၣ်ပာ်စၢၤန့ၣ်လၢကီၢ်ဘၤဘူၤလိၣ်အပူၤန့ၣ်လီၤ.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်ဒၤနံးယ့လး 5:4

အဝဲသ့ၣ်အီစပံးထံဒီးစံးထီၣ်ပတြၢၤကစၢ်တဖၣ်လၢဘၣ်တၢ်မၤ အီၤလၢထူ, စ့, တိၢ်ဘီ, ထး, သ့ၣ်, ဒီးလၢၢ်တဖၣ်န့ၣ်လီၤ.

လံာ်ဟိၤၡ့ 2:8

အဝဲတအၢၣ်လီၤသ့ၣ်ညါဝဲနီတစုလၢယမ့ၢ်ပှၤတဂၤ လၢအဟ့ၣ်တ့ၢ်အီၤဘုဧိၤဟုဧိၤ, စပံးထံ, သိဧိၤချါဧိၤဒီး ကယဲၢ်စ့ဒီးထူလၢအသူတ့ၢ်ဝဲလၢတၢ်သူၣ်ထီၣ်ဘါထီၣ်ဘၤဧလး အပူၤန့ၣ်ဘၣ်.

လံာ်ဟိၤၡ့ 8:4

ယပှၤဂီၢ်မုၢ်ဃုထၢတ့ၢ်စီၤပၤတဖၣ်ဘၣ်ဆၣ်အဝဲသ့ၣ်မၤဝဲဒ်အသးဒၣ်ဝဲလီၤ. အဝဲသ့ၣ်ဃုထၢပာ်ပှၤအခိၣ်တဖၣ်ဘၣ်ဆၣ်တအိၣ်ဒီးယတၢ်ဘၣ်ယသးဘၣ်. အဝဲသ့ၣ်ဟံးထီၣ်အစ့ဒီးအထူဒီးဘှီထီၣ်တၢ်ဂီၤတဖၣ်လၢအတၢ်ဟး ဂီၤဒၣ်ဝဲအဂီၢ်န့ၣ်လီၤ.

လံာ်ဃဘးကူာ် 2:19

ပှၤလၢအစံးဘၣ်သ့ၣ်တကူာ်, “ဖုးသံနီၣ်ထီၣ်တက့ၢ်,” မ့တမ့ၢ်လၢၢ်တလိၣ်, “ဂဲၤထၢၣ်တက့ၢ်,” န့ၣ်, ကဘၣ်တၢ်စံၣ်ညီၣ်ဃါမနၤလီၤ. တၢ်ဂီၤတၢ်ဖီၣ်တခါလီၣ်ဖျါ န့ၢ်သုတၢ်တမံၤမံၤကသ့ဧါ. ကဘၣ်တၢ်ပီၤအီၤလၢစ့ဒီးထူ, ဘၣ်ဆၣ်တၢ်မူတအိၣ်ဘၣ်လၢအပူၤဘၣ်.

မၤတၢ် 17:29

ဒ်ပမ့ၢ်ကစၢ်ယွၤအဖိတဖၣ်အသိး, ပတကြၢးဆိကမိၣ်လၢယွၤမ့ၢ်တၢ်လၢအလီၤဂာ်ဒီးထူ, စ့, မ့တမ့ၢ်လၢၢ်လၢအဘၣ်တၢ်စိးပျၤဒီးဒုးအိၣ်ထီၣ်အက့ၢ် အဂီၤခီဖျိပှၤကညီအတၢ်သ့တၢ်ဘၣ်န့ၣ်ဘၣ်.

မၤတၢ် 19:26

သုကထံၣ်ဘၣ်ဒီးနၢ်ဟူဘၣ်လၢသုနီၢ်ကစၢ်ဒၣ်သုဝဲတၢ်လၢ စီၤပီလူးမၤဝဲန့ၣ်လီၤ. အဝဲဒၣ်စံးလၢယွၤတဖၣ်လၢပှၤကညီဘှီလၢအစုန့ၣ်, တမ့ၢ်ယွၤနီၢ်နီၢ်ဘၣ်. ဒီးပှၤအါဒံအါဂၤဖဲအံၤလၢဝ့ၢ်အ့းဖ့းစူးဒီး လၢကီၢ်အၤစံဒီဘ့ၣ်ဃၣ်ဃၣ်အပူၤစ့ၢ်ကီးနာ်အဝဲအတၢ်ကတိၤလံ.

လံာ်သိၣ်လီၤသီလီၤတၢ် 7:25

ဒွဲၣ်အူကွံာ်တၢ်ဂီၤတၢ်ဖီၣ်တဖၣ်တက့ၢ်. သးကွံထူမ့ၢ်ဂ့ၤ, စ့မ့ၢ်ဂ့ၤလၢအအိၣ်လၢအဝဲသ့ၣ်အလိၤန့ၣ်တဂ့ၤ, ဒီးဟံးန့ၢ်အီၤလၢသုဂီၢ်တဂ့ၤ. သုမ့ၢ်မၤဒီးတၢ်န့ၣ်မ့ၢ် တၢ်လၢအမၤသံသုသ့န့ၣ်လီၤ. အဂ့ၢ်ဒ်အံၤယွၤသးဟ့တၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.