လံာ်ဒၤနံးယ့လး 2:47 - Sgaw Karen Common Bible

⁴⁷ စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 2:47 Iomraidhean Croise

လံာ်တၢ်ကဲထီၣ်အခီၣ်ထံး 41:39

စီၤပၤစံးဘၣ်စီၤယိၤသး, “ကစၢ်ယွၤဒုးနဲၣ်တ့ၢ်နၤကယဲၢ်တၢ် အံၤခဲလၢာ်, သတးဒီးအိၣ်ဖျါလၢနအိၣ်ဒီးတၢ်ကူၣ်သ့ဒီးတၢ်ထံၣ်လၢသးဒိၣ် န့ၢ်အါန့ၢ်ဒံးပှၤအဂၤတဂၤလၢ်လၢ်တက့ၢ်လီၤ.

လံာ်စီၤပၤခံဘ့ၣ်တဘ့ၣ် 5:15

အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”

လံာ်စီၤယိၤဘး 12:19

အဝဲဆီၣ်လီၤပှၤလုၢ်တၢ်အခိၣ်တဖၣ်ဒီးပှၤလၢအအိၣ်ဒီးတၢ် စိတၢ်ကမီၤသ့ၣ်တဖၣ်န့ၣ်လီၤ.

စံးထီၣ်ပတြၢၤ 136:2

စံးထီၣ်ပတြၢၤကစၢ်တဖၣ်အကစၢ်အဒိၣ်ကတၢၢ်တဂၤတက့ၢ်. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 136:3

စံးထီၣ်ပတြၢၤယွၤတဖၣ်အယွၤလၢအဂံၢ်ဆူၣ်ဘါဆူၣ် ကတၢၢ်တဂၤတက့ၢ်. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 72:11

မ်စီၤပၤခဲလၢာ်ကဘါထီၣ်အီၤ ဒီးပှၤကလုာ်ခဲလၢာ်ကမၤအတၢ်တက့ၢ်.

စံးထီၣ်ပတြၢၤ 82:1

ကစၢ်ယွၤတီခိၣ်ရိမဲလၢ မူခိၣ်အတၢ်အိၣ်ဖှိၣ်အကီၣ်ကးအပူၤ, ဒီးလၢကစၢ်တဖၣ်အတၢ်အိၣ်ဖှိၣ်အပူၤန့ၣ် အဝဲစံၣ်ညီၣ်တၢ်လီၤ.

စံးထီၣ်ပတြၢၤ 96:4

အဂ့ၢ်ဒ်အံၤ, ယွၤန့ၣ်ဒိၣ်ဝဲ ဒီးကဘၣ်တၢ်စံးထီၣ်ပတြၢၤအီၤဒိၣ်ဒိၣ်အါအါန့ၣ်လီၤ. အဝဲကဘၣ်တၢ်ပျံၤအီၤဒိၣ်န့ၢ်ဒံး ကစၢ်ခဲလၢာ်တက့ၢ်န့ၣ်လီၤ.

လံာ်ယဃ့းစက့လး 26:7

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၢလီၤစီၤပၤ အဒိၣ်ကတၢၢ်လၢစီၤပၤခဲလၢာ်အကျါ, လၢအမ့ၢ်ကီၢ်ဘၤဘူၤလိၣ် အစီၤပၤနဘူၤကးန့စၢ်လၢအကဟဲဒုးဝ့ၢ်ထါယၢၣ်အဂီၢ်န့ၣ်လီၤ. အဝဲကဟဲဝဲလၢကလံၤစိးတခီ, အိၣ်ဒီးအသုးမုၢ်ဖးဒိၣ်တဖု, အိၣ်ဒီးကသ့ၣ်တဖၣ်, လ့ၣ်ကဟၣ်တဖၣ်ဒီးပှၤဒိးကသ့ၣ်သုးဖိ တဖၣ်န့ၣ်လီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 2:19

ဒီးလၢမုၢ်တနၤဃီအပူၤန့ၣ်တၢ်ခူသူၣ်အဒိၣ်အယိာ်ဘၣ်တၢ်လီၣ် ဖျါထီၣ်တ့ၢ်အီၤဆူစီၤဒၤနံးယ့လးအအိၣ်လၢတၢ်ထံၣ်လၢညါ ခီအပူၤန့ၣ်လီၤ. ဒီးစီၤဒၤနံးယ့လးစံးထီၣ်ပတြၢၤတ့ၢ်ကစၢ် ယွၤလၢမူခိၣ်န့ၣ်လီၤ.

လံာ်ဒၤနံးယ့လး 2:22

အဝဲမၤဖျါထီၣ်တၢ်အယိာ်ဒီးတၢ်ခူသူၣ်အဒိၣ်အယိာ်တဖၣ်လီၤ. သ့ၣ်ညါဝဲတၢ်မနုၤအိၣ်လၢတၢ်ခံးတၢ်နၤအပူၤ, ဒီးအဝဲအနီၢ်ကစၢ်ဒၣ်ဝဲန့ၣ်ဘၣ်တၢ်ကဝီၤဃာ်အီၤလၢတၢ်ကပီၤလီၤ.

လံာ်ဒၤနံးယ့လး 2:28

ဘၣ်ဆၣ်ဒီးကစၢ်ယွၤလၢအမၤဖျါထီၣ်အတၢ်ခူသူၣ်အဒိၣ်အ ယိာ်အိၣ်ဝဲဒၣ်လၢမူခိၣ်တဂၤလီၤ. အဝဲလီၣ်ဖျါထီၣ်တ့ၢ်တၢ်ကမၤအ သးလၢမုၢ်နံၤလၢခံတဖၣ်အဂ့ၢ်န့ၣ်ဆူနၤ, စီၤပၤနဘူၤကးန့စၢ်အအိၣ်န့ၣ်လီၤ. ခဲကနံၣ်အံၤယကတဲဘၣ်နၤတၢ်မံမီၢ်ဒီးတၢ်ထံၣ်လၢညါခီလၢ နထံၣ်ဘၣ်တ့ၢ်ဖဲနမံသပ့ၤဘၣ်နသးအခါန့ၣ်လီၤ.

လံာ်ဒၤနံးယ့လး 2:29

နဲဒၣ်စီၤပၤဧၢ, အခါဖဲနမံလီၤလၢနလီၢ်မံဖီခိၣ်ဒီးတၢ်ဆိကမိၣ် တဖၣ်ဟဲပၢၢ်ထီၣ်လၢခါဆူညါတၢ်ကမၤအသးဒ်လဲၣ်အဂ့ၢ် န့ၣ်လီၤ. ဒီးကစၢ်ယွၤလၢအလီၣ်ဖျါထီၣ်တၢ်ခူသူၣ်အဒိၣ် အယိာ်တဖၣ်န့ၣ်ဒုးသ့ၣ်ညါနၤလၢတၢ်ကမၤအသးတဖၣ်န့ၣ်လီၤ.

လံာ်ဒၤနံးယ့လး 2:30

ခဲအံၤ, တၢ်ခူသူၣ်အဒိၣ်အယိာ်အံၤန့ၣ်ဘၣ်တၢ်လီၣ်ဖျါထီၣ် န့ၢ်တ့ၢ်ဆူယအိၣ်လီၤ. တမ့ၢ်ဘၣ်လၢယကူၣ်တၢ်သ့ဒိၣ်န့ၢ် ပှၤအဂၤအဃိဘၣ်. မ့မ့ၢ်ဒ်သိး, နဲဒၣ်စီၤပၤကမၤလိနတၢ်မံ မီၢ်အခီပညီ, ဒီးနၢ်ပၢၢ်တၢ်ဆိကမိၣ်တဖၣ်လၢအဟဲပၢၢ်ထီၣ် လၢနသးပူၤန့ၣ်လီၤ.

လံာ်ဒၤနံးယ့လး 2:37

နဲဒၣ်, စီၤပၤဧၢ, နမ့ၢ်စီၤပၤအဒိၣ်ကတၢၢ်လၢကယဲၢ်စီၤပၤတဖၣ်အကျါလီၤ. ကစၢ်ယွၤလၢမူခိၣ်ဒုးပၢနၤလၢဘီမုၢ်အါဘ့ၣ်ဒီးဟ့ၣ်လီၤတ့ၢ်နၤလၢ, တၢ်စိတၢ်ကမီၤ, တၢ်ဂံၢ်ဆူၣ်ဘါဆူၣ်ဒီးတၢ်လၤကပီၤန့ၣ်လီၤ.

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ဒၤနံးယ့လး 3:28

စီၤပၤနဘူၤကးန့စၢ်စံးဝဲဒၣ်, “စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤမ် အဘၣ်တၢ်စံးထီၣ်ပတြၢၤအီၤတက့ၢ်. ဆှၢလီၤဝဲအကလူးဒ်သိးကအုၣ် က့ၤခီၣ်က့ၤပှၤလၢအမၤအတၢ်မၤဒီးစူၢ်အီၤနာ်အီၤတဖၣ်အံၤန့ၣ်လီၤ. အဝဲသ့ၣ်တကနၣ်ဘၣ်ယကလုၢ်ဘၣ်ဒီးညိကွံာ်အသးသမူဒူဝဲအါ န့ၢ်ဒံးအကချံးခီၣ်တီၤလီၤဘူၣ်ထီၣ်ဘါထီၣ်ကစၢ်တဂၤဂၤလၢ အတမ့ၢ်ဘၣ်အကစၢ်ယွၤဘၣ်န့ၣ်လီၤ.

လံာ်ဒၤနံးယ့လး 3:29

ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”

လံာ်ဒၤနံးယ့လး 4:17

တၢ်စံၣ်ညီၣ်အံၤဘၣ်တၢ်ပာ်လီၤအီၤလၢကလူးလၢအသူၣ်ပ့ၢ်သး ဆှါဒီးမဲာ်စီၣ်နါစီၣ်တဖၣ်န့ၣ်လီၤ. မၤသးဒ်န့ၣ်ဒီး, တုၤလၢတၢ် အကတၢၢ်တစုန့ၣ်မ်ပှၤအမူတဖၣ်ကသ့ၣ်ညါဝဲလၢတၢ်ထီ ကတၢၢ်ကစၢ်ယွၤတဂၤအိၣ်ဒီးတၢ်စိတၢ်ကမီၤ လၢကပၢတၢ်လၢပှၤကညီအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲဆူ ပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသးဒၣ်ဝဲအသိးသ့, တုၤဒၣ်လဲာ်ဆူပှၤအသးစူၤဒီးဆီၣ်လီၤအသးနးကတၢၢ်န့ၣ်တက့ၢ်.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်ဒၤနံးယ့လး 5:11

ပှၤအိၣ်ဝဲဒၣ်တဂၤလၢနဘီနမုၢ်အပူၤလၢကစၢ်ယွၤလၢအစီဆှံ တဂၤအသးအိၣ်လၢအပူၤန့ၣ်လီၤ. လၢနပၢ်အမုၢ်နံၤတဖၣ်အက တီၢ်န့ၣ်ဘၣ်တၢ်ထံၣ်န့ၢ်အီၤလၢတၢ်ကူၣ်တၢ်ဆးအဂ့ၤ, တၢ်သ့ၣ်ညါဒီးတၢ်ကူၣ်သ့ဒ်ကစၢ်တဖၣ်အတၢ်ကူၣ်သ့အသိးန့ၣ် အိၣ်လၢအပူၤလီၤ. ဒီးနပၢ်, စီၤပၤနဘူၤကးန့စၢ်ဒုးကဲထီၣ် အီၤလၢပှၤဖးတၢ်ဟဲဝံဟဲစိာ်, ပှၤမၤကဒါမဲာ်, ပှၤသ့သမူ ပယၢ်တၢ်, ဒီးပှၤဖးဆၣ်ဧိၤဖီဧိၤအဂ့ၢ်တဖၣ်, အခိၣ်အဒိၣ်က တၢၢ်န့ၣ်လီၤ.

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

1 ကရံၣ်သူး 14:25

အဝဲဒၣ်အတၢ်ဆိကမိၣ်ခူသူၣ်တဖၣ်ကဘၣ်တၢ်ဒုးအိၣ်ဖျါထီၣ်အီၤလၢ ခိ, ဒီးအဝဲဒၣ်ကသကူးလီၤအသးဒီးဘူၣ်ထီၣ်ဘါထီၣ်ယွၤဒီးအၢၣ်လီၤ အီလီၤဝဲ, “ကစၢ်ယွၤအိၣ်မးဝဲဖဲအံၤလၢသုသိးသုကျါနီၢ်နီၢ်လီၤ.”

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

၁ တံၤမသ့း 6:15

အတၢ်ဟဲအံၤကဘၣ်တၢ်ဒုးအိၣ်ဖျါထီၣ်အီၤဘၣ်ဆၢဘၣ် ကတီၢ်လၢကစၢ်ယွၤ, လၢအဘၣ်ဆိၣ်ဂ့ၤဒီးပၢတၢ်ထဲတဂၤဧိၤ, စီၤပၤတဖၣ်အစီၤပၤဒီးကစၢ်တဖၣ်အကစၢ်န့ၣ်လီၤ.

လံာ်စီၤယိၤၡူ 22:22

တၢ်စိတၢ်ကမီၤတဂၤမ့ၢ်ကစၢ်ယွၤလီၤ. အဝဲဒၣ်မ့ၢ်ယွၤလီၤ. တၢ်စိတၢ်ကမီၤတဂၤမ့ၢ်ကစၢ်ယွၤလီၤ. အဝဲဒၣ်မ့ၢ်ယွၤလီၤ. ပမၤတၢ်အံၤလၢမနုၤအဃိလဲၣ်န့ၣ်အဝဲဒၣ်သ့ၣ်ညါ ဝဲဒီးပသးအိၣ်လၢသုကသ့ၣ်ညါစ့ၢ်ကီးလီၤ. ပမ့ၢ်ပူထီၣ်တၢ်ဒီးပမ့ၢ်တပာ်ပတၢ် နာ်လၢယွၤဘၣ်ဒီး, တဘၣ်ပျဲပအိၣ်မူယံာ်ထီၣ်လၢၤတဂ့ၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.