လံာ်ဒၤနံးယ့လး 2:39 - Sgaw Karen Common Bible

³⁹ လၢတၢ်န့ၣ်အလီၢ်ခံန့ၣ်ဘီမုၢ်အသီတဘ့ၣ်လၢတဒိၣ်ဘၣ်ထဲသိး နဘီမုၢ်န့ၣ်ကပၢၢ်ထီၣ်ဝဲလီၤ. ဒီးလၢခံန့ၣ်တိၢ်ဘီအဘီမုၢ်လၢ အမ့ၢ်ဘီမုၢ်သၢဘ့ၣ်တဘ့ၣ်ကပၢၢ်ထီၣ်ဒီးပၢဟီၣ်ခိၣ်ဒီဘ့ၣ်ညါ လီၤ.

လံာ်ဒၤနံးယ့လး 2:39 Iomraidhean Croise

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ဒၤနံးယ့လး 10:20

တုၤနုၤတစု, အဝဲစံးဘၣ်ယၤ, “ဘၣ်မနုၤအဃိယဟဲဆူနအိၣ်န့ၣ် နသ့ၣ်ညါစ့ၢ်ကီးဧါ. မ့ၢ်ဒ်သိးယကလီၣ်ဖျါထီၣ်န့ၢ်နၤတၢ်ကွဲး အသးလၢလံာ်တၢ်မ့ၢ်တၢ်တီအပူၤန့ၣ်လီၤ. ခဲအံၤယကဘၣ်က့ၤကဒါက့ၤဒီးဒုးတၢ်ထီဒါကလူးလၢအပၢၤကီၢ် ပၤရၣ်, ဒီးတုၤယမၤနၢၤကွံာ်အီၤန့ၣ်, ကလူးလၢအပၢၤကီၢ်ကြံး(စ်) န့ၣ် ကဟဲဝဲလီၤ.

လံာ်ဒၤနံးယ့လး 2:32

တၢ်ဂီၤအံၤအခိၣ်န့ၣ်မ့ၢ်ထူစီ, အသးနါပှၢ်ဒီးအစုဒုၣ်စုတီၤ တဖၣ်မ့ၢ်စ့, အဟၢဖၢဒီးအကံၣ်ဒုၣ်တဖၣ်မ့ၢ်တိၢ်ဘီ,

လံာ်ဒၤနံးယ့လး 2:38

အဝဲဒုးကဲထီၣ်တ့ၢ်နၤလၢပှၤပၢတၢ်အိၣ်လၢဟီၣ်ခိၣ်ချၢခဲလၢာ်, ဒီးပှၤပၢဆၣ်ဖိကီၢ်ဖိဒီးထိၣ်ဧိၤလံာ်ဧိၤတဖၣ်လီၤ. နမ့ၢ်တၢ်ဂီၤအခိၣ်ထူန့ၣ်လီၤ.

လံာ်ဒၤနံးယ့လး 2:40

အန့ၣ်ဝံၤဒီးဘီမုၢ်လွံၢ်ဘ့ၣ်တဘ့ၣ်လၢအဂံၢ်ဆူၣ်ဝဲဒ်ထးအသိးကပၢၢ်ထီၣ်ဒီး မၤသဘှံးကွံာ်တၢ်ဒီးမၤလီၤကလဲကွံာ်တၢ်ခဲလၢာ်န့ၣ်လီၤ. ဒီးဒ်ထးဒိသဘှံးတၢ်ခဲလၢာ်အသိးန့ၣ်ဘီမုၢ်အံၤကဒိ သ့ၣ်ဖး, ဒိသဘှံးကွံာ်ဘီမုၢ်လၢညါတဖၣ်ခဲလၢာ်လီၤ.

လံာ်ဒၤနံးယ့လး 7:23

အအံၤမ့ၢ်တၢ်တဲဖျါကျိးထံတၢ်လၢဘၣ်တၢ်ဟ့ၣ်လီၤယၤန့ၣ်လီၤ. “ဆၣ်ဖိကီၢ်ဖိအၢအၢသီသီလွံၢ်ဒုတဒုန့ၣ်မ့ၢ်ဝဲဘီမုၢ်လွံၢ်ဘ့ၣ် တဘ့ၣ်လၢအကအိၣ်ထီၣ်လၢဟီၣ်ခိၣ်ချၢဒီးကလီၤဆီန့ၢ်ဘီမုၢ် အဂၤတဖၣ်ခဲလၢာ်န့ၣ်လီၤ. ကမၤလီၤကလဲကွံာ်ဟီၣ်ခိၣ်ဒီဘ့ၣ် ညါဒီးယီၢ်တံၢ်ကွံာ်အီၤန့ၣ်လီၤ.

လံာ်ဒၤနံးယ့လး 8:20

သိဖါအိၣ်ဒီးအနၢၤခံဘိလၢနထံၣ်တ့ၢ်အီၤန့ၣ်ဒိလီၤပှၤမၤဒဲဖိဒီး ပှၤပၤရၣ်ဖိအဘီအမုၢ်တဖၣ်န့ၣ်လီၤ.

လံာ်ဒၤနံးယ့လး 8:21

မဲာ်တဲးလဲးတဒုန့ၣ်ဒိလီၤပှၤကြံး(ခ်) ဖိအဘီအမုၢ်ဒီးတၢ်အနၢၤ ဖျါလီၤတိၢ်လီၤဆီတဘိလၢအမဲာ်ချံခံဖျၢၣ်အဘၢၣ်စၢၤန့ၣ် မ့ၢ်စီၤပၤအဆိကတၢၢ်တဂၤန့ၣ်လီၤ.

လံာ်စကၤရယၤ 6:3

သၢဆိတဆိဘၣ်တွံၢ်အီၤလၢကသ့ၣ်ဝါတဖၣ်, ဒီးလွံၢ်ဆိတဆိဘၣ်တၢ်တွံၢ်အီၤလၢကသ့ၣ်ဂီၤဃ့တဖၣ်လီၤ.

လံာ်စကၤရယၤ 6:6

လ့ၣ်ကဟၣ်လၢအဘၣ်တၢ်တွံၢ်အီၤလၢကသ့ၣ်သူ တဖၣ်န့ၣ်လဲၤဝဲဒၣ်ဆူကလံၤစိးတကပၤဆူကီၢ်ဘၤဘူၤလိၣ်, လၢအဘၣ်တၢ်တွံၢ်အီၤလၢကသ့ၣ်ဝါတဖၣ်န့ၣ်လဲၤ ဝဲဒၣ်ဆူမုၢ်နုာ်တကပၤ, ဒီးလၢအဘၣ်တၢ်တွံၢ်အီၤလၢကသ့ၣ်ဂီၤဃ့ တဖၣ်န့ၣ်လဲၤဝဲဒၣ်ဆူကီၢ်လၢအအိၣ်လၢကလံၤထံးတကပၤန့ၣ်လီၤ.