လံာ်ဒၤနံးယ့လး 2:7 - Sgaw Karen Common Bible

⁷ အဝဲသ့ၣ်စံးဆၢကဒီးစီၤပၤ, “စီၤပၤမ့ၢ်တဲဘၣ်ပှၤထဲတၢ်မံ မီၢ်ဧိၤန့ၣ်, ပကဖးဖျါထီၣ်အခီပညီန့ၣ်လီၤ.”

လံာ်ဒၤနံးယ့လး 2:7 Iomraidhean Croise

လံာ်ပှၤစံၣ်တဲၤတဲလီၤတၢ် 10:4

ပှၤပၢနၤတဂၤမ့ၢ်သးဒိၣ်ဘၣ်နၤဒီး, ဟးထီၣ်လၢနလီၢ်တဂ့ၤ. နမ့ၢ်ပာ်နသးခုၣ်ခုၣ်မုာ်မုာ်ဒီးတၢ်ကမၣ်လၢအဒိၣ်အမုၢ်တဖၣ်ဘၣ် တၢ်ပျၢ်ဖျဲးအီၤကသ့န့ၣ်လီၤ.

လံာ်ဒၤနံးယ့လး 2:4

ဒီးအဝဲသ့ၣ်စံးဆၢက့ၤစီၤပၤလၢပှၤအၤရၣ်ဖိအကျိာ်, “မ်စီၤပၤမူဝဲလီၤထူလီၤယိာ်တက့ၢ်. စံးဘၣ်ပှၤလၢနတၢ်မံ မီၢ်တက့ၢ်. ဒီးပကဖးဖျါထီၣ်အခီပညီလၢနဂီၢ်လီၤ.”

လံာ်ဒၤနံးယ့လး 2:8

အန့ၣ်ဒီးစီၤပၤစံးဝဲ, “ယသ့ၣ်ညါသပှၢ်ကတၢၢ်လၢသုဂုာ်ကျဲး စၢးသုးနံၤသုးသီလီၤ. အဂ့ၢ်ဒ်အံၤ, သုသ့ၣ်ညါလၢယတၢ်ကတိၤမ့ၢ်တၢ်ဂၢၢ်တၢ်ကျၢၤလီၤ.

လံာ်ဒၤနံးယ့လး 2:9

သုမ့ၢ်တတဲယၤလၢယတၢ်မံမီၢ်ဘၣ်ဒီးတၢ်စံၣ်ညီၣ်တမံၤဃီ အိၣ်လၢသုဂီၢ်န့ၣ်လီၤ. သုအိၣ်ဒီးတၢ်သးဃူဃီၣ်လီၤပလိာ်လၢသုကျါ ဒ်သိးသုကလီန့ၢ်ယၤတဘျီဝံၤတဘျီလီၤ. အဂ့ၢ်ဒ်အံၤ, သုမုၢ် လၢ်လၢအကတီၢ်ကအိၣ်ဝဲလၢတၢ်ဂ့ၢ်တဖၣ်ကဆီတလဲအသး န့ၣ်လီၤ. တဲယၤလၢတၢ်မံမီၢ်မ့ၢ်မနုၤလဲၣ်န့ၣ်တက့ၢ်. အန့ၣ်ဒီးယကသ့ၣ်ညါလၢသုဖးအခီပညီသ့စ့ၢ်ကီးလီၤ.”

လံာ်ဒၤနံးယ့လး 4:7

တုၤနုၤတစု, ပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူပယၢ် တၢ်ဒီးပှၤဖးဆၣ်ဧိၤဖီဧိၤအဂ့ၢ်တဖၣ်ဟဲဝဲဒီးယစံးဘၣ်တဲ ဘၣ်အဝဲသ့ၣ်လၢယတၢ်မံမီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်ဖးဖျါထီၣ်န့ၢ် ယၤလၢယတၢ်မံမီၢ်အခီပညီတန့ၢ်ဘၣ်.