လံာ်ဒၤနံးယ့လး 2:41 - Sgaw Karen Common Bible

⁴¹ ဒီးဒ်နထံၣ်တ့ၢ်အခီၣ်လၣ်ဒီးအခီၣ်မုၢ်ဘိတဖၣ်မ့ၢ်ထးတနီၤကပံာ် တနီၤအသိးန့ၣ်, တၢ်န့ၣ်ကမ့ၢ်ဝဲဘီမုၢ်အိၣ်လီၤဖးအသးန့ၣ်လီၤ. ဘၣ်ဆၣ်ဒီးတၢ်ဂံၢ်ဆူၣ်ဘါဆူၣ်ဒ်ထးအသိးတနီၤကအိၣ်လၢအကျါ, ဒ်နထံၣ်တ့ၢ်ထးအိၣ်ဃါဃုာ်အသးဒီးကပံာ်အသိးန့ၣ်လီၤ.

လံာ်ဒၤနံးယ့လး 2:41 Iomraidhean Croise

လံာ်ဒၤနံးယ့လး 2:40

အန့ၣ်ဝံၤဒီးဘီမုၢ်လွံၢ်ဘ့ၣ်တဘ့ၣ်လၢအဂံၢ်ဆူၣ်ဝဲဒ်ထးအသိးကပၢၢ်ထီၣ်ဒီး မၤသဘှံးကွံာ်တၢ်ဒီးမၤလီၤကလဲကွံာ်တၢ်ခဲလၢာ်န့ၣ်လီၤ. ဒီးဒ်ထးဒိသဘှံးတၢ်ခဲလၢာ်အသိးန့ၣ်ဘီမုၢ်အံၤကဒိ သ့ၣ်ဖး, ဒိသဘှံးကွံာ်ဘီမုၢ်လၢညါတဖၣ်ခဲလၢာ်လီၤ.

လံာ်ဒၤနံးယ့လး 2:42

ဒီးဒ်အခီၣ်မုၢ်ဘိတဖၣ်တနီၤမ့ၢ်ထးဒီးတနီၤမ့ၢ်ကပံာ်အသိးန့ၣ်, ဘီမုၢ်ကဆူၣ်တနီၤဒီးကစၢ်ဝဲတနီၤန့ၣ်လီၤ.

လံာ်ဒၤနံးယ့လး 7:24

တၢ်အနၢၤဆံဆဲၣ်ဘိမ့ၢ်စီၤပၤအဂၤတဆံလၢကပၢဘီမုၢ်အ ဝဲန့ၣ်လီၤ. အန့ၣ်ဝံၤဒီးစီၤပၤအဂၤတဂၤကအိၣ်ဖျါထီၣ်ဝဲန့ၣ်လီၤ. အဝဲကလီၤဆီန့ၢ်ဒံးပှၤလၢညါတဖၣ်ဒီးကမၤနၢၤကွံာ်စီၤပၤသၢ ဂၤန့ၣ်လီၤ.

လံာ်ဒၤနံးယ့လး 7:7

ဒ်ယအိၣ်ခိးကွၢ်တၢ်အသိးန့ၣ်, ဆၣ်ဖိကီၢ်ဖိအၢအၢသီသီ လွံၢ်ဒုတဒုအိၣ်ဖျါထီၣ်ဝဲဒၣ်န့ၣ်လီၤ. အဝဲအဂံၢ်အဘါဆူၣ်ဒိၣ် မး, အၢဝဲသီဝဲဒိၣ်ဒိၣ်ကလဲာ်ဒီးလီၤပျံၤလီၤဖုးဒိၣ်မးန့ၣ်လီၤ. လၢအမဲထးဖးဒိၣ်တဖၣ်န့ၣ်အ့ၣ်လီၤကလဲကွံာ်တၢ်ဒီးယီၢ်တံၢ် ဝဲတၢ်အိၣ်လီၤတဲာ်တဖၣ်န့ၣ်လီၤ. အဝဲဒၣ်လီၤဆီန့ၢ်ဆၣ်ဖိကီၢ် ဖိအဂၤတဖၣ်ဒီးအနၢၤအိၣ်အဘိတဆံန့ၣ်လီၤ.

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 13:1

တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 17:12

နၢၤအဘိတဆံလၢနထံၣ်တ့ၢ်နဲန့ၣ်မ့ၢ်စီၤပၤအဂၤတဆံ, လၢအတစးထီၣ်ပၢတၢ်ဒံးဘၣ်. ဘၣ်ဆၣ်ဒီးကဘၣ်တၢ်ဟ့ၣ်အီၤတၢ်စိတၢ်ကမီၤလၢအကပၢ တၢ်ဒီးတၢ်ဒူတၢ်ဃိၤအဝဲန့ၣ်, ဒ်စီၤပၤတဖၣ်အသိးလၢတနၣ်ရံၣ် အတီၢ်ပူၤလီၤ.