လံာ်ဒၤနံးယ့လး 2:44 - Sgaw Karen Common Bible

⁴⁴ လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 2:44 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:13

အဝဲကမ့ၢ်ပှၤတဂၤလၢကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်ဒီး ယကမၤလီၤတံၢ်လၢအဝဲအစၢၤအသွဲၣ်ကပၢတၢ်ဆူညါလီၤစိၤလီၤထီန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:16

နကအိၣ်ဒီးနစၢၤနသွဲၣ်တဖၣ်ထီဘိ, ဒီးယကဒုးအိၣ်ဂၢၢ်ဆိးကျၢၤ နဘီနမုၢ်လီၤထူလီၤယိာ်လီၤ. နစၢၤနသွဲၣ်အတၢ်ပၢတၢ်ပြးန့ၣ်အကတၢၢ်တအိၣ်ဘၣ်နီတစု ဘၣ်.”

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

လံာ်ယၡါယၤ 60:12

ဘၣ်ဆၣ်ဒီးပှၤကလုာ်တဖၣ်လၢအတမၤနခ့နပှၤအတၢ်မၤန့ၣ် ကဘၣ်တၢ်မၤဟးဂီၤကွံာ်အီၤ လၢာ်လၢာ်ဆ့ဆ့န့ၣ်လီၤ.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ဒၤနံးယ့လး 2:28

ဘၣ်ဆၣ်ဒီးကစၢ်ယွၤလၢအမၤဖျါထီၣ်အတၢ်ခူသူၣ်အဒိၣ်အ ယိာ်အိၣ်ဝဲဒၣ်လၢမူခိၣ်တဂၤလီၤ. အဝဲလီၣ်ဖျါထီၣ်တ့ၢ်တၢ်ကမၤအ သးလၢမုၢ်နံၤလၢခံတဖၣ်အဂ့ၢ်န့ၣ်ဆူနၤ, စီၤပၤနဘူၤကးန့စၢ်အအိၣ်န့ၣ်လီၤ. ခဲကနံၣ်အံၤယကတဲဘၣ်နၤတၢ်မံမီၢ်ဒီးတၢ်ထံၣ်လၢညါခီလၢ နထံၣ်ဘၣ်တ့ၢ်ဖဲနမံသပ့ၤဘၣ်နသးအခါန့ၣ်လီၤ.

လံာ်ဒၤနံးယ့လး 2:34

ဒီးဖဲနကွၢ်ဃီၤအီၤအဖၢမုၢ်န့ၣ်လၢၢ်ဖးဒိၣ်တဖျၢၣ်လၢပှၤတထိး ဘၣ်အီၤလၢအစုနီတဂၤဘၣ်န့ၣ်လီၤတပှၢ်အသးလၢလ့ကဘျၣ် ဖးထီအလိၤဒီးဟဲလီၤတီၢ်ဘၣ်တၢ်ဂီၤန့ၣ်လၢအခီၣ်လၣ်ဖဲကပံာ် ဒီးထးအိၣ်ဝဲဒီးမၤသဘှံးကွံာ်အီၤန့ၣ်လီၤ.

လံာ်ဒၤနံးယ့လး 2:35

တကီၢ်ခါန့ၣ်, ထး, ကပံာ်, တိၢ်ဘီ, စ့ဒီးထူခဲလၢာ်န့ၣ်လီၤကလဲ ကွံာ်ဒီးကဲထီၣ်ဒ်ဖ့လၢတၢ်ကိၢ်အကတီၢ်လၢကြဲၢ်ပူၤအသိးန့ၣ်လီၤ. ကလံၤအူဒီးစိာ်ကွံာ်အီၤသတးဒီး, အလီၢ်အိၣ်လီၤပျီတ့ၢ်ဝဲလီၤ. မ့မ့ၢ်လၢၢ်လၢအလီၤတဲာ်တီၢ်အီၤန့ၣ်ကဲထီၣ်ကစၢၢ်ဖးဒိၣ်တ ဖျၢၣ်ဒီးမၤပှဲၤဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ဒၤနံးယ့လး 2:37

နဲဒၣ်, စီၤပၤဧၢ, နမ့ၢ်စီၤပၤအဒိၣ်ကတၢၢ်လၢကယဲၢ်စီၤပၤတဖၣ်အကျါလီၤ. ကစၢ်ယွၤလၢမူခိၣ်ဒုးပၢနၤလၢဘီမုၢ်အါဘ့ၣ်ဒီးဟ့ၣ်လီၤတ့ၢ်နၤလၢ, တၢ်စိတၢ်ကမီၤ, တၢ်ဂံၢ်ဆူၣ်ဘါဆူၣ်ဒီးတၢ်လၤကပီၤန့ၣ်လီၤ.

လံာ်ဒၤနံးယ့လး 2:43

ဒ်နထံၣ်တ့ၢ်ထးဃါဃုာ်သးဒီးကပံာ်ပှဲာ်အသိး, ဘီမုၢ်အပှၤပၢတၢ်တဖၣ်ကကျဲးစၢးစၢဖှိၣ်ဒူၣ်ဖိထၢဖိတဖၣ် ခီဖျိတၢ်တ့တၢ်ဖျီန့ၣ်လီၤ. ဘၣ်ဆၣ်ဒီးဒ်ထးတကျဲၣ်ကျီ ဃုာ်ဒီးကပံာ်အသိးန့ၣ်အဝဲသ့ၣ်တစဲဘူးလိာ်အသးဘၣ်.

လံာ်ဒၤနံးယ့လး 4:3

ယွၤအတၢ်ပနီၣ်တဖၣ်ဒိၣ်နီၢ်မး, အတၢ်လီၤလးတဖၣ်လီၤဘီလီၤမုၢ်မးလီၤ. ကစၢ်ယွၤအဘီအမုၢ်န့ၣ်မ့ၢ်ဘီမုၢ်အထူအယိာ်ဒီးအတၢ်ပၢတၢ် ပြးမ့ၢ်တၢ်အစိၤစိၤအဃၣ်ဃၣ်တမံၤန့ၣ်လီၤ.

လံာ်ဒၤနံးယ့လး 4:34

“တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

လံာ်ဒၤနံးယ့လး 6:26

ယဟ့ၣ်လီၤယကလုၢ်ဆူယဘီယမုၢ်ဒီဘ့ၣ်ညါအပူၤလၢပှၤကိး ဂၤဒဲးကဘၣ်ပျံၤဒီးယူးယီၣ်ပာ်ကဲစီၤဒၤနံးယ့လး အကစၢ်ယွၤန့ၣ်လီၤ. အဝဲမ့ၢ်ကစၢ်ယွၤလၢအမူဝဲ, အိၣ်ဝဲဆိးဝဲအစိၤစိၤအဃၣ်ဃၣ်လီၤ. အဝဲအဘီအမုၢ်န့ၣ်တဟးဂီၤနီတစုဘၣ်, ဒီးအစိအကမီၤန့ၣ် အကတၢၢ်တအိၣ်ဘၣ်.

လံာ်ဒၤနံးယ့လး 6:27

အဝဲအုၣ်က့ၤခီၣ်က့ၤတၢ်ဒီးမၤပူၤဖျဲးတၢ်, အဝဲမၤတၢ်ပနီၣ်လီၤလးဒီးတၢ်လီၤလိၢ်လီၤလး တဖၣ်လၢမူခိၣ်ဒီးလၢဟီၣ်ခိၣ်လီၤ. အဝဲအုၣ်က့ၤခီၣ်က့ၤတ့ၢ်စီၤဒၤနံးယ့လးလၢခ့ယုၢ်တဖၣ်အ တၢ်မၤသံမၤဝီအီၤန့ၣ်လီၤ.”

လံာ်ဒၤနံးယ့လး 7:27

ကယဲၢ်ဘီမုၢ်လၢအဒိၣ်ဒီးအစိကမီၤသွါတဖၣ်လၢဟီၣ်ခိၣ်ချၢ န့ၣ်ကဘၣ်တၢ်ဟ့ၣ်လီၤအီၤဆူတၢ်ထီကတၢၢ်ကစၢ်ယွၤအပှၤ ဂီၢ်မုၢ်အအိၣ်န့ၣ်လီၤ. ဒီးအဝဲသ့ၣ်အစီၤလိၣ်စီၤပၤအစိကမီၤန့ၣ် အကတၢၢ်တအိၣ်ဘၣ်, ဒီးပှၤပၢတၢ်အိၣ်လၢဟီၣ်ခိၣ်ချၢတဖၣ် ကမၤတၢ်ခ့တၢ်ပှၤအတၢ်မၤလၢအဂီၢ်ဒီးကစူၢ်အကလုၢ်န့ၣ်လီၤ.”

လံာ်ဒၤနံးယ့လး 8:25

မ့ၢ်ပှၤလၢအသးက့ၣ်ကူသတးဒီးကမၤနၢၤတၢ်လၢအတၢ်ကူၣ် လီကူၣ်ဝ့ၤအပူၤန့ၣ်လီၤ. ကပာ်ထီၣ်ထီအသးလၢအကစၢ်ဒၣ်ဝဲ အဃိဒီးမၤဟးဂီၤပှၤအါဂၤလၢအသွံၣ်ခုၣ်ခုၣ်အပူၤန့ၣ်လီၤ. အဝဲကတၤဒၣ်လဲာ်စီၤပၤအဒိၣ်ကတၢၢ်လၢစီၤပၤခဲလၢာ် အဖီခိၣ်န့ၣ်ဘၣ်ဆၣ်ဒီးတၢ်စိကမီၤလၢအတသူဘၣ်ပှၤ ကညီအစုဘၣ်န့ၣ်ကမၤဟးဂီၤကွံာ်အီၤန့ၣ်လီၤ.

လံာ်မံကၤ 4:7

အဝဲသ့ၣ်လဲၤတၢ်တကျဲၢ်တကျဲၢ်ဒီးအိၣ်ယံၤဒီးဟံၣ်ဃီလီၤ. ဘၣ်ဆၣ်ဒီးယကမၤက့ၤတၢ်အခီၣ်ထံးအသီလၢပှၤအိၣ်လီၤ တဲာ်တ့ၢ်တဖၣ်ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်လီၤ. ယကပၢတၢ်လၢအဖီခိၣ်လၢကစၢၢ်စံယိၣ်အလိၤစးထီၣ်ဖဲန့ၣ်ဒီးဆူ ညါလီၤထူလီၤယိာ်လီၤ”.

လံာ်ဃးကဲ 2:22

ဒီးမၤနၢၤကွံာ်ဘီမုၢ်တဖၣ်ဒီးမၤကတၢၢ်ကွံာ်အဝဲသ့ၣ်အစိအ ကမီၤလီၤ. ယကမၤလီၤတကျၢၢ်ကွံာ်လ့ၣ်ကဟၣ်သုးဒီးအပှၤနီၣ်တၢ်တဖၣ်, ကသ့ၣ်တဖၣ်ကသံဝဲ, ဒီးအပှၤဒိးအီၤတဖၣ်ကမၤသံလိာ်အသးတဂၤဒီး တဂၤလီၤ.

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်ယိၤဟၣ် 12:34

ပှၤဂီၢ်မုၢ်စံးဆၢတၢ်ဒီးစံးဝဲ, “ပတၢ်သိၣ်တၢ်သီစံးဘၣ်ပှၤလၢ ခရံာ်ကမူဝဲလီၤစိၤလီၤထီလီၤ. မ့မ့ၢ်ဒ်န့ၣ်ဒီး, နစံးလၢပှၤကညီဖိခွါကဘၣ်တၢ်ယူာ်ထီၣ်အီၤန့ၣ်ကသ့ဒ်လဲၣ်. ပှၤကညီဖိခွါအံၤမ့ၢ်မတၤတဂၤလဲၣ်.”

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 2:27

ယကဟ့ၣ်လီၤတၢ်စိတၢ်ကမီၤတမံၤဃီလၢယဒိးန့ၢ်တ့ၢ်ယဲလၢ ယပၢ်အအိၣ်န့ၣ်လီၤ.