လံာ်ဒၤနံးယ့လး 2:46 - Sgaw Karen Common Bible

⁴⁶ တုၤနုၤတစုစီၤပၤနဘူၤကးန့စၢ်ချံးခီၣ်တီၤလီၤဒီးဟ့ၣ်တၢ်ယူး ယီၣ်ဆူစီၤဒၤနံးယ့လးအအိၣ်, ဒီးဟ့ၣ်လီၤအကလုၢ်လၢ ပှၤကမၤဘူၣ်တၢ်လုၢ်မၤဘူၣ်ဒီးတၢ်လုၢ်နၢမူတဖၣ်ဆူစီၤဒၤနံးယ့လး အအိၣ်န့ၣ်လီၤ.

လံာ်ဒၤနံးယ့လး 2:46 Iomraidhean Croise

လံာ်စီၤဧ့စြၤ 6:10

တၢ်အံၤမ့ၢ်တၢ်လၢတၢ်ကဘၣ်မၤအီၤဒ်သိးအဝဲသ့ၣ်လုၢ်ထီၣ်ပာ်ထီၣ် တၢ်လုၢ်တၢ်ပာ်တဖၣ်လၢကစၢ်ယွၤလၢမူခိၣ်တူၢ်လိာ်အီၤကသ့ဝဲဒီး ဃ့ဘါထုကဖၣ်လၢအတၢ်ဆိၣ်ဂ့ၤကအိၣ်လၢယလိၤဒီးလၢယဖိခွါတဖၣ် အလိၤကသ့ဝဲန့ၣ်လီၤ.

လံာ်ဒၤနံးယ့လး 3:5

တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးကယဲၢ်တၢ်ဒ့တၢ်အူအသီၣ် သီၣ်ထီၣ်ဝဲန့ၣ်သုကဘၣ်ချံးခီၣ်တီၤလီၤဒီးဘူၣ်ထီၣ် ဘါထီၣ်တၢ်ဂီၤထူလၢစီၤပၤနဘူၤကးန့စၢ်တ့ထီၣ်ဆီလီၤတ့ၢ်အီၤန့ၣ်လီၤ.

လံာ်ဒၤနံးယ့လး 3:7

မၤသးဒ်န့ၣ်ဒီး, တုၤအဝဲသ့ၣ်နၢ်ဟူကယဲၢ်တၢ်ဒ့တၢ်အူတဖၣ်သီၣ်ထီၣ်န့ၣ်, ကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤအ ကျိာ်အကလုာ်ကလုာ်ခဲလၢာ်ချံးခီၣ်တီၤလီၤဒီးဘူၣ်ထီၣ်ဘါ ထီၣ်တၢ်ဂီၤထူလၢစီၤပၤနဘူၤကးန့စၢ်တ့ထီၣ်ဆီလီၤတ့ၢ်အီၤန့ၣ်လီၤ.

လံာ်ဒၤနံးယ့လး 8:17

မူခိၣ်ကလူးကၤဘြံၤ အ့လးဟဲဒီးဆၢထၢၣ်တ့ၢ်ဝဲဖဲယကပၤ, ဒီးယပျံၤတၢ်ဒိၣ်ဒိၣ်ကလဲာ်တုၤယလီၤဃံၤဆူဟီၣ်ခိၣ်လိၤအီ ထီလာ်န့ၣ်လီၤ. ဒီးစံးဘၣ်ယၤ, “ပှၤဟီၣ်ခိၣ်ဖိဧၢ, နၢ်ပၢၢ်တၢ်အခီပညီတက့ၢ်. တၢ်ထံၣ်လၢညါခီအံၤမ့ၢ်တၢ်ကမၤ အသးဘၣ်ဃးဟီၣ်ခိၣ်အကတၢၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 26:31

ဒီးယကမၤဟးဂီၤကွံာ်သုဝ့ၢ်တဖၣ်, သုတၢ်ဘူၣ်တၢ်ဘါအလီၢ်တဖၣ် ဒီးယတတူၢ်လိာ်သုတၢ်လုၢ်တၢ်ပာ်တဖၣ်န့ၣ်ဘၣ်.

လံာ်လူၤကၣ် 17:16

အဝဲဒၣ်ထိၣ်လီၤပှီၤအသးလၢဟီၣ်ခိၣ်လိၤဖဲယ့ၣ်ၡူးအခီၣ်ထံး ဒီးစံးဘျုးစံးဖှိၣ်အီၤလီၤ. ပှၤတဂၤအံၤန့ၣ်မ့ၢ်ဝဲပှၤၡၤမရံဖိတဂၤလီၤ.

မၤတၢ် 10:25

ဖဲစီၤပ့းတရူးသါကလဲၤနုာ်လီၤအခါန့ၣ်, စီၤကန့လံးသဂၢၢ်အီၤ, ချံးခီၣ်တီၤလီၤလၢအခီၣ်ထံး, ဒီးထိၣ်လီၤပှီၤအသးလၢအမဲာ်ညါလီၤ.

မၤတၢ် 14:13

ကစၢ်စူအပှၤလုၢ်တၢ်အခိၣ်လၢအဘၣ်ဃးဒီးတၢ်လုၢ်ဟံၣ်လၢ အအိၣ်လၢဝ့ၢ်အချၢန့ၣ်, ဟဲစိာ်ကျီၢ်ဖါလၢအဘၣ်တၢ်ဒုးလံာ်ထီၣ်အီၤလၢဖီကွီၤ တဖၣ်ဆူတၢ်လုၢ်ဟံၣ်အတြဲၤခီၣ်ထံးလီၤ. အဂ့ၢ်မ့ၢ်လၢအဝဲဒီးပှၤဂီၢ်မုၢ်တဖၣ်အဲၣ်ဒိးလုၢ်ထီၣ်ပာ်ထီၣ် တၢ်ဆူပှၤတၢ်မၢဖိတဖၣ်အအိၣ်အဃိန့ၣ်လီၤ.

မၤတၢ် 28:6

အဝဲသ့ၣ်အိၣ်ခိးကွၢ်ဝဲလၢစီၤပီလူးကညိးထီၣ်မ့တမ့ၢ်ကလီၤ ဃံၤသံသတူၢ်ကလာ်လီၤ. ဘၣ်ဆၣ်ဒီးဖဲအခိးဝဲယံာ်ထီၣ်ဒီး တထံၣ်ဝဲတၢ်လီၤတိၢ်လီၤဆီမၤအသးဒီးအီၤနီတမံၤဘၣ်န့ၣ်, အဝဲသ့ၣ်အတၢ်ဆိကမိၣ်လဲလိာ်အသးဒီးစံးဝဲ, “အဝဲမ့ၢ်ယွၤတဂၤန့ၣ်လီၤ.”

လံာ်လီၣ်ဖျါ 11:16

တုၤနုၤတစု, ပှၤသူၣ်က့သးပှၢ်ခံဆံလွံၢ်ဂၤလၢအဆ့ၣ်နီၤလၢ အလီၢ်ပစိာ်လိၤ, လၢကစၢ်ယွၤအမဲာ်ညါန့ၣ်ထိၣ်လီၤပှီၤအသး, ဒီးဘူၣ်ထီၣ်ဘါထီၣ်ကစၢ်ယွၤဒီးစံးဝဲ,

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.

လံာ်လီၣ်ဖျါ 22:8

ယၤ, စီၤယိၤဟၣ်, ယနၢ်ဟူဒီးထံၣ်ဘၣ်တ့ၢ်ယဲတၢ်သ့ၣ်တဖၣ် အံၤခဲလၢာ်လီၤ. ဒီးဖဲယနၢ်ဟူဒီးထံၣ်ယဲဝံၤန့ၣ်, ယထိၣ်လီၤပှီၤယသးလၢကလူးလၢအဒုးနဲၣ်တ့ၢ်ယၤတၢ်သ့ၣ် တဖၣ်အံၤတဂၤအခီၣ်ထံးလၢယကဘူၣ်ထီၣ်ဘါထီၣ်အီၤ အဂီၢ်န့ၣ်လီၤ.